ئێمە لە تۆرە کۆمەڵایەتیەکان

جیهان

دەكرێتە هێزی شەشەم
ئەمریكا هێزێكی فەزایی دروست دەكات

خەڵك- بەشی هەواڵ
مایك بنس جێگری سەرۆكی ئەمریكا دەڵێت، ولایەتە یەكگرتووەكان هێزێكی فەزایی دروست دەكات كە پێشتر سەرۆك دۆناڵد ترەمپ فەرمانی بە دروستكردنی كردووە، بەم هەنگاوەش واشنتۆن تەئكید لەسەر دەستگرتن بەسەر فەزادا دەكاتەوە.

ئەمڕۆ پێنج شەممە، بنس لە وتارێكیدا لەبەردەم سەربازییەكان لە پنتاگۆن رایگەیاند:”وادەی ئەوە هاتوو بەشێكی تر لە مێژووی هێزە چەكدارەكانمان دەستپێبكات، ئەوەش خۆئامادەكردنە بۆ شەڕی داهاتوو كە لێوەی ئەمریكاییەكان وەك باشترین و بوێرترین، خۆیان لە تەوژمێكی تری هەڕەشەكان بۆسەر گەلەكەمان و نەتەوەكەمان دەپارێزن، و زاڵیش دەبن بەسەریدا”.

بە وتەی جێگری سەرۆكی ئەمریكا:”كاتی ئەوە هاتووە ولایەتە یەكگرتووەكان هێزێك لە فەزادا دروست بكات”.

مایك بنس دەڵێت، ئامادەكاریی دەكرێت بۆ ئەوەی ئەو هێزە فەزاییە ببێتە لقی شەشەمی هێزە چەكدارەكان لە تەنیشت هێزە وشكانییەكان و هێزە ئاسمانییەكان و هێزە دەریاییەكان و هێزەكانی مارێنز، و پاسەوانانی كەنارئاوەكان، ئەمەش لەسەر فەرمانێك كە لە مانگی ئایاری رابردوو لەلایەن ترەمپەوە دەركرا.

پێكهێنانی ئەو هێزە نوێیە، پێویستی بە رەزامەندی كۆنگرێسە، بەڵام بە وتەی بنس پرۆسەكە بەچەند قۆناغێك دەبێت بەئامانجی دامەزراندنی لقی شەشەم لەگەڵ نزیكبوونەوەی ساڵی 2020.

داوا لە كۆنگرێس كراوە، رەزامەندی لەسەر بودجەیەك بە بەهای هەشت ملیار دۆلار بۆ پێنج ساڵی داهاتوو دەرببڕێت.

ترەمپ لە مانگی ئایاری رابردوو، فەرمانی كرد بە پێكهێنانی هێزێكی فەزایی تا ببێتە هێزی شەشەمی هێزە چەكدارەكانی ئەمریكا.

سەرۆكی ئەمریكا رایگەیاندبوو:”لەپێناو بەرگری لە ئەمریكا، تەنیا بوونیان لە فەزادا بەس نییە، پێویستە فەزا كۆنترۆڵ بكەن”.

جیهان

ئەردۆغان بووە بە سەرۆكی ئاكەپە

خەڵك- بەشی هەواڵ
بۆ جارێكی دیكەش، ڕەجەب تەیب ئەردۆغان بووەوە بە سەرۆكی (پارتی داد و گەشەپێدان)ی دەسەڵاتدار.

ماڵپەڕی (یەنی شەفەق)ی توركی بڵاویكردەوە، كە ئەمڕۆ شەممە، كۆنگرەی شەشەمی پارتی داد و گەشەپێدان (ئاكەپە) لە ئەنكەرەی پایتەختی توركیا بەسترا.

ئاماژەی بەوەشكردوە، كە لەو كۆنگرەیەدا ڕەجەب تەیب ئەردۆغان، سەرۆك كۆماری توركیا بە سەرۆكی ئاكەپە هەڵبژێردرایەوە.

لای خۆشیەوە، ئەردۆغان لە وتەیەكدا ئاماژەی بەوەكرد، وڵاتەكەیان ملكەچی ئەو گەلەكۆمەكی و پیلانگێڕییە نابێت، كە لە دژی پەیڕەو دەكرێت و وتیشی، “شكست بەو پیلانگێڕیە دەهێنین وەك چۆن لەمێژوودا بینیومانە”.

ڕاشیگەیاند، توركیا لەسەر پرنسیپەكانی خۆی بەردەوام دەبێت و لێی لانادات و نابێتە ئامرازێك بەدەست ئەوانەی، كە خۆیان بە هاوپەیمان دەزانن، بەڵام لە ڕاستیدا وانیین.

بەردەوام بە لە خوێندنەوە

جیهان

سكرتێری پێشووی نەتەوە یەكگرتووەكان كۆچی دوایی كرد

خەڵك- بەشی هەواڵ
كۆفی ئەنان سكرتێری پێشووتری نەتەوە یەكگرتووەكان لە تەمەنی 80 ساڵیدا لە سویسرا كۆچی دوایی كرد.

بەپێی هەواڵێكی ئاژانسی (رۆیتەرز)، سەرلەبەیانی ئەمڕۆ شەممە، كۆفی ئەنان سكرتێری گشتی پێشووتری نەتەوە یەكگرتووەكان، لەدوای نەخۆشییەكی كورتخایەن، لەو وڵاتی سویسرا كۆچی دوایی كرد.

كۆفی ئەنان دیپلۆماتكاریی گانایی، لە 8ی نیسانی 1938 لەدایكبووە و لە دوای بوترس بوترس غالی میسری، لە ساڵی 1997 تا ساڵی 2006، لە پۆستی سكرتێری گشتی نەتەوە یەكگرتووەكاندا بوو.

بەردەوام بە لە خوێندنەوە

جیهان

ئەمریكا خۆی بۆ لەناوبردنی تەواوەتی داعش ئامادە دەكات

خەڵك- بەشی هەواڵ
برێت ماكگۆرگ نوێنەری سەرۆكی ئەمریكا بۆ هاوپەیمانی نێودەوڵەتی رایدەگەیەنێت، ولایەتە یەكگرتووەكان خۆی بۆ قۆناغی كۆتایی ئۆپەراسیۆنە سەربازییەكانی بۆ لەناوبردنی رێكخراوی داعش ئامادە دەكات.

ماكگۆرگ بە رۆژنامەوانانی راگەیاندووە”لە سوریا دەمێنینەوە، و خۆيان بۆ لەناوبردنی تەواوەتی داعش ئامادە دەكەین”.

بە وتەی ئەو بەرپرسەی ئەمریكا، وڵاتەكەی تائێستا قۆناغی لەناوبردنی ماددی داعشی دەستپێنەكردووە، لەئێستاشدا ئامادەكاریی بۆ دەكەن، “ئەو ئۆپەراسیۆنەش زۆر گرنگە، بەو پێیەی تائێستاش ژمارەیەكی زۆری چەكدارانی داعش لە سوریادان”.

رێكخراوی داعش لە نێوان ساڵانی 2014-2015، ناوچەیەكی بەرینی لە سوریا و عیراق كۆنترۆڵ كرد، هاوپەیمانی نێودەوڵەتیش بە سەركردایەتی ولایەتە یەكگرتووەكان، لە ساڵی 2014وە دەستیكرد بە جێبەجێكردنی ئۆپەراسیۆنە سەربازییەكانی لە دژی ئەو ریكخراوە توندڕەوە لە عیراق، و پاشان لە سوریا كە هاوپەیمانییەكە بەبێ‌ رەزامەندی دەسەڵاتدارانی وڵاتە كاریی تێدا دەكات.

بەردەوام بە لە خوێندنەوە

کوردستان

دوایین