ئێمە لە تۆرە کۆمەڵایەتیەکان

کوردستان

جۆری قەڵەویەكەت و هۆكار و چارەسەری بزانە

خەڵك- تەندروستی
بەپێی توێژینەوە زانستیەكان شەش جۆری قەڵەوی دەستنیشان كراوە، كە هۆكاری جیاوازیان هەیە و ڕێگای جیاوازیشیان هەیە بۆ چارەسەركردن.

بەپێی وێنەكە بزانە دەكەویتە كام گروپەوە، بۆ ئەوەی ئاگاداربیت جۆر و هۆكار و چارەسەری قەڵەویەكەت چیە؟ و بتوانیت ڕزگارت بێت لەو گرفتەی، كە هەتە:

۱- قەڵەوی بە هۆی خۆراكەوە: ئەم جۆرە لە قەڵەوی باوترینیانە لە جیهاندا و بەهۆی خواردنی بڕی زۆری خۆراكی چەور و شیرینەوەیە، بۆ ڕزگاربوون لەم قەڵەوییە ڕۆژانە بەلای كەمییەوە ۳۰ خولەك ڕاهێنان بكە.

۲- قەڵەوی بەهۆی فشاری دەرونی و سترێسەوە: ئەم قەڵەوییە بەهۆی ڕاڕایی و سترێس و خەمۆكیەوەیە، ئەوانەی بەدەست ئەم جۆرە خەمۆكیەوە دەناڵێنین خواردنی شیرینی یاریدەی چارەسەربوونیان ئەدات، گرنگترین شت ئەوەیە لەڕووی دەروونیەوە خۆت كۆنتڕۆڵ بكەیت و چالاكی جۆراوجۆر ئەنجام بدەیت لەپێناو ڕزگاربوون لەو سترێسە.

۳- قەڵەوی بەهۆی گلۆتین-ەوە: ئەمە بەشێوەی سەرەكی لەنێو ئافرەتان دا بەدی دەكرێت لەكاتی تەمەنی هەرزەكاری یان تەمەنی (بێ ئومێدی)، هەروەها ناهاوسەنگی لە هۆرمۆنەكانیش هۆكارێكی ترە. گرنگە ئەو كەسە دووربكەوێتەوە لە زۆر دانیشتن و كێشانی جگەرە و خواردنەوە كهولیەكان، هەروەها ڕاهێنان بە قورساییەكان بكات.

٤- قەڵەوی بەهۆی تەمەڵی و سستی لە هەرسكردندا: ئەوانەی ئەم جۆرە قەڵەوییەیان هەیە هەست ئەكەن سكیان وەك باڵۆن بای كردووە، كە بەهۆی كەڵەكەبوونی هەموو چەوریەكانەوەیە، بەزۆری ئەو كەسانە كەوتوونەتە ژێر كاریگەری ئەم شێوازەوە كەسانێكن خواردنەوە كهولیەكان زۆر ئەخۆنەوە یاخود كێشەی هەناسەدانیان هەیە. بەلای كەمیەوە دەتوانیت دووركەویتەوە لە ئەو شتە خراپانەی خووت پێوەگرتووە و زیاتر بایەخ بە ڕژێمێكی خۆراكی بدەیت، كە دەوڵەمەند بێت بە سەوزە و میوە.

٥- قەڵەوی بەهۆی سوڕی خوێنەوە: ئەمە بە زۆری بۆماوەییە و دەشكرێت لەماوەی سكپڕی ئافرەتان دا ڕووبدات، یاخود لەو كەسانە دا، كە قاچیان دەئاوسێت. چارەسەری ئەمە چالاكی و جموجوڵی زیاترە، بۆ نمونە ڕاهێنانی وەك ڕاكردن و سەركەوتن به پلیكانە دا.

٦- قەڵەوی بەهۆی نا چالاكی و كەمی جموجوڵەوە: ئەم جۆرە لە قەڵەویە كاریگەری لەسەر زۆرینەی خەڵكی ئەم سەردەمە داناوە، كە بەتەواوی یاخود بەلای كەمییەوە ۸ كاتژمێر بە دانیشتن بەسەر ئەبەن. ڕاهێنانی ڕێكخراوی گونجاو گەلێك گرنگە بۆ چالاك كردنی جەستە بەلای كەمیە و ۳ جار لە هەفتەیەكدا.

کوردستان

بەهۆی تەزووی كارەباوە مامۆستایەك گیانی لەدەستدا

خەڵك – بەشی هەواڵ
بەڕێوەبەرایەتی پۆلیسی گەرمیان ڕایدەگەیەنێت، لەكاتی تێكردنی كۆنكریتی سەقفی خانویەكدا مامۆستایەك كارەبا دەیگرێت پاش گەیاندنی بە نەخۆشخانە گیانی لەدەستدا، دەشڵێت:”شۆفێری ئۆتۆمبێلی پەمپەكە و خاوەنی سایلۆی چیمەنتۆكە بەندكراون”.

عەلی جەمال قەدووری، بەڕێوەبەری ڕاگەیاندنی پۆلیسی گەرمیان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بەیانی ئەمڕۆ هەینی لەكاتی كاركردندا مامۆستایەك بەناوی ئەیاد نوزاد عبدولقادر لە دایكبووی 1983 كارەبا دەیگرێت پاش گەیاندنی بەفریاكەوتنی شەهیدهەژار گیانی لەدەستدا.

دەشڵێت:”بەوتەی كەسوكاری ئەو مامۆستایە سەرپەرشتی خانووی هاوڵاتیەكی كردوە لەكاتێكدا سەرقاڵی كۆنكرێت كردنی خانووەكە بوون لەكاتی خاڵی كردنی چیمەنتۆ بە پەمپی هەوایی بۆ سەرخانوو بۆڕی پەمپەكە بەر كارەبا كەوتوە بەوهۆیەوە ناوبراو تەزوی كارەبا لێیداوە گیانی لەدەستداوە”.

ڕاشیگەیاندووە، لەئێستادا پەڕاوی لێكۆڵینەوەی بۆكراوەتەوە و تەرمی ناوبراو بە مەبەستی توێكاری ڕەوانەی بزیشكی دادوەری كەلاركراوە و شۆفێری ئۆتۆمبێلی پەمپەكە و خاوەنی سایلۆی چیمەنتۆكە بەبڕیاری دادوەروبەپێی مادەی 411 بەندكراون.

بەردەوام بە لە خوێندنەوە

کوردستان

بە وێنە.. رێگایەكی سەرەكی گەرمیان بەشێوەیەكی كاتی داخرا

خەڵك- بەشی هەواڵ

بەرێوەبەرایەتی گشتی هاتوچۆی گەرمیان راگەیاند، رێگای سەرەكی نێوان كەلار- رزگاری بەشێوەیەكی كاتی داخراوە، بەهۆی كاركردن لە رێگاكەدا.

لە راگەیەندراوێكدا بەرێوەبەرایەتی گشتی هاتوچۆی گەرمیان نوسیویەتی”ئاگاداری شۆفێران و بەكارهێنەرانی ڕێگای كەلار ڕزگاری دەكەینەوە كە بە هۆی كاركردن لەو شەقامەدا لادانی كاتی هەیە و لە هەندێك جێگا شەقامەكە بە هەردوو ئاڕاستە ئۆتۆمبیل هاتوچۆی پێدا دەكات، بۆیە پێویستە شۆفێران بە وریاییەوە شۆفێری بكەن و خێراییەكانیان كەم بكەنەوە بۆ ئەوەی دووربن لە ڕووداوی هاتوچۆ.”

هەر لە راگەیەندراوەكەدا هاتووە”هەروەها لە كاتی بەكارهێنانی ئاڕاستەی (ڕزگاری بۆ كەلار) ئاگاداری تاسەكانی سەر ئەو شەقامە بن و خێراییەكانیان كەم بكەنەوە بۆ ئەوەی توشی ڕووداوی هاتوچۆ و زیان نەبن.”

رێگای كەلار – رزگاری ماوەی نزیكەی سێ‌ ساڵە كاری تێدا دەكرێت و هێشتا بە تەواوەتی تەواونەبووە.

بەردەوام بە لە خوێندنەوە

عێراق

بەوێنە؛ بەرهەم ساڵح لە شەقامی موتەنەبی بەغدای پایتەخت

خەڵك – بەشی هەواڵ
سەرۆك كۆماری عیراق سەردانی شەقامی موتەنەبی بەغدای پایتەخت دەكات و چاوی بە ژمارەیەك ڕۆشنبیر و نوسەر دەكەوێت.

ماڵپەری سەرۆكایەتی كۆماری عیراق بڵاویكردەوە، سەر لە بەیانی ئەمڕۆ هەینی 19-10-2018 بەرهەم ساڵح، سەرۆك كۆماری عیراق لە گەڵ سەرباخ ساڵح، خانمی یەكەم سەردانی شەقامی موتەنەبی بەغدا یان كرد .

ئەمە لەكاتێكدایە، ڕۆژی 2ی تشرینی 2018 بەرهەم ساڵح بە دەنگی زۆرینەی ئەنجومەنی نوێنەرانی عیراق وەك چوارەم سەرۆككۆماری عیراق لەداوی رۆخانی ڕژێمی سەدام هەڵبژێرا .

 

 

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین