ئێمە لە تۆرە کۆمەڵایەتیەکان

عێراق

بەهۆی لێدوانەكانی عەبادییەوەیە
ئێران داوای ملیارێك دۆلار لە عیراق دەكات

خەڵك- بەشی هەواڵ
پەرلەمانتارێكی ئێرانی، داوای 1.1 ملیار دۆلار وەك قەربوووی دارایی لە عیراق دەكات، ئەوەش وەك وەڵامێك بۆ لێدوانەكانی حەیدەر عەبادی سەرۆك وەزیرانی عيراق كە پابەندبوونی بەغدای بە سزاكانی ئەمریكاوە راگەیاندبوو لە دژی تاران.

مەحمود سادقی پەرلەمانتاری ئێرانی لە تویتێكدا لەسەر تۆڕی كۆمەڵایەتی (تویتەر) رایگەیاندووە”دەبێت عیراق بڕی 1.100 ملیار دۆلار وەك قەرەبووی ئەو جەنگەی لە دژی ئێران بەرپای كرد، بداتە ئێران، ئێران پێشتر رەچاوی دۆخی نالەباری عیراقی كردووە، بۆیە داوای ئەو پارەیەی نەكردووە”.

ئەو پەرلەمانتارە ئێرانیە، ئیدانەی لێدوانەكانی عەبادیشی كردبوو، لەو بارەیەوە نوسیبوی:”لەئێستادا لەبری قەرەبووكردنەوە، سەرۆك وەزیرانی عیراق لەسەر رێڕەوی سزاكانی ئەمریكا لە دژی تاران رێ‌ دەكات”.

پێشتر حەیدەر عەبادی سەرۆك وەزیرانی عیراق لە وتاری هەفتانەی خۆیدا رایگەیاندبوو” ئێمە پشتیوانی لەو سزایانە ناكەین، چونكە هەڵەیەكی ستراتیژین، بەڵام ناچارین رێزییان لێبگرین”.

لە ناوەڕاستی ئەم هەفتەیەدا، سەرۆكی ئەمریكا بڕیاری خستنەوەكاری سەپاندنی سزاكانی بەسەر ئێراندا واژۆ كرد و بەپێی كارنامەكەش، سزاكانی سەر ئێران دەكەونەوە كار.

بەپێی بڕیارەكە سزاكان بە دوو قۆناغ دەسەپێنرێنەوە، قۆناغی یەكەم لە 7ی ئابی 2018 دەسـتپێكرد و لەم قۆناغەدا سزا دەخرێتە سەر بازاڕی دراوی ئێران و بازرگانیكردن بە زێڕ و كانزاكانی تر لەگەڵ ئێراندا قەدەغەدەكرێن و ڕێگەش نادرێت هیچ تەكنەلۆجیایەكی پەیوەست بە كەرتی پـیشەسازی و دروستكردنی ئۆتۆمبیل بە ئێران بفرۆشرێت.

قۆناغی دووەم بڕیارە لە 5ی تشرینی دووەمی 2018وە دەستپێبكات، لەو قۆناغەشدا هەناردەی نەوتی ئێران و ئاڵوگۆڕی بازرگانی لە ڕێگەی بەندەرەكانی ئێرانەوە قەدەغە دەكرێن.

عێراق

عەبادی پۆستی سیاسی داهاتووی ئاشكرا كرد

خەڵك- بەشی هەواڵ

حەیدەر عەبادی، سەرۆك وەزیرانی عێراق رایگەیاند، دوای تەواوبوونی ئەم خولەی پەرلەمان، وەك پەرلەمانتار و كەسایەتییەكی سیاسی دەمێنێتەوە و بەردەوام دەبێت لە سەرپەرشتیكردنی پرۆژەی “النصر”.

نوسینگەی حەیدەر عەبادی، سەرۆكی فراكسیۆنی نەسر، لە راگەیەندراوێكدا ئاماژەی بەوەكردووە، پرۆژەی نەسر، پرۆژەیەكی نیشتیمانی گشتگیرە بۆ هەموو خەڵكی عێراقە و بەرنامەی داهاتووی كاركردنیانە.

سەبارەت بە داواكارییان، عەبادی باسی لەوەكردووە، ئەوان داوای هیچ وەزارەتێك ناكەن، دژی ئەوەیش لەسەر بنەمای مەزهەبی و پشك پشكێنە دامەزراوەكانی دەوڵەت دابەش بكرێن.

بەردەوام بە لە خوێندنەوە

عێراق

بەوێنە؛ بەرهەم ساڵح لە شەقامی موتەنەبی بەغدای پایتەخت

خەڵك – بەشی هەواڵ
سەرۆك كۆماری عیراق سەردانی شەقامی موتەنەبی بەغدای پایتەخت دەكات و چاوی بە ژمارەیەك ڕۆشنبیر و نوسەر دەكەوێت.

ماڵپەری سەرۆكایەتی كۆماری عیراق بڵاویكردەوە، سەر لە بەیانی ئەمڕۆ هەینی 19-10-2018 بەرهەم ساڵح، سەرۆك كۆماری عیراق لە گەڵ سەرباخ ساڵح، خانمی یەكەم سەردانی شەقامی موتەنەبی بەغدا یان كرد .

ئەمە لەكاتێكدایە، ڕۆژی 2ی تشرینی 2018 بەرهەم ساڵح بە دەنگی زۆرینەی ئەنجومەنی نوێنەرانی عیراق وەك چوارەم سەرۆككۆماری عیراق لەداوی رۆخانی ڕژێمی سەدام هەڵبژێرا .

 

 

بەردەوام بە لە خوێندنەوە

عێراق

قورئان خوێنە بە ناوبانگەكەی عیراق كۆچی دوایی كرد

خەڵك – بەشی هەواڵ

میدیاكانی عیراق بڵاویانكردەوە، دوای ململانێیەكی زۆر لە گەڵ نەخۆشی شەوی رابردوو لە عەممانی پایتەختی ئەردەن قورئان خوێنێكی بەناوبانگی عیراقی كۆچی دواییكرد.

میدیاكانی عیراق لە زاری كەسوكاری عەلادین قەیسی، قورئان خوێنی بەناوبانگی عیراق بڵاویانكردەوە، شەوی رابردوو لە عەممانی پایتەختی ئەردەن دوای ململانێیەكی زۆر لەگەڵ نەخۆشی كۆچی دوایی كرد.

ئاماژە بۆ ئەوەشكراوە، عەلادین قەیسی، لە تەمەنی 75 ساڵیدا بووە، لە ساڵی 2009 هەڵبژێراوە بە سەرۆكی ( رابیتەی جیهانی ئیسلامی) لە مالیزیا .

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین