بەڕێوەبەرایەتی نەهێشتنی ماددە هۆشبەرەکان، دەستبەسەرداگرتنی (٢٥) کیلۆگرام ماددەی هۆشبەر و دەستگیرکردنی پێنج بازرگانی ڕاگەیاند.
ئەمڕۆ یەکشەممە، بەڕێوەبەرایەتی نەهێشتنی ماددە هۆشبەرەکان ڕایگەیاند، تیمەکانیان لە سێ چالاکیدا دەستیان بەسەر (٢٥) کیلۆگرام کریستاڵ و حەبی کەپتاگۆندا گرت.
ڕوونیشیکردەوە، لەو چالاکییانەدا کە لە چەند ڕۆژی ڕابردوودا ئەنجام دران، پێنج بازرگانی ماددە هۆشبەرەکانیش دەستگیرکران.
لە ڕاگەیەندراوەکەدا ئەنجامی چالاکییەکان بەم شێوەیە خراوتەڕوو:
لەچالاکی یەکەمدا دوای هەماهەنگی لەگەڵ بەڕێوەبەرایەتی ماددە هۆشبەرەکانی حکومەتی عێراقی فیدڕاڵ توانرا بڕی (١٠) کیلۆگرام ماددەی هۆشبەر لەجۆری کریستاڵ و یەک کیلۆگرام حەبی کەپتاگۆن لەگەڵ دوو گەورە بازرگان دەستگیربکرێت.
لە چالاکی دووەمدا دوای کۆکردنەوەی زانیاری و بەدواداچوونی ورد، توانرا بڕی حەوت کیلۆگرام ماددەی هۆشبەر لەجۆری کریستاڵ لەگەڵ دوو بازرگان دەستگیربکرێت.
لە چالاکی سێیەمدا توانرا حەوت کیلۆگرام تۆچای تێکەڵ بەماددەی هۆشبەری مەریجوانا و حەشیش لەگەڵ بازرگانێک دەستگیربکەن.
بەڕێوەبەرایەتی نەهێشتنی ماددە هۆشبەرەکان ڕاشیگەیاند، تەواوی تۆمەتباران پەڕاوی لێکۆڵینەوەیان بۆکراوەتەوەو ڕووبەڕووی یاسا دەکرینەوە.
