ئێمە لە تۆرە کۆمەڵایەتیەکان

ڕاپۆرت و شیکاری

 (هه‌رسێکیان به‌یه‌که‌وه‌!) له‌ماوه‌ی دوو مانگدا مۆرینیۆ و گواردیۆلا و کلۆپ باڵی ڕاستیان شکا و به‌ته‌نها مانه‌وه‌ !

خه‌ڵک سپۆرت

هه‌ریه‌ک له‌ڕاهێنه‌ران جوزێ مۆرینیۆ و پیپ گواردیۆلا و یۆرگن کلۆپ له‌م وه‌رزه‌دا به‌بێ یاریده‌ده‌ره‌ سه‌ره‌کییه‌کانیان له‌یانه‌کانی مانچسته‌ر یونایتدو سیتی و لیڤه‌رپوڵ به‌رده‌وامی به‌کاره‌کانیان ده‌ده‌ن.

به‌پێی زانیارییه‌کانی ڕۆژنامه‌ی “ده‌یلی مه‌یڵ”، له‌ماوه‌ی دوو مانگی (چوار بۆ شه‌ش)ی ساڵی (٢٠١٨)دا، هه‌ریه‌ک له‌یاریده‌ده‌رانی مۆرینیۆ و گواردیۆلا و کلۆپ به‌یه‌که‌وه‌ وازهێنانیان ڕاگه‌یاندووه‌ و خۆیان به‌ته‌نها ده‌ستیان به‌کاری ڕاهێنان کردووه‌!

کۆی گشتی کاری ئه‌م یاریده‌ده‌رانه‌ له‌گه‌ڵ سێ ڕاهێنه‌ری ناوبراو ماوه‌ی ٤٥ ساڵ بووه‌، له‌به‌رئه‌وه‌ دوورکه‌وتنه‌وه‌یان له‌م راهێنه‌رانه‌ و کارکردنیان به‌جیا جگه‌ له‌وه‌ی کاریگه‌ری له‌سه‌رداهاتوی خۆیان ده‌بێت، بێگومان کاریگه‌ری ئاگرینی له‌سه‌ر ئاست و کاروباری سێ ڕاهێنه‌ره‌ ناوداره‌که‌ی “پریمه‌رلیگ”یش ده‌بێت و له‌م وه‌رزه‌دا ناچارن به‌ته‌نها کاروباره‌کانیان به‌رێبکه‌ن.

ڕوی ڤاریا (یاریده‌ده‌ری مۆرینیۆ): ماوه‌ی ١٧ ساڵ (له‌ساڵی ٢٠٠١وه‌) له‌یانه‌کانی (یونیاو لێرا، پۆرتۆ، چێڵسی، ئینته‌رمیلان، ڕیاڵ مه‌درید، چێڵسی، مانچسته‌ر یونایتد) له‌گه‌ڵ مۆرینیۆ کاری کردووه‌، پۆسته‌که‌ی یاریده‌ده‌ری تایبه‌تی ڕاهێنه‌ر و ڕاهێنه‌ری جه‌سته‌یی بووه‌، سه‌ره‌ڕای ئه‌وه‌ی له‌ڕووه‌ تاکتیکیه‌کانه‌وه‌ هیچ کاریگه‌ری له‌سه‌ر پلانه‌کانی “مۆو” نه‌بووه‌، به‌ڵام له‌سه‌ر ئاستی ژیانی تایبه‌تی و بارودۆخی ده‌رونی-یه‌وه‌ جیابونه‌وه‌یان هاوشێوه‌ی ئاگره‌، به‌وپێیه‌ی ڤاریا به‌سته‌ری یاریزانان بووه‌ به‌ راهێنه‌ره‌وه‌ و ته‌واوی کێشه‌کانی چاره‌سه‌رکردووه‌.

له‌ئێستادا ڕۆیشتووه‌ و مۆرینیۆ هیچ که‌سێکی له‌جێگه‌ی دانه‌ناوه‌و ئه‌رکه‌که‌ی خستۆته‌ سه‌رشانی خۆی، ڕاهێنه‌ری ناوبراو بۆ هه‌مان مه‌به‌ست پشتی به‌ مایکڵ کاریک به‌ستووه‌، به‌ڵام ئه‌م یاریزانه‌ی پێشوی یونایتد هاوشێوه‌ی ڤاریا کاریگه‌ر نییه‌ و له‌سه‌ره‌تای وه‌رزه‌وه‌ مۆرینیۆ له‌گه‌ڵ ئانتۆنی مارتیال و پۆگبا و چه‌ند یاریزانێک دووچاری کێشه‌ هاتووه‌ و که‌سێک نییه‌ بکه‌وێته‌ نێوان ئیداره‌ی یونایتد و ڕاهێنه‌ره‌که‌وه‌، کێشه‌کانیش ڕۆژ به‌ڕؤژ گه‌وره‌تر ده‌بن و به‌هه‌ڵواسراوی ماونه‌ته‌وه‌، مۆرینیۆش زیاتر و زیاتر به‌شێوه‌ی ئاشکرا ڕه‌خنه‌ له‌یاریزانان و ئیداره‌ی یانه‌که‌ی ده‌گرێت.

زێلیکۆ بوڤاج (یاریده‌ده‌ری کلۆپ): ماوه‌ی ١٧ ساڵ (له‌ساڵی ٢٠٠١وه‌) له‌یانه‌کانی (ماینز، دۆرتمۆند، لیڤه‌رپول)یاریده‌ده‌ری یۆرگن کلۆپ بووه‌‌، ئه‌م ڕاهێنه‌ره‌ بۆسنیه‌ به‌ (ئه‌قڵ)ی تاکتیکی و ڕێکخه‌ری ڕاهێنانه‌کانی کلۆپ ناسراوه‌، ئه‌گه‌ر ڤاریا له‌ڕووی هونه‌ریه‌وه‌ کاریگه‌ری ئه‌وتۆی بۆ مۆرینیۆ نه‌بێت، به‌ڵام بوڤاج ئه‌گه‌ر له‌ کلۆپ زیاتری نه‌کردبێت که‌متری نه‌کردووه‌، به‌ڵکو ڕاهێنه‌ره‌ ئه‌ڵمانیه‌که‌ به‌ئاشکرا له‌باره‌یه‌وه‌ وتویه‌تی :”ڕۆژ به‌ڕۆژ زیاتر له‌ بوڤاجه‌وه‌ شتی زیاتر فێرده‌بم، ئه‌و ئه‌قڵی تاکتیکی پێکهاته‌کانمه‌”.

ئه‌م که‌سایه‌تیه‌ تائێستاش ناوی وه‌ک یاریده‌ده‌ری ڕاهێنه‌ری کلۆپ نه‌سڕاوه‌ته‌وه‌، به‌ڵام پێده‌چێت له‌کۆتایی وه‌رزی ڕابردوو په‌یوه‌ندی له‌گه‌ڵ ڕاهێنه‌ر و ستافی ڕاهێنان تێکچوبێت بۆیه‌ به‌شێوه‌یه‌کی کتوپڕ لیڤه‌رپوڵی به‌جێهێشت! تائێستا نه‌گه‌ڕاوه‌ته‌وه‌ و پێشناچیت بگه‌ڕێته‌وه و به‌شێوه‌یه‌کی کاتی پیپین لینده‌رز جێگه‌ی گرتۆته‌وه‌‌.

ئایا کلۆپ ده‌توانێت هاوشێوه‌ی سه‌رده‌می بوڤاج مه‌شقه‌کان به‌ڕێبکات و پلانه‌ تاکتیکیه‌ ئاگرینه‌کانی دابڕێژێت؟

دۆمینیک تۆرێنت (یاریده‌ده‌ری گواردیۆلا): ماوه‌ی ١١ ساڵه‌ (له‌ساڵی ٢٠٠٧وه‌) له‌یانه‌کانی (به‌رشلۆنه‌، بایرن میونشن، مانچسته‌ر سیتی) کار له‌گه‌ڵ ڕاهێنه‌ره‌ که‌ته‌لۆنیه‌که‌ ده‌کات.

ئه‌م یاریده‌ده‌ره‌‌ له‌هه‌موو ڕووه‌ تاکتیکی و هونه‌رییه‌کاندا هاوکاری گواردیۆلا بووه‌ و له‌ده‌ستپێکی کاری ڕاهێنه‌رایه‌تی “فه‌یله‌سوفه‌که‌”وه‌ کاری یاریده‌ده‌ری بۆ کردووه‌، هاوشێوه‌ی ڕوی ڤاریا و بوڤاج کاریگه‌ری ئاگرینی له‌سه‌ر شێوازی به‌ڕێوه‌چونی مه‌شقه‌کان و پلانه‌کانی یارییکردن هه‌بووه‌، به‌ڵام ئه‌م که‌سایه‌تیه‌ کتوپڕ خه‌ونه‌کانی کرده‌ ڕاستی و بڕیاریدا وه‌ک راهێنه‌ری یانه‌ی نیو یۆرک سیتی له‌جێگه‌ی پاتریک ڤیێرا ده‌ست به‌کار بکات.

له‌باره‌ی گواردیۆلاوه‌ ده‌ڵێت :” ڕاهێنه‌رێکی مه‌زنه‌، ١١ ساڵمان به‌نایابترین شێوه‌ به‌ڕێکرد، به‌ڵام له‌ئێستادا هه‌ست ده‌که‌م کاتی ئه‌وه‌یه‌ وه‌ک ڕاهێنه‌ر چانسی خۆم تاقیبکه‌مه‌وه، هیوای سه‌رکه‌وتنیان بۆ ده‌خوازم”.

یانه‌ی نیویۆرک سیتی له‌لایه‌ن هه‌مان ئه‌و گروپه‌ کۆمپانیایانه‌وه‌ سه‌رپه‌رشتی ده‌کرێت که‌ یانه‌ی مانچسته‌ر سیتی سپۆنسه‌ر ده‌کات، ئه‌گه‌ر زۆره‌ گواردیۆلا خۆی پێشنیاری ئه‌م ڕاهێنه‌ره‌ی بۆ کردبێتن، وه‌ک شوێنگره‌وه‌ش ماوه‌ی دوو وه‌رزه‌ مایکڵ ئارتێتای ئه‌ستێره‌ی پێشوی یانه‌ی ئارسیناڵ ده‌ستبه‌کار بووه‌ و له‌ وه‌رزی نوێدا به‌فه‌رمی جێگه‌ی تۆرێنت ده‌گرێته‌وه‌ وه‌ک یاریده‌ده‌ری سه‌ره‌کی ڕاهێنه‌ر.

ڕاپۆرت و شیکاری

کێن ئه‌و یاریزانانه‌ی وتویانه‌ “خه‌ون به‌ ڕیاڵ مه‌دریده‌وه‌ ده‌بینم” و خه‌ونه‌کانیان نه‌هاتۆته‌‌ دی، یاخود نایاته‌ دی!

خه‌ڵک سپۆرت

چه‌ندین یاریزانی ناوداری جیهانی خه‌ون ده‌بینن ڕۆژێک له‌ڕۆژان درێسی سپی یانه‌ی ڕیاڵ مه‌درید بپۆشن، به‌ڵام له‌گه‌ڵ ئه‌وه‌شدا خه‌ونه‌کانیان نه‌هاتۆته‌ دی، یاخود تائێستا هه‌ندێک له‌ خه‌ونه‌کان زیندون و نه‌هاتونه‌ته‌ دی.

له‌چه‌ند ڕۆژی ڕابردودا ئیدین هازاردی به‌لجیکی ئه‌ستێره‌ی یانه‌ی چێڵسی ئینگلیزی ڕایگه‌یاند :” نامه‌وێت درۆتان له‌گه‌ڵ بکه‌م، من له‌منداڵیه‌وه‌ خه‌ون به‌ ڕیاڵ مه‌دریده‌وه‌ ده‌بینم”، ئه‌م لێدوانه‌ش نوێ نییه‌، به‌ڵکو چه‌ندینجار به‌وشێوه‌یه‌ ده‌رباره‌ی یانه‌ی شاهانه‌ لێدوانی داوه‌، که‌چی تا ئێستا ئیداره‌ی “مێره‌نگی” هیچ هه‌نگاوێکی به‌ئاراسته‌ی کڕینی نه‌نانه‌وه‌.

ڕۆژنامه‌ی “مارکا” له‌م باره‌یه‌وه‌ ئاماژه‌ ده‌کات، هازارد تاکه‌ یاریزان نییه‌ به‌وشێوه‌یه‌ له‌باره‌ی “لۆس بلانکۆس”وه‌ ده‌دوێت، به‌ڵکو پێشتریش چه‌ندین ئه‌ستێره‌ی ناودار هه‌مان هه‌ڵوێستیان نیشانداوه‌، به‌ڵام خه‌ونه‌کانیان له‌کۆتاییدا نه‌هاتۆته‌ دی، یاخود هه‌ندێکیان به‌رده‌وامن و هاوشێوه‌ی گه‌وهه‌ره‌ به‌لجیکیه‌که‌ خه‌ونه‌کانیان نزیکی ڕاستی نه‌بۆته‌وه‌.

  • پیێر ئیمیریک ئۆبامیانگ (ساڵی ٢٠١٦): ڕیاڵ مه‌درید یانه‌ی دڵی منه‌ و به‌ڵێنم به‌ باپیرم داوه‌ ڕۆژێک له‌ڕۆژان له‌و یانه‌یه‌ یاریی بکه‌م، هیوادارم ڕۆژێک له‌ڕۆژان خه‌ونه‌که‌م ببێته‌ راستی.

  • نایمار و کۆتینیۆ: کۆتینیۆ له‌ساڵی ٢٠٠٨ به‌ڕۆژنامه‌ی “مارکا” ده‌ڵێت :” یانه‌ی خه‌ونه‌کانم؟ ڕیاڵ مه‌درید باشترین یانه‌ی جیهانه‌، هه‌روه‌ها نایماریش بۆ “فوتباڵیستا ٢” ده‌ڵێت :” یانه‌ی خه‌ونه‌کانم؟ ڕیاڵ مه‌دریده‌”.

  • کیلیان مباپێ: چه‌ند جارێک بۆچونی خۆی به‌ئاشکرا ڕاگه‌یاندووه‌ و هه‌ر به‌هۆی ڕیاڵ مه‌دریده‌وه‌ له‌منداڵیه‌وه‌ سه‌رسامی کریستیانۆ ڕۆناڵدۆیه‌.

  • فالکاو: باوکی فالکاو له‌ساڵی ٢٠١٢ ڕایگه‌یاند :” کوڕه‌که‌م خه‌ون به‌ ڕیاڵ مه‌دریده‌وه‌ ده‌بینێت، کاتێک منداڵبوو هه‌میشه‌ ده‌یوت حه‌ز ده‌که‌م بۆ ڕیاڵ یاریی بکه‌م”.

  • ڕافائێل مارکێز: له‌ساڵی ٢٠٠٢ به‌ ڕۆژنامه‌ی مارکای ڕاگه‌یاند :” ئه‌وه‌ خه‌ونه‌ بۆ ڕیاڵ مه‌درید یاریی بکه‌یت، هه‌مووان حه‌ز ده‌که‌ن له‌و یانه‌یه‌ یاریی بکه‌ن”.

  • ئارتورۆ ڤیدال: ڕاهێنه‌ری یانه‌ی چولۆچولۆ ومنداڵی ئارتورۆ ڤیدال له‌بیۆگرافی خۆی نوسیویه‌تی :” خه‌ونی ڤیدال هه‌میشه‌ یارییکردن بووه‌ بۆ یانه‌ی ڕیاڵ مه‌درید، به‌ڵام هه‌رگیز حه‌زی له‌ خولی ئیتاڵیا نه‌بوو، نه‌خێر… پرسیارم لێکرد، پێی وتم که‌ حه‌زی له‌ ڕیاڵ مه‌دریده‌”.

  • جۆنینیۆ: له‌ ساڵی ٢٠٠٥ به‌ڕۆژنامه‌ی “مارکا” ده‌ڵێت :” ڕاهاتبوم له‌سه‌ر ئه‌وه‌ی خه‌ون به‌ یارییکردن بۆ ڕیاڵ مه‌درید ببینم، نکوڵی له‌وه‌ ناکه‌م، ته‌مه‌نم ٢٠ ساڵ بوو سه‌ردانی سانتیاگۆ بێرنابیۆم کرد، ئه‌وه‌ش وایلێکردم بمه‌وێت له‌و یانه‌یه‌ یاریی بکه‌م”.

  • داڤید تریزیگێ: له‌ ساڵی ٢٠٠٥ به‌ میدیاکانی ڕاگه‌یاند :” هه‌مووان خه‌ون به‌وه‌وه‌ ده‌بینن درێسی گالاکتیکۆس بپۆشن”.

  • لوکاس مۆرا: له‌ ساڵی ٢٠١٢ به‌ میدیاکانی ڕاگه‌یاند :” خه‌ونم ئه‌وه‌یه‌ ڕۆژێک له‌ڕۆژان بۆ ڕیاڵ مه‌درید یاریی بکه‌م، چونکه‌ باشترین یانه‌یه‌ له‌جیهاندا”.

  • خواکین: له‌سه‌ره‌تاکانیه‌وه‌ ڕایگه‌یاندووه‌ :” لۆپێرا ده‌زانێت من سه‌رسامی چیم و له‌یه‌که‌م ڕۆژه‌وه‌ وتومه‌: ده‌مه‌وێت بۆ ڕیاڵ مه‌درید یاریی بکه‌م، هه‌میشه‌ ئه‌وه‌م روونکردۆته‌وه‌ له‌به‌رئه‌وه‌ی باوه‌ڕم به‌ هه‌لێک هه‌بووه‌ بۆ به‌دیهێنانی خه‌ونه‌کانم”.

  • ڕۆبێرت پێرێس: له‌ساڵی ٢٠٠٠ به‌ مارکای ڕاگه‌یاندووه‌ :” خه‌ونم ئه‌وه‌یه‌ ڕۆژێک له‌ڕۆژان بۆ ڕیاڵ یاریی بکه‌م، ده‌مه‌وێت ببینم ئه‌و خه‌ونه‌ بێته‌ واقیع”.

  • لیلیان تورام: ساڵی ١٩٩٩ به‌ مارکا ده‌ڵێت :” به‌ خوێنه‌رانی مارکا بڵێن که‌ ڕیاڵ مه‌دریدم زیاتر له‌هه‌موو یانه‌یه‌ک خۆشده‌وێت”.

  • کریستیان پولیسیچ: ئه‌ستێره‌ ئه‌مریکیه‌که‌ له‌چاوپێکه‌وتنێکدا ده‌ڵێت :” یاریزانان خه‌ونی زۆریان هه‌یه‌، به‌ش به‌حاڵی خۆم یه‌کێک له‌ خه‌ونه‌کانم ئه‌وه‌یه‌ بۆ ڕیاڵ مه‌درید یاریی بکه‌م، هه‌موو یاریزانێکیش ناتوانێت درێسی ئه‌و یانه‌یه‌ بپۆشێت”.

  • ڕۆمێلۆ لوکاکۆ: ساڵی ٢٠١٠ به‌ ڕۆژنامه‌ی مارکا ڕاده‌گه‌یه‌نێت :” خه‌ونم ئه‌وه‌یه‌ له‌ سانتیاگۆ بێرنابیۆ یاریی بکه‌م، مه‌درید یانه‌یه‌کی ناوازه‌یه‌”.

  • ئینێستا: له‌م دیمانه‌یه‌دا که‌ ده‌گه‌ڕێته‌وه‌ بۆ سه‌رده‌می منداڵی، ده‌ڵێت :” خه‌ونم ئه‌وه‌یه‌ بۆ یانه‌ی ڕیاڵ مه‌درید یاریی بکه‌م”.

بەردەوام بە لە خوێندنەوە

ڕاپۆرت و شیکاری

(به‌ ڤیدیۆ) نۆ شێوازی جیاوازو سه‌یروسه‌مه‌ره‌ بۆ‌ لێدانی په‌ناڵتی هه‌موو جیهانی سه‌رسام کردووه‌ !

خه‌ڵک سپۆرت

له‌م هه‌فته‌یه‌دا یاریزانێکی لاوی یانه‌ی ڕۆبن کازان به‌ناوی نۆرڤیک ئاڤدالیان به‌رامبه‌ر یانه‌ی ئێف سی ئوراڵ په‌ناڵتی به‌شێوه‌یه‌کی ناوازه‌ و نه‌بینراو جێبه‌جێ کرد، شێوه‌ لێدانی په‌ناڵتیه‌که‌ له‌نێو میدیا ئه‌وروپیه‌کاندا سه‌دای به‌هێزی دایه‌وه‌ و جیهانی سه‌رسام کرد.

ڕۆژنامه‌ی “مارکا” له‌م باره‌یه‌وه‌ نوسیویه‌تی، شێوازی سه‌یرو سه‌مه‌ره‌ی لێدانی په‌ناڵتیه‌کان که‌یسێکی نوێ نییه‌، به‌ڵکو چه‌ندین یاریزان به‌درێژایی مێژوو به‌شێوه‌ لێدانی ناوازه‌ به‌هه‌مان شێوه‌ هه‌وادارانی بواره‌که‌یان سه‌رسام کردووه‌، ئه‌مه‌ش هه‌شت نمونه‌یه‌:

  • نۆرڤیک ئاڤدالیان له‌ساڵی ٢٠١٨(ڕۆبن کازان به‌رامبه‌ر ئێف سی ئوراڵ)

 

  • یۆهان کرۆیف و ئۆڵسن له‌ساڵی ١٩٨٢ (یانه‌ی ئه‌یاکس ئه‌مسته‌ردام)

 

  • ئیزیکوێل کاڵڤێنتی ساڵی ٢٠١٠ (تیپی لاوانی ئیسپانیا به‌رامبه‌ر ئیتاڵیا)

 

  • ستین شارس: هه‌ڵبژارده‌ی هۆڵه‌ندای لاوان (تۆپه‌که‌ له‌نێو گۆڵه‌که‌دا گیری خوارد)

 

  • جالمینها: ئه‌ستێره‌ی فوتساڵی به‌شێوازی (ڕۆبانا) و به‌درێسی فلامینگۆوه‌ گۆڵی له‌سه‌ر یانه‌ی فلومینێزی تۆمار کرد.

 

  • ته‌یب عه‌وانه‌ دیاب ساڵی ٢٠١١: له‌یاریی دۆستانه‌ی نێوان ئیمارات و لوبنان پشتاوپشت په‌ناڵتی ئاڕاسته‌کرد و گۆڵی تۆمار کرد.

 

  • ئه‌شهه‌د عه‌لی عه‌بدولباری: له‌ پاڵه‌وانێتی ئاسیا به‌م شێوه‌یه‌ گۆڵی له‌سه‌ر ئه‌فغانستان تۆمار کرد.

 

  • هوڵک: له‌ مه‌شقه‌کانی یانه‌ی زینیتی ڕوسی ئه‌م په‌ناڵتیه‌ی بۆ یه‌که‌مجار جێبه‌جێ کرد.

 

  • ئانتۆنین پانێنکا: له‌ساڵی ١٩٧٦ و له‌پاڵه‌وانێتی ئه‌وروپا، یاریی کۆتایی نێوان چیکسلۆڤاکیا و ئه‌ڵمانیا، ئانتۆنین پانێنکا بۆ یه‌که‌مجار له‌مێژووی تۆپی پێدا به‌م شێوه‌یه‌ په‌ناتی جێبه‌جێ کرد و شێوازه‌که‌ به‌ناوی خۆیه‌وه‌ ناونرا “پانێنکا”.

بەردەوام بە لە خوێندنەوە

ڕاپۆرت و شیکاری

پێنج زانیاری گرنگ‌ ده‌رباره‌ی “پاڵه‌وانه‌ موسوڵمانه‌که‌”: هاوڕێی کریستیانۆیه‌ و له‌گه‌ڵ ورچدا شه‌ڕ ده‌کات !

خه‌ڵک سپۆرت

خابیب نۆرماگۆمۆدۆڤی ڕوسی جه‌نگاوه‌ری ناوداری بواری (ufc) له‌کۆتا ڕووبه‌ڕوبونه‌وه‌کانی (ufc 229) کۆنۆر ماکگریگۆری پاڵه‌وانی ئه‌فسانه‌یی ئێرله‌ندا و جیهان کوتا به‌زه‌ویدا و پشتوێنی پاڵه‌وانی جیهانی مسۆگه‌رکرد‌.

پاڵه‌وانه‌ ڕوسیه‌که‌ هه‌ڵگری ئاینی ئیسلامه‌ و خه‌ڵکی داغستانی ڕوسیایه‌ که‌ ناوچه‌یه‌کی موسوڵمانشینه‌ و له‌نێو شاره‌که‌ی خۆیدا سه‌دان هه‌زار هانده‌ری هه‌یه‌، ناوی ڕاسته‌قینه‌ی به‌شێوه‌ زاری عه‌ره‌بی (حبیب نور موحه‌مه‌د) و به‌ر له‌وه‌ی له‌ ماکگریگۆر بباته‌وه‌ ناسراو نه‌بوو، به‌ڵام له‌ئێستادا جیهان ده‌زانێت ئه‌م پاڵه‌وانه‌ موسوڵمانه‌ کێیه‌ و له‌نێو حه‌له‌به‌کانی (ufc)دا چی کردووه‌.

  • باوکی مامۆستا و ڕاهێنه‌ریه‌تی: عبدالمنعم نور موحه‌مه‌د (عه‌بدولموناپ نۆرماگۆمۆدۆڤ)ی باوکی له‌منداڵیه‌وه‌ ڕاهێنه‌ر و پاڵپێوه‌نه‌ری بووه‌، له‌سه‌ره‌تاکانی ژیانیدا له‌لایه‌ن باوکیه‌وه‌ فێری هونه‌ری جه‌نگی کراوه‌، به‌وپێیه‌ی‌ باوکی ئه‌فسه‌رێکی ناوداری کۆماری داغستان بووه‌ و ٢٠ میدالیای پاڵه‌وانانی ڕوسیای به‌ده‌ست هێناوه‌، له‌سه‌رده‌می خۆیدا به‌ ئازایه‌تی و جوامێری و توندی ناسراوه‌ له‌و که‌مپه‌ سه‌ربازیه‌ی به‌ڕێوه‌ی بردووه‌، بۆیه‌ هه‌وڵیداوه‌ کوڕه‌که‌شی هاوشێوه‌ی خۆی پاڵه‌وان بێت، له‌کۆتا ڕووبه‌ڕوبونه‌وه‌دا حکومه‌تی ئه‌مریکا ڤیزای نه‌به‌خشیه‌ باوکی زۆرانبازه‌که‌ و به‌وهۆیه‌وه‌ نه‌یتوانی له‌نێو یاریگا بینه‌ر بێت، دواتر دانا وایتی سه‌رۆکی (ufc) کاری بۆ کرد و له‌ڕێگه‌ی دۆناڵد ترامپی سه‌رۆکی وڵاته‌وه‌ ڤیزای بۆ وه‌رگرت.

  • زۆرانبازی له‌گه‌ڵ ورچ: بڵاوبونه‌وه‌ی گرته‌یه‌کی ڤیدیۆیی که‌ مێژووه‌که‌ی نوێیه‌ جیهانی سه‌رسام کرد، تیایدا ده‌رده‌که‌وێت “خابیب” له‌ته‌مه‌نی نۆ ساڵیدا و به‌ چاودێری ڕاهێنه‌ری ئاژه‌ڵان و باوکی له‌گه‌ڵ به‌چکه‌ ورچێکدا زۆرانبازی ده‌کات، له‌دوای بڵاوبونه‌وه‌ی ئه‌م گرته‌یه‌ جیهان باوه‌ڕی به‌تواناکانی کرد.

  • دژی توندوتیژی (داعش) بووه‌: چه‌ند ساڵێک له‌مه‌وبه‌ر داعش گرته‌یه‌کی ڤیدیۆیی بڵاوکرده‌وه‌ له‌ یه‌کێک له‌ گرته‌کاندا خابیب بونی هه‌یه‌ و ڕه‌خنه‌ی لێده‌گیرێت، له‌به‌رئه‌وه‌ی ناوبراو پرۆفیشناڵه‌، ئه‌ویش له‌وه‌ڵامدا چه‌ندینجار دژایه‌تی خۆی بۆ ئه‌و جۆره‌ دیندارییه‌ ڕاگه‌یاندووه‌ له‌گه‌ڵ ئه‌وه‌ی خۆی که‌سایه‌تیه‌کی پابه‌نده‌ به‌ ئاینی ئیسلامه‌وه‌، به‌ڵام که‌سێکی دژه‌ ڕه‌گه‌زپه‌رستی و توندڕه‌وییه‌.

  • هاوڕێی کریستیانۆ ڕۆناڵدۆیه‌: جه‌نگاوه‌ره‌ ڕوسیه‌که‌ هانده‌رێکی سه‌رسه‌ختی یانه‌ی ڕیاڵ مه‌دریده‌ و له‌هه‌مان کاتدا هه‌واداری کریستیانۆ ڕۆناڵدۆیه‌، له‌ یه‌کێک له‌ ڕووبه‌روبونه‌وه‌کانی ڕیاڵ به‌رامبه‌ر سۆسیداد له‌ یاریگا وه‌ک بینه‌ر ئاماده‌ بووه‌ و وێنه‌ی له‌گه‌ڵ”دۆن” گرتووه‌، هه‌روه‌ها له‌م گرته‌یه‌شدا ده‌رده‌که‌وێت که‌ بینه‌ری یاریی نێوان ڕیاڵ و یوڤانتۆسه‌ له‌قۆناغی نیوه‌ی کۆتایی خولی یانه‌ پاڵه‌وانه‌کانی وه‌رزی ڕابردوو، به‌ ئه‌نجامه‌که‌ش خۆشحاڵه‌.

  • خاوه‌نی ڕیکۆردی مێژووییه‌: زۆرانبازه‌ ڕوسیه‌که‌ کوڕی دووه‌می خێزانێکه‌ و خاوه‌نی برایه‌کی گه‌وره‌یه‌ به‌ناوی (ئه‌بوبه‌کر) و خوشکێکی هه‌یه‌ به‌ناوی (ئامینه‌)، هاوسه‌ره‌که‌ی به‌ ئاشکرا ده‌رنه‌که‌وتووه‌ و دوو منداڵی هه‌یه‌، له‌مێژوویدا ٢٧ ڕووبه‌ڕوبونه‌وه‌ی ئه‌نجامداوه‌ و له‌سه‌رجه‌میاندا براوه‌ بووه‌، خاوه‌نی پشتوێنی ڕه‌شه‌ له‌ وه‌رزشی جۆدۆ و خاڵی به‌هێزی ئه‌وه‌یه‌ که‌ ڕکابه‌ره‌کانی قوفڵ ده‌کات مه‌حاڵه‌ له‌ده‌ستی ڕزگاریان ببێت، کۆنۆر ماکگریگۆریش به‌ جوڵه‌یه‌کی قوفڵکردن ناچاربوو به‌رامبه‌ری خۆی بدات به‌ده‌سته‌وه‌.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین