ئێمە لە تۆرە کۆمەڵایەتیەکان

ژینگە

دیاردەی گەردوونی خۆرگیران ڕوودەدات

خەڵ- بەشی هەواڵ

سەنتەری فەلەكی نێودەوڵەتی لە ئەبو زەبی پایتەختی ئیمارات ڕایدەگەیەنێت، كە سبەینێ‌ شەممە 11ی ئاب خۆرگیران ڕوودەدات و دەشڵێت: “دیاردەكە لە وڵاتانی ناوچەكە بەدی ناكرێت”.

محەمەد عۆدە، بەڕێوەبەری سەنتەری فەلەكی نێودەوڵەتی لە ڕوونكردنەوەیەكدا ئاماژەی بەوەكردووە، “جیهان نیمچە خۆرگیرانێك بەخۆوە دەبینێت لە ڕۆژی شەممە 11ی ئاب، ڕێژەی خۆرگیرانەكەش 74% دەبێت”.

ئاشكراشی كردووە، “خۆرگیرانەكە لە ناوچەكانی خۆرهەڵاتی ئاسیا و چەند ناوچەیەكی تری جیهان دەبینرێت، هەروەها لە باكووری ئاسیا و باكووری ئەوروپا و باكووری خۆرهەڵاتی ئەمریكای باكوور لە كاتژمێر 8:59 ی بەیانی بە كاتی گرێنیچ دەبینرێت، دیاردەكەش لە 11:33 ی بەیانی تەواو دەبێت”.

ڕاشیگەیاندووە، خۆرگیرانەكە لە هیچ ناوچەیەكی جیهانی عەرەبی نابینرێت، ئەوەش بەپێچەوانەی ئەو مانگیرانەی لەم ماوەیەی دواییدا ڕوویدا و لە زۆربەی وڵاتانی ناوچەكە بەدیكرا.

شەوی 27ی مانگی ڕابردوو دیاردەی مانگ گیرانی تەواوەتی ڕوویدا و بە درێژترین ماوەی مانگ گیران هەژمار كرا، هاوكات لە شەوی 31ی مانگی تەمموز دیاردەیەكی دیكەی گەردوونی ڕوویدا، كە هەسارەی مەریخ گەیشتە نزیكترین خاڵ لە زەویەوە.

ژینگە

كەش و هەوای ئەمڕۆ و سبەی شارەكانی هەرێمی كوردستان

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم كەش و هەوای ئەمڕۆ و سبەینێی بڵاوكردەوە.

بەپێی پێشبینییەكانی كەشناسی هەرێم، ئەمڕۆ سێ شەممە بەرزترین پلەی گەرما لە هەولێر 32 پلە و لە سلێمانی 30 پلە و لە دهۆك 32 پلەو لە كەركوكیش 34 پلە دەبێت‌و ئاسمانی شارەكانیش هەور و هەتاو دەبێت.

هەر بەپێی پێشبینییەكانی كەشناسی، سبەینێ چوار شەممە بەرزترین پلەی گەرما لە هەولێر 31 پلە و لە سلێمانی 29 پلەو لە دهۆك 31 پلەو لە كەركوكیش 33 پلە دەبێت و ئاسمانی شارەكانی هەرێمیش هەور و هەتاو دەبێت.

بەردەوام بە لە خوێندنەوە

ژینگە

هەواڵێكی (خەڵك) دەنگدانەوەی بەدوای خۆیدا هێنا
شارەوانی سلێمانی لەسەر پیسكردنی مێز و كورسیەكانی شاخی گۆیژە و ئەزمەڕ هاتەدەنگ

خەڵك – بەشی هەواڵ
لێپرسراوی بەشی خزمەتگوزاری لە شارەوانی سلێمانی ڕایدەگەیەنێت، گەشتوگوزاری سلێمانی ژمارەی كورسی و مێزەكانی شاخی ئەزمەر دەگاتە زیاتر لە 150 دانە و داواش لە هاوڵاتیان دەكات پاكوخاوێنی ئەو شوێنە گەشتیارییە بپارێزن، دەشڵێت: “ڕۆژانە 25 كارمەند و دوو ئامێری پاكردنەوە سەرقاڵی پاك ڕاگرتنی شاخی ئەزمەڕن”.

ڕزگار ئەحمەد، لێپرسراوی بەشی خزمەتگوزاری لە شارەوانی سلێمانی بە (خەڵك)ی ڕاگەیاند، لە شاخی ئەزمەڕ و گۆیژە لە ڕێگەی تیمێكی 25 كارمەندی و دوو ئامێری كەپسی خۆڵ كۆكردنەوە ڕۆژانە سەرقاڵی پاكوخاوێن ڕاگرتنی ناوچەكەین.

وتیشی، “بەداخەوە لەدوای دانانی ئەو مێز و كورسیانە لەلایەن گەشتوگوزاری سلێمانی-یەوە، هاوڵاتیان و گەشتیاران پاكوخاوێنی ناوچەكە ڕاناگرن، بۆیە بەهیواین لەمەودوا هاوڵاتیان دوای گەشت و سەیرانەكانیان خۆڵ و خاشاكەكانیان بخەنە سەتڵی خۆڵەكانەوە”.

ڕاشیگەیاند، ئەوەی گەشتوگوزاری سلێمانی لە دانانی ئەو مێز و كورسیانەی بۆ شاخی گۆیژە و ئەزمەڕ كردویەتی خزمەتێكی باشە بە گەشتیاران و هاوڵاتیانی سلێمانی، بڕیارە ژمارەی مێز و كورسیەكانیش زیاتر بكات بۆ نزیكەی 150 دانە.

ئەمە لەكاتێكدایە، لەماوەی ڕابردوودا (تۆڕی میدیایی خەڵك) وەك ئەركی پیشەیی و ڕۆژنامەوانی وێنەی ئەو میز و كورسیانەی شاخی گۆیژەی بڵاوكردەوە، كە لەدوای گەشت و سەیرانەكان، بەشێك لە هاوڵاتیان پاشماوەكانیان بەجێهێشتووە ئەوەش لە تۆڕە كۆمەڵایەتییەكان كاردانەوەی لێ كەوتەوە.

بەردەوام بە لە خوێندنەوە

ژینگە

كەشناسی هەرێم ڕاگەیەنراوێكی لەسەر بوومەلەرزەكە بڵاوكردەوە

خەڵك – بەشی هەواڵ
بەڕێوەبەرایەتی گشتی كەشناسی و بوومەلەرزەزانی هەرێمی كوردستان ڕایدەگەیەنێت، ئێوارەی ئەمڕۆ لە كاتژمێر 6.08 خولەك بوومەلەرزەیەك تۆماركرا بەقوڵایی 10 كم لە دووری 25 كم لە قەزای ڕەواندوز، دەشڵێت: “گوڕەكەی 3.9 پلە بووە بە پێوەری ڕێختەر”.

بەڕێوەبەرایەتی گشتی كەشناسی و بوومەلەرزەزانی هەرێمی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕاگەیاندووە، ئێوارەی ئەمڕۆ لەكاتژمێر 6.08 خولەك بوومەلەرزەیەك تۆماركرا بەقوڵایی 10 كم لە دووری 25 كم لە قەزای ڕەواندوز و گوڕەكەی 3.9 پلە بووە بە پێوەری ڕێختەر.

ئاماژەی بۆ ئەوەشكردووە، هیچ زیانێكی نەبووە و لە لایەن هاوڵاتیانەوە هەستی پێكراوە.

ئەمە لەكاتێكدایە، ئەمڕۆ 14/10/2018 كاتژمێر 12:4خوولەك بوومەلەرزەیەك بەگوڕی 3.2 پلەی ڕێختەر بە قوڵایی 10كم لە قەزای سۆران ڕوویدا و هاوڵاتیان هەستیان پێ كردوە بێ ئەوەی زیانی هەبێت.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین