ئێمە لە تۆرە کۆمەڵایەتیەکان

هەواڵەکان

هاوشێوەی پردەکەی پاریس، لە کوردستانیش قوفڵی خۆشەویستی لە پردەکەی دووکان دەدرێت

خێزان

بەهەمان شێوەی ئەو دیاردەیەی لە سەر پردەکانی شاری پاریس ئەنجام دەدار، هاوڵاتیانی کوردیش لە سەر ئەو پردەی لە دووکان هەیە قوفڵی خۆشەویستی هەڵدەواسن.

عاشقەکان پیتی یەکەمی خۆیان لەسەر قەفڵەکە دەنووسن و دەیکەن بە پردەکەوە، دواتریش کلیلی قوفڵەکە هەڵدەدەنە ناو دەریاچەکەوە و ئێستاش دەیان قەفڵی پێوە کراوە.

ئەم کارەش لە تۆڕە کۆمەڵایەتیەکان دەنگدانەوەی زۆری هەبووە و هەندێک ستایشی دەکەن و وەک کارێکی ئاسایی و شارستانی ناوی دەبەن، هەندێکیش پێیان وایە کە لاساییکردنەوەیەکی هەڵەیە و ئەگەر هەیە زیان بە پردەکە بگەیەنێت.

وێنەکان:

 

بۆچونی تۆ لەو بارەیەوە چییە ؟ لە کۆمێنت بۆمان بنووسە:

هەواڵەکان

ئەستێرەیەکی نامۆ، زانایان دەخاتە گومانەوە

خێزان
زانایانی بواری گەردون ناسی ویلایەتە یەکگرتووەکانی ئەمریکا هەواڵی دۆزینەوەی ئەستێرەیەکی نامۆیان راگەیاند، کە بەپێی لێکۆڵینەوەکان لە ئەستێرەکانی دیکە جیاوازە و خاوەنی تایبەتمەندییەکی سەیرە.

زانایانی ئاژانسی نیشتمانی ناسا، بە بەکارهێنانی مانگی دەستکردی “کێپلەر” کۆمەڵێک داتای گرنگیان لەبارەی ئەستێرەیەکی تازەوە بەدەستهێناوە و دەرکەوتووە کە ئەستێرەی (KIC 8462852) خاوەنی تایبەتمەندییەکی سەیرە، کە بە بەردەوامی بۆ ماوەی 80 رۆژ روناکییەکەی کەم دەکات و دواتر دەگەڕێتەوە باری ئاسایی خۆی.

لە گەردوندا، کاتێک هەسارە یان هەر تەنێک کە روناکیی نییە لە بەردەم ئەستێرەدا تێپەڕدەبێت، بۆ ماوەیەکی کاتی، کە چەند کاتژمێر یان چەند رۆژێک دەخایەنێت، پێش بە تێپەڕینی روناکیی ئەو ئەستێرەیە دەگرێت (هاوشێوەی تێپەڕینی مانگ لەبەردەم روناکیی خۆردا، کە نایەڵێت بۆ ماوەیەکی کاتی روناکیی خۆر، کە ئەستێرەیە بدات لە ناوچە جیاوازەکانی زەوی و دواتر دەردەکەوێتەوە)، بەڵام تایبەتمەندیی ئەم ئەستێرەیە جیاوازە لە تەواوی ئەستیرەکانی دەورووبەری و بەشێوەیەکی بەردەوام، کە بە گشتی نزیکەی 80 رۆژ دەخایەنێت، روناکییەکەی کەم دەکات و نامێنێت، دواتر دەگەڕێتەوە باری ئاسایی خۆی.
ئەمە لە کاتێکدایە، کە هیچ تەم یان بەرد و تەنێکی بچوک لەدەورووبەری ئەستێرەکەدا نییە، تاکو رێگە لە روناکییەکە بگرێت، چونکە ئەم حاڵەتە لە سەرەتاکانی دروستبوونی ئەستێرەوە روودەدات و ئەم ئەستێرەیە ئەو قۆناغەی تێپەڕاندووە.
ئەگەر ئەستێرەکە لەسەرەتای دروستبوونیدا بووایە ئەوا پێوستبوو هەست بە چەند دیاردەیەکی دیکەی گەردونی تیادا بکرایە و بەڵام هیچ شتێکی لەو بابەتە لە ئارادا نییە.
زانایان ئەوەیان پشتڕاستکردووەتەوە، کە لەکاتی کۆکردنەوەی ئەم داتایانەدا، مانگە دەستکردەکەی ناسا بۆ دۆزینەوەی هەسارەی هاوشێوەی زەوی لە بۆشایی ئاسماندا، بەباشی کاریکردووە و هیچ هەڵەیەک لە زانیارییەکاندا نییە.
بەشێک لە زانایان، گومان لە بوونی بوونەوەری ئاسمانی و چالاکییەکانیان لەسەر رووی ئەو ئەستێرەیە دەکەن، چونکە ئەم دیاردەیە نامۆیە بە زانیارییەکانی مرۆڤایەتی و تاکو ئێستا حاڵەتی هاوشێوە تۆمار نەکراوە.
سەرچاوە:zanstekan.com

بەردەوام بە لە خوێندنەوە

ئۆتۆمبێل و تەکنەلۆژیا

تایبەتمەندییەکانی زنجیرەی HUAWEI Mate 20 باشترین و پڕ داهێنان ترین مۆبایلەکانی هواوی

گروپی هواوی پەردەی لەسەر مۆبایلە تازەكەی ئەمساڵی لادا بەناوی HUAWEI Mate 20 كە هەنگاوێكی جیاوازە لە مێژووی زنجیرەی HUAWEI Mate ، ئەم زنجیرەیەش لوتكەی داهێنانە، بەهۆی ستایلی دروستكردنی كە پشت بەتازەترین تەكنەلۆژیای ئەم بوارە دەبەستێت، تازەترین مۆبایلی هوای دەبێتە پێوەر بۆ سەرجەم مۆبایلەكان لەساڵی 2018.
مۆبایلی HUAWEI Mate 20 پرۆسێسەری كیرین 980 لەخۆدەگرێت كەتازەترین داهێنانی هواویە ، بەرزترین تواناشی هەیە . ئەم سیستەمە توانای كاركردنی باشتر دەكات بەهۆی ستایلی 7 نانۆمەتر كەیەكەی چارسەری بەهێزی سەرەكی Cortex-A76 تێكەڵ دەبێت لەگەڵ یەكەی چارەسەری وێنەكان Mali-G76، هەروەها تەكنەلۆژیای سوپەر چارچ لەهواوی بەهێزی 40 وات كاردەكات لەگەڵ تایبەتمەندی چارچی بێتەل HUAWEI Wireless Quick Charge بەهێزی 15 وات ئەوەش تەمەنی پاتریەكەی درێژدەكاتەوە، سیستەمی كامیرای ئەم مۆبایلە زوومی لایكای تێدایە كەرێگا بەبەكارهێنەران دەدات وێنەی فرەوانتر و نزیكتر بگرن، زنجیرەی هواوی HUAWEI Mate 20 لەگەڵ كارپێكەری EMUI 9 دێت كەبەسیستەمی ئەندرۆید پای كاردەكات كەوا دەكات بەكارهێنەرا چێژ لەبەكارهێنانی ئەم مۆبایلە وەربگرن.
زنجیرەی HUAWEI Mate 20 بەچەندین پێوەرە بەردەستە 6.53 ئینج و 6.39 ئینج و 7.2 ئینج و لە چوار جۆری مۆبایل پێكهاتووە HUAWEI Mate 20، و HUAWEI Mate 20 Pro ، و HUAWEI Mate 20 X و PORSCHE DESIGN HUAWEI Mate 20 RS.
بەم بۆنەوە ریتچارد یۆ سەرۆكی گروپی هواوی ووتی : مۆبایل دەرگای سەردەمی ئێستایە بۆ چوونە ناوەوەی جیهانی دیجیتال ، زنجیرەی HUAWEI Mate 20 وادروستكراوە بۆ ئەوەی هاوڕێی بەكارهێنەر بێت و بەهۆی زیرەكی ئامێرەكە و درێژی تەمەنی پاتریەكەی و توانای بێ وێنەی كامیراكەی چێژ لەژیان وەربگرێت.

باڵادەستی لە توانا و تەمەنی پاتری
سیستەم لەسەر پرۆسێسەری ناو مۆبایلەكە كاردەكات و رۆڵێكی سەرەكی دەبینێت لە بەرزكردنەوەی تواناكەی بۆ ئاستێكی پێوانەیی ، ئەم سیستەمەش بەپێوەری 7 نانۆمەتر دروستكراوە ، 6.9 ملیار ترانزوستەر هەیە لەرووبەرێكی بچووك، بەبەراوردكردن لەگەڵ پرۆسێسەری كیرین 970، یەكەی چارسەری سەرەكی بەهێزترە بەرێژەی 75%، یەكەی چارەسەری وێنەكان بە رێژەی 46%، جگە لەیەكەی چارسەری هەستیار كەبەهێزترە بەرێژەی 226%، هەروەها توانای یەكەكان بۆ بەكارهێنانی وزە بەرزبۆتەوە، یەكەی چارەسەری ناوەندی بەتواناتر بووە بە رێژەی 58% و یەكەی چارسەری وێنەكان بەرێژەی 178%، هەروەها توانای یەكەی چارەسەری هەستیار بەتواناتربووە بەرێژەی 182%، كیرین 980 یەكەم پرۆسێسەرە لەجیهان كە بەم سیستەمە كاردەكات، ناوكی جۆری Cortex-A76. بەكاردەهێنێت، هواوی سەركەوتووبوو لەدروستكردنی سیستەمێكی سێ ئاست كەبریتیە لەدوو ناوكی زۆر گەورە و دوو ناوكی گەورە و چوار ناوكی بچووك، كەئەوەش نەرمی بەیەكەی چارەسەری سەرەكی دەبەخشێت بۆ دیاریكردنی ئەو قەبارەیەی كەپێویستە بۆ جێبەجێكردنی ئەركەكان كەتوانای بەرز یان ناوەندی یان لاوازی پێویستە ئەوەش توانای بێ وێنە و درێژكردنی تەمەنی پاتری بەبەكارهێنەران دەبەخشێت.
هەروەها مۆبایلی HUAWEI Mate 20 Pro یەكەم مۆبایلە لەجیهان پاڵپشتی پێوەری 4.5G LTE Cat.21 تایبەت بەتەكنەلۆژیای پەیوەندی نەوەی چوارەم، كەرێگا بەبەكارهێنەران دەدات خێرای دواندلۆدیان بگەیەنە 1.4 گیگابایت لە چركەیەكدا، هەروەها پاڵپشتی خێرای وای فای دەكات بۆ نمونە ڤیدیۆیەكی قەبارەی 2 گیگابایت بە 10 چركە دابەزێنن، هەروها ئەم مۆبایلە تەكنەلۆژیای (L1+L5) GPS تایبەت بەدیاریكردنی شوێنەكان لەخۆدەگرێت ، تەكنەلۆژیای AI GPS Satellite Selection بەزیرەكی دەستكرد لەدیاریكردنی شوێنەكان بە وردی لەرێگای چەندین سیناریۆی جیاوازەوە.
لەگەڵ ئەوەشدا، زنجیرەی HUAWEI Mate 20 بەباشتركردنی تەمەنی پاتری جیادەكرێتەوە، پاتری HUAWEI Mate 20 Pro قەبارەی 4200 میلی ئەمپێرە لەگەڵ تەكنەلۆژیای چارچی خێرا بەهێزی 40 وات كەئاستی شەحنكردن بۆ 70% بەرزدەكاتەوە لە 30 خولەكدا بەپشت بەستن بە بڕوانامەی TÜV Rheinland، هەروەها مۆبایلی HUAWEI Mate 20 Proتەكنەلۆژیای چارچی خێرای بێتەل HUAWEI Wireless Quick Charge بەهێزی 15 وات لەخۆدەگرێت كە خێراترین چارچی بێتەلە لەجیهاندا.
پاتری مۆبایلی HUAWEI Mate 20 X زۆر گەورەیە بەقەبارەی 500 میلی ئەمپێر، سیستەمی ساردكردنەوەش لەخۆدەگرێت كەبەهۆی ئەم سیستەمە هەردوو یەكەی چارەسەری ناوەندی و یەكەی چارەسەری وێنەكان لە HUAWEI Mate 20 X پارێزگاری لەتواناكانیان دەكەن بۆ كاتێكی درێژخایەن، لەگەڵ ئەزموونی یاریكردنێكی ئاسان، سیستەمی ساردكردنەوە لە هواوی تایبەتمەندی دەبەخشێت لە جیهانی مۆبایلدا كە بۆیەكەم جارە گرافین بەكاردێت بۆ ساردكرنەوەی مۆبایل.

سیستەمێكی كامێرای بێوێنە
ئەو مۆبایلە تازەیە بەهەمان سیستەمی كامیرای زنجیرەی HUAWEI P20 دروستكراوە ، هواوی لەرێگای Mate 20 زیادكردنێكی ناوازە پێشكەش دەكات، ئەویش زوومی لایكایە بە دووری 16 ملم كەگۆشەی سێ لایەنی فرەوان دەبەخشێت، هەروەها وێنەگرتنی فۆتۆگرافی ورد پێشكەش دەكات بۆ ئەو تەنانەی كە 2.5 سم لە زوومەوە دوورە لەگەڵ سیستەمێكی تەواو بۆ وێنەگرتن لەهەموو بارودۆخەكان. كامیرای مۆبایلی HUAWEI Mate 20 Pro بەكوالیتی 40 میگاپیكسلە و كامیرای گۆشەی پان بە كوالیتی 20 میگاپیكسل و كامیرا بۆ وێنەی دوور بە كوالیتی 8 میگاپیكسڵ، لەرێگای ئەم سێ كامیرایە مۆبایلەكە رووبەرێكی فرەوان رووماڵ دەكات لەگەڵ زوومی نزیكردنەوەی بە دووری 16 تا 270 ملم كەئەوەش وەك كامیرایەكی پیشەگەرانە بەدیاری دەخات.

هەروەها زنجیرەی HUAWEI Mate 20 رەنگەكانی پۆرترێ لە وێنەگرتنی ڤیدیۆ پێشكەش دەكات بەتەكنەلۆژیای زیرەكی دەستكرد، بەهۆی ئەم تەكنەلۆژیایەش زنجیرەی HUAWEI Mate 20 دەتوانی كەسەكان لەتەنەكان جیادەكاتەوە، تەكنەلۆژیای Spotlight Reel بەزیرەكی دەستكرد بەدیاریكردنی ئەو ڤیدیۆیانەی كە سیمای هاوبەشیان هەیە و راستەخۆ مۆنتاژێكی 10 چركەیەیان بۆ دەكات. لەگەڵ ئەوەشدا هەردوو مۆبایلی HUAWEI Mate 20 Pro و PORSCHE DESIGN HUAWEI Mate 20 RSتایەتمەندی ناسینەی رووخساری 3D هەیە كە بە 0.6 چركە توانای ناسینەوەی رووخساری هەیە لەگەڵ ئەگەری هەڵە كەناگاتە یەك لە ملیۆندا، هەردوو مۆبایلەكە لەرێگای كامیرایەكی 3D كەلەپێشەوە هەیە هەموو وردەكاریەكان دەناسێتەوە ، هەروەها توانای جوانكردنی وێنەی پۆرترێی هەیە بەشێوەیەكی سروشتی و كاریگەر.

دەوڵەمەندكردنی كوالێتی ژیان لەگەڵ كارپێكەری EMUI9
زنجیرەی HUAWEI Mate 20 كۆپی ژمارە 9ی كارپێكەری بەناوبانگی هواوی EMUI لەگەڵدایە، كەبەسیستەمی ئەندرۆید پای كاردەكات، ئەم كارپێكەرە پاڵپشتە بە داتاكانی زیرەكی دەستكرد، بۆ گەیشتن بە توانایەكی باشتر لەسیستەمی ئەندرۆید، كارپێكەری 9 EMUI ئەزموونێكی نایاب لەهەموو كاتەكان پێشكەش دەكات و پارێزگاری لەم ئاستە دەكات لەكاتی بەكارهێنانی درێژخایەن. كارپێكەری 9 EMUI بەوە ناسراوە بەكارهێنانی ئاسانە، هەروەها لیستی هەڵبژاردنێكی رێكخراو و ئاسان دابین دەكات، هەروەها چەندین تایبەتمەندی پاڵپشت بە زیرەكی دەستكرد پێشكەش دەكات كەرێگا بەجێبەجێكردنی ئەركی تازە دەدات كە بریتیە لە ناسینەوەی تەنەكان و وژماردنی كالۆری لە خواردن ، هەروەها بەكارهێنەران دەتوانن كەسایەتی كارتۆنی دروست بكەن بە 3D بەشێوەیەكی راستەوخۆ.
زنجیرە تازەكەی هواوی تایبەتمەندی HUAWEI Share 3.0 كە توخمێكی سەرەكی هواویە لەپەیوەندیكردن لەسەرجەم حاڵەتەكان، ئەم تایەتمەندیە رێگا بەكارهێنەران دەدات بەخێرایی دۆسیەكانیان لە نێوان دوو مۆبایل یان مۆبایل و كۆمپیوتەر بگوازنەوە، بەیەك دەستلێدان پەیوەندی نێوان مۆبایل و كۆمپیوتەر دروست دەبێت و دۆسیەكان بەخێرایی دەگوازرێنەوە.

ستایلی داهاتوو
هەروەك باوە لە زنجیرەكانی HUAWEI Mate، مۆبایلەكانی زنجیرەی تازە بەشاشەی نمایشی تەواو بەرهەمهێنراوە، شاشەكان لەزنجیرە تازەكە بەئەندازیاریەكی ورد ناسراوە و بەپێوەری 6.39 ئینج لە مۆبایلی HUAWEI Mate 20 Pro و 7.2 ئینج لە مۆبایلی HUAWEI Mate 20 X، سەڕەرای قەبارەی گەورەی بەڵام هەردوو مۆبایل بەیەك دەست بەكاردەهێندرێت. هەروەها ئەم زنجیرەیە بە توخمە سەرەكیەكانی دروستكردنی ناسراوە، هەموو لایەنەكانی داپۆشراوە و كارێكی هونەری ناوازە پێشكەش بە بەكارهێنەر دەكات، هواوی لە دروستكردنی مۆبایلی PORSCHE DESIGN HUAWEI Mate 20 RS توخمەكانی پۆرشەی بەناوبانگی بەكارهێناوە بەشێوەیەكی جوان، بەبەكارهێنانی كەلوپەلی نایاب لە جیهانی پێشبڕكێ بۆ ئەوەی ئامێرێكی ناوازە و جوان پێشكەش بكات و چێژ لەبەكارهێنانی وەربگیرێت.
دانانی كامێراكان دواوە لە زنجیرەی HUAWEI Mate 20 لەگەڵ دابەشكردنی سێ كامیرا و هەستیارەكە لە چوارچێوەیەكی ئاسنینی نایاب دانراوە ، مۆبایلە تازەكان بەرەنگێكی تازە دیار دەكەون كە سەوزی كاڵە (زوموردی) كە لەبەردە پیرۆزەكان وەرگیراوە، هەروەها كاردنەوەی رەنگەكان لەسەر شووشەی بەكارهێنراو كاریگەریەكی ناوازە پێشكەش دەكات ئەوە لەگەڵ بەهێزی ئامێرەكەو ئاسانی هەڵگرتنی ئامێرەكە ، لەگەڵ ئەوەش شووشەی بەرگی دواوە پارێزگاری لە خاوێنی ئامێرەكە دەكات ئەگەر بەكارهێنانی بۆ ماوەیەكی درێژ خایەن بێت.
زنجیرەی HUAWEI Mate 20 لەگەڵ كاتژمێری HUAWEI WATCH GT و بازنی HUAWEI Band 3 Pro بەردەست دەبێت لە شانشینی یەكگرتوو و فرەنسا و ئیتالیا و ئیمارات لە ماوەیەكی نزیكدا.


ئامێری مۆبایلی HUAWEI Mate 20 بە میمۆری هەڕەمەكی 4 گیگابایت و میمۆری ناوەوە 128 گیگابایت بەنرخی 799 یۆرۆیە لەو كاتەی مۆبایلی HUAWEI Mate 20 لەگەڵ میمۆری هەڕەمەكی 6 گیگابایت و میمۆری ناوەوە 128 گیگابایت بەنرخی 849 یۆرۆیە لە رێكەوتی 16/10/2018
بەڵام مۆبایلی مۆبایلی HUAWEI Mate 20 Pro لەگەڵ میمۆری هەڕەمەكی 6 گیگابایت و میمۆری ناوەوە 128 گیگابایت بەنرخی 1049 یۆرۆیە لە رێكەوتی 16/10/2018
هەروەها مۆبایلی HUAWEI Mate 20 X لەگەڵ میمۆری هەڕەمەكی 6 گیگابایت و میمۆری ناوەوە 128 گیگابایت بەنرخی 899 یۆرۆیە لە رێكەوتی 26/10/2018
لەو كاتەی ئامێری PORSCHE DESIGN HUAWEI Mate 20 RS لەگەڵ میمۆری هەڕەمەكی 8 گیگابایت و میمۆری ناوەوە 256 گیگابایت بەنرخی 1695 یۆرۆیە لەو كاتەی ئامێری PORSCHE DESIGN HUAWEI Mate 20 RS لەگەڵ میمۆری هەڕەمەكی 8 گیگابایت و میمۆری ناوەوە 512 گیگابایت بەنرخی 2095 یۆرۆیە لە رێكەوتی 16/10/2018
بەهۆی ستایلی ناوازە و توانای پێشكەوتوو و تایبەتمەندی وێنەگرتنی بێ هاوتا لەگەڵ نەوەی داهاتووی تەكنەلۆژیای زیرەكی دەستكرد، زنجیرەی HUAWEI Mate 20 هاوڕێی نموونەیە بۆ ئەوانەی لە كوالیتی و بەرزی ژیان دەگەڕێن.

بەردەوام بە لە خوێندنەوە

هەواڵەکان

یەریڤان ڤیدیۆ کلیپێکی نوێ بڵاودەکاتەوە

خێزان


هونەرمەند یەریڤان نوورەدین نوێترین بەرهەمی خۆی بە ناوی (بێوەفا) تەواو کردووە و بڕیارە لە هەفتەی داهاتوو بڵاو بکرێتەوە.

دیار کوردۆ دەرهێنەری کارەکە لە بارەی بەرهەمەکەوە ڕایگەیاندووە: ״بەرهەمە نوێکەی هونەرمەند یەریڤان بە ناوی (بێوەفا)یە کە کاری میوزیکی لە لایەن سیامەندی فەقێ زادە لە وڵاتی ئێران ئەنجام دراوە و لە هۆنراوەی نزار ناشادە، کاری وێنەگرتنی لە لایەن کۆمپانیای ئەکتیڤ پرۆدەکشن کراوە و منیش کاری دەرهێنانم بۆ ئەنجام داوە.״
دیار کوردۆ وتیشی: ״بەرهەمەکە باسی تاوانی بێوەفایی دەکات کە سیناریۆکەش باس لە کەسێک دەکات کە غەدر لە یەریڤان دەکات و بێوەفا دەبێت و جێی دەهێڵێت، بۆ ئەوەش هاوسەرەکەی دەروون بابان ڕۆڵەکە دەبینێت.״
هونه‌رمه‌ندی لاو یه‌ریڤان نووره‌دین له‌ ساڵی 1991 له‌ شاری سلێمانی له‌ دایك بووه‌ و سه‌ره‌تاش به ‌هۆی به‌شداریكردنی له‌ درامای گه‌رده‌لوول و گۆرانیوتنی له‌و درامایه‌دا ناسرا و دواتریش چەند ڤیدیۆکلیپێکی بڵاو کردەوە.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین