ئێمە لە تۆرە کۆمەڵایەتیەکان

عێراق

بە گەندەڵی تۆمەتباركراوە
دەڕاجی بۆ عەبادی: خاوەنی خێزانین

خەڵك- بەشی هەواڵ
یەكێك لەو وەزیرانەی لەلایەن حەیدەر عەبادی سەرۆك وەزیرانی عیراقەوە دۆسێكەی رەوانەی دەستەی دەستپاكی عیراق كراوە و تۆمەتی گەندەڵی رووبەڕووكراوەتەوە دەڵێت، ئێمە خاوەن خێزانین و ئەو كارە زیان بە ناوبانگ و ناوبانگی خێزانەكانمان دەگەیەنێت.

ئەمڕۆ پێنج شەممە، محەمەد ساحب دەڕاجی وەزیری پێشووی ئاوەدانكردنەوە و نیشتەجێكردنی حكومەتی فیدراڵ، داوای لە حكومەت و گەلی عیراق كرد، واز لە رووبەڕووكردنەوەی تۆمەتە پوچەكان لە دژی بەرپرسان بهێنن، چونكە ئەوان خاوەنی خێزانن، و ئەو كارەش زیان بە ناوبانگ و ناوبانگی خێزانەكانیان دەگەیەنێت.

دەڕاجی لە دیمانەیەكی تەلەفیزیۆنیدا رایگەیاندووە”من ئێستا لێرەم و دەڵێم بابەس بێت، چونكە ئێمە خاوەنی خێزان و كوڕ و كچین، نامانەوێت ئەوەی هەوڵ دەدات هێز و تواكانی خۆی دەربخات و خۆی وەك پاڵەوان نیشان بدات، تۆمەتەكان رووبەڕووی ئێمە بكاتەوە”.

وەزیری ئاوەدانكردنەوە و نیشتەجێكردنی پێشووی عیراق، دەڵێت”ئەو گرێبەستە گەندەڵانەی دراوەتە پاڵ ئێمە، لەگەڵ وەزارەتی پەروەردەدا كراون و بە بڕیارێكی سەرۆكایەتی وەزیران رەوانە كراوە، بۆیە وەزارەتەكەی ئەوان هیچ پەیوەندی پێوە نییە”.

لەم چەند رۆژەی رابردوو، حەیدەر عەبادی سەرۆك وەزیرانی عیراق، دۆسێی ژمارەیەك وەزیر و بەڕێوەبەری گشتی رەوانەی دەستەی دەستپاكی عیراق كرد كە بە گەندەڵی تۆمەتباركراون، محەمەد ساحب دەڕاجی وەزیری پێشووی ئاوەدانكردنەوە و نیشتەجێكردنیش لەنێوانیادا بوو.

عێراق

بۆ پشتیوانیكردنە لە عەبدولمەهدی
بەرهەم ساڵح داوایەك لە هێزە سیاسییەكان دەكات

خەڵك- بەشی هەواڵ
بەرهەم ساڵح سەرۆك كۆماری عیراق، داوا لە هێزە سیاسییەكان دەكات، پشتیوانی لە عادل عەبدولمەهدی سەرۆك وەزیرانی راسپێردراو بكەن لە پێكهێنانی كابینە وەزارییەكەی.

سەرۆكایەتی كۆماری عیراق لە بەیاننامەیەكدا رایگەیاندووە”بەرهەم ساڵح سەرۆك كۆمار، پێشوازیی لە وەفدێكی بەرەی دیالۆگی نیشتمانی بە سەرۆكایەتی محەمەد تەمیم كردووە، و ئەندامانی وەفدەكەش پیرۆزباییان لە سەرۆك بەرهەم ساڵح كردووە بەبۆنەی گرتنەدەستی پۆستەكەی، و هیوای سەركەوتنیان بۆ خواستووە لە خزمەتكردن بە عیراق و عیراقییەكان”.

بەپێی بەیاننامەكە”بەرهەم ساڵح جەختی لەسەر گرنگی یەكخستنی دید و هەڵوێستەكان كردووە لە قۆناغی داهاتوو، و كاركردن بۆ پێكهێنانی حكومەتێكی بەهێز كە بتوانێت بەرەنگاریی رووبەڕبوونەوەكان ببێتەوە” داواشی لە هێزە سیاسییەكان كردووە”پشتیوانی لە عادل عەبدولمەهدی سەرۆك وەزیرانی راسپێردراو بكەن لە پێكهێنانی كابینە وەزارییەكەی، وێڕای پاڵپشتی لە جێبەجێكردنی بەرنامە حكومییەكەی، تا بتوانێت خواستەكانی گەلی عیراق بهێنێتەدی”.

سەرۆك كۆماری عیراق، تەئكیدی لە” گرنگی رێزگرتن لە سەروەری دەستور لەلایەن هەموو هێزە سیاسییەكان و جێبەجێكردنی كردۆتەوە، بە جۆرێك كە ببێتە مایەی زامنكردنی مافەكانی گەلی عیراق بە هەموو پێكهاتەكانی”.

بەرهەم ساڵح سەرۆك كۆماری عیراق، لە 2ی تشرینی یەكەمی 2018، عادل عەبدولمەهدی بۆ پێكهێنانی حكومەتی داهاتوو راسپارد.

بەردەوام بە لە خوێندنەوە

عێراق

عادل عەبدولمەهدی راگەیەنراوێكی بڵاوكردەوە

خەڵك – بەشی هەواڵ
عادل عەبدولمەهدی راسپێردراو بۆ پێكهێنانی حوكمەتی عیراق ڕایدەگەیەنێت، ماوەیەكە هەندێك لەو وەزارەت و فەرمانگەكان چەند گرێبەستێكی بەپەلەیان ئیمزاكردووە كە لەدەرەوەی یاسا و رێنماییەكانن داواش لە سەرۆك كۆماری عیراق دەكات رێگری بكەن لەو رێكارە نادەستوری و نایاساییانە.

نوسینگەی ڕاگەیاندنی عادل عەبدولمەهدی راسپێردراو بۆ پێكهێنانی حوكمەتی عیراق بلاویكردەوە، ماوەیەكە هەندێك لەو وەزارەت و فەرمانگەكان چەند گرێبەستێكی بەپەلەیان ئیمزاكردووە كە لەدەرەوەی یاسا و رێنماییەكانن.

ئاماژە بۆ ئەوەشكراوە، عادل عەبدولمەهدی داوای لە هەریەك لە بەرهەم ساڵح، سەرۆككۆماری عیراق و حەیدەر عەبادی سەرۆك وەزیرانی كاربەرێكەری عیراق كردووە، رێگری بكەن لەو رێكارە نادەستوری و نایاساییانە.

ڕاشیگەیاندووە، پێویستە ئەو وەزارەت و فەرمانگەكان ئەو جۆرە كارانە رابگرن، هەروەها داوای لە ئەنجومەنی نوێنەران كردووە چاودێری ئەو حاڵەتانە بكەن.

لە ڕاگەیەنراوەكەدا هاتووە، حكومەتی داهاتوو سەرجەم ئەو فەرمانانە رەتدەكاتەوە، كە لەدەرەوەی رێكارە دەستوری و یاساییەكانن، چونكە ئەركی ئەو وەزارەت و فەرمانگانە لەئێستادا تەنیا راپەڕاندنی ئەركی رۆژانەیە، هەركەسێك دژی یاسا و دەستور مامەڵە بكات ئەوا خۆی رووبەڕووی سزا دەكاتەوە.

بەردەوام بە لە خوێندنەوە

عێراق

ھەفتەی داھاتوو عادل عەبدولمەھدی کابینەکەی ڕادەگەیەنێت

خەڵک-

بڕیارە ھەفتەی داھاتوو عادل عەبدولمەھدیی ڕاسپێردراو بۆ پێکھێنانی حکومەت، ناوی ئەندامانی کابینەکەی ڕابگەیەنێت، وەک ئەوەی نوسینگەی رۆژنامەوانیی ناوبراو ئاماژەی پێکردووە.

نوسینگەی رۆژنامەوانیی عادل عەبدولمەھدیی ڕایگەیاند: عادل عەبدولمەھدی بە نیازە ھەفتەی داھاتوو ناوی ئەندامانی کابینەکەی ڕابگەیەنێت، لە ئێستادا ناوبراو لەگەڵ سەرۆکایەتیی پەرلەمان و سەرکردە و فراکسیۆنەکانی پەرلەمان لە پەیوەندیدایە، بۆ ئەوەی وادەیەکی گونجاو بۆ ئەو بابەتە دیاریبکرێت.

عادل عەبدولمەھدی لە رۆژی ٢٠١٨/١٠/٢ ڕاسپێردرا بۆ پێکھێنانی حکومەت، بەپێی یاسا دەبێت لە ماوەی ٣٠ رۆژدا بتوانێت حکومەت پێکبھێنێت، ئەگەر نا ئەرکەکە ڕادەستی کەسێکی تر دەکرێت.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین