ئێمە لە تۆرە کۆمەڵایەتیەکان

جیهان

ئەو وڵاتانەی سزا ئەمریكاییەكانی سەر ئێران پشتگوێ‌ دەخەن

خەڵك-بەشی هەواڵ
توركیا و چین هەڵوێستی خۆیان بەرانبەر بە سزا ئەمریكاییەكانی سەر تاران ئاشكرا دەكەن كە دوێنێ‌ سێ‌ شەممە خرانە بواری جێبەجێكردنەوە، ئەمەش لەكاتێكدایە كە وەزیری دەرەوەی ئێران ئاماژە بەو سزایانە دەكات كە ڕووبەڕووی ولایەتە یەكگرتووەكان دەبێتەوە، بەبێ‌ ئەوەی رونكردنەوە لەبارەیانەوە بدات.

فاتح دۆنمیز، وەزیری وزەی توركیا رایگەیاند، وڵاتەكەی بەردەوام دەبێت لەسەر كڕینی غازی سروشتی ئێران، ئەوەش وەك بەردەوامبوون لەسەر ئەو رێكەوتنە درێژخایەنەی لەنێوان هەردوو وڵاتدا هەیە.

دۆنمیز بە كەناڵی (خەبەر)ی وڵاتەكەی راگەیاندبوو”گرێبەستی هاوردنی غازی سروشتی ئێران كە بڕەكەی 9.5 ملیار مەتری شەش پاڵووە، تا ساڵی 2026 بەردەوام دەبێت.

هەر لەو چوارچێوەیەدا، وەزارەتی دەرەوەی چین رایگەیاند، پەیوەندییەكانی پەكین و تاران كراوە و بەرچاوڕوون و شیاون، ئەمەش دوای ئەوەی دۆناڵد ترەمپ سەرۆكی ئەمریكا هەڕەشەی سەپاندنی سزای توندی بەسەر ئەو وڵات و لایەنانەدا كردبوو كە مامەڵەی بازرگانی لەگەڵ ئێران دەكەن.

وەزارەتی دەرەوەی چین لە بەیاننامەیەكدا رایگەیاند، پەكین بەردەوام دژ بە سزا تاكلایەنەكان و “سیاسەتی دەستدرێژیكردنە”.

دوێنێ‌ سێ‌ شەممە سەرۆكی ئەمریكا بڕیاری خستنەوەكاری سەپاندنی سزاكانی بەسەر ئێراندا واژۆ كرد و بەپێی كارنامەكە، لەمڕۆوە سزاكانی سەر ئێران دەكەونەوە كار.

بەپـێی بڕیارەكە سزاكان بە دوو قۆناغ دەسەپێنرێنەوە. قۆناغی یەكەم 7ی ئابی 2018 دەسـتپـێدەكات و لەم قۆناغەدا سزا دەخرێتە سەر بازاڕی دراوی ئێران و قەدەغە دەخرێتە سەر بازرگانیكردن بە زێڕ و كانزاكانی دیكە لەگەڵ ئێراندا و ڕێگە نادرێت هیچ تەكنەلۆجیایەكی پەیوەست بە كەرتی پـیشەسازی و دروستكردنی ئۆتۆمبیل بە ئێران بدرێت.

قۆناغی دووەمیش بڕیارە لە 5ی تشرینی دووەمی 2018وە دەستپـێبكات، لەو قۆناغەشدا هەناردەی نەوتی ئێران و ئاڵوگۆڕی بازرگانی لە ڕێگەی بەندەرەكانی ئێرانەوە قەدەغە دەكرێت.

بیانووی سەپاندنەوەی سزاكان بەسەر ئێران “ڕێگرتنە لە دەستخستنی چەكی ئەتۆمی، و زیادكردنی فشارە دارایـیەكانە لەسەر ڕژێمی ئێران تا كۆتایی بە هەڕەشەكانی بهێنرێن، لەوانە پەرەپـێدانی سیستمی موشەكی و پشـتیوانیكردنی لە گروپە تێرۆرستیـیەكان و كارە نەخوازراوەكانی سوپای پاسداران و بریكارەكانی لە ناوچەكەدا”.

جیهان

كەم خەوی ئەگەری تووشبوون بە شێرپەنجە زیاد دەكات

خەڵك- تەندروستی
لێكۆلینەوە پزیشكیەكان ئاشكرای دەكەن ژمارەیەكی زۆر لەتازە پێگەیشتووان كاتی تەواو و پێویست ناخەون، كە ماوەكەی كەمترە لە 8 كاتژمێر لەشەو و ڕۆژێكدا، ئەمەش دەبێتە هۆی كەمبوونەوەی بەرگری لەش و ئەگەری تووشبوون بەشێرپەنجە زیاد دەكات.

ڕۆژنامەی (دەیلی مەیل)ی بەریتانی، لەزاری دكتۆر ماسیو ۆڵكەر، كە شارەزایی لەبواری خەوتن-دا هەیە، بڵاویكردۆتەوە، “كەم خەوی كاریگەرییەكی زۆری هەیە لەسەر شێوازی ژیان و دیاری كردنی ئەوەی لەئایندەدا تووشی لەبیرچوونەوە دەبیت یاخود بەپێچەوانەوە”.

دەشڵێت: “دووبارەبوونەوەی كەم خەوی بۆ ماوەی چەند شەوێك دەبێتە هۆی ناڕێكی لەڕێژەی شەكری ناو خوێن”.

بە وتەی ئەو پزیشكە، “ناڕێكی خەو كاریگەری زۆری هەیە لەسەر باری دەروونی وەك دڵەراوكێ‌ و خەمۆكی و هەندێك جار دەبێتە هۆی خۆكوشتن”.

ئاماژەی بەوەشكردووە، كەم خەوتن لەشەودا ئەگەری تووش بوون بەنەخۆشییەكانی دڵ زیاد دەكات و هۆكارێكە بۆ زیادبوونی نەخۆشی دەمارەكانی دڵ و مێشك.

بەردەوام بە لە خوێندنەوە

ئابوری

بەوێنە: دوای بانگەوازەكەی ئەردۆغان، سەرۆك شارەوانییەك زێڕی هاوسەرەكەی فرۆشت

خەڵك-بەشی هەواڵ

سەرۆكی شارەوانی یەكێك لە شارەكانی توركیا بە كردەیی وەڵامی بانگەوازەكەی ئەردۆغانی سەرۆك كۆماری توركیای دایەوەو زێڕی هاوسەرەكەی فرۆشت.

تۆڕی سپوتنیك بڵاویكردەوە، سەرۆكی شارەوانی شاری ریزە لە توركیا بەمەبەستی دابەزینی بەهای دراوی بیانی، زێڕی هاوسەرەكەی خۆی فرۆشت.

رەشاد قەساب سەرۆكی شارەوانی ریزە ئاماژەی بۆ ئەوە كرد، دوای بانگەوازەكەی رەجەب تەیب ئەدۆغان بۆ فرۆشتنی زێڕ، بەمەبەستی كەمكردنەوی بەهای زێڕ و دراو ئەم كارەی ئەنجام داوە.
زۆرێك لە هاووڵاتیانی توركیا پێشوازییان لە هەنگاوەكانی ئەم سەرۆك شارەوانییە كردووە و پێیان وایە، هاووڵاتیان و بەرپرسانی توركیا زۆر هاوهەڵوێستن.

بەردەوام بە لە خوێندنەوە

جیهان

ئەمریكا چەند رۆژێك مۆڵەت دەداتە توركیا

خەڵك-بەشی هەواڵ

بەرپرسێكی كۆشكی سپی رایگەیاند، ئەگەر توركیا قەشە ئەمەریكییەكە ئازاد نەكات، ئەمریكا فشاری دارایی زیاتری دەخاتەسەر ئەو وڵاتە.

جۆن بۆڵتن ڕاوێژكاری ئاسایشی نیشتیمانی ئەمەریكا و سەردار كیلیچ باڵیۆزی توركیا لە ئەمەریكا سەبارەت بە دۆسییەی قەشە ئەمەریكییەكە “ئاندرو برانسن” كۆبوونەوەو دواتر بەرپرسێكی باڵای ئەمەریكا ئاشكرایكرد، بۆڵتن هۆشیاری داوەتە توركیاو وتوویەتی ئەمەریكا هیچ سازشێك ناكات.

ئەو بەرپرسەی كۆشكی سپی كە نەیویست ناوی ئاشكرا بكرێت بە ڕۆیتەرزی راگەیاند، تاكو ئێستا هیچ شتێك ڕووینەداوە سەبارەت بە دۆسیەكەی برانسن‌و حكومەتی ئەمریكاش سوور دەبێت لەسەر ئەو بابەتە.

ئاشكراشیكرد، لە سەدا سەد ترەمپ پابەندە بە گەڕاندنەوەی قەشە برانسن بۆ نیشتمان و ئەگەر لە ماوەی چەند ڕۆژی داهاتوودا یاخود چەند هەفتەی داهاتوو هیچ پێشڕەوییەكی دیكەمان نەبینی ئەوا ڕێوشوێنی زیاتر دەگیردرێتەبەر‌و فشارەكان بەردەوام دەبن ئەگەر ئەنجاممان دەست نەكەوێت.

بەردەوام بە لە خوێندنەوە
ریکلام

کوردستان

دوایین