ئێمە لە تۆرە کۆمەڵایەتیەکان

جیهان

سەرۆک وەزیرانی کەنەدا: داوای لێبوردن لە سعودیە ناکەین

خەڵک-

لە میانی بەشداریکردنی لە چالاکییەکی کۆمەڵایەتی لە شاری مۆنتریاڵ، سەرۆک وەزیرانی کەنەدا ئاماژەی بەوە کرد، لەبارەی ئەوەی ڕوویانداوە، داوای لێبوردنیان لە سعودیە نەکردووە و لە ھەڵوێستەکانیان پاشگەز نەبوونەتەوە.

جاستن ترۆدۆ، سەرۆک وەزیرانی کەنەدا لە وتارەکەیدا ڕایگەیاند: وه‌ك ئه‌وه‌ی کریستیا فریلاند وەزیری دەرەوەی وڵاتەکەی وتوویه‌تی و ئێمه‌ش دووپاتی ده‌كه‌ینه‌وه،‌ كه‌نه‌دا هه‌موو كاتێك له‌ گۆڕە‌پانی گشتیی و تایبه‌تدا به‌ توندترین و راشكاوترین شێوه‌ داكۆكی له‌ مافه‌كانی مرۆڤ ده‌كات. ئامانجی كه‌نه‌دا ئه‌وه‌ نییه‌ په‌یوه‌ندییه‌كی دیپلۆماتیی خراپی له‌گه‌ڵ سعودیه‌ هه‌بێت، به‌ڵكو ده‌مانه‌وێت په‌یوه‌ندییه‌كی پته‌ومان له‌گه‌ڵ سعوودیه‌ هه‌بێت. سعودیه‌ یه‌كێكه‌ له‌و وڵاتانه‌ی له‌سه‌ر ئاستی جیهان گرنگییه‌كی تایبه‌تی هه‌یه‌ و له‌باره‌ی مافه‌كانی مرۆڤیشه‌وه‌ هه‌نگاوی باشی ناوه‌، به‌ڵام ئێمه‌ له‌هه‌ر كوێیه‌كی جیهان سه‌ختی هه‌بێت به‌رده‌وام ده‌بین له‌ تیشك خستنه‌سه‌ری”.

ئەوەشی ڕاگەیاند: كۆبوونه‌وه‌ دیپلۆماتییه‌كانیان له‌گه‌ڵ سعودیه‌ به‌رده‌وامن، به‌ڵام ئه‌وان پاشگه‌زنه‌بوونه‌وه‌ له‌و ره‌خنانه‌ی به‌ هۆی ده‌ستبه‌سه‌ركردنی چه‌ند چالاكوانێكی كۆمه‌ڵایه‌تی له‌ هه‌فته‌ی رابردوو له‌و وڵاته‌یان گرتبوو، رۆژی سێشه‌ممە ٢٠١٨/٨/٧ ی ڕابردووش،‌ كریستیا فریلاند وه‌زیری ده‌ره‌وه‌ی وڵاته‌كه‌ی له‌گه‌ڵ هاوتا سعودیه‌كه‌ی كۆبوونه‌وه‌یه‌كی درێژی ئه‌نجامداوه‌، له‌ پێناو بونیاتنانه‌وه‌ی په‌یوه‌ندییه‌ دیپلۆماسییه‌كانی نێوان هه‌ردوو وڵات راسته‌وخۆ په‌یوه‌ندییان به‌ حكومه‌تی سعوودیه‌ كردووه و داوای لێبوردن یاخود پاشگه‌زنه‌بوونه‌وه‌ی وڵاته‌كه‌ی‌ له‌و ره‌خنانه‌ی به‌ هۆی ده‌ستبه‌سه‌كردنی چه‌ند چالاكوانێكی كۆمه‌ڵایه‌تی له‌ هه‌فته‌ی رابردوو له‌ سعوودیه‌یان گرتبوو، به‌شێك نه‌بووه و نییە‌ له‌ گفتوگۆكان.

ھەفتەی ڕابردوو وەزارەتی دەرەوەی کەنەدا بەھۆی دەستبەسەرکردنی چەند چالاکوانێکی مافی مرۆڤ لە سعودیە، ڕەخنەی لە دەزگا ئەمنییەکانی سعودیە گرتبوو، دواتریش سعودیە باڵیۆزی کەنەدای لە وڵاتەکەی دەرکرد و داوای لە کەنەدا کرد، بە ڕەسمی داوای لێبوردنیان لێ بکات.

 

 

 

سه‌رۆكوه‌زیرانی كه‌نه‌دا، جه‌ستن ترودۆ رایگه‌یاند كه‌ له‌باره‌ی ئه‌و بابه‌ته‌ی گرژی له‌ نێوان وڵاته‌كه‌ی و سعوودیه‌ لێكه‌وتۆته‌وه‌ داوای لێبوردنیان نه‌كردووه‌ و پاشگه‌ز نه‌بوونه‌ته‌وه‌.

سه‌رۆكوه‌زیرانی كه‌نه‌دا، جه‌ستن ترودۆ له‌ میانی به‌شداریكردن له‌ چالاكییه‌كدا له‌ شاری مۆنتریاڵ بۆ میدیاكان دوا.

جەستن ترودۆ ئاماژه‌ی به‌وه‌ دا كه‌

جه‌ستن ترودۆ ئاماژه‌ی به‌وه‌ دا كه‌ سه‌رۆكوه‌زیرانی كه‌نه‌دا، جه‌ستن ترودۆ گوتیشی: “وه‌ك ئه‌وه‌ی کریستیا فریلاند گوتوویه‌تی و ئێمه‌ش دووپاتی ده‌كه‌ینه‌وه‌ كه‌نه‌دا هه‌موو كاتێك له‌ گۆڕه‌پانی گشتیی و تایبه‌تدا به‌ توندترین و راشكاوترین شێوه‌ داكۆكی له‌ مافه‌كانی مرۆڤ ده‌كات. ئامانجی كه‌نه‌دا ئه‌وه‌ نییه‌ په‌یوه‌ندییه‌كی دیپلۆماتی خراپی له‌گه‌ڵ سعوودیه‌ هه‌بێت، به‌ڵكو ده‌مانه‌وێت په‌یوه‌ندییه‌كی پته‌ومان له‌گه‌ڵ سعوودیه‌ هه‌بێت. سعوودیه‌ یه‌كێكه‌ له‌و وڵاتانه‌ی له‌سه‌ر ئاستی جیهان گرنگییه‌كی تایبه‌تی هه‌یه‌ و له‌باره‌ی مافه‌كانی مرۆڤیشه‌وه‌ هه‌نگاوی باشی ناوه‌، به‌ڵام ئێمه‌ له‌هه‌ر كوێیه‌كی جیهان سه‌ختی هه‌بێت به‌رده‌وام ده‌بین له‌ تیشك خستنه‌سه‌ری”.

 

جیهان

دەیەم کاندیدی ھەڵبژاردنەکەی ئەفغانستان کوژرا

خەڵک-

ئەمڕۆ چوارشەممە، بەھۆی تەقاندنەوەی بۆمبێکی چێنراو، یەکێکی دیکە لە کاندیدانی ھەڵبژاردنی پەرلەمانیی ئەفغانستان تیرۆر کرا.

لەوەتای ھەڵمەتی ھەڵبژاردن لە سەرەتای مانگی ڕابردوو بۆ ھەڵبژاردنی پەرلەمانی ئەفغانستان کە بڕیارە لە ٢٠١٨/١٠/٢٠ ئەنجام بدرێت، دەستیپێکردووە، تا ئێستا ١٠ کاندیدی ھەڵبژاردن کوژراون.

ئاژانسی فرانس پرێس لە زاری عومەر ژواک وتەبێژی حکومەتی خۆجێیی ھەرێمی ھێڵمەند ڕایگەیاند: ئەمڕۆ لە شاری لەشکرگاھی پایتەختی ھەرێمەکە، بۆمبێکی چێنراو بە ئۆتۆمبێلی جەبار قەھرەماندا تەقیوەتەوە، ناوبراو دەستبەجێ لەگەڵ ٣ کەسی دیکە لە شوێنی ڕووداوەکە گیانیان لەدەستداوە و ٧ کەسی دیکەش بریندار بوون.

دوای ڕووداوەکەش بە چەند کاتژمێرێک، بزوتنەوەی تالیبان بەرپرسیارێتیی خۆی لە تەقینەوەکە ڕاگەیاند و ھەرەشەی ئەنجامدانی ھێرشی فراوانتری کردووە لە رۆژی ھەڵبژاردندا.

جەبار قەهرەمان جەنەڕاڵێکی پـێشووی سوپای ئەفغانستان بوو، لە ساڵی ٢٠١٦ ــەوە سەرپەرشتی شەڕەکانی سوپای ئەفغانستانی کردووە لە ھەرێمی ھێڵمەند دژ بە چەکدارانی تالیبان.

بۆ گەشتن بە ٢٥٠ کورسیی پەرلەمان لە سێیەمین خولیدا، ٢٦٩١ کەس لە ئەفغانستان خۆیان کاندید کردووە و بۆ یەکەمین جار بەشێکی دیاری کاندیدەکان لە ژنان پێکھاتوون.

فرانس پرێس، VOA، ویکیپیدیا

بەردەوام بە لە خوێندنەوە

جیهان

کڵاو سپییەکانی سوریا ڕەوانەی وڵاتانی رۆژئاوا دەکرێن

خەڵک-

بەپێی ڕاگەیەنراوێکی وەزارەتی دەرەوەی ئەردەن، ٢٧٩ ئەندامی ڕێکخراوی “کڵاو سپییەکان” ـی سوریا لەگەڵ خێزان و منداڵەکانیان، کە لە تەمموزی ئەمساڵ لە ڕێگەی ئیسرائیلەوە گەیەنرانە ئەردەن، بەرەو سێ وڵاتی رۆژئاوایی ڕەوانە دەکرێن.

لە ڕاگەیەنراوەکەی وەزارەتی دەرەوەی ئەردەن کە ئەمڕۆ بڵاویکردۆتەوە، ھاتووە: ٢٧٩ ئەندامی ڕێکخراوی “کڵاو سپییەکان” ـی سوریا لەگەڵ خێزان و منداڵەکانیان (تێکڕا ٤٢٨ کەسن) وەک پەنابەری سیاسیی ڕەوانەی وڵاتانی ئەڵمانیا و بەریتانیا و کەنەدا دەکرێن.

ئەو کەسانە لە مانگی تەمموزی ئەمساڵ لە ڕێگەی ئیسرائیلەوە گەیەنرانە ئەردەن، پاش ئەوەی لە لایەن رژێمی سوریا و ڕوسیاوە ڕووبەڕووی ھەڕەشە بوونەوە، بەھۆی ئەوەی شایەتحاڵی ئەو کارەسات و کوشتارگە و بۆمبارانەن ئەو دوو وڵاتە دژ بە ھاوڵاتیانی مەدەنیی سوریا ئەنجامیان داون.

ڕێکخراوی کڵاو سپییەکان لە چالاکوانانی مەدەنی پێکھاتوون و کاریان فریاگوزاریی پزیشکی و سەرەتایی بوو بۆ ھاوڵاتیانی سوریا لە ناوچەکانی ژێر دەسەڵاتی ئۆپۆزسیۆن، ئەندامانی ئەو ڕێکخراوە بە ھەزاران کەسیان لە ژێر داروپەردووی بینا و خانووە ڕووخاوەکان دەرھێناوە و ژیانی ھەزارانی تریان لە مەرگ ڕزگار کردووە، لەگەڵ ئەوەش زۆرینەی ئەو کوشتارگە و بۆمبارانەی سوریا و ڕوسیا دژ بە ھاوڵاتیانی مەدەنی ئەنجامیان داون، دۆکیۆمێنت کردووە.

 

بەردەوام بە لە خوێندنەوە

جیهان

دیمستۆرا دەست لەكار دەكێشێتەوە

 

خەڵك- بەشی هەواڵ
نێردەی تایبەتی نەتەوە یەكگرتووەكان بۆ كاروباری سوریا نیازی خۆی بۆ دەستلەكاركێشانەوە لە پۆستەكەی ڕاگەیاند لە كۆتایی مانگی داهاتوو.

ستیڤان دیمستۆرا، نێردەی تایبەتی نەتەوە یەكگرتووەكان لە سوریا لە كۆبوونەوەی ئەنجومەنی ئاسایشی نێودەوڵەتی ڕایگەیاند، كە بە نیازە لە كۆتایی مانگی تشرینی دووەمی داهاتوو دەست لە پۆستەكەی بكێشێتەوە.

دیمستۆرا داواشی لەو وڵاتانە كرد، كە پشتیوانی گفتوگۆكانی ئەستانە دەكەن پێش كۆتایی مانگ لە جنێف لەگەڵی كۆببنەوە.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین