دەزگای ئاسایشی هەرێم دەستگیرکردنی باندێکی ساغکردنەوەی دراوی ساختە ڕادەگەیەنێت
بەڕێوەبەرایەتی ئاسایشی پارێزگای سلێمانی، (سێ)تۆمەتباری بەبڕی (٩,١٢٥,٠٠٠)هەزار دیناری عێراقی ساختەوە دەستگیرکرد.
هێزەکانی ئاسایشی سلێمانی، لەپێناو پارێزگاریکردن لە سەر و ماڵی هاوڵاتیان، بەبڕیاری دادوەری لێکۆڵینەوەی ئاسایش، دوای کۆکردنەوەی زانیاری و چاودێریکردن، لە ٢٠٢٣/٩/١٩ لەناو شاری سلێمانی باندێکی ساغکردنەوە و مامەڵەکاری دراوی ساختەیان دەستگیرکرد، پێکهاتبوون لە (٣)تۆمەتبار کە هەوڵیاندابوو ئەو پارە ساختەیە لە ڕێگەی مامەڵەوە لە شاری سلێمانی و دەوروبەری ساغبکەنەوە.
لە ئێستادا بەبڕیاری دادوەر بە ماددەی (٢٨١)لەیاسای سزادان، ڕاگیراون و لێکۆڵینەوە لە دۆسیەکانیان بەردەوامە.
