ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

تۆڕی جیهانیی ئینتەرنێت لە كۆتا توانای خۆی نزیک بۆتەوە

خەڵک-

نوێنەری كۆمپانیا گەورەكانی ئینتەرنێت و چەند زانا و پسپۆرێكی ئینتەرنێت، لە شاری لەندەن كۆبوونەوە بۆ باس كردن لە گرفتەكانی كێبڵی (فایبەر ئۆپتیك)، كە بڕبڕەی پشتی ئینتەرنێت دادەنرێت لە جیهاندا.

گرفتەكان لەوەوە سەرچاوە دەگرێت، تا دێت توانای گواستنەوەی داتاكان زیاد دەكات، بە پێی چاوەڕوانییەكانیش لە چەند ساڵی ئایندەدا توانای گواستنەوەی داتا لەسەر ئەو كێبڵانە كە لە ژێر دەریاكانەوە راكێشراون دەگات بە دوا ئاستی گریمانەیی كە (100 تێرا بایت/چركە)یە.

كۆمپانیای (ئەلكاتێڵ لوسێنت)ی فەرەنسیش دەڵێت، چیتر ئەو كێبڵانە توانای گواستنەوەی ئەو بڕە زەبەلاحەیان لە داتا نییە، لەوپەڕی (5) ساڵی داهاتوودا دەگەن بە دوا توانای فیزیایی خۆیان، ئەگەر دۆخەكە وا بمێنێتەوە ئەوا ناتوانرێت ڤیدیۆی (8K) بخرێتە سەر تۆڕی ئینتەرنێت كە پێویستی توانایەكی گەورە هەیە بۆ گواستنەوەی.

لە ئێستاشدا تەنها چارەسەری تیۆری ئەوەیە، لە پاڵ ئەو كێبڵانەدا گورزە كێبڵی دیكە رابكێشرێن، بەڵام ئەمە ناتوانێت كێشەكە چارەسەر بكات، بەڵكو لە كاریگەرییەكانی كەم دەكاتەوە.

هەرچەندێك هەندێك لە زاناكان پێشنیاری نوێیان لەو كۆبوونەوەیە خستە روو، بەڵام كۆمپانیاكان بەهۆی زۆریی تێچوونەوە نەچوونە ژێر باری ئەو پێشنیارانە، كە خۆی لە پەرەپێدانی كێبڵەكانی فایبەر ئۆپتیكدا بۆ جۆرێكی پێشكەوتووتر دەبینێتەوە، ئەو جۆرەی كە ئێستا هەندێك لە تاقیگە زانستییەكان دروستیانكردووە، توانای گواستنەوەی بە نزیكی (4) هەزار جار زیاترە لە كێبڵەكانی ئێستا، بەڵام نرخەكەی زۆر گران دەكەوێت. نرخی هەر مەترێك لە كێبڵە دەریاییەكانی ئێستا نزیكی (50) دۆلارە.

هەر لەو كۆبوونەوەیەدا ئێندرۆ ئێلیس، سەرۆكی بەشی تەكنۆلۆژیای زانیاری لە زانكۆی بێرمینگهامی بەریتانی ئەوەی راگەیاند، ئەگەر لە ماوەی پێنج ساڵی داهاتوودا تۆڕی كێبڵەكان تازەنەكرێتەوە، ئەوا بە ناچاری دەبێت هەندێك كۆت و بەند بخرێتە سەر گواستنەوەی داتاكان لە نێو ئینتەرنێتدا، ئەوەش كاریگەریی نەرێنی لەسەر نرخی فرۆشتنی خزمەتگوزارییەكانی ئینتەرنێت دەبێت و ئەو كاریگەرییەش زیاتر لە وڵاتە تازە گەشەسەندووەكاندا دەردەكەوێت، ئەگەر نرخی ئینتەرنێتیش گران بێت، ئەوا گەشەی ئینتەرنێت وەك ئەوەی چاوەڕوان دەكرا روونادات و بگرە دەچێتە خانەی گەشەی سالبەوە، بەوەش ئەو گۆڕانە شارستانییەی كە ئێستا لە رێی ئینتەرنێتەوە دەگات بە كۆمەڵگا جیاوازەكان بەرەو نەمان دەچێت.

لە ئێستاشدا بە ملیۆنان كیلۆمەتر كێبڵی فایبەر ئۆپتیك، بە نێو دەریاكاندا راكێشراون بۆ گواستنەوەی داتاكان و گەیاندنی بە دەوڵەتە جیاوازەكانی دنیا، هەرچەند داتاكانی ئینتەرنێت دەتوانرێت لە رێگەی مانگە دەستكردەكانیشەوە بگوازرێتەوە، بەڵام خێرایی و كوالێتییەكەی بە هەزاران جار كەمتر دەبێت وەك لەوەی بەو جۆرە كێبلًە بگوازرێتەوە.

ئۆتۆمبێل و تەکنەلۆژیا

BMW ئۆتۆمبێلێکی ناوازەی ڕاگەیاند

خەڵک-

پێش ئەوەی بە شێوەی ڕەسمی لە پێشانگای ئۆتۆمبێلی لۆس ئەنجیلۆس لە مانگی داھاتوو ڕایبگەیەنێت، کۆمپانیای BMW ـی ئەڵمانی وێنە و زانیارییەکانی تایبەت بە ھەرە گەورەترین ئۆتۆمبێلەکانی خۆی بڵاو کردەوە.

کۆمپانیای BMW ـی ئەڵمانی وێنە زانیارییەکانی تایبەت بە نوێترین و گەورەترین ئۆتۆمبێلی خۆی لە ژێر ناوی X7 بڵاوکردەوە کە ئۆتۆمبێلێکی SUV ـی قەبارە گەورەیە و کێبڕکێی ڕەینجرۆڤەر ڤۆگ و لێکسز 570 و مارسیدسی جی ئێڵ ئێس و کادیلاک ئیسکالاد و لینکۆڵن ناڤیگەیتەر و ئینفینیتی QX80،  دەکات.

ئۆتۆمبێلە نوێیەکەی بی ئێم بۆ یەکەمجار عەتەرێکی گەورەی بە دیزاینی کۆمپانیاکە بۆ دانراوە، کە بە شێوەی ئۆتۆماتیک دەکرێتەوە و دادەخرێت بە پێی پێویست بۆ فێنککردنەوەی بزوێنەر.

دیزاینی دەرەوەی ئۆتۆمبێلەکە درێژکراوەی برا بچوکەکەی خۆی (X5)ـە، بەڵام 20 سەنتیمەتر لەو درێژترە و بە یەکەم بینین دەناسرێتەوە، ویلەکانی 20 و 22 ئینچین و دیزاینکێکی وردی دینامیکیی گونجاوی لەگەڵ قەبارەی گەورەی ئۆتۆمبێلەکە بۆ کراوە.

دیزاینی ناوەوەشی گەورەکراوی دیزاینی X5 ـی 2019 یە، بەڵام جێی 3 ڕیز کورسیی تیا کراوەتەوە، 2بە 2 بە 2، دەتوانرێت بە شێوەی 2 بە 3 بە 2 ش داوا بکرێت.

کۆمپانیای بی ئێم ئاشکرای کردووە، لە قۆناغی یەکەمدا 2 بزوێنەر دەخەنە سەر ئەم ئۆتۆمبێلە، ئەوانیش:

  • بزوێنەرێکی 6I ـی قەبارە 3.0 لیتری لەگەڵ سیستمی دەبڵ توربۆ کە دەتوانێت ھێزی 335 HP و تۆرکی 447 NM دەربکات، ئەم بزوێنەرە بە یارمەتی سیستمی Xdrive ـی پاڵنانی تەواو، دەتوانێت ئۆتۆمبێلەکە لە 0 ــەوە بە 5.8 چرکە بگەیەنێت بە 100 کیلۆمەتر/کاتژمێر.
  • بزوێنەرێکی V8 ـی قەبارە 4.4 لیتری لەگەڵ سیستمی دەبڵ توربۆ کە دەتوانێت ھێزی 456 HP و تۆرکی 649 NM دەربکات، ئەم بزوێنەرە بە یارمەتی سیستمی Xdrive ـی پاڵنانی تەواو، دەتوانێت ئۆتۆمبێلەکە لە 0 ــەوە بە 5.2 چرکە بگەیەنێت بە 100 کیلۆمەتر/کاتژمێر.

ھەرچەند کۆمپانیاکە سەبارەت بە نرخی ئۆتۆمبێلەکەی ھیچ زانیارییەکی نەدرکاندووە، بەڵام سەرچاوە نزیکەکان لە رۆژھەڵاتی ناوەڕاست لەو کۆمپانیایە ئاماژە بەوە دەکەن، BMW X7 2019 لە ناوەڕاستی ساڵی داھاتوو دەگات بە بازاڕەکانی رۆژھەڵاتی ناوین و نرخی سەرەتاییشی 97 ھەزار دۆلار دەبێت.

بەردەوام بە لە خوێندنەوە

ئۆتۆمبێل و تەکنەلۆژیا

هاتوچۆ 6 ڕێنمایی بۆ شۆفێران لە كاتی باران بڵاودەكاتەوە

خەڵك- بەشی هەواڵ
بەڕێوەبەرایەتی هاتوچۆی پارێزگای سلێمانی ڕێنمایی بۆ شۆفێران لەكات و وەرزی باران بارین بڵاودەكاتەوە و ڕایدەگەیەنێت، پێویستە لایتەكانی ئوتومبیلەكەت دابگیرسێنیت و دەشڵێت: “ئاگاداری خلیسكان بن”.

وەك بەڕێوەبەرایەتی هاتوچۆی سلێمانی ئاماژەی پێ‌ كردووە، شۆفێری كردن لە كاتی باران باریندا وەك لە كاتەكانی تر ئەستەم ترە و پێویستی بە شارەزایی و هونەری زیاترە بۆ دەربازبوون لە ڕووداوەكانی هاتووچۆ.

دەشڵێت: ئێمە لێرەدا شەش ڕێنمایی دەخەینە بەردیدی بەڕێزتان بۆئەوەی جێبەجێی بكەن و بەو هیوایەی بە دووربن لە ڕووداوەكانی هاتووچۆ:

١. بیرت بێت زۆرجار زۆرێك لە شۆفێرەكان بە بێ ئاگای شۆفێری دەكەن، كاتێك باران دەبارێت ناتوانن واز لە بیركردنەوەكانیان بهێنن یان بیركردنەوەكانیان بۆ ڕێك ناخرێت، بۆیە كاتێك بارودۆخ گوونجاو نەبوو شۆفێرەكان پێویستە زۆر بەئاگابن بۆئەوەی ئامادەباش بن بۆ ئەو شتانەی، كە ڕوودەدەن لە چواردەوریان.

٢. لایت و فڵچە: پێویستە لایتەكانی ئوتومبیلەكەت دابگیرسێنیت لەكاتی كەمبوونەوەی ئاستی بینین بەهۆی باران بارینەوە. هەروەها پێویستە فڵچەی جامەكانت كار بكەن و ئەگەر كێشەیەك هەبوو لە لاستیكەكەی یان ئامێرەكەدا بەزووترین كات بگۆڕدرێت.

٣. ئاگاداری خلیسكاندن بە: ئەمە ڕاستییەكە، كە لەكاتی باران باریندا لێخشاندنی تایەكان لەگەڵ ئاودا زیاتر دەبێت وەك لە جادەكە، ئەمەش ئەبێتە هۆی خلیسكاندنی سوارڕەوەكە بەبێ ئەوەی بتوانی كۆنتڕۆڵی بكەیت، لە كەشی باران باریندا خلیسكان ئەگەری زۆرە ڕووبدات، بۆ ئەم حاڵەتە لە تەنها ٢٧ میللی لیتر باران و ڕۆشتن بە خێرایی ٦٠كم لە كاتژمێرێكدا ڕوو دەدات، ئەگەر ئەم حاڵەتە ڕوویدا تەنها لەسەرخۆبە و ستێرنی (سوكان) ئۆتۆمبیلەكە بە تووندی بگرە و هێواش هێواش پێ بنێ بە پایدەری ستۆپدا تا دووبارە كۆنتڕۆڵی ئوتومبیلەكەت دەكەیتەوە.

٤. دیاریكردنی خێرایی (تحدید سرعە Cruise control): لەكاتی باران بارین و بەفردا بیكوژێنەرەوە، چونكە دیاریكردنی خێرایی لەم كاتانەدا وا دەكات، كە كۆنترۆڵی ئۆتۆمبێلەكەت لە دەست بدەیت، لەوانەیە تۆ وابیربكەیتەوە، كە هاوكاریت دەكات و لەخێراییەكی دیاریكراودا دەتهێڵێتەوە، بەڵام ئەگەر ئۆتۆمبێلەكەت بخلیسكێت و دیاریكردنی خێراییت كار پێكردبێت لەم كاتەدا ئۆتۆمبێلەكەت خێراتر دەبێت و ڕەنگە زیانەكان زۆر زیاتر بكات.
٥. خێراییەكەت كەم بكەرەوە: هێماكانی دیاریكردنی خێرایی بۆ بارودۆخی جیاجیا دانراون، كاتێك ئاستی بینین باشە و شەقامەكە قەرەباڵغ نییە مانای ئەوە نییە خێرا بڕۆیت، چونكە لەكاتی باران باریندا پێویستت بە ماوەیەكی زیاتر ئەبێت بۆ وەستاندنەوەی ئۆتۆمبێلەكەت، بیرت بێت تا هێواشتر شۆفێری بكەیت سەلامەتتردەبیت و لەكاتی ڕووداوێكی نەخوازراودا زیانەكان كەمتر دەبن.

٦. پێویستە بەردەوام ئاگاداری ئۆتۆمبێلەكەت بیت، كە هیچ كێشەیەكی مەرجەكانی توندوتۆڵی تیادا نەبێت، تا ئۆتۆمبێلەكەت بێ كێشەتر بێت ژیانت پارێزراوتر دەبێت.

بەردەوام بە لە خوێندنەوە

ئۆتۆمبێل و تەکنەلۆژیا

پەروەردەی سلێمانی ئەپێکی ناوازە بۆ خوێندکارانی کوردستان ڕادەگەیەنێت

خەڵک
ئەپڵیكەیشنی ویندۆزی خوێندكار (windows student) پێكهاتووە لە هەموو وانەكانی پۆلی 12 زانستی و وێژەیی، بەشێوەی ڤیدیۆی (ئێچ دی) و پرسیارو وەڵامی ئەلكترۆنی و گەیم ڕونكراونەتەوە.

لەگەڵ شیكردنەوەی كتێب و پوختەی كتێب(مەلزەمە) و شیكاری ڕاهێنانەكان و وەڵامی پرسیاری وزاری ساڵانی پێشوو، ئەپڵیكەیشنی ویندۆزی خوێندكاركە  لەستۆدیۆكانی “ تۆڕی  میدیايی خەڵك” بەهاوبەشی پەروەردەی سلێمانی و ناوەندی توێژینەوەی مایكرۆسۆفت بەئەنجام گەیشتووە.

ماوەی 2 ساڵە كاری تێدا دەكرێت لەگەڵ تیمێكی ناوخۆ و بیانی لە مامۆستا و سەرپەرشتیاری پەروەردەيی و داتا ئینتری و مۆنتێری دەنگ و ئیدیتەر
ئەم بەرهەمە هەموو ئاستەنگەكانی ئابوری و وەستانی خوێندن و نەبوونی مامۆستا و ئاستی خوێندن و فێركردن چارەسەردەكات.

ئەپڵیكەیشنی ویندۆزی خوێندكار لە 90 وڵاتی جیهاندا بەكاردەهێنرێت، لەگەڵ بەرهەمێكی فێركاری زیرەک و ئەلكترۆنی نمرەكانتان لە 100 دا ببینەوە.
بۆ ناو تۆماركردن و بەدەستهێنانی ئەپڵیكەیشنەكە خوێندکاران دەتوانن پەیوەندی بکەن: 07725333878

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین