ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

ئەگەر تایەی ئۆتۆمبێلەكەت پەنچەربوو چی دەكەی؟

خەڵك- ئۆتۆمبێل
زۆر جار لەكاتی پەنجەر بوونی تایەی ئۆتۆمبێل، شۆفێری سەری لێ‌ تێكدەچێت و بەتایبەتی لەكات و وەرزی گەرما یان باران بارین و سەرما ناتوانێت تایەی یەدەگی ئۆتۆمبێلەكەی داگرێت بۆ گۆڕینی یاخود تایە یەدەگەكەش هەوای پێویستی تێدا نییە، بۆیە پێش ئەوەی بیر لە هەر شتێك بكەیتەوە، ئەم ڕێنماییانە پەیڕەو بكە:

1- وەستاندنی ئۆتۆمبیلەكەت لە زەوییەكی ڕاست و ڕێك و كوژاندنەوەی ئۆتۆمبیلەكەت.
2- دانانی سێگۆشەی فسفۆری لە سایدی دەستە ڕاست و لە پشتەوەی ئۆتۆمبیلەكەت بە مەودایەكی دوور بەتایبەت ئەگەر لە سەر ڕێگا خێراكان بووی ئۆتۆمبیلەكانی تر وریایی وەربگرن و مەترسی بۆ سەر ژیانی خۆت و ئەوانی دی دروست نەبێت.
3- ڕاگر دابنێ بۆ تایەكان لە پێش و پاشیانەوە، چونكە ڕەنگە بە بەرز كردنەوەی ئۆتۆمبیلەكە دەست بە جوڵە بكات و مەترسی دروست بكات.
4- برغوی ئەو تایەیەی، كە دەیگۆڕی شل بكەرەوە و دواتر ئۆتۆمبیلەكە بە بەرزكەرەوەی میكانیكی بەرزبكەوە لەو شوێنانەی ژێرەوەی ئۆتۆمبیلەكەت، كە گونجاون بۆ بەرزكردنەوە.
5- كردنەوەی برغووەكان و دەرهێنانی تایەكە.
6- تایەی یەدەك (سپیر)ی بخەسەر و برغووەكان بەپەستانی دەستت توند بكە و ئینجا ئۆتۆمبێلەكە نزمبكەوە و بەرزكەرەوەكە دەربهێنە.
7- برغووەكان بە شێوەی بەرامبەر توند بكەوە و ڕاگری تایەكان لابەرە.

پێویستە شۆفێر بەردەوام تێبینی ئەم شتانە بكات:
1- با هەمیشە پێداویستیەكانی تایبەت بە ئۆتۆمبیلت پێبێت و زانیاریشت هەبێت تاكو كێشە و مەترسیت بۆ دروست نەبێت.
2- تایەكەت ئەگەر گونجاو بوو بۆ چاككردنەوە و بەكارهێنان، ئەوا لای پەنچەرچی چاكی بكەوە‌ و هاوسەنگی بكەوە، چونكە بەپەنچەربوون‌ و چاككردنەوەی هاوسەنگی لەدەست دەدات.
3- ڕێگای نشێو‌و و لێژ هەرگیز هەڵمەبژێرە بۆ گۆڕینی تایە، چۆنكە مەترسی زۆر دروست دەكات.

ئۆتۆمبێل و تەکنەلۆژیا

BMW ئۆتۆمبێلێکی ناوازەی ڕاگەیاند

خەڵک-

پێش ئەوەی بە شێوەی ڕەسمی لە پێشانگای ئۆتۆمبێلی لۆس ئەنجیلۆس لە مانگی داھاتوو ڕایبگەیەنێت، کۆمپانیای BMW ـی ئەڵمانی وێنە و زانیارییەکانی تایبەت بە ھەرە گەورەترین ئۆتۆمبێلەکانی خۆی بڵاو کردەوە.

کۆمپانیای BMW ـی ئەڵمانی وێنە زانیارییەکانی تایبەت بە نوێترین و گەورەترین ئۆتۆمبێلی خۆی لە ژێر ناوی X7 بڵاوکردەوە کە ئۆتۆمبێلێکی SUV ـی قەبارە گەورەیە و کێبڕکێی ڕەینجرۆڤەر ڤۆگ و لێکسز 570 و مارسیدسی جی ئێڵ ئێس و کادیلاک ئیسکالاد و لینکۆڵن ناڤیگەیتەر و ئینفینیتی QX80،  دەکات.

ئۆتۆمبێلە نوێیەکەی بی ئێم بۆ یەکەمجار عەتەرێکی گەورەی بە دیزاینی کۆمپانیاکە بۆ دانراوە، کە بە شێوەی ئۆتۆماتیک دەکرێتەوە و دادەخرێت بە پێی پێویست بۆ فێنککردنەوەی بزوێنەر.

دیزاینی دەرەوەی ئۆتۆمبێلەکە درێژکراوەی برا بچوکەکەی خۆی (X5)ـە، بەڵام 20 سەنتیمەتر لەو درێژترە و بە یەکەم بینین دەناسرێتەوە، ویلەکانی 20 و 22 ئینچین و دیزاینکێکی وردی دینامیکیی گونجاوی لەگەڵ قەبارەی گەورەی ئۆتۆمبێلەکە بۆ کراوە.

دیزاینی ناوەوەشی گەورەکراوی دیزاینی X5 ـی 2019 یە، بەڵام جێی 3 ڕیز کورسیی تیا کراوەتەوە، 2بە 2 بە 2، دەتوانرێت بە شێوەی 2 بە 3 بە 2 ش داوا بکرێت.

کۆمپانیای بی ئێم ئاشکرای کردووە، لە قۆناغی یەکەمدا 2 بزوێنەر دەخەنە سەر ئەم ئۆتۆمبێلە، ئەوانیش:

  • بزوێنەرێکی 6I ـی قەبارە 3.0 لیتری لەگەڵ سیستمی دەبڵ توربۆ کە دەتوانێت ھێزی 335 HP و تۆرکی 447 NM دەربکات، ئەم بزوێنەرە بە یارمەتی سیستمی Xdrive ـی پاڵنانی تەواو، دەتوانێت ئۆتۆمبێلەکە لە 0 ــەوە بە 5.8 چرکە بگەیەنێت بە 100 کیلۆمەتر/کاتژمێر.
  • بزوێنەرێکی V8 ـی قەبارە 4.4 لیتری لەگەڵ سیستمی دەبڵ توربۆ کە دەتوانێت ھێزی 456 HP و تۆرکی 649 NM دەربکات، ئەم بزوێنەرە بە یارمەتی سیستمی Xdrive ـی پاڵنانی تەواو، دەتوانێت ئۆتۆمبێلەکە لە 0 ــەوە بە 5.2 چرکە بگەیەنێت بە 100 کیلۆمەتر/کاتژمێر.

ھەرچەند کۆمپانیاکە سەبارەت بە نرخی ئۆتۆمبێلەکەی ھیچ زانیارییەکی نەدرکاندووە، بەڵام سەرچاوە نزیکەکان لە رۆژھەڵاتی ناوەڕاست لەو کۆمپانیایە ئاماژە بەوە دەکەن، BMW X7 2019 لە ناوەڕاستی ساڵی داھاتوو دەگات بە بازاڕەکانی رۆژھەڵاتی ناوین و نرخی سەرەتاییشی 97 ھەزار دۆلار دەبێت.

بەردەوام بە لە خوێندنەوە

ئۆتۆمبێل و تەکنەلۆژیا

هاتوچۆ 6 ڕێنمایی بۆ شۆفێران لە كاتی باران بڵاودەكاتەوە

خەڵك- بەشی هەواڵ
بەڕێوەبەرایەتی هاتوچۆی پارێزگای سلێمانی ڕێنمایی بۆ شۆفێران لەكات و وەرزی باران بارین بڵاودەكاتەوە و ڕایدەگەیەنێت، پێویستە لایتەكانی ئوتومبیلەكەت دابگیرسێنیت و دەشڵێت: “ئاگاداری خلیسكان بن”.

وەك بەڕێوەبەرایەتی هاتوچۆی سلێمانی ئاماژەی پێ‌ كردووە، شۆفێری كردن لە كاتی باران باریندا وەك لە كاتەكانی تر ئەستەم ترە و پێویستی بە شارەزایی و هونەری زیاترە بۆ دەربازبوون لە ڕووداوەكانی هاتووچۆ.

دەشڵێت: ئێمە لێرەدا شەش ڕێنمایی دەخەینە بەردیدی بەڕێزتان بۆئەوەی جێبەجێی بكەن و بەو هیوایەی بە دووربن لە ڕووداوەكانی هاتووچۆ:

١. بیرت بێت زۆرجار زۆرێك لە شۆفێرەكان بە بێ ئاگای شۆفێری دەكەن، كاتێك باران دەبارێت ناتوانن واز لە بیركردنەوەكانیان بهێنن یان بیركردنەوەكانیان بۆ ڕێك ناخرێت، بۆیە كاتێك بارودۆخ گوونجاو نەبوو شۆفێرەكان پێویستە زۆر بەئاگابن بۆئەوەی ئامادەباش بن بۆ ئەو شتانەی، كە ڕوودەدەن لە چواردەوریان.

٢. لایت و فڵچە: پێویستە لایتەكانی ئوتومبیلەكەت دابگیرسێنیت لەكاتی كەمبوونەوەی ئاستی بینین بەهۆی باران بارینەوە. هەروەها پێویستە فڵچەی جامەكانت كار بكەن و ئەگەر كێشەیەك هەبوو لە لاستیكەكەی یان ئامێرەكەدا بەزووترین كات بگۆڕدرێت.

٣. ئاگاداری خلیسكاندن بە: ئەمە ڕاستییەكە، كە لەكاتی باران باریندا لێخشاندنی تایەكان لەگەڵ ئاودا زیاتر دەبێت وەك لە جادەكە، ئەمەش ئەبێتە هۆی خلیسكاندنی سوارڕەوەكە بەبێ ئەوەی بتوانی كۆنتڕۆڵی بكەیت، لە كەشی باران باریندا خلیسكان ئەگەری زۆرە ڕووبدات، بۆ ئەم حاڵەتە لە تەنها ٢٧ میللی لیتر باران و ڕۆشتن بە خێرایی ٦٠كم لە كاتژمێرێكدا ڕوو دەدات، ئەگەر ئەم حاڵەتە ڕوویدا تەنها لەسەرخۆبە و ستێرنی (سوكان) ئۆتۆمبیلەكە بە تووندی بگرە و هێواش هێواش پێ بنێ بە پایدەری ستۆپدا تا دووبارە كۆنتڕۆڵی ئوتومبیلەكەت دەكەیتەوە.

٤. دیاریكردنی خێرایی (تحدید سرعە Cruise control): لەكاتی باران بارین و بەفردا بیكوژێنەرەوە، چونكە دیاریكردنی خێرایی لەم كاتانەدا وا دەكات، كە كۆنترۆڵی ئۆتۆمبێلەكەت لە دەست بدەیت، لەوانەیە تۆ وابیربكەیتەوە، كە هاوكاریت دەكات و لەخێراییەكی دیاریكراودا دەتهێڵێتەوە، بەڵام ئەگەر ئۆتۆمبێلەكەت بخلیسكێت و دیاریكردنی خێراییت كار پێكردبێت لەم كاتەدا ئۆتۆمبێلەكەت خێراتر دەبێت و ڕەنگە زیانەكان زۆر زیاتر بكات.
٥. خێراییەكەت كەم بكەرەوە: هێماكانی دیاریكردنی خێرایی بۆ بارودۆخی جیاجیا دانراون، كاتێك ئاستی بینین باشە و شەقامەكە قەرەباڵغ نییە مانای ئەوە نییە خێرا بڕۆیت، چونكە لەكاتی باران باریندا پێویستت بە ماوەیەكی زیاتر ئەبێت بۆ وەستاندنەوەی ئۆتۆمبێلەكەت، بیرت بێت تا هێواشتر شۆفێری بكەیت سەلامەتتردەبیت و لەكاتی ڕووداوێكی نەخوازراودا زیانەكان كەمتر دەبن.

٦. پێویستە بەردەوام ئاگاداری ئۆتۆمبێلەكەت بیت، كە هیچ كێشەیەكی مەرجەكانی توندوتۆڵی تیادا نەبێت، تا ئۆتۆمبێلەكەت بێ كێشەتر بێت ژیانت پارێزراوتر دەبێت.

بەردەوام بە لە خوێندنەوە

ئۆتۆمبێل و تەکنەلۆژیا

پەروەردەی سلێمانی ئەپێکی ناوازە بۆ خوێندکارانی کوردستان ڕادەگەیەنێت

خەڵک
ئەپڵیكەیشنی ویندۆزی خوێندكار (windows student) پێكهاتووە لە هەموو وانەكانی پۆلی 12 زانستی و وێژەیی، بەشێوەی ڤیدیۆی (ئێچ دی) و پرسیارو وەڵامی ئەلكترۆنی و گەیم ڕونكراونەتەوە.

لەگەڵ شیكردنەوەی كتێب و پوختەی كتێب(مەلزەمە) و شیكاری ڕاهێنانەكان و وەڵامی پرسیاری وزاری ساڵانی پێشوو، ئەپڵیكەیشنی ویندۆزی خوێندكاركە  لەستۆدیۆكانی “ تۆڕی  میدیايی خەڵك” بەهاوبەشی پەروەردەی سلێمانی و ناوەندی توێژینەوەی مایكرۆسۆفت بەئەنجام گەیشتووە.

ماوەی 2 ساڵە كاری تێدا دەكرێت لەگەڵ تیمێكی ناوخۆ و بیانی لە مامۆستا و سەرپەرشتیاری پەروەردەيی و داتا ئینتری و مۆنتێری دەنگ و ئیدیتەر
ئەم بەرهەمە هەموو ئاستەنگەكانی ئابوری و وەستانی خوێندن و نەبوونی مامۆستا و ئاستی خوێندن و فێركردن چارەسەردەكات.

ئەپڵیكەیشنی ویندۆزی خوێندكار لە 90 وڵاتی جیهاندا بەكاردەهێنرێت، لەگەڵ بەرهەمێكی فێركاری زیرەک و ئەلكترۆنی نمرەكانتان لە 100 دا ببینەوە.
بۆ ناو تۆماركردن و بەدەستهێنانی ئەپڵیكەیشنەكە خوێندکاران دەتوانن پەیوەندی بکەن: 07725333878

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین