ئێمە لە تۆرە کۆمەڵایەتیەکان

ئابوری

بڕی پارەی خانەنشینی هەر پەرلەمانتارێك ئاشكرا كرا

بەشی هەواڵ
ئەندامێكی خولی پێشووی پەرلەمانی عیراق ئاشكرای دەكات، كە زۆرینەی پەرلەمانتاران مووچەی خانەنشینی كەڵەكەبووی خۆیان وەرگرتووە و دەشڵێت: “لە 2003 تاكو 2015 پارەی خانەنشینی پەرلەمانتاران گەیشتۆتە ملیۆنێك دۆلار”.

ڕەحیم دەراحی، ئەندامی پێشووی لیژنەی دارایی پەرلەمانی عیراق بۆ (بغداد الیوم)ی عیراقی ڕایگەیاندووە، “زۆرینەی پەرلەمانتاران مووچەی خانەنشینی كەڵەكەبووی خۆیان وەرگرتووە، گە گەیشتۆتە ملیۆنێك دۆلار، چونكە پەرلەمانتاری وا هەبووە بەتەنها مووچەكەی مانگانەی 60 ملیۆن دینار بووە، ئەمە جگە لەو ئۆتۆمبێلانەی نەیانگەڕاندۆتەوە بۆ دەوڵەت”.

ڕاشیگەیاندووە، مووچەی خانەنشینی كاریگەری لە بودجە ناكات، چونكە لێبڕینی خانەنشینی بەپێی سالانی خزمەت لەكاتی وەزیفە وەردەگیرێت و دەچێتە سندوقی دەستەی خانەنشینی.

ئەو پەرلەمانتارەی خولی پێشوو جەختیشی كردۆتەوە، كە هەر پەرلەمانتارێك دوای خانەنشین بوونی لەدوای تەواو كردنی 4 ساڵی پەرلەمان مووچەی خانەنشینی دەگاتە 10 ملیۆن دینار (8 هەزار دۆلار)ی مانگانە، كە بە ڕێژەی 80%ی كۆی مووچە و دەرماڵەكانیان خانەنشین دەبن لەگەڵ وەرگرتنی مووچەی 10 پاسەوان.

لە مانگی ڕابردوودا لەسەر سكاڵای حەیدەر عەبادی، سەرۆك وەزیرانی عیراق، دادگای فیدڕاڵی خەرج كردنی مووچەی خانەنشینی ڕاگرت و ئەو ئیمتیازانەشی وەستاند، كە دراوە بە پەرلەمانتاران.

ئابوری

بانکی ناوەندیی عیراق ڕێگا نادات نرخی دینار بەرامبەر دۆلار بێتە خوارەوە

خەڵک-

پاش مەترسییەکانی راکێشانی دۆلار لە بازاڕەکانی عیراق لە لایەن ئێرانەوە و بەرزبوونەوەی نرخی دۆلار بەرامبەر دیناری عیراقی، بانکی ناوەندیی عیراق ڕایگەیاند، ڕێگا نادەن نرخی دۆلار لە ١.٢١٠ دیناری عیراقی سەربکەوێت.

قاسم رەھیف، ئەندامی ئەنجومەنی بەڕێوەبردنی بانکی ناوەندیی عیراق و بەرپرسی لقی بەسرەی ئەو بانکە، ڕایگەیاند: بانکی ناوەندیی عیراق چەند رێوشوێنێکی گرتۆتە بەر تا ڕێگری بکات لەوەی نرخی دیناری عیراقی بە جێگیری بھێڵێتەوە.

ئەوەشی ڕاگەیاند: بەو میکانیزمەی گیراوەتە بەر، نرخی دینار بەرامبەر دۆلار لە دۆخی ئێستای دەمێنێتەوە و لە ١٢١ ھەزار دینار بۆ ١٠٠ دۆلار تێپەڕ ناکات.

ھەفتەی پێشوو چەند ئازانسێکی ھەواڵی ئاماژەیان بەوە کرد، ئێران کار لەسەر ڕاکێشانی دۆلار دەکات لە بازاڕەکانی عیراق و ئەو کارەشی بە گروپ و حزبە لایەنگرەکانی خۆی لەناو عیراق سپاردووە.

بەرپرسی چەند بانکێکیش بە بێ ئەوەی ناوی خۆیان ئاشکرا بکەن ڕایانگەیاندبوو، ناتوانن ڕێگری بکەن لە کڕینی دۆلار لە لایەن حزب و گروپە لایەنگرەکانی ئێرانەوە، لە کاتێکدا دەزانن ئەو پارەیە بە قاچاخ دەبرێتە ئێران.

 

بەردەوام بە لە خوێندنەوە

ئابوری

وەزارەتی دارایی كۆتایی هاتنی دابەشكردنی مووچەی ڕاگەیاند

خەڵك- بەشی هەواڵ
سبەینێ‌ یەك شەممە بە دابەشكردنی مووچەی خانەنشینان كۆتایی بە دابەشكردنی مووچەی مانگی ئایاری فەرمانبەران دێت.

فەرمانبەرێكی ژمێریار لە یەكێك لە بنكەكانی دابەشكردنی مووچەی خانەنشینی بۆ (خەڵك) ئاشكرای كرد، كە سەرەڕای ئەوەی پشووی فەرمیە بەبۆنەی جەژنی قوربانەوە، بەڵام دابەشكردنی مووچە بەردەوامە.

ئاشكراشی كرد، كە ئەمڕۆ دەست كراوە بە دابەشكردنی مووچەی خانەنشینی سەربازی و سبەینێ‌-ش یەك شەممە بە دابەشكردنی مووچەی خانەنشینی مەدەنی كۆتایی بە دابەشكردنی مووچە دێت.

لە 5ی ئاب-ەوە دابەشكردنی مووچەی فەرمانبەران و هێزە ئەمنییەكان بۆ مانگی ئایار دەستی پێكردووە و دوای گەیشتنی پارەكەی بەغدا سەرجەم مووچەخۆران لەپێش جەژنی قوربان مووچەیان پێ‌ درا.

پێشتریش لە ڕاگەیەنراوێكدا، وەزارەتی دارایی و ئابووری حكومەتی هەرێم ئاماژەی بەوەكردبوو، “سەرەڕای ئەوەی رۆژانی شەممە و یەك شەممەی هەفتەی داهاتوو 18_19/8/2018 كراوەتە پشووی فەرمی، بەڵام بانكەكانی وەزارەتی دارایی و ئابووری دەوامی ئاسایی خۆیان دەكەن بۆ ئەوەی خانەنشینانیش پێش جەژنی پیرۆزی قوربان مووچە وەربگرن و بەمەش كۆتای دەهێنرێت بە دابەشكردنی مووچە”.

بەردەوام بە لە خوێندنەوە

ئابوری

كێشەی دەرماڵەی هەموو فەرمانبەران چارەسەر كرا

خەڵك-یەحیا حبیب

ئەندامێكی ئەنجومەنی پارێزگای سلێمانی ئاشكرای دەكات، “كێشەی بڕینی دەرماڵەی فەرمانبەرانی هەموو وەزارەتەكان چارەسەر بووە و تەنها ئەو فەرمانبەرانە ناگرێتەوە، كە لەلایەن حكومەتەوە ئۆتۆمبێلی هاتوچۆیان بۆ گیراوە “.

ڕەمەزان نامیق، ئەندامی ئەنجومەنی پارێزگای سلێمانی بە (خەڵك)ی ڕاگەیاند، “دوای ئەوەی بڕینی دەرماڵەی جوگرافی فەرمانبەران لە چەند ناوچەیەكی سنوری پارێزگای سلێمانی ناڕەزایی لێكەوتەوە بە تایبەت مامۆستایانی ئاینی، هەر بۆیە لە ماوەی ڕابردودا وەك ئەركی سەرشانم سەردانی چەند لایەنێكی پەیوەندیدارم كرد بۆ ئەم بابەتە و بە تایبەتی بەڕێوەبەرایەتی گەنجینەی سلێمانی بۆ بەدواداچون و هۆكاری بڕینی دەرماڵەكانیان”.

وتیشی، “لە دواین هەوڵدا ئەمڕۆ لە پەیوەندییەكی تەلەفۆنیدا بەڕێوەبەری نوسینگەی وەزیری دارایی پێی ڕاگەیاندم، كە كێشەی بڕینی دەرماڵەی فەرمانبەرانی هەموو وەزارەتەكان چارەسەر بووە و تەنها ئەو فەرمانبەرانە ناگرێتەوە، كە لەلایەن حكومەتەوە ئۆتۆمبێلی هاتوچۆیان بۆ گیراوە و بەپێچەوانەشەوە هەر فەرمانبەرێك بەئۆتۆمبێلی حكومی هاتوچۆ نەكات دەرماڵەی جوگرافی بۆ خەرج دەكرێت”.

ئاماژەی بەوەشكرد، “هەرچەند بەهۆی پشوی جەژنەوە نەتوانراوە ڕێكاری ئیداری ڕێنماییەكە تەواو بكرێت، بەڵام وەزیری دارایی ڕەزامەندی لەسەر ئەم بابەتە دەربڕیوە و بڕیارە لە 1/6/2018ەوە دەرماڵەكە خەرج بكرێت”.

بەردەوام بە لە خوێندنەوە

کوردستان

دوایین