ئێمە لە تۆرە کۆمەڵایەتیەکان

کوردستان

نەخۆشخانەیەكی هەولێر لەسەر كچە خوێندكارەكە ڕوونكردنەوەیەك بڵاودەكاتەوە

خەڵك – بەشی هەواڵ
بەڕێوەبەرایەتی نەخۆشخانەی فریاكەوتنی ڕۆژهەڵاتی هەولێر ڕایدەگەیەنێت، ئەو خوێندكارەی گوایە لای ئێمە دەركراوە، میوانە لە نەخۆشخانەكەمان تەنها بۆ فێربوون لەوێ بووە، دوور و نزیك پەیوەندی بە نەخۆشخانە نیە تا دووربخرێتەوە، دەشڵێت: “ڕاستە گرفتی نەبوون یان كەمبوونی پێداویستیە تەندروستیەكان هەیە ئەویش بەهۆی كێشەی دارایی-یەوەیە ناتوانرێت تەواوی پێداویستیە پزیشكیەكان دابین بكرێت”.

بەڕێوەبەرایەتی نەخۆشخانەی فریاكەوتنی ڕۆژهەڵاتی هەولێر لە ڕوونكردنەوەیەكدا، كە وێنەیەكی دەست (خەڵك) كەوتووە ڕایگەیاندووە، دوابەدوای بڵاوبوونەوەی ڕیپۆرتاژی بەرنامەی تۆپ ستۆری لە كەناڵی ڕووداو بە پێویستمان زانی بۆ بەرچاوڕوونی ھاووڵاتیان و ڕای گشتی دوو ڕاستی بخەینەڕوو بە مەبەستی ڕاستی و دروستی بابەتەكە.

دەشڵێت: “سەبارەت بە خانمێك، كە لە بەرنامەكەدا گوایە سزا دراوە یان لە كارەكەی دوورخراوەتەوە، پێتان ڕادەگەیەنین دوورە لە ڕاستیەوە، تەنانەت ئەم خانمە خوێندكارە و میوانە لە نەخۆشخانەكەمان تەنها بۆ فێربوون لەوێ بووە، دوور و نزیك پەیوەندی بە نەخۆشخانە و كارەكەوە نیە تا دوور بخرێتەوە”.

روونكردنەوەیەك لە نەخۆشخانەی فریاكەوتنی رۆژھەڵاتی ھەولێر:
دوابەدوای بڵاوبوونەوەی ڕیپۆرتاژی بەرنامەی تۆپ ستۆری لە كەناڵی ڕووداو بە پێویستمان زانی بۆ بەرچاوڕوونی ھاووڵاتیان و ڕای گشتی ئەم دوو ڕاستیەی خوارەوە بخەینە ڕوو بە مەبەستی ڕاستی و دروستی بابەتەكە:

یەكەم:
سەبارەت بە قسەكردنی ئافرەتێك كە لە بەرنامەكە كە گوایە سزا دراوە یان لە كارەكەی دوورخرایتە وە بەھۆی قسەكردنی بۆ بەرنامەكە، پێتان ڕادەگەێنین دوورە لە ڕاستیەوە تەنانەت ئەم بەڕێزە قوتابیە و مێوانە لە نەخۆشخانەكەمان تەنھا بۆ فێربوون لەوێ بووە، دوور و نزیك پەیوەندی بە نەخۆشخانە و كارەكەوە نیە تا دوور بخرێتەوە تەنانەت ئەم تەسویرە دوای دەوام كراوە بێ ئاگاداری كارگێڕی بەڵكو تەنھا كەسێكیش لە دەستەی كارگێری نەخۆشخانە قسەی لەگەڵ نەكردووە و دەرگای نەخۆشخانە كراوەیە بۆ فێربوون و ڕاھێنانی قوتابیانی زانكۆ و پە یمانگاكان.

دووەم:
سەبارەت بە كەموكورتی دەرمان و پێداویستیە پزیشكیەكان، ڕاستە گرفتی نەبوون یان كەمبوون ھەیە بەھۆی كێشەی دارایی ناتوانرێت تەواوی پێداویستیە پزیشكیەكان دابین بكرێت بەھۆی نەناردنی ڕێژەی تەواو لەلایەن حكومەتی عێراقی فیدرال وە ماوەی زیاتر لە سێ مانگە بەھۆی گۆڕینی شێوازی دابینكردنی دەرمان و پێداویستیە پزیشكیەكان كێشەی كەمبوون ھەیە بەڵام ھاوڵاتیان دڵنیا دەكەینەوە كەوا بەردەوام پێداویستیە سەرەكیەكانی فریاكەوتن و ڕزگاركردنی ھاووڵاتیان و نەشتەرگەری و چاودێری چر ھەبووە، ھەروەك بەڕێزان لە كارمەندانی نەخۆشخانەكە ئاماژەیان پێداوە، سەبارەت بە كوالیتی پلاستەر و بابەتەكانی تر دەگەڕێتەوە سەر ئەو سەرچاوەیەی كە لە عێراقی فیدرال لە بەغداوە دابینكراوە ئێمەش بەكاری دەھئنین
لە كۆتاییدا ھیوادارین دەزگاكانی ڕاگەیاندن ھاوكاری نیشاندانی ئەو ھەموو خزمەتگوزاریانە بن كە ڕۆژانە سەدان ھاوڵاتی بۆ نەشتەرگەری و چارەسەری بەسودی لێ وەردەگرن سەڕەڕای ئەو ڕاستیەی كە ئەم نەخۆشخانەیە تاكە نەخۆشخانەی ھەرێمی كوردستانە سیستەمی پسپۆڕی پزیشكی فریاكەوتنی تێدا پەیڕەو دەكرێت لەگەڵ شانازیمان كە ھەفتەی ڕابردوو نەخۆشخانەكەمان متمانەی سەنتەری ھەرێمی كوردستانی وەرگرت لەلایەن ئەنجومەنی وڵاتانی عەرەبی بۆ پسپۆڕی پزیشكی فریاكەوتن.

لە گە ل ڕێز و سوپاسمان بۆ پزیشك وكارمەندانی خۆشەویستی فریاكەوتنی ڕۆژھەڵاتی هەولێر.

بەڕێوەبەرایەتی نەخۆشخانەی فریاكەوتنی رۆژھەڵاتی هەولێر
١٠-٨-٢٠١٨

کوردستان

“دەمانەوێت سوود لە ئەزموونی تورکیا لە بواری پەروەردە و کلتور وەربگرین”

خەڵک-

وتەبێژی حکومەتی ھەرێمی کوردستان ڕایگەیاند، تورکیا لە بواری پەروەردە و کلتوریدا وڵاتێکی زۆر پێشکەوتووە و دەمانەوێت سوود لە ئەزموونی ئەو وڵاتە وەربگرین لەو دوو بوارەدا.

لە میانی کردنەوەی قوتابخانەی مەعاریفی تورکی لە شاری ھەولێر، کە ژمارەیەک لە برپرسانی حکومەتی تورکیا و حکومەتی ھەرێم ئامادەی بوون، سەفین دزەیی وتەبێژی حکومەتی ھەرێمی کوردستان ڕایگەیاند: “بێگومان پەیوەندیی باشمان لەگەڵ تورکیادا هەیە، خوازیارین لە سەرجەم بوارەکاندا درێژە بە پەیوەندییە باشەکانمان لەگەڵ ئەو وڵاتە بدەین”.

ئەوەشی ڕاگەیاند: “تورکیا لە بوارەکانی پەروەردە و کولتوردا وڵاتێکی زۆر پێشکەوتووە. ئێمەش گرنگیی بەم بوارانە دەدەین، دەمانەوێت سوود لە ئەزموونی تورکیا لەو بوارە وەربگرین.”

سەفین دزەیی ئاماژەی بەوەش کرد: دوێنێ وەفدێکی وەقفی مەعاریفی تورکیا لەگەڵ وەزیری پەروەردەی حکوومەتی هەرێمی کوردستان کۆبوونەتەوە و تاوتوێی بابەتی پەروەردەیان کردووە. بابەتێکی دیکەی کۆبوونەوەکەش دەرھێنانی ئەو قوتابخانانە بووە لە ژێر دەستی ڕێکخراوەکانی سەر بە فەتحوڵڵا گویلەن، کە تا ئێستا لە ھەرێم ماونەتەوە.

وتەبێژی حکومەتی ھەرێم وتیشی: “ئەو کێشانە دەکرێت لە ڕێگەی دیالۆگەوە چارەسەربکرێن.”

 

بەردەوام بە لە خوێندنەوە

کوردستان

ھەولێر.. لە دوو ڕووداوی ھاتووچۆدا دوو کەس گیانیان لەدەستدا

خەڵک-

وتەبێژی پۆلیسی ھاتووچۆی ھەولێر ڕاگەیەنراوێکی بڵاوکردەوە و تیایدا ڕایگەیاندووە، ئەمڕۆ لە دوو ڕووداوی ھاتووچۆدا لە سنوری پارێزگای ھەولێر، دوو کەس گیانیان لەدەستداوە.

فازڵ حاجی، وتەبێژی پۆلیسی هاتووچۆی هەولێر رایگەیاند: ئەمڕۆ لە دوو ڕووداوی ھاتووچۆدا لە سنوری پارێزگای ھەولێر دوو کەس گیانیان لەدەستداوە.

ڕووداو یەکەم له ‌شارۆچكه‌ی كۆڕێ له ‌نزیك شیره‌سوار ڕوویداوە، کاتێک ئۆتۆمبێلێکی جۆری سۆزۆكی بەھۆی تیژڕەوییەوە کۆنترۆڵی نەماوە و خۆی کێشاوە بە چوار پیادە دا، کە لەپێش فرۆشگەیەک وەستابوون، لە ئەنجامدا یەکیان گیانی لەدەستداوە و سیانەکەی دیکەش بە سەختی بریندار بوون.

ڕووداوی دووەمیش لە کاتژمێر 3:30 له‌سه‌ر رێگەی سه‌ره‌كی هه‌ولێر-كه‌ركوك له‌ نزیك گوندی سێقووچان ڕوویداوە، کاتێک تاکسییەکی جۆری کرۆلا به‌هۆی تیژڕەوییه‌وه‌ کۆنترۆڵی لەدەستداوە، لە ئەنجامدا لە شەقام دەرچووە و وەرگەڕاوە، لەو ڕووداوەشدا شۆفێری تاکسییەکە گیانی لەدەستداوە.

بەردەوام بە لە خوێندنەوە

کوردستان

كچێكی ئێزدی تر لەژێر چنگی داعش رزگار دەكرێت

خەڵك- بەشی هەواڵ
بەڕێوەبەری نوسینگەی رزگاركردنی رفێنراوانی ژێردەستی داعش رایدەگەیەنێت، حكومەتی هەرێمی كوردستان كچێكی تری ئێزدی لە سوریا رزگاركردووە كە چوار ساڵ لەمەوبەر لەلایەن چەكدارانی داعشەوە رفێندرابوو.

حسێن كۆرۆ قاییدی، بەڕێوەبەری نوسینگەی رزگاركردنی رفێنراوانی ژێردەستی داعش لەلێدوانێكدا بۆ ئاژانسی ئەنادۆڵ رایگەیاندووە”حكومەتی هەرێمی كوردستان تائێستا زیاتر لە 3 هەزار و 332 كوردی ئێزدی لە چنگی داعش لە عیراق و سوریا رزگار كردووە، ئەمڕۆش كچێكی تری ئێزدی تەمەن 19 ساڵان، بەناوی نور عەڤدۆ لە سوریا رزگاركرا، كە دانیشتوی گوندی دوو گرێی سنوری قەزای شنگالە”.

بە وتەی قاییدی “لەكۆی 6 هەزار و 417 رفێنراوی ئێزدی، تائێستا 3 هەزار و 332 كچ و ژنی ئێزدی لە عیراق و سوریا رزگاركراون، كە لە مانگی ئابی ساڵی 2014دا لەلایەن داعشەوە بێ سەروشوێن كرابوون”، ئاماژەی بەو كار و پلانانەش كرد كە هەیانە بۆ هێنانەوەی زیاتر لە 3 هەزار كەسی تر لە عیراق و سوریا.

بەڕێوەبەری نوسینگەی رزگاركردنی رفێنراوانی ژێردەستی داعش دەڵێت” ڕێكخراوی داعش لە ماوەی رابردودا بە بەرنامەیەكی رێكخراو، ئایین و زمان و كلتوری بە رفێنراوە ئێزدییەكان گۆڕیوە، بەشێوەیەك منداڵانی لەسەر بیروباوەڕی توندڕەوی راهێناوە، حكومەتی هەرێمی كوردستانیش بەردەوام لە هەوڵدایە بۆ ئەوەی دۆخی دەروونی و جەستەیی ئەو رزگاربووانە بگەڕێنێتەوە باری ئاسایی جارانیان”.

لە مانگی حوزەیرانی ساڵی 2014، دوای ئەوەی چەكدارانی رێكخراوی داعش شاری موسڵ سەنتەری پارێزگای نەینوایان كۆنترۆڵ كرد، دەستیان گرت بەسەر زۆرێك لە ناوچەكانی دەوروبەری شارەكە، بە تایبەت ئەو ناوچانەی كە جێنیشتەجێی ئێزدی و مەسیحییەكان بوون، لەو شاڵاوە دڕندانەیەشدا هەزاران كچ و ژنی ئێزدییان وەك سەبایە بەدیل گرت و لە بازاڕەكانی موسڵ و رەقەدا وەك كۆیلە كڕین و فرۆشتنیان پێوەدەكرد.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین