ئێمە لە تۆرە کۆمەڵایەتیەکان

جیهانی

ئێڤه‌رتۆن له‌کۆتا ساتدا بازاڕی گواستنه‌وه‌کانی هه‌ژاند و سێ یاریزانی به‌یه‌ک گوژمه‌ گواسته‌وه‌ ڕیزه‌کانی

خه‌ڵک سپۆرت

ئه‌مڕۆ بازاڕی گواستنه‌وه‌ی یاریزانان به‌فه‌رمی له‌ ئینگلته‌را کۆتایی هات و یانه‌ی ئێڤه‌رتۆن له‌کۆتا ساتدا سێ یاریزانی گواسته‌وه‌ بۆ ڕیزه‌کانی.

به‌پێی ئه‌و زانیارییانه‌ی له‌ ماڵپه‌ڕی فه‌رمی “تۆفیس” و ڕۆژنامه‌ ناوداره‌کانی ئینگلته‌راوه‌ بڵاوکراونه‌ته‌وه‌ (ده‌یلی مه‌یڵ، زه‌ سه‌ن، میره‌ر)، له‌کۆتا ساته‌کاندا ئیداره‌ی یانه‌ی ئێڤه‌رتۆن کاراترین یانه‌ی گواستنه‌وه‌کانی هاوینه‌ بووه‌، ئه‌ویش به‌ دابینکردنی سێ ئه‌ستێره‌ی ناودار و به‌توانا له‌ کۆتا ساته‌کاندا.

یه‌که‌مین گواستنه‌وه‌کان بریتی بوون له‌ دابینکردنی بێرناردی به‌رازیلی ئه‌ستێره‌ی یانه‌ی شاختار دۆنستیک، ئه‌م گواستنه‌وه‌یه‌ش بێبه‌رامبه‌ر بووه‌ و سه‌ره‌ڕای ئه‌وه‌ی یانه‌کانی ئارسیناڵ و لیڤه‌رپوڵ و چێڵسی به‌هه‌مان شێوه‌ داواکاری ئه‌م یاریزانه‌ بوون، به‌ڵام ناوبراو ئێڤه‌رتۆنی هه‌ڵبژارد و له‌وباره‌یه‌وه‌ ڕایگه‌یاند :” هه‌ڵبژاردنی یانه‌ی ئێڤه‌رتۆن له‌نێو یانه‌ داواکاره‌کاندا هیچ بیرکردنه‌وه‌یه‌کی نه‌ویست”.

دوابه‌دوای ئه‌م گواستنه‌وه‌یه‌ و وه‌ک پێشتر له‌ (خه‌ڵک سپۆرت)ه‌وه‌ ئاماژه‌مان پێکرد، هه‌ردوو ئه‌ستێره‌ی یانه‌ی به‌رشلۆنه‌، یاری مینا و ئه‌ندرێ گۆمێز به‌هه‌مان شێوه‌ بۆندی فه‌رمیان له‌گه‌ڵ یانه‌ شینه‌ زه‌به‌لاحه‌که‌ی شاری لیڤه‌رپوڵ ئیمزا کرد.

گواستنه‌وه‌ی مینا بڕی ٢٨.٦ ملیۆن پاوه‌ندی تێده‌چێت و موچه‌ی هه‌فتانه‌ی ١٠٠ هه‌زار پاوه‌ند له‌ یانه‌ نوێیه‌که‌ی به‌ده‌ست ده‌هێنێت، به‌ڵام گواستنه‌وه‌ی گۆمێز به‌شێوه‌ی خواستنه‌.

 

جیهانی

(به‌وێنه‌) مه‌شق و ڕاهێنانه‌ ئاماده‌کاریه‌کانی ئارسیناڵ بۆ ڕووبه‌روبونه‌وه‌ی لیسته‌ر سیتی

خه‌ڵک سپۆرت

بڕیاره‌ دووشه‌ممه‌ی داهاتو (٢٢/١٠) یانه‌ی ئارسیناڵ له‌یاریگای خۆیدا ڕووبه‌ڕوی یانه‌ی لیسته‌ر سیتی ببێته‌وه‌.

ئونای ئیمیری ڕاهێنه‌ری نوێی “گانه‌رز” به‌هۆی ڕووبه‌ڕوبونه‌وه‌ نێوده‌وڵه‌تیه‌کانه‌وه‌ جه‌ندین یاریزانی له‌ده‌ستداوه‌، ئه‌مڕۆ به‌ ئاماده‌بونی مه‌سعود ئوزێل و چه‌ند یاریزانێکی ناوداری تر هاوشانی لاوانی یانه‌ درێژه‌ی دایه‌ مه‌شق و ڕاهێنانه‌کان، وه‌ک له‌ وێنه‌کاندا ده‌رده‌که‌وێت، ڕاهێنه‌ره‌ ئیسپانیه‌که‌ هاوشێوه‌ی یاریزانان به‌شداری یه‌که‌ی ڕاهێنانه‌کانی کردووه‌.

بەردەوام بە لە خوێندنەوە

جیهانی

ڕۆژنامه‌نوسێک له‌ به‌رنامه‌ی “ئیل شیرینگیتۆ” چه‌ند نهێنیه‌کی ژووری خۆگۆڕینه‌کانی ڕیاڵ مه‌دریدی ئاشکرا کرد

خه‌ڵک سپۆرت

ڕۆژنامه‌نوسێکی ئیسپانی ناودار چه‌ندین بابه‌تی نهێنی په‌یوه‌ندیدار به‌ یانه‌ی ڕیاڵ مه‌درید ئاشکرا ده‌کات و جه‌خت ده‌کاته‌وه‌، یاریزانان له‌ شێوازی جولین لوپێتیگی ڕازی نین.

ئیدواردۆ ئیندای سه‌رنوسه‌ری “دیاریۆ گۆڵ” له‌ به‌رنامه‌ی “ئیل شیرینگیتۆ” چه‌ند نهێنیه‌کی بۆ جوسێپ پدرۆڕیڵ و هه‌وادارانی یانه‌ی شاهانه‌ی مه‌درید ئاشکرا کرد.

ڕۆژنامه‌نوسه‌که‌ ڕایگه‌یاند :” له‌ ژووری خۆگۆڕینه‌کانی یانه‌ی شاهانه‌ دوو جه‌مسه‌ر بونی هه‌یه‌، یاریزانه‌ بیانیه‌کان و یاریزانه‌ ئیسپانیه‌کان، هه‌ردوو جه‌مسه‌ره‌که‌ له‌ شێوازی یارییکردنی جولین ڕازی نین و داوایان لێکردووه‌ گواستنه‌وه‌کان که‌م بکاته‌وه‌ و زیاتر گرنگی به‌ یارییکردنی راسته‌وخۆ له‌باری درێژی بدات، به‌وشێوه‌یه‌ به‌لایه‌نی که‌مه‌وه‌ کێشه‌ی که‌می تۆماری گۆڵ چاره‌سه‌ر ده‌بێت”.

ڕۆژنامه‌نوسه‌که‌ ته‌نها به‌م زانیاریانه‌وه‌ نه‌وه‌ستاوه‌، به‌ڵکو ئاشکرای کردووه‌ که‌ له‌ نوسینگه‌کانی “سانتیاگۆ بێرنابیۆ” ماوه‌یه‌که‌ قسه‌ له‌سه‌ر دوورخستنه‌وه‌ی لوپێتیگی ده‌کرێت، ئه‌گه‌ر بێتو ئه‌نجامه‌کان به‌هه‌مان شێوه‌ی ئێستا به‌رده‌وام بێت ئه‌وا ناچار ده‌بن ده‌ستبه‌رداری بن، وه‌ک شوێنگره‌وه‌ش لوران بلانی فه‌ره‌نسی ڕاهێنه‌ری پێشوی پاریس سانت جێرمان ده‌ستنیشان کراوه‌.

له‌سه‌ر ئاستی گواستنه‌وه‌کانیش، مارکۆس ئه‌لۆنسۆ هاوینی ڕابردو زۆر نزیکبووه‌ په‌یوه‌ندی به‌ ڕیاڵه‌وه‌ بکات، به‌ڵام له‌ئێستادا ئه‌م خواسته‌ دووباره‌ گه‌رم کراوه‌ته‌وه‌ و ئیداره‌ی شاهانه‌ ده‌یانه‌وێت ئیدین هازاردی به‌لجیکی به‌ نرخێکی که‌متر له‌وه‌ی دیاریکراوه‌ دابین بکه‌ن.

بەردەوام بە لە خوێندنەوە

جیهانی

بۆچی بارسا ناچاره‌ به‌رگریکارێکی گه‌وره‌ بکڕێت؟ ئاڵده‌رڤێرڵد خرایه‌ لیستی داواکراوانه‌وه‌ …

خه‌ڵک سپۆرت

ئیداره‌ی یانه‌ی به‌رشلۆنه‌ له‌ئێستادا به‌دوای به‌رگریکارێکی گه‌وره‌دا ده‌گه‌ڕێت، که‌ له‌توانایدا بێت له‌ ماوه‌یه‌کی نزیکدا و به‌خێرایی پێگه‌ی دڵی به‌رگری پێکهاته‌که‌ی ڤاڵڤێردی پڕبکاته‌وه‌.

ڕۆژنامه‌ی “سپۆرت”ی که‌ته‌لۆنی له‌زاری “دیاریۆ گۆڵ”ه‌وه‌ ئاشکرای کردووه‌، ساموێڵ ئومتیتی به‌رگریکاری فه‌ره‌نسی یانه‌ی به‌رشلۆنه‌ ماوه‌ی چه‌ند هه‌فته‌یه‌که‌ له‌ ئه‌ژنۆیدا دووچاری ئازارێکی زۆر هاتووه‌، پزیشکه‌کانی بارسا ئامۆژگارییان کردووه‌ چیتر له‌سه‌ر ئه‌ژنۆکانی خۆی ماندو نه‌کات و نه‌شته‌رگه‌ری ئه‌نجام بدات، به‌ڵام ئه‌م بابه‌ته‌ به‌هۆی پێداویستی یانه‌ که‌ته‌لۆنیه‌که‌وه‌ وه‌ستێنراوه‌.

سه‌رچاوه‌کان ئاماژه‌یان کردووه‌، ئیداره‌ی بارسا ئیریک ئه‌بیدالی به‌ڕێوه‌به‌ری وه‌رزشییان بۆ دابینکردنی به‌رگریکارێکی گه‌وره‌ و به‌توانا ڕاسپاردووه‌، تا ئه‌م ساته‌ چه‌ندین ناو ده‌ستنیشان کراون له‌ نمونه‌ی ماتیاس دی لیختی هۆڵه‌ندی و برانیسلاڤ ئیڤانۆڤیچی سڕبی و چه‌ندینێکی تر، له‌م چه‌ند ڕۆژه‌شدا ناوی تۆبی ئاڵده‌رڤێرڵدی به‌لجیکی ئه‌ستێره‌ی یانه‌ی تۆتنهام تێهه‌ڵکێشی لیستی داواکراوان کراوه‌.

به‌پێی سه‌رچاوه‌که‌، بارسا دێته‌ نێو ململانێی گواستنه‌وه‌ی ئاڵده‌رڤێرڵده‌وه‌ و ڕووبه‌ڕوی یانه‌ی مانچسته‌ر یونایتد ده‌بێته‌وه‌، ئه‌م هه‌ڵبژارده‌یه‌ش له‌لایه‌ن ته‌واوی به‌رپرسانی یانه‌ ئیسپانیه‌که‌وه‌ په‌سه‌ند کراوه‌ به‌وپێیه‌ی ئه‌زمونێکی باشی هه‌یه‌ و ته‌مه‌نی گه‌وره‌ نییه‌، جگه‌ له‌وه‌ش له‌نێو ساڵانی ٢٠١٣ بۆ ٢٠١٥ له‌ڕیزه‌کانی ئه‌تله‌تیکۆ مه‌درید یاریی کردووه‌، واتا ئه‌زمونی له‌ خولی ئیسپانیا هه‌یه‌ و به‌خێرایی ده‌توانێت خۆی بگونجێنێت.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین