وەزیری كار و كاروباری كۆمەڵایەتی حكومەتی عێراق دڵنیایی خەرج كردنی مووچەی فەرمانبەرانی هەرێم دەدات و ڕایدەگەیەنێت، چەند میكانیزمێك بۆ چاودێریكردنی خەرجكردنی بەشە بودجەی هەرێم دیاریكراوە.
ئەحمەد ئەسەدی، وەزیری كار و كاروباری كۆمەڵایەتیی عێراق بۆ ئاژانسی فەرمی هەواڵی (العراقیە) ڕایگەیاندووە، حكومەتی فیدڕاڵی بەپێی یاسای بودجە كاردەكات و مووچەی فەرمانبەرانی هەرێمی كوردستانیش خەرج دەكرێت.
ڕاشیگەیاندووە، لە یاسای بودجەدا هاتووە لە خەرجكردنی پشكی هەرێم دەبێت ئەولەویەت بدرێتە مووچەی فەرمانبەرانی هەرێم و چەند میكانیزمێك بۆ چاودێریكردنی خەرجكردنی بەشە بودجەی هەرێم دیاریكراوە.
ئەو وەزیرەی حكومەتی عێراق جەختیشی كردۆتەوە، ئەركی حكومەتی عێراقە بە یەكێك لەو میكانیزمانەی دانراوە چاودێری خەرجكردنی بەشە بودجەی هەرێمی كوردستان بكرێت.
