ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

پێویستە کرداری هەواگۆڕکێ لە تونێلدا چۆن بێت؟

خەڵک –
لەوانەیە زۆر جار بە تونێلدا تێپەڕبووبیت و خەیاڵی ئەوەت کردبێت کە ئاخۆ کرداری هەواگۆڕکێی تونێل چۆن ئەنجامدەدرێت و پێویستە چۆن بێت؟ و ئەو بڕە هەوا زۆرە چۆن نوێ دەبێتەوە؟ ئەندازیاری میکانیکی هێمن ڕەفیق بەم چەند خاڵەی ڕونکردنەوەی ئەم حاڵەتە باس دەکات.

١. ئەگەر تونێلێک تەنها یەک ساید بێت و خێرایی ڕێگە پێدراو لە ٥٠ کم/سەعات زیاتر بوو ئەوا هەواگۆڕکیی سروشتی تیایدا ڕوودەدات.
٢.ئەگەر توونێلیک دوو ساید بێت و پێچەوانەی یەکتر بن ئەوا ئەو هەواگۆڕکێ سروشتییەی لە تێبینی یەکەمدا باسکراوە ڕوونادات چوونکە بەرئەنجامی هەردوو ئاڕاستەکە نزیک دەبێتەوە لە سفر.
٣.هەواگۆڕکێی میکانیکی کاتێک دادەنرێت کە هەواگۆڕکێی سروشتی نەتوانیت کار بکات، بەڵام پێویستە هەموو توونێلێک هەواگۆڕکێی میکانیکی تێدابێت، چوونکە با وای دابنێین کە توونێلەکە یەک سایدەو خێرایی ئوتومبیل لەسەر و ٥٠ کم/کاتژمێرەوەیە بەلام لەکاتی قەرەباڵغیدا کە خێرایی ئوتومبیلەکان زۆر کەم بێتەوە هەواگۆڕکێیەکە ڕوونادات، بۆیە پێویستە لەهەموو تونێلێکدا و لەهەموو کاتێکدا ئەو فانانە هەبن و کاری خۆیان بکەن.
٤.کاتێک تونێلێکمان هەبێت دەرچەی هاتنەدەرەوەی نزیک بێت لە بینایەک یاخوود شووێنیکی گشتی پیویستیە ئەو هەوایەی کە لە توونێلەکە دێتە دەرەوە بەشێوەیەک لەشێوەکەن دووربخرێتەوە لە بیناکان، ئەو دووریەش کە پیویستیە دەرچەی تونێلەکە لە بیناکان دووربێت کەمترین دووری ڕێ پێدراو ١٠٠ مەترە، لەم حاڵەتەدا پیویستیە هەوای تونێلەکە پێش هاتنەدەرەوەی لەڕێی دەکتەوە بخرێتە سەر تونێلەکە و لەڕێی فانێکی ترەوە ئەو هەوا پیسە کۆبکرێتەوە و بخرێتە دەرەوە.

ریکلام

ئۆتۆمبێل و تەکنەلۆژیا

كە موبایلەكەت گەرمبوو خێرا ئەم كارە بكە

خەڵك- بەشی هەواڵ

یەكێك لەو كێشەكانەی بەكارھێنەرانی مۆبایلە زیرەكەكان رووبەڕووی دەبنەوە، گەرم بوونی لە رادە بەدەری پاتری مۆبایلەكانیانە، كە ھەندێك جار دەبێتە هۆی دروستبونی رووداوی نەخوازراو.

لە ماوەی ساڵی رابردوودا، چەند ھەواڵێك لە بارەی تەقینەوەی مۆبایلەكانی وەك ئایفۆن و گالاسكی بڵاوبوونەوە، كە ئەمەش بۆوە جێگەی نیگەرانی بەكارھێنەرانی مۆبایل.

یەكێك لە سەرەتاییترین و گرنگترین نیشانەكانی پێش تەقینەوەو گڕگرتنی مۆبایلی زیرەك، گەرمبوونی لە ڕادەبەردی پاتری مۆبایلە، بۆیە كە مۆبایلەكانتان گەرم دەبێت، بەو مانایەیە، كە ھیچ شتێك لە جێی خۆیدا نییەو لە ھەر كاتێكدا ئەگەری روودانێك ھەیە.

دەبێت بە خێرایی كۆمەڵێك ھەنگاو بنێنین و پێش لە رووداوی نەخوازراوی وەك ئاگرگرتن و تەقینەوەی مۆبایل بگرین :

یەكەم: دەبێت تەواوی بەرنامەكانی مۆبایلەكەت ناچالاك بكەیت.

دووەم: مۆبایلەكەت بۆ ماوەیەك بكوژێنیتەوە.

سێیەم: كەڤەری مۆبایلەكەت دەربھێنە.

چوارەم: پلەی گەرمی مۆبایلەكەت دابەزێنە.

 

سەرچاوە: كاروان ئایتی

بەردەوام بە لە خوێندنەوە

ئۆتۆمبێل و تەکنەلۆژیا

مۆبایلی HUAWEI nova 3i جوان و سەردەمییانە ئێستا لەبازاڕەكانی عیراق بەردەستە

 

كۆمپانیای هواوی رایگەیاند كە مۆبایلی HUAWEI nova 3i ئێستا لە بازاڕەكانی عیراق بەردەستە ، مۆبایلی HUAWEI nova 3i بە تەكنەلۆژیای زیرەكی دەستكرد كاردەكات لە هەموو تایبەنمەندی و كامێراكانی، بەهۆی دەبڵ كامێرای پێشەوە (24 میگاپیكسل + 2 میگاپیكسل)، مۆبایلە تازەكە رێگا بەبەكارهێنەران دەدات باشترین وێنەی سێلفی بگرن، مۆبایلی HUAWEI nova 3i توانای بەهێزكردنی لایەنەكانی جوانی سروشتیە بەپشت بەستن بەداتاكان، بەهۆی زیرەكی دەستكردەوە دەكرێ دیمەنەكان بناسرێنەوە و بگونجێن لەگەڵ جوانی راستەقینەی ئەو كەسەی كە سێلفیەكە دەگرێت.
مۆبایلی HUAWEI nova 3i ستایلێكی جوانی سەردەمیانەی هەیە بەرەنگەكانی سپی و رەش و مۆر، هەڵبژاردەیەكی باشە بۆ ئەو كاسانەی كە مۆبایلێكیان پێویستە رەنگدانەوەی كەسایەتیان بێت، شاشەكەی 6.3 ئینجە بە تەكنەلۆژیای روونی تەواو (2340×1080) كە تێروانینێكی تەواو دەدات بۆ جیهان لەرێگای ئامێرێكی بچووكەوە، ئەم مۆبایلە لەچەند بازاڕێكی دیاریكراو لەعیراق بەدەست دەكەوێت و دواتر لەسەرجەم بازاڕەكان بەرەنگەكانی سپی و رەش و مۆر بە نرخی 319 دۆلار.

مۆبایلی HUAWEI nova 3i دەدرەوشێتەوە بە دەبل كامیرای پێشەوە پاڵپشت بە زیرەكی دەستكرد

كامیرای پێشەوە و دواوەی ئەم مۆبایلە بە كوالێتی 24 میگاپێكسڵە بۆ چرکاندنی جوانترین وێنەی سێلفی، بەهۆی زیرەكی دەستكردەوە وێنەی سێلفی جوان دەگیرێت لەرێگای جەختكردنەوە لەرووخسار و دەوروبەری بەیەكەوە، زوومی سەرەكی مۆبایلی HUAWEI nova 3i داتاكانی وێنەكە وەردەگرێت، كامێرای دووەم داتاكانی دووری وەردەگرێ ، كامیرای پێشەوە بەكوالێتی 24 مێگاپیكسڵە بە زوومی f/2.0 كە توانای چارسەركردنی وێنەكانی هەیە، كامیرای دووەم بەكوالیتی 2 میگا پێكسڵ داتاكانی دووری و دیمەنی وێنەگرتن كۆدەكاتەوە بەپشت بەستن بەفاكتەرەكانی تایبە بۆ بەرهەمهێنانی بۆكیھ.

HUAWEI nova 3i پرۆسێسەری كیرین لە خۆدەگرێت
مۆبایلی HUAWEI nova 3i پرۆسێسەری كیرین 710 لەخۆدەگرێت پاڵپشت بە زیرەكی دەستكرد لەگەڵ بەكارهێنەری EMUI 8.2 بۆ باشتركردنی تواناكانی.
مۆبایلی HUAWEI nova 3i توانای ناسینەوەی دیمەنكانی بەزیرەكی دەستكردەوە هەیە
مۆبایلی HUAWEI nova 3i توانای ناسینەوەی 200 دیمەنی هەیە بە 8 جۆردا كە بریتین لە ئاسمان و كەنارەكان و رووەكەكان و و دیمەنی شەوانە و نمایشە هونەریەكان و گوڵەكان و ژوورەكان و بەفر بەمەش مۆبایلەكە بە زیرەكی دەستكرد توانای ناسینەوەی باگراوندەكان و وەرگرتنی وردەكاریەكانی هەیە بۆ ئەوەی جوانترین وێنە بەباشترین رەنگ بداتە بەكارهێنەران.

مۆبایلی HUAWEI nova 3i داتای جوانكردن بەزیرەكی دەستكرد دابین دەكات

كامیرای مۆبایلی HUAWEI nova 3i درێژی ناوەوەی 35 ملم بۆ وێنەكانی سێلفی هەیە باشترین تەكنەلۆژیا بە زیرەكی دەستكرد بۆ گرتنی وێنەی سێلفی پێشكەش دەكات. داتاكانی جوانكردن بەزیرەكی دەستكرد 7 رەنگی پێست دابین دەكات كەبەكارهێنەر دەتوانی یەكێكیان بەئارەزووی خۆی هەڵبژێرێت و بۆ وێنەكانی سێلفی تەرخانی بكات.

بەردەوام بە لە خوێندنەوە

ئۆتۆمبێل و تەکنەلۆژیا

چەند ڕێنماییەک بۆ زانینی ئەوەی کێشە لە تاقمی سوکاندا ھەبێت

خەڵک-

سوکان (Steering Wheel) یەکێکە لە ھەرە گرنگترین پارچەکانی ئۆتۆمبێل، بچوکترین کێشەش لە تاقمی سوکاندا بە مەترسی بۆ سەر سەرنشین و ئۆتۆمبێلەکەش دەشکێتەوە، لێرەدا دەمانەوێت ئاماژە بە ھەندێک ڕێنمایی بکەین کە لە ڕێگەیانەوە بتوانیت کێشەکانی تاقمی سوکانی ئۆتۆمبێلەکەت بناسیتەوە.

نیشانەکانی خراپبوون یان تێکچوونی تاقمی سوکان:

  • ئەگەر ھەر لێچوونی ڕۆن یان شلەیەکت لە سیستمی پاوەری ئۆتۆمبێلەکەت بەدی کرد، بە تایبەتی کە نیوەڕوان ئۆتۆمبێلەکە ڕادەگریت، دەبێت بە زوویی شوێنی لێچوونەکە بدۆزیتەوە تا کێشەکە گەورەتر نەبووە.
  • ھەر کات ھەستت کرد کێشی سوکانەکە بە دەستەوە سووک بووە، لەوەوە بزانە کێشەیەک ڕوویداوە و مەترسیی ئەوەیە لە خراییە زۆرەکاندا ئۆتۆمبێلەکە بە ئاسانی کۆنترۆڵ ناکرێت و ڕووداوی نەخوازراوی لێدەکەوێتەوە.
  • کاتێک ئیستۆپت گرت ھەستت کرد سوکانەکە بە دەستەوە دەلەرزێت یان بە لایەکدا دەڕوات، دەکرێت کێشە لە بانس یان قاعیدەی بانسەکان یان فلنجەکاندا بێت، بەڵام دەکرێت کێشە لە تاقمی سوکانەکەشدا بێت.
  • ئەگەر ھەستت کرد ھایدرۆلیکی پاوەر کەمی دەکات، نیشانەیە بۆ بوونی کێشەیەک کە دەبێت زوو بدۆزرێتەوە، کاتێک سوکانت سوڕاند و دەنگی پاوەر زیادی کرد، بزانە ھایدرۆلیکی پاوەر کەمی کردووە.
  • ھەندێک کاتیش لە کاتی سوڕاندنی سوکاندا کرتەکرت و دەنگ دەردەچێت، ئەمەش نیشانەیەکی مەترسیدارە لە بوونی کێشە لە تاقمی سوکاندا.

بەھیوای سەلامەتیی ھەموو لایەک..

بەردەوام بە لە خوێندنەوە

کوردستان

دوایین