ئێمە لە تۆرە کۆمەڵایەتیەکان

عێراق

گروپە شیعییەكانی عێراق هۆشداری دەدەنە عەبادی ‌و ئەمریكا

خەڵك-بەشی هەواڵ
دوای دەستپێكردنی گەمارۆكان بۆسەر ئێران، گروپە شیعییەكانی عێراق پشتیوانی خۆیان بۆ ئێران راگەیاندو ئاماژەیان بە شكاندنی گەمارۆكانی ئەو وڵاتە كرد.
گروپی كەتیبەكانی “سید الشهدا” لە راگەیەندراوێكدا ئاشكرایدەكەن، چالاكییەكان بۆ شكاندنی گەمارۆكان بۆ سەر ئێران بەردەوامن‌و لە ئەنجامدا بە دەرچوونی ئەمریكا لە بابەتەكە كۆتایی پێدێت.
گروپەكە راگەیەندراوەكەی حەیدەر عەبادییان سەبارەت بە پابەندبوونی عێراق بە بڕیارەكانی ئەمریكا، بە بابەتێكی نائومێدكەرو ترسنۆكانە وەسف كرد.
رونیشیدەكەنەوە، ئەگەر ئێران نەبووایە ئێَستا عەبادی ئەو هێزەی دەست نەدەكەوت، لە ئێستاشدا ئەركی حكومەتی عێراقییە لە تەنیشت ئێرانەوە بوەستێت تاكو شكاندنی گەمارۆكان.
پێشتر حەیدەر عەبادی سەرۆك وەزیرانی عێراق لە كۆنگرەیەكی رۆژنامەوانیدا رایگەیاند، عێراق پابەندی گەمارۆكان دەبێت بۆ سەر ئێران.
لەلایەكیتریشەوە، حەسەن سالم سەرۆكی فراكسیۆنی سادقون لە پەرلەمانی عێراق كە نوێنەری سیاسی گروپی عەسائیبی ئەهلی حەقە پشتیوانی خۆی بۆ ئێران دەربڕی‌و لە راگەیەندراوێكدا ئاماژەی بۆ ئەو كۆمەك‌و هاوكارییانەی ئێران كرد كە بە عێراقی بەخشیوە.
لەلایەكتریشەوە لە كۆبوونەوەی لەگەڵ ئیرەج مەسجدی باڵیۆزی ئێران لە عێراق، نوری مالیكی داوای لە حكومەتی عێراقی كرد، پەیوەست نەبێت بە گەمارۆكانی ئەمریكا بۆ سەر ئێران.
نوسینگەی نوری مالیكی لە راگەیەندراوێكدا ئاشكرایكرد، مالیكی لەگەڵ گەمارۆكان بۆ سەر ئێران نییەو داواشی لە وڵاتانی جیهان كرد لەبەرانبەر ئەو جۆرە سیاسەتانە بوەستن.
لایخۆشیانەوە حزبی دەعوەی ئیسلامی لە راگەیەندراوێكدا گەمارۆكانی ئەمریكا بۆ سەر ئێران بە كەموكورتی بۆ پێگەی مرۆڤایەتی و نێودەوڵەتی وەسف كرد.

ئابوری

بانکی ناوەندیی عیراق ڕێگا نادات نرخی دینار بەرامبەر دۆلار بێتە خوارەوە

خەڵک-

پاش مەترسییەکانی راکێشانی دۆلار لە بازاڕەکانی عیراق لە لایەن ئێرانەوە و بەرزبوونەوەی نرخی دۆلار بەرامبەر دیناری عیراقی، بانکی ناوەندیی عیراق ڕایگەیاند، ڕێگا نادەن نرخی دۆلار لە ١.٢١٠ دیناری عیراقی سەربکەوێت.

قاسم رەھیف، ئەندامی ئەنجومەنی بەڕێوەبردنی بانکی ناوەندیی عیراق و بەرپرسی لقی بەسرەی ئەو بانکە، ڕایگەیاند: بانکی ناوەندیی عیراق چەند رێوشوێنێکی گرتۆتە بەر تا ڕێگری بکات لەوەی نرخی دیناری عیراقی بە جێگیری بھێڵێتەوە.

ئەوەشی ڕاگەیاند: بەو میکانیزمەی گیراوەتە بەر، نرخی دینار بەرامبەر دۆلار لە دۆخی ئێستای دەمێنێتەوە و لە ١٢١ ھەزار دینار بۆ ١٠٠ دۆلار تێپەڕ ناکات.

ھەفتەی پێشوو چەند ئازانسێکی ھەواڵی ئاماژەیان بەوە کرد، ئێران کار لەسەر ڕاکێشانی دۆلار دەکات لە بازاڕەکانی عیراق و ئەو کارەشی بە گروپ و حزبە لایەنگرەکانی خۆی لەناو عیراق سپاردووە.

بەرپرسی چەند بانکێکیش بە بێ ئەوەی ناوی خۆیان ئاشکرا بکەن ڕایانگەیاندبوو، ناتوانن ڕێگری بکەن لە کڕینی دۆلار لە لایەن حزب و گروپە لایەنگرەکانی ئێرانەوە، لە کاتێکدا دەزانن ئەو پارەیە بە قاچاخ دەبرێتە ئێران.

 

بەردەوام بە لە خوێندنەوە

عێراق

وەفدێكی عیراق لە جەژنی قوربان دێتە هەرێمی كوردستان

خەڵك- بەشی هەواڵ
سەرچاوەیەكی ئاگادار ئاشكرای دەكات، كە لە كۆتاییەكانی ڕۆژانی جەژنی قوربان وەفدێكی سیاسی عیراق سەردانی هەرێمی كوردستان دەكات و دەشڵێت: “لەگەڵ یەكێتی و پارتی كۆدەبێتەوە”.

ماڵپەڕی (بغداد الیوم)ی عیراقی لە زاری ئەو سەرچاوەیەوە بڵاویكردۆتەوە، كە وەفدێكی سیاسی هاوپەیمانی سائیرون-ی سەدر و نەسر-ی عەبادی لە ڕۆژانی سێیەم و چوارەمی جەژنی قوربان سەردانی هەرێمی كوردستان دەكات.

ڕاشیگەیاندووە، كە ئەو وەفدە چاوی بە سەركردایەتی پارتی بە سەرۆكایەتی مەسعود بارزانی دەكەوێت پێش ئەوەی بگاتە سلێمانی بۆ بینینی كۆسرەت ڕەسوڵ، جێگری سكرتێری گشتی یەكێتی و هێرۆ ئیبراهیم، هاوسەری سكرتێری كۆچكردووی یەكێتی و ژمارەیەك سەركردەی یەكێتی.

وەك سەرچاوەكە ئاماژەی پێ‌ كردووە، “تا ئێستا دڵنیا نیە لەوەی ئەو دوو هاوپەیمانیە بەیەكەوە سەردانی هەرێم دەكەن یان بەجیا”.

هەفتەی ڕابردوو، ڕەوتی حیكمە ڕایگەیاندبووە، كە لە ڕۆژانی داهاتوودا وەفدێك، كە لە 5 هێزی براوەی هەڵبژاردن پێكهاتووە سەردانی هەرێمی كوردستان دەكات و جەختیشی كردبووەوە، “بەم زووانە گەورەترین كوتلەی پەرلەمانی ڕادەگەیەنرێت”.

بەردەوام بە لە خوێندنەوە

عێراق

هاوپەیمانان كاروانێكی دیكەی چەك و تەقەمەنان ڕادەستی سوپای عیراق كرد

خەڵك– بەشی هەواڵ
وەزارەتی بەرگری عیراق ڕایدەگەیەنێت، لە چوارچێوەی ڕێكەوتن و هەماهەنگی نێوانمان لەگەڵ هێزەكانی هاوپەیمانان، كاروانێكی دیكەی چەك و تەقەمەنی و كەلوپەلی سەربازیمان بەدەست گەیشت.

ماڵپەری فەرمی وەزارەتی بەرگری عیراق لە بەیاننامەیەكدا ئاماژەی بەوەكردووە، ئەمڕۆ شەممە 18ی ئاب هێزەكانی هاوپەیمانان كاروانێكی دیكەی چەك و تەقەمەنی و كەلوپەلی سەربازییان ڕادەستی هێزەكانی سوپای عیراق كرد، ڕاستەخۆش بەسەر لیوای 41ی پیادەی سەر بە فیرقەی 10ی سوپا دابەشكرا.

وەك لە بەیاننامەیەكدا هاتووە، “ئەمە لە چوارچێوەی بەرنامەی ڕاهێنان و پڕچەك كردنی هێزەكانی سوپای عیراقە لەلایەن هاوپەیمانانەوە بە ئامانجی ڕووبەڕووبوونەوە و لەناوبردنی تیرۆر لە وڵاتدا”.

ئەوەشخراوەتەڕوو، وەزارەتی بەرگری عیراق لە ڕێكەوتن و هەماهەنگی لە نێوان هێزەكانی هاوپەیمانان و سوپای عیراقدا بەردەوامە.

بەردەوام بە لە خوێندنەوە

کوردستان

دوایین