ئێمە لە تۆرە کۆمەڵایەتیەکان

کوردستان

پیرانشار: كۆڵبەرێكی دیكە كوژرا

خەڵك- بەشی هەواڵ

هێزە چەكدارەكانی ئێران لە سنووری پیرانشار كۆڵبەرێكی لاویان دایە بەر دەستڕێژی گوللە و كوشتیان.

ڕێكخراوی مافی مرۆڤی هەنگاو بڵاویكردەوە “هێزە چەكدارەكانی ئێران لە بەرزاییەكانی قەندیل هەڵكەوتوو لە سنووری پیرانشار، كاتژمێر ٣ی بەرەبەیانی ڕۆژی سێشەممە (١٦ی گەلاوێژی ٢٧١٨ / ٧ی ئاگۆستی ٢٠١٨)، پۆلێك لە كۆڵبەرانی كوردیان داوەتە بەر دەستڕێژی گوللە و لەئاكامدا كۆڵبەرێكی لاو گیانی لە دەست داوە”.

ئەو كۆڵبەرە تەمەن ١٩ ساڵەی ناوی حاسڵ بادبەرین كوڕی خدر و دانیشتووی گوندی تركەشی سەر بە شاری پیرانشارە.

بە وتەی سەرچاوەیەكی ئاگادار، هێزە چەكدارەكانی ئێران بە بێ هیچ وریاكردنەوەیەك ئەو كۆڵبەرەیان داوەتە بەر دەستڕێژی گوللە و لەئاكامدا بەهۆی بەركەوتنی چەندین گوللە دەستبەجێ گیانی لە دەست داوە.

بە پشتبەستن بە ئاماری تۆماركراو لەناوەندی ئاماری هەنگاو، لەماوەی مانگی ڕابردوودا ١٦ كۆڵبەری كورد كوژراون و بریندار بوون.

کوردستان

بەهۆی تەزووی كارەباوە مامۆستایەك گیانی لەدەستدا

خەڵك – بەشی هەواڵ
بەڕێوەبەرایەتی پۆلیسی گەرمیان ڕایدەگەیەنێت، لەكاتی تێكردنی كۆنكریتی سەقفی خانویەكدا مامۆستایەك كارەبا دەیگرێت پاش گەیاندنی بە نەخۆشخانە گیانی لەدەستدا، دەشڵێت:”شۆفێری ئۆتۆمبێلی پەمپەكە و خاوەنی سایلۆی چیمەنتۆكە بەندكراون”.

عەلی جەمال قەدووری، بەڕێوەبەری ڕاگەیاندنی پۆلیسی گەرمیان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بەیانی ئەمڕۆ هەینی لەكاتی كاركردندا مامۆستایەك بەناوی ئەیاد نوزاد عبدولقادر لە دایكبووی 1983 كارەبا دەیگرێت پاش گەیاندنی بەفریاكەوتنی شەهیدهەژار گیانی لەدەستدا.

دەشڵێت:”بەوتەی كەسوكاری ئەو مامۆستایە سەرپەرشتی خانووی هاوڵاتیەكی كردوە لەكاتێكدا سەرقاڵی كۆنكرێت كردنی خانووەكە بوون لەكاتی خاڵی كردنی چیمەنتۆ بە پەمپی هەوایی بۆ سەرخانوو بۆڕی پەمپەكە بەر كارەبا كەوتوە بەوهۆیەوە ناوبراو تەزوی كارەبا لێیداوە گیانی لەدەستداوە”.

ڕاشیگەیاندووە، لەئێستادا پەڕاوی لێكۆڵینەوەی بۆكراوەتەوە و تەرمی ناوبراو بە مەبەستی توێكاری ڕەوانەی بزیشكی دادوەری كەلاركراوە و شۆفێری ئۆتۆمبێلی پەمپەكە و خاوەنی سایلۆی چیمەنتۆكە بەبڕیاری دادوەروبەپێی مادەی 411 بەندكراون.

بەردەوام بە لە خوێندنەوە

کوردستان

بە وێنە.. رێگایەكی سەرەكی گەرمیان بەشێوەیەكی كاتی داخرا

خەڵك- بەشی هەواڵ

بەرێوەبەرایەتی گشتی هاتوچۆی گەرمیان راگەیاند، رێگای سەرەكی نێوان كەلار- رزگاری بەشێوەیەكی كاتی داخراوە، بەهۆی كاركردن لە رێگاكەدا.

لە راگەیەندراوێكدا بەرێوەبەرایەتی گشتی هاتوچۆی گەرمیان نوسیویەتی”ئاگاداری شۆفێران و بەكارهێنەرانی ڕێگای كەلار ڕزگاری دەكەینەوە كە بە هۆی كاركردن لەو شەقامەدا لادانی كاتی هەیە و لە هەندێك جێگا شەقامەكە بە هەردوو ئاڕاستە ئۆتۆمبیل هاتوچۆی پێدا دەكات، بۆیە پێویستە شۆفێران بە وریاییەوە شۆفێری بكەن و خێراییەكانیان كەم بكەنەوە بۆ ئەوەی دووربن لە ڕووداوی هاتوچۆ.”

هەر لە راگەیەندراوەكەدا هاتووە”هەروەها لە كاتی بەكارهێنانی ئاڕاستەی (ڕزگاری بۆ كەلار) ئاگاداری تاسەكانی سەر ئەو شەقامە بن و خێراییەكانیان كەم بكەنەوە بۆ ئەوەی توشی ڕووداوی هاتوچۆ و زیان نەبن.”

رێگای كەلار – رزگاری ماوەی نزیكەی سێ‌ ساڵە كاری تێدا دەكرێت و هێشتا بە تەواوەتی تەواونەبووە.

بەردەوام بە لە خوێندنەوە

عێراق

بەوێنە؛ بەرهەم ساڵح لە شەقامی موتەنەبی بەغدای پایتەخت

خەڵك – بەشی هەواڵ
سەرۆك كۆماری عیراق سەردانی شەقامی موتەنەبی بەغدای پایتەخت دەكات و چاوی بە ژمارەیەك ڕۆشنبیر و نوسەر دەكەوێت.

ماڵپەری سەرۆكایەتی كۆماری عیراق بڵاویكردەوە، سەر لە بەیانی ئەمڕۆ هەینی 19-10-2018 بەرهەم ساڵح، سەرۆك كۆماری عیراق لە گەڵ سەرباخ ساڵح، خانمی یەكەم سەردانی شەقامی موتەنەبی بەغدا یان كرد .

ئەمە لەكاتێكدایە، ڕۆژی 2ی تشرینی 2018 بەرهەم ساڵح بە دەنگی زۆرینەی ئەنجومەنی نوێنەرانی عیراق وەك چوارەم سەرۆككۆماری عیراق لەداوی رۆخانی ڕژێمی سەدام هەڵبژێرا .

 

 

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین