ئێمە لە تۆرە کۆمەڵایەتیەکان

جیهان

ئەمڕۆ ناسا مسبارێك رەوانەی خۆر دەكات

خەڵك- بەشی هەواڵ
لە بنكەی كیپ كنافیراڵ لە ولایەتی فلۆریدا، ئەمڕۆ ئیدارەی فڕۆكەوانی و فەزایی ئەمریكایی (ناسا)، مسبارێك رەوانەی دەوروبەری خۆر دەكات، بە جۆرێك كە پێشتر هیچ مسبارێكی تری فەزایی هێندە لە خۆر نزیك نەبۆتەوە.

بە گوێرەی هەواڵ، ئەو مسبارە بەرگەی گەرمییەكی زۆر دەگرێت و دەچێتە رووبەرێكی زۆر نزیك لە خۆرەوە، ئەمەش بە مەبەستی ئەنجامدانی توێژینەوەیەك لەسەر بەشی دەرەوەی توێژاڵی خۆر كە رەشەباكان دروست دەكات، وابڕیاریشە ناسا سود لەو زانیاریانە وەربگرێت كە مسبارەكە كۆیان دەكاتەوە، گەر گەشتەكە بە سەركەوتوویی بەئەنجام بگات.

ئەمەش هەندێك زانیاریی گرنگە لەو بارەیەوە:

-مسبارەكە ناوی باركەر سۆلارە و قەبارەكەی هێندەی ئۆتۆمبێلێكی بچوك دەبێت.

-بەجۆرێك دیزایین كراوە كە بەرگەی 1370 پلەی گەرما دەگرێت.
-مسبارەكە لە بنكەی كیپ كنافیراڵ لە ولایەتی فلۆریداوە بەڕێدەكرێت.

-ئەو گەشتەی مسبارەكە دەستیپێدەكات، حەوت ساڵی تەواو دەخایەنێت، خۆر 93 ملیۆن كیلۆمەتر لە زەوییەوە دوورە، وابڕیارە مسبارەكە بگاتە رووبەری 6.1 ملیۆن كیلۆمەتر لە خۆرەوە.

-ئەركی سەرەكی ئەو مسبارە، بڕینی توێژاڵی ئاسمانی خۆرە.

-ئەو زانیارییانەی مسبارەكە كۆیان دەكاتەوە، بەشێوەیەكی سەرەكی پەیوەندییان بەو رەشابایانەوە هەیە كە لە خۆرەوە هەڵدەكەن و دەبنە مایەی تێكدانی رووبەری موگتانیسی زەوی.

جیهان

ئەردۆغان بووە بە سەرۆكی ئاكەپە

خەڵك- بەشی هەواڵ
بۆ جارێكی دیكەش، ڕەجەب تەیب ئەردۆغان بووەوە بە سەرۆكی (پارتی داد و گەشەپێدان)ی دەسەڵاتدار.

ماڵپەڕی (یەنی شەفەق)ی توركی بڵاویكردەوە، كە ئەمڕۆ شەممە، كۆنگرەی شەشەمی پارتی داد و گەشەپێدان (ئاكەپە) لە ئەنكەرەی پایتەختی توركیا بەسترا.

ئاماژەی بەوەشكردوە، كە لەو كۆنگرەیەدا ڕەجەب تەیب ئەردۆغان، سەرۆك كۆماری توركیا بە سەرۆكی ئاكەپە هەڵبژێردرایەوە.

لای خۆشیەوە، ئەردۆغان لە وتەیەكدا ئاماژەی بەوەكرد، وڵاتەكەیان ملكەچی ئەو گەلەكۆمەكی و پیلانگێڕییە نابێت، كە لە دژی پەیڕەو دەكرێت و وتیشی، “شكست بەو پیلانگێڕیە دەهێنین وەك چۆن لەمێژوودا بینیومانە”.

ڕاشیگەیاند، توركیا لەسەر پرنسیپەكانی خۆی بەردەوام دەبێت و لێی لانادات و نابێتە ئامرازێك بەدەست ئەوانەی، كە خۆیان بە هاوپەیمان دەزانن، بەڵام لە ڕاستیدا وانیین.

بەردەوام بە لە خوێندنەوە

جیهان

سكرتێری پێشووی نەتەوە یەكگرتووەكان كۆچی دوایی كرد

خەڵك- بەشی هەواڵ
كۆفی ئەنان سكرتێری پێشووتری نەتەوە یەكگرتووەكان لە تەمەنی 80 ساڵیدا لە سویسرا كۆچی دوایی كرد.

بەپێی هەواڵێكی ئاژانسی (رۆیتەرز)، سەرلەبەیانی ئەمڕۆ شەممە، كۆفی ئەنان سكرتێری گشتی پێشووتری نەتەوە یەكگرتووەكان، لەدوای نەخۆشییەكی كورتخایەن، لەو وڵاتی سویسرا كۆچی دوایی كرد.

كۆفی ئەنان دیپلۆماتكاریی گانایی، لە 8ی نیسانی 1938 لەدایكبووە و لە دوای بوترس بوترس غالی میسری، لە ساڵی 1997 تا ساڵی 2006، لە پۆستی سكرتێری گشتی نەتەوە یەكگرتووەكاندا بوو.

بەردەوام بە لە خوێندنەوە

جیهان

ئەمریكا خۆی بۆ لەناوبردنی تەواوەتی داعش ئامادە دەكات

خەڵك- بەشی هەواڵ
برێت ماكگۆرگ نوێنەری سەرۆكی ئەمریكا بۆ هاوپەیمانی نێودەوڵەتی رایدەگەیەنێت، ولایەتە یەكگرتووەكان خۆی بۆ قۆناغی كۆتایی ئۆپەراسیۆنە سەربازییەكانی بۆ لەناوبردنی رێكخراوی داعش ئامادە دەكات.

ماكگۆرگ بە رۆژنامەوانانی راگەیاندووە”لە سوریا دەمێنینەوە، و خۆيان بۆ لەناوبردنی تەواوەتی داعش ئامادە دەكەین”.

بە وتەی ئەو بەرپرسەی ئەمریكا، وڵاتەكەی تائێستا قۆناغی لەناوبردنی ماددی داعشی دەستپێنەكردووە، لەئێستاشدا ئامادەكاریی بۆ دەكەن، “ئەو ئۆپەراسیۆنەش زۆر گرنگە، بەو پێیەی تائێستاش ژمارەیەكی زۆری چەكدارانی داعش لە سوریادان”.

رێكخراوی داعش لە نێوان ساڵانی 2014-2015، ناوچەیەكی بەرینی لە سوریا و عیراق كۆنترۆڵ كرد، هاوپەیمانی نێودەوڵەتیش بە سەركردایەتی ولایەتە یەكگرتووەكان، لە ساڵی 2014وە دەستیكرد بە جێبەجێكردنی ئۆپەراسیۆنە سەربازییەكانی لە دژی ئەو ریكخراوە توندڕەوە لە عیراق، و پاشان لە سوریا كە هاوپەیمانییەكە بەبێ‌ رەزامەندی دەسەڵاتدارانی وڵاتە كاریی تێدا دەكات.

بەردەوام بە لە خوێندنەوە

کوردستان

دوایین