ئێمە لە تۆرە کۆمەڵایەتیەکان

عێراق

هەوڵێكی نوێی عەبادی بۆ ڕازی كردنی ئەمریكا ئاشكرادەكرێت

خەڵك- بەشی هەواڵ
شارەزایەكی سیاسی عیراقی هەوڵێكی نوێی سەرۆك وەزیرانی عیراق بۆ بەدەسهێنانی ڕەزامەندی ئەمریكا بۆ ولایەتی دووەم ئاشكرادەكات و دەڵێت: “هەڵوێستی گەل و زۆربەی حزبە سیاسیەكان پێچەوانەی هەڵوێستی عەبادییە”.

هاشم كەندی، شارەزا و چاودێری سیاسی عیراقی بە ئاژانسی (المعلومە)ی ڕاگەیاندووە، كە حەیدەر عەبادی، سەرۆك وەزیرانی عیراق هەڵوێستی ڕوونی گەلی عیراقی بەرامبەر سزاكانی ئەمریكا دژی ئێران ڕانەگەیاند، بەڵكو پەیڕەوی سیاسەتی خۆنزیك كردنەوەی كرد لە ئەمریكا.

ڕاشیگەیاندووە، مەرایی كردنی عەبادی بۆ ئەمریكا تەنها ئامانجی بەدەستهێنانی پاڵپشتی واشنتۆن تا كاریگەری بخاتە سەر لایەنە سیاسیەكانی دیكە بۆ بەدەستهێنانی ولایەتی دووەمی سەرۆك وەزیران.

ڕوونیشی كردۆتەوە، كە هەڵوێستی گەل و لایەنە سیاسییەكانی دیكە پێچەوانەی هەڵوێستی عەبادییە، ئەمە سەرەڕای ئەوەی دیاری كردنی سەرۆك وەزیرانی حكومەتی داهاتوو تەنها پەیوەست نییە بە ئیدارەی ئەمریكاوە، بەڵكو پەیوەستە بە ئیرادەی گەل بەپێی ڕێنمایی مەرجەعی ئایینی، كە سیماكانی كەسایەتی سەرۆك وەزیرانی داهاتوو دیاری دەكات.

سێ‌ شەممە، حەیدەر عەبادی لە پرێس كۆنفرانسی هەفتانەدا لە باڵەخانەی ئەنجومەنی وەزیران لە بەغدا ڕایگەیاندبوو، “بەغدا دژی سزا نێودەوڵەتییەكانە، بە تایبەت، كە عیراق بۆخۆی ئەزمونێكی تاڵی لەگەڵ ئەو سزایانە هەیە و لێوەی گەل و وڵات لاوازبوون”.

عێراق

بۆ پشتیوانیكردنە لە عەبدولمەهدی
بەرهەم ساڵح داوایەك لە هێزە سیاسییەكان دەكات

خەڵك- بەشی هەواڵ
بەرهەم ساڵح سەرۆك كۆماری عیراق، داوا لە هێزە سیاسییەكان دەكات، پشتیوانی لە عادل عەبدولمەهدی سەرۆك وەزیرانی راسپێردراو بكەن لە پێكهێنانی كابینە وەزارییەكەی.

سەرۆكایەتی كۆماری عیراق لە بەیاننامەیەكدا رایگەیاندووە”بەرهەم ساڵح سەرۆك كۆمار، پێشوازیی لە وەفدێكی بەرەی دیالۆگی نیشتمانی بە سەرۆكایەتی محەمەد تەمیم كردووە، و ئەندامانی وەفدەكەش پیرۆزباییان لە سەرۆك بەرهەم ساڵح كردووە بەبۆنەی گرتنەدەستی پۆستەكەی، و هیوای سەركەوتنیان بۆ خواستووە لە خزمەتكردن بە عیراق و عیراقییەكان”.

بەپێی بەیاننامەكە”بەرهەم ساڵح جەختی لەسەر گرنگی یەكخستنی دید و هەڵوێستەكان كردووە لە قۆناغی داهاتوو، و كاركردن بۆ پێكهێنانی حكومەتێكی بەهێز كە بتوانێت بەرەنگاریی رووبەڕبوونەوەكان ببێتەوە” داواشی لە هێزە سیاسییەكان كردووە”پشتیوانی لە عادل عەبدولمەهدی سەرۆك وەزیرانی راسپێردراو بكەن لە پێكهێنانی كابینە وەزارییەكەی، وێڕای پاڵپشتی لە جێبەجێكردنی بەرنامە حكومییەكەی، تا بتوانێت خواستەكانی گەلی عیراق بهێنێتەدی”.

سەرۆك كۆماری عیراق، تەئكیدی لە” گرنگی رێزگرتن لە سەروەری دەستور لەلایەن هەموو هێزە سیاسییەكان و جێبەجێكردنی كردۆتەوە، بە جۆرێك كە ببێتە مایەی زامنكردنی مافەكانی گەلی عیراق بە هەموو پێكهاتەكانی”.

بەرهەم ساڵح سەرۆك كۆماری عیراق، لە 2ی تشرینی یەكەمی 2018، عادل عەبدولمەهدی بۆ پێكهێنانی حكومەتی داهاتوو راسپارد.

بەردەوام بە لە خوێندنەوە

عێراق

عادل عەبدولمەهدی راگەیەنراوێكی بڵاوكردەوە

خەڵك – بەشی هەواڵ
عادل عەبدولمەهدی راسپێردراو بۆ پێكهێنانی حوكمەتی عیراق ڕایدەگەیەنێت، ماوەیەكە هەندێك لەو وەزارەت و فەرمانگەكان چەند گرێبەستێكی بەپەلەیان ئیمزاكردووە كە لەدەرەوەی یاسا و رێنماییەكانن داواش لە سەرۆك كۆماری عیراق دەكات رێگری بكەن لەو رێكارە نادەستوری و نایاساییانە.

نوسینگەی ڕاگەیاندنی عادل عەبدولمەهدی راسپێردراو بۆ پێكهێنانی حوكمەتی عیراق بلاویكردەوە، ماوەیەكە هەندێك لەو وەزارەت و فەرمانگەكان چەند گرێبەستێكی بەپەلەیان ئیمزاكردووە كە لەدەرەوەی یاسا و رێنماییەكانن.

ئاماژە بۆ ئەوەشكراوە، عادل عەبدولمەهدی داوای لە هەریەك لە بەرهەم ساڵح، سەرۆككۆماری عیراق و حەیدەر عەبادی سەرۆك وەزیرانی كاربەرێكەری عیراق كردووە، رێگری بكەن لەو رێكارە نادەستوری و نایاساییانە.

ڕاشیگەیاندووە، پێویستە ئەو وەزارەت و فەرمانگەكان ئەو جۆرە كارانە رابگرن، هەروەها داوای لە ئەنجومەنی نوێنەران كردووە چاودێری ئەو حاڵەتانە بكەن.

لە ڕاگەیەنراوەكەدا هاتووە، حكومەتی داهاتوو سەرجەم ئەو فەرمانانە رەتدەكاتەوە، كە لەدەرەوەی رێكارە دەستوری و یاساییەكانن، چونكە ئەركی ئەو وەزارەت و فەرمانگانە لەئێستادا تەنیا راپەڕاندنی ئەركی رۆژانەیە، هەركەسێك دژی یاسا و دەستور مامەڵە بكات ئەوا خۆی رووبەڕووی سزا دەكاتەوە.

بەردەوام بە لە خوێندنەوە

عێراق

ھەفتەی داھاتوو عادل عەبدولمەھدی کابینەکەی ڕادەگەیەنێت

خەڵک-

بڕیارە ھەفتەی داھاتوو عادل عەبدولمەھدیی ڕاسپێردراو بۆ پێکھێنانی حکومەت، ناوی ئەندامانی کابینەکەی ڕابگەیەنێت، وەک ئەوەی نوسینگەی رۆژنامەوانیی ناوبراو ئاماژەی پێکردووە.

نوسینگەی رۆژنامەوانیی عادل عەبدولمەھدیی ڕایگەیاند: عادل عەبدولمەھدی بە نیازە ھەفتەی داھاتوو ناوی ئەندامانی کابینەکەی ڕابگەیەنێت، لە ئێستادا ناوبراو لەگەڵ سەرۆکایەتیی پەرلەمان و سەرکردە و فراکسیۆنەکانی پەرلەمان لە پەیوەندیدایە، بۆ ئەوەی وادەیەکی گونجاو بۆ ئەو بابەتە دیاریبکرێت.

عادل عەبدولمەھدی لە رۆژی ٢٠١٨/١٠/٢ ڕاسپێردرا بۆ پێکھێنانی حکومەت، بەپێی یاسا دەبێت لە ماوەی ٣٠ رۆژدا بتوانێت حکومەت پێکبھێنێت، ئەگەر نا ئەرکەکە ڕادەستی کەسێکی تر دەکرێت.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین