کاروان خۆشناو، وتەبیژی پێشووی پۆلیسی هەولێر لە ڤیدیۆیەکدا ئاماژە بە فێڵێکی نوێ دەکات کە لە چەند رۆژی رابردوودا لە هاوووڵاتییان کراوە و پارەی کارەبایان لێوەرگرتوون بەناوی بەرێوەبەرایەتی کارەباوە
لە گرتە ڤیدیۆییەکەدا کاروان خۆشناو ئاماژە بەوەدەکات کە ئەو کەسە وەسڵی کارەبای ساختە کردووە و چووەتە بەردەم ماڵەکان لە یەکێک لە گەڕەکەکانی هەولێر ١٥٠ هەزار دینار زیاتری لە ماڵێک وەرگرتووە، بەڵام دوای دوو کاتژمێر ماڵەکە دووبارە وەسڵی کارەبایان بۆ رۆیشتووە و وتویانە ئێمە تازە پارەی کارەبامان داوە و لەوەوە ئاشکرا بووە کەسەکە وەسڵەکەی ساختە کردووە.
دەشڵێت:” ئەو کەسە پارەی لە چەندین ماڵی دیکە وەرگرتووە و ئێستاش کەیسەکەی لە دادگایە”.
