ئێمە لە تۆرە کۆمەڵایەتیەکان

ژینگە

هاتوچۆی سلێمانی داوای دانانی سندوق بۆ پارەكە دەكات
پارەی ژینگە و ڕێگاوبان لە شۆفێران وەردەگیرێت و دۆخی شەقامەكانیش خراپە

سلێمانی ـ نزار جەزا

ساڵانە شۆفێران پارەی ڕێگاوبان و ژینگە بە حكومەتی هەرێم دەدەن و دۆخی ڕێگاوبانەكانیش تا دێت خراپتر دەبێت.

كاروان محەمەد، وتەبێژی هاتوچۆی سلێمانی بە(خەڵك)ی ڕاگەیاند، چاككردنەوەی ڕێگاوبانەكان لەسەر بەڕێوەبەرایەتی ڕێگاوبانی سلێمانییە، كە چاكیان بكاتەوە، بەڵام ئەوەی پەیوەندی بە هاتوچۆوە هەبێت، بڕیك پارەیە، كە لەشۆفێران وەردەگیرێت لەژێر ناوی ژینگە و ڕێگاوبان.

ئاماژەی بەوەشدا، پێشتریش داوایان كردووە، كە پێویستە سندوقێك بۆ ئەو پارەیە دابنرێت، بۆئەوەی ئەو پارەیە بۆ چاككردنەوەی شەقامەكان بەكاربهێندرێت.

باسیلەوەشكرد، ئەو پارەیە دەچێتە سەر حسابی وەزارەتی دارایی و دۆخی شەقامەكانیش بەو جۆرەیە، كە دەبینرێت.

وتەبێژی هاتوچۆی سلێمانی هێمای بۆئەوەشكرد، لەژێر فەرمانی ئەنجومەنی وەزیراندا ئەو‌بڕە پارەیە لەشۆفێر وەردەگیرێت.

ژینگە

چەند فەرمانگەیەك دەدرێن بە دادگا
ناوی ئەو فەرمانگانەی بەكردنەوەی بەنزینخانەكەی سەرچنار ڕازی بوون ئاشكراكرا

خەڵك – بەشی هەواڵ
سەرۆكی لیژنەی وزە و سەرچاوە سروشتیەكانی ئەنجومەنی پارێزگای سلێمانی ناوی ئەو شوێنانە ئاشكرادەكات، كە ڕازیبوون بەوەی بەنزینخانەكەی نزیك سەرچاوەی ئاوی سەرچنار بكرێتەوە، دەشڵێت: “ئەگەر هۆكار بێت بۆ پیسبوون هەموو ئەو لایەنەكانە دەدەین بە دادگا”.

غالب محەمەد، سەرۆكی لیژنەی وزە و سەرچاوە سروشتیەكانی ئەنجومەنی پارێزگای سلێمانی بە (خەڵك)ی ڕاگەیاند، ئەوە قسەی ئێمە بووە لە یەكەم ڕۆژ لە سەر ئەو بەنزینخانە، كە ئەو كات خۆیانیان لێ بێدەنگ كردبوو، وتمان دەبێت ١٢ لایەن ڕازیبن و ئەگەر بەڕێوبەرایەتی ئاو ڕازی نەبێت بكرێتە بەنزیخانە ئەوە دەبێت لایەنی پیوەندیدار بیڕۆخێنێت.

دەشڵێت: “ئەوانەی واژۆیان كردوە لەسەری بەتایبەتی بەڕێوەبەرایەتی ئاو و ژینگە و گەشتوگوزار و قائیمقامی سلێمانی، دەبوایە ئەو لایەنانە ڕازی نەبوونایە”.

ڕاشیگەیاند، دوای ئەوە داوای دروستكردنی لیژنەیەكمان كردوە لە ئاوی ژێر زەوی ئەگەر ئەو بەنزینخانە ژینگەی سلێمانی پیس دەكات، ئەوە هەموو لایەنەكان بە تایبەتی قائیمقامی سلێمانی و بەڕێوبەرایەتی ژینگە و گەشتوگوزار و ئاوی سلێمانی دەدەین بە دادگا بزانین لە سەر چ بنەمایەك ڕازیبوون بەم كارە نایاساییە.

بەردەوام بە لە خوێندنەوە

ژینگە

بوومەلەرزەیەك لە هەرێمی كوردستانی دا

خەڵك- بەشی هەواڵ
بوومەلەرزەیەك بە گوڕی 4.6 پلە بە پێوەری ڕێختەر پارێزگای هەڵەبجەی لە هەرێمی كوردستان هەژاندووە.

ئاژانسی هەواڵی (ئیرنا)ی ئێرانی بڵاویكردەوە، كە بوومەلەرزەیەك ناوچە سنوریەكانی نێوان ئێران و عیراق (ڕۆژهەڵاتی كوردستان و هەرێمی كوردستانی) هەژاندووە.

ئاماژەی بەوەشكردووە، كە بوومەلەرزەكە بە پلەی 4.6 پلەی ڕێختەر بووە و هاوڵاتیان لە پارێزگای هەڵەبجە بەتەواوی هەستیان پێ‌ كردووە.

بەپێی زانیارییەكای دەزگاكانی بوومەلەرزە، سەنتەری بوومەلەرزەكە لە ناوچەی نێوان تازەئاباد و شاخی داڵاهۆ بووە و بە قوڵایی 10 كیلۆمەتر و بە دووری 69 كیلۆمەتر لە كەلار دوور بووە.

بەردەوام بە لە خوێندنەوە

ژینگە

دابەشكردنی ئاو لە سلێمانی ئاسایی دەبێتەوە

خەڵك- بەشی هەواڵ
بەڕێوەبەرایەتی ئاوی سلێمانی ڕایدەگەیەنێت، دوای ئەوەی بەهۆی بڕانی كارەباوە لەسەر پڕۆژەی هێڵی یەكەمی ئاوی دوكان- سلێمانی كێشە بۆ پڕۆژەكە دروست بوو، بە هەوڵی كارمەندانیان چاكسازی لە پڕۆژەكە كرا و دابەشكردنی ئاو ئاسایی دەبێتەوە.

ئامانج جەلال، وتەبێژی بەڕێوەبەرایەتی ئاوی سلێمانی بە (خەڵك)ی ڕاگەیاند، بڕانی كارەبا لە هێڵی یەكی ئاوی دوكان- سلێمانی كێشەی تەكنیكی لە پڕۆژەكەدا دروستكردووە، بەوهۆیەشەوە دابەشكردنی ئاو 48 كاتژمێر لە هێڵی یەك ڕاوەستا و تەواوی گەڕەكی ڕاپەڕین بێ‌ ئاو بوو، هەروەها بەردانەوەی ئاویش لە زۆربەی گەڕەكەكانی شاری سلێمانی دواكەوت”.

ڕاشیگەیاند، بە هەوڵ و شەونخونی كارمەندانیان لە پڕۆژەكە، توانرا كێشە تەكنیكییەكان چارەسەر بكرێن و چاكسازی لە پڕۆژەكە ئەنجام بدرێت و بەوهۆیەشەوە دابەشكردنی ئاو لە سلێمانی ئاسایی دەبێتەوە.

بەڕێوەبەرایەتی ئاوی سلێمانی لەڕێگەی پڕۆژەی ئاوی سەرچنار و هەردوو پڕۆژەی ئاوی دووكان- سلێمانی (هێڵی یەكەم و دووەم) ئاوی خواردنەوە بەسەر هاوڵاتیانی سلێمانی و دەورووبەری و تاسڵوجە و پیرەمەگروون و بازیان و باینجان و تەكیە و ئەڵایی و چەمچەماڵ دابەش دەكات.

بەردەوام بە لە خوێندنەوە
ریکلام

کوردستان

دوایین