ئەمڕۆ چوارشەممە، مامۆستایانی وانەبێژ لە چوارهەمین هەفتەی بایکۆت ڕایانگەیاند، بەردەوامدەبن لە داواکردنی مافی دامەزراندن و ناگەڕێنەوە هۆڵەکانی خوێندن.
نوێنەری مامۆستایانی وانەبێژ لە کۆنگرەیەکی ڕۆژنامەوانیدا ڕایگەیاند، ” ئێمە وەک مامۆستایانی وانەبێژ لە بایکۆتی پرۆسەی خوێندن بەردەوامدەبین و دەستبەرداری مافی دامەزراندن نابین، تا بەدەستهێنانی مافە ڕەواکانمان لە داواکارییەکانمان بەردەوامدەبین”.
ئاماژەی بەوەشکرد، ” هەڕەشەکردن و ترساندن لە مامۆستای وانەبێژ هەڕەشەکردنە لە ٣٦ هەزار مامۆستای وانەبێژ”.
لە کۆتایشدا دووپاتی کردەوە، “تا بەڵێنێک لە وەزارەتی پەروەردە وەرنەگرین بەردەوامدەبین لە دەربڕینی ناڕەزایەتی و بایکۆت ناشکێنین”.
