ئێمە لە تۆرە کۆمەڵایەتیەکان

ڕاپۆرت و شیکاری

 (هیگواین، بونۆچی کاڵدارا) جگه‌ له‌م ناوانه‌ (١٢) یاریزانی ئه‌فسانه‌یی بۆ میلان و یوڤانتۆس یارییان کردووه‌ !

خه‌ڵک سپۆرت

گواستنه‌وه‌، یاخود ئاڵوگۆڕی هه‌ژێنه‌ری گۆنزالۆ هیگواینی ئه‌رجه‌نتینی و کاڵدارای ئیتاڵی به‌ لیۆناردۆ بونۆچی له‌گواستنه‌وه‌کانی ئه‌م هاوینه‌دا بازاڕی مێژوویی نێوان هه‌ردوو یانه‌ی یوڤانتۆس و میلانی گه‌رمتر کرد.

له‌م باره‌یه‌وه‌ ڕۆژنامه‌ی “مارکا” ئاماژه‌ی کردووه‌، دیارده‌ی یاریی کردن بۆ هه‌ردوو یانه‌ی ئه‌ی سی میلان و یوڤانتۆس له‌لایه‌ن یاریزانانه‌وه‌ نوێ نییه‌، به‌ڵکو له‌پێشودا ١٢ یاریزانی تر ئه‌م هه‌نگاوه‌یان ناوه‌ که‌ پێکهاتون له‌:

  • ئه‌ندریا پێرلۆ (٢٠٠١/٢٠١١ میلان – ٢٠١١/٢٠١٥ یوڤانتۆس): له‌ته‌مه‌نی ٣٢ ساڵیدا درێسی میلانی فڕێدا و درێسی یانه‌ی یوڤانتۆسی پۆشی
  • فیلیپۆ ئینزاگی (١٩٩٧/٢٠٠١ یوڤانتۆس – ٢٠٠١/٢٠١٢ میلان): به‌ ٣٧ ملیۆن یانه‌ی یوڤانتۆسی به‌جێهێشت، له‌ یوڤانتۆس دوو نازناوی چامپیۆنز لیگی به‌ده‌ستهێنا.
  • فابیۆ کاپێلۆ (١٩٧٠/١٩٧٦ یوڤانتۆس – ١٩٧٦/ ١٩٨٠ میلان): وه‌ک یاریزان و ڕاهێنه‌ر له‌هه‌ردوو یانه‌که‌ نازناوی سکۆدیتۆی به‌ده‌ست هێنا (نازنایو خولی ناوخۆی ئیتاڵیا).

  • ڕۆبێرتۆ باجیۆ (١٩٩٠/١٩٩٥ یوڤانتۆس – ١٩٩٥/١٩٩٧ میلان): خه‌ڵاتی بالۆن دۆری به‌درێسی خانمه‌ پیره‌که‌وه‌ به‌ده‌ست هێنا و دواتر په‌یوه‌ندی به‌ میلانه‌وه‌ کرد.

  • ئیدگار داڤیدز (١٩٩٦/١٩٩٧ میلان – ١٩٩٧/٢٠٠٤ یوڤانتۆس): له‌میلان هیچی بۆ نه‌کرا، به‌ڵام به‌درێسی یوڤیه‌وه‌ بووه‌ یه‌کێک له‌ ئه‌فسانه‌کانی یانه‌.
  • جیانلوکا زامبرۆتا (١٩٩٩/ ٢٠٠٦ یوڤانتۆس – ٢٠٠٨/٢٠١٢ میلان): له‌ یوڤانتۆس ناوی ده‌رکرد و نازناوی خولی ناوخۆی به‌ده‌ست هێنا، به‌ڵام له‌ میلان زیاتر توانا هێرشبه‌ریه‌کانی هه‌ڵکۆڵی و به‌هه‌مان شێوه‌ نازناوی خولی ناوخۆی به‌ده‌ست هێنا.
  • زلاتان ئیبراهیمۆڤیچ (٢٠٠٤/٢٠٠٦ یوڤانتۆس – ٢٠١٠/٢٠١٢ میلان): دیلی ئالپی و سان سیرۆ وه‌ک ئه‌فسانه‌ ناوی زه‌به‌لاحه‌ سویدیه‌که‌ ده‌به‌ن، له‌هه‌ردوو یانه‌ ناوبانگی گه‌یشته‌ ئه‌وپه‌ڕی دنیا و سه‌رکه‌وتو بوو.
  • جوسێپی میازا (١٩٤٠/١٩٤٢ میلان – ١٩٤٢/١٩٤٣ یوڤانتۆس): له‌ میلانه‌وه‌ په‌یوه‌ندی به‌ یوڤانتۆسه‌وه‌ کرد، ئه‌م ئه‌فسانه‌یه‌ له‌ میلان ناو و ناوبانگی ده‌رکرد و له‌ تۆرینۆ به‌وشێوه‌یه‌ نه‌بوو که‌ چاوه‌ڕوان ده‌کرا.
  • ئیمێرسۆن (یوڤانتۆس ٢٠٠٤/٢٠٠٦ – ٢٠٠٧/٢٠٠٩ میلان): ساڵی ٢٠٠٦ به‌هۆی “کالچیۆ پۆلی”یه‌وه‌ یوڤانتۆسی به‌ره‌و خولی ئیسپانیا به‌جێهێشت، دوای وه‌رزێک به‌درێسی میلانه‌وه‌ گه‌ڕایه‌وه‌ بۆ خولی ئیتاڵیا.
  • پاولۆ ڕۆسی (١٩٨١/١٩٨٥ یوڤانتۆس – ١٩٨٥/١٩٨٦ میلان): ئه‌فسانه‌ ناوداره‌که‌ی ئیتاڵیا سێ وه‌رزی له‌ یوڤانتۆس و وه‌رزێکی له‌ میلان به‌ڕێکرد.

  • پاتریک ڤیێرا (١٩٩٥/١٩٩٦ میلان – ٢٠٠٥/٢٠٠٦ یوڤانتۆس): ئه‌م ئه‌ستێره‌ ناوازه‌یه‌ به‌ یه‌کێک له‌ ئه‌فسانه‌کانی خولی ئینگلیزی ناسراوه‌ به‌وپێیه‌ی له‌و خوله‌ زۆرینه‌ی ژیانی وه‌رزشیی به‌ڕێکردووه‌، به‌ڵام له‌ ژیانیدا دوو یاریی بۆ میلان و ٣١ یاریی بۆ یوڤانتۆس کردووه‌.
  • کریستیان ڤێری (١٩٩٦/١٩٩٧ یوڤانتۆس – ٢٠٠٥/٢٠٠٦ میلان): تاکه‌ که‌سه‌ گۆڵکاری خولی ئیتاڵیا و خولی ئیسپانیا بووه‌، بۆ ماوه‌ی وه‌رزێک بۆ هه‌ردوو یانه‌ی یوڤانتۆس و میلان یاریی کردووه‌.

ڕاپۆرت و شیکاری

سیمیۆنی دۆمینۆی به‌ چوار ڕاهێنه‌ری ڕیاڵ مه‌درید کردووه‌ و له‌کاتێکی هه‌ستیاردا ڕووبه‌ڕوی لوپێتیگی ده‌بێته‌وه‌ !

خه‌ڵک سپۆرت

ئه‌مشه‌و کاتژمێر (١٠:٠٠) به‌کاتی کوردستان، ڕووبه‌روبونه‌وه‌ی جامی سوپه‌ری ئه‌وروپا له‌یاریگای “لی کوک ئارینا” له‌شاری تالینی پایته‌ختی ئیستۆنیا له‌نێوان یانه‌ی ڕیاڵ مه‌دریدی پاڵه‌وانی چامپیۆنزلیگ و ئه‌تله‌تیکۆ مه‌دریدی پاڵه‌وانی یوروپا لیگ ئه‌نجام ده‌درێت.

له‌م یارییه‌دا جولین لوپێتیگی ڕاهێنه‌ری نوێی یانه‌ی شاهانه‌ بۆ یه‌که‌مینجار له‌مێژوویدا ڕووبه‌ڕوی دیێگۆ سیمیۆنی ئه‌رجه‌نتینی ڕاهێنه‌ری یانه‌ی ئه‌تله‌تیکۆ مه‌درید ده‌بێته‌وه‌، یانه‌ زه‌به‌لاحه‌که‌ی مه‌درید به‌بێ کریستیانۆ ته‌نها پێویستی به‌ بردنه‌وه‌یه‌ تا له‌سه‌ره‌تای وه‌رزه‌وه‌ وره‌ی یاریزانان به‌رزبکاته‌وه‌ و بارودۆخی ده‌رونیان جێگیر بکات.

له‌به‌رامبه‌ردا سیمیۆنی چه‌ندین گۆڕانکاری تاکتیکی و باشتری له‌پێکهاته‌که‌یدا کردووه‌ و له‌گه‌ڵ مانه‌وه‌ی گریزمان پشت به‌ تۆماس لیماری فه‌ره‌نسی و کۆستا و چه‌ند یاریزانێکی به‌ ئه‌زمون ده‌به‌ستێت.

سیمیۆنی له‌ژیانی وه‌رزشییدا ڕووبه‌ڕوی چوار گه‌وره‌ راهێنه‌ری یانه‌ی ڕیاڵ مه‌درید بۆته‌وه‌، له‌سه‌ره‌تاوه‌ به‌ره‌نگاری جوزێ مۆرینیۆ بۆته‌وه‌ و ڕاهێنه‌ره‌ پورتوگالیه‌که‌ له‌ دوو وه‌رزی ٢٠١١/٢٠١٢ و ٢٠١٢/٢٠١٣ له‌ململانێکانی “لالیگا” به‌سه‌ر سیمیۆنیدا سه‌رکه‌وتووه‌، به‌ڵام له‌فاینه‌ڵی جامی شای ئیسپانیا (٢٠١٣) ڕاهێنه‌ره‌ جه‌نگاوه‌ره‌که‌ی ئه‌رجه‌نتین توانیویه‌تی له‌نێو یاریگای سانتیاگۆ بێرنابیۆ به‌سه‌ر ڕکابه‌ره‌ سه‌رسه‌خته‌که‌یدا سه‌ربکه‌وێت و جامه‌که‌ به‌رز بکاته‌وه‌.

“جولۆ” دوای مۆرینیۆ ڕووبه‌ڕوی کارلۆ ئه‌نچلۆتی بۆته‌وه‌، له‌ماوه‌ی دوو وه‌رزدا ١٣ جار به‌رامبه‌ر ئه‌نچلۆتی یاریی کردووه‌ له‌چوار پاڵه‌وانێتی جیاوازدا، له‌و ماوه‌یه‌دا سیمیۆنی باشترین ڕیکۆردی خۆی تۆمار کردووه‌ به‌ پێنج بردنه‌وه‌ و چوار دۆڕاندن، به‌ڵام ناخۆشترین ساته‌کانی ئه‌وه‌یه‌‌ که‌ له‌فاینه‌ڵی چامپیۆنزلیگ له‌ لشبۆنه‌ به‌رامبه‌ر تاکتیکی ئه‌نچلۆتی و له‌کۆتا ساتدا شکستی هێناوه‌.

دوابه‌دوای ئه‌نچلۆتی نۆره‌ی ڕافائێل بینیتێز دێت، ئه‌م ڕاهێنه‌ره‌ ته‌نها یه‌کجار له‌ ڤیسینتی کالدیرۆن ڕووبه‌ڕوی سیمیۆنی بۆته‌وه‌ و یه‌کسانبونی تۆمار کردووه‌، له‌دوای ئه‌و واده‌یه‌ دوورخراوه‌ته‌وه‌ و زینه‌دین زێدان جێگه‌ی گرتۆته‌وه‌.

زێدان و سیمیۆنی به‌رامبه‌ر یه‌کتری مێژوویه‌کی کورتیان هه‌بووه‌، به‌ڵام له‌و ماوه‌یه‌دا “زیزۆ” سێ جار براوه‌ بووه‌، دووجار شکستی هێناوه‌ و سێ یه‌کسانبونی تۆمار کردووه‌.

ئایا لوپێتیگی به‌ چ ئه‌نجامێک به‌رامبه‌ر سیمیۆنی ده‌ست پێده‌کات؟ سه‌رده‌می مۆرینیۆ دووباره‌ ده‌کاته‌وه‌ که‌ باشترینه‌ به‌رامبه‌ر “چۆلۆ” له‌نێو چوار ڕاهێنه‌ره‌که‌ی تردا؟ یاخود ئه‌نچلۆتی؟

بەردەوام بە لە خوێندنەوە

ڕاپۆرت و شیکاری

 (هه‌رسێکیان به‌یه‌که‌وه‌!) له‌ماوه‌ی دوو مانگدا مۆرینیۆ و گواردیۆلا و کلۆپ باڵی ڕاستیان شکا و به‌ته‌نها مانه‌وه‌ !

خه‌ڵک سپۆرت

هه‌ریه‌ک له‌ڕاهێنه‌ران جوزێ مۆرینیۆ و پیپ گواردیۆلا و یۆرگن کلۆپ له‌م وه‌رزه‌دا به‌بێ یاریده‌ده‌ره‌ سه‌ره‌کییه‌کانیان له‌یانه‌کانی مانچسته‌ر یونایتدو سیتی و لیڤه‌رپوڵ به‌رده‌وامی به‌کاره‌کانیان ده‌ده‌ن.

به‌پێی زانیارییه‌کانی ڕۆژنامه‌ی “ده‌یلی مه‌یڵ”، له‌ماوه‌ی دوو مانگی (چوار بۆ شه‌ش)ی ساڵی (٢٠١٨)دا، هه‌ریه‌ک له‌یاریده‌ده‌رانی مۆرینیۆ و گواردیۆلا و کلۆپ به‌یه‌که‌وه‌ وازهێنانیان ڕاگه‌یاندووه‌ و خۆیان به‌ته‌نها ده‌ستیان به‌کاری ڕاهێنان کردووه‌!

کۆی گشتی کاری ئه‌م یاریده‌ده‌رانه‌ له‌گه‌ڵ سێ ڕاهێنه‌ری ناوبراو ماوه‌ی ٤٥ ساڵ بووه‌، له‌به‌رئه‌وه‌ دوورکه‌وتنه‌وه‌یان له‌م راهێنه‌رانه‌ و کارکردنیان به‌جیا جگه‌ له‌وه‌ی کاریگه‌ری له‌سه‌رداهاتوی خۆیان ده‌بێت، بێگومان کاریگه‌ری ئاگرینی له‌سه‌ر ئاست و کاروباری سێ ڕاهێنه‌ره‌ ناوداره‌که‌ی “پریمه‌رلیگ”یش ده‌بێت و له‌م وه‌رزه‌دا ناچارن به‌ته‌نها کاروباره‌کانیان به‌رێبکه‌ن.

ڕوی ڤاریا (یاریده‌ده‌ری مۆرینیۆ): ماوه‌ی ١٧ ساڵ (له‌ساڵی ٢٠٠١وه‌) له‌یانه‌کانی (یونیاو لێرا، پۆرتۆ، چێڵسی، ئینته‌رمیلان، ڕیاڵ مه‌درید، چێڵسی، مانچسته‌ر یونایتد) له‌گه‌ڵ مۆرینیۆ کاری کردووه‌، پۆسته‌که‌ی یاریده‌ده‌ری تایبه‌تی ڕاهێنه‌ر و ڕاهێنه‌ری جه‌سته‌یی بووه‌، سه‌ره‌ڕای ئه‌وه‌ی له‌ڕووه‌ تاکتیکیه‌کانه‌وه‌ هیچ کاریگه‌ری له‌سه‌ر پلانه‌کانی “مۆو” نه‌بووه‌، به‌ڵام له‌سه‌ر ئاستی ژیانی تایبه‌تی و بارودۆخی ده‌رونی-یه‌وه‌ جیابونه‌وه‌یان هاوشێوه‌ی ئاگره‌، به‌وپێیه‌ی ڤاریا به‌سته‌ری یاریزانان بووه‌ به‌ راهێنه‌ره‌وه‌ و ته‌واوی کێشه‌کانی چاره‌سه‌رکردووه‌.

له‌ئێستادا ڕۆیشتووه‌ و مۆرینیۆ هیچ که‌سێکی له‌جێگه‌ی دانه‌ناوه‌و ئه‌رکه‌که‌ی خستۆته‌ سه‌رشانی خۆی، ڕاهێنه‌ری ناوبراو بۆ هه‌مان مه‌به‌ست پشتی به‌ مایکڵ کاریک به‌ستووه‌، به‌ڵام ئه‌م یاریزانه‌ی پێشوی یونایتد هاوشێوه‌ی ڤاریا کاریگه‌ر نییه‌ و له‌سه‌ره‌تای وه‌رزه‌وه‌ مۆرینیۆ له‌گه‌ڵ ئانتۆنی مارتیال و پۆگبا و چه‌ند یاریزانێک دووچاری کێشه‌ هاتووه‌ و که‌سێک نییه‌ بکه‌وێته‌ نێوان ئیداره‌ی یونایتد و ڕاهێنه‌ره‌که‌وه‌، کێشه‌کانیش ڕۆژ به‌ڕؤژ گه‌وره‌تر ده‌بن و به‌هه‌ڵواسراوی ماونه‌ته‌وه‌، مۆرینیۆش زیاتر و زیاتر به‌شێوه‌ی ئاشکرا ڕه‌خنه‌ له‌یاریزانان و ئیداره‌ی یانه‌که‌ی ده‌گرێت.

زێلیکۆ بوڤاج (یاریده‌ده‌ری کلۆپ): ماوه‌ی ١٧ ساڵ (له‌ساڵی ٢٠٠١وه‌) له‌یانه‌کانی (ماینز، دۆرتمۆند، لیڤه‌رپول)یاریده‌ده‌ری یۆرگن کلۆپ بووه‌‌، ئه‌م ڕاهێنه‌ره‌ بۆسنیه‌ به‌ (ئه‌قڵ)ی تاکتیکی و ڕێکخه‌ری ڕاهێنانه‌کانی کلۆپ ناسراوه‌، ئه‌گه‌ر ڤاریا له‌ڕووی هونه‌ریه‌وه‌ کاریگه‌ری ئه‌وتۆی بۆ مۆرینیۆ نه‌بێت، به‌ڵام بوڤاج ئه‌گه‌ر له‌ کلۆپ زیاتری نه‌کردبێت که‌متری نه‌کردووه‌، به‌ڵکو ڕاهێنه‌ره‌ ئه‌ڵمانیه‌که‌ به‌ئاشکرا له‌باره‌یه‌وه‌ وتویه‌تی :”ڕۆژ به‌ڕۆژ زیاتر له‌ بوڤاجه‌وه‌ شتی زیاتر فێرده‌بم، ئه‌و ئه‌قڵی تاکتیکی پێکهاته‌کانمه‌”.

ئه‌م که‌سایه‌تیه‌ تائێستاش ناوی وه‌ک یاریده‌ده‌ری ڕاهێنه‌ری کلۆپ نه‌سڕاوه‌ته‌وه‌، به‌ڵام پێده‌چێت له‌کۆتایی وه‌رزی ڕابردوو په‌یوه‌ندی له‌گه‌ڵ ڕاهێنه‌ر و ستافی ڕاهێنان تێکچوبێت بۆیه‌ به‌شێوه‌یه‌کی کتوپڕ لیڤه‌رپوڵی به‌جێهێشت! تائێستا نه‌گه‌ڕاوه‌ته‌وه‌ و پێشناچیت بگه‌ڕێته‌وه و به‌شێوه‌یه‌کی کاتی پیپین لینده‌رز جێگه‌ی گرتۆته‌وه‌‌.

ئایا کلۆپ ده‌توانێت هاوشێوه‌ی سه‌رده‌می بوڤاج مه‌شقه‌کان به‌ڕێبکات و پلانه‌ تاکتیکیه‌ ئاگرینه‌کانی دابڕێژێت؟

دۆمینیک تۆرێنت (یاریده‌ده‌ری گواردیۆلا): ماوه‌ی ١١ ساڵه‌ (له‌ساڵی ٢٠٠٧وه‌) له‌یانه‌کانی (به‌رشلۆنه‌، بایرن میونشن، مانچسته‌ر سیتی) کار له‌گه‌ڵ ڕاهێنه‌ره‌ که‌ته‌لۆنیه‌که‌ ده‌کات.

ئه‌م یاریده‌ده‌ره‌‌ له‌هه‌موو ڕووه‌ تاکتیکی و هونه‌رییه‌کاندا هاوکاری گواردیۆلا بووه‌ و له‌ده‌ستپێکی کاری ڕاهێنه‌رایه‌تی “فه‌یله‌سوفه‌که‌”وه‌ کاری یاریده‌ده‌ری بۆ کردووه‌، هاوشێوه‌ی ڕوی ڤاریا و بوڤاج کاریگه‌ری ئاگرینی له‌سه‌ر شێوازی به‌ڕێوه‌چونی مه‌شقه‌کان و پلانه‌کانی یارییکردن هه‌بووه‌، به‌ڵام ئه‌م که‌سایه‌تیه‌ کتوپڕ خه‌ونه‌کانی کرده‌ ڕاستی و بڕیاریدا وه‌ک راهێنه‌ری یانه‌ی نیو یۆرک سیتی له‌جێگه‌ی پاتریک ڤیێرا ده‌ست به‌کار بکات.

له‌باره‌ی گواردیۆلاوه‌ ده‌ڵێت :” ڕاهێنه‌رێکی مه‌زنه‌، ١١ ساڵمان به‌نایابترین شێوه‌ به‌ڕێکرد، به‌ڵام له‌ئێستادا هه‌ست ده‌که‌م کاتی ئه‌وه‌یه‌ وه‌ک ڕاهێنه‌ر چانسی خۆم تاقیبکه‌مه‌وه، هیوای سه‌رکه‌وتنیان بۆ ده‌خوازم”.

یانه‌ی نیویۆرک سیتی له‌لایه‌ن هه‌مان ئه‌و گروپه‌ کۆمپانیایانه‌وه‌ سه‌رپه‌رشتی ده‌کرێت که‌ یانه‌ی مانچسته‌ر سیتی سپۆنسه‌ر ده‌کات، ئه‌گه‌ر زۆره‌ گواردیۆلا خۆی پێشنیاری ئه‌م ڕاهێنه‌ره‌ی بۆ کردبێتن، وه‌ک شوێنگره‌وه‌ش ماوه‌ی دوو وه‌رزه‌ مایکڵ ئارتێتای ئه‌ستێره‌ی پێشوی یانه‌ی ئارسیناڵ ده‌ستبه‌کار بووه‌ و له‌ وه‌رزی نوێدا به‌فه‌رمی جێگه‌ی تۆرێنت ده‌گرێته‌وه‌ وه‌ک یاریده‌ده‌ری سه‌ره‌کی ڕاهێنه‌ر.

بەردەوام بە لە خوێندنەوە

ڕاپۆرت و شیکاری

(١٠) ناودارترین یاریزانه‌ موسوڵمانه‌کانی ئینگلته‌را که‌ توانیویانه‌ “پریمه‌رلیگ” بهه‌ژێنن !

خه‌ڵک سپۆرت

موسوڵمانان به‌گشت جیهاندا بڵاوبونه‌ته‌وه‌ و ته‌نانه‌ت له‌بواری تۆپی پێدا پێگه‌یه‌کی گه‌وره‌ و به‌هێزیان گرتووه‌، هه‌ندێک له‌یاریزانه‌ موسوڵمانه‌کان وه‌ک گرانبه‌هاترین و باشترینه‌کان نمایشی تواناکانیان کردووه‌.

ماڵپه‌ڕی “موسلیم هاندس” ناوی ئه‌و (١٠) یاریزانه‌ موسوڵمانه‌ بڵاوده‌کاته‌وه‌، که‌ حاڵی حازر له‌ لوتکه‌ی تواناکانیاندان و له‌باشترین یانه‌کانی خولی ئینگلیزی “پریمه‌رلیگ” یاریی ده‌که‌ن، ئه‌و یاریزانانه‌ش بریتین له‌:

  • بنجامین مێندی (٢٣ ساڵ – مانچسته‌ر سیتی): وه‌رزی ڕابردوو له‌ مۆناکوه‌ وه‌ک گرانبه‌هاترین یاریزان له‌پێگه‌که‌یدا په‌یوه‌ندی به‌ مانچسته‌ر سیتیه‌وه‌ کرد، به‌ڵام به‌هۆی پێکانه‌وه‌ نه‌یتوانی به‌شداری زۆرینه‌ی ڕووبه‌ڕوبونه‌وه‌کان بکات.
  • خێردان شاکیری (٢٥ساڵ – لیڤه‌رپوڵ): له‌گواستنه‌وه‌کانی ئه‌م هاوینه‌دا له‌ ستۆک سیتی-یه‌وه‌ په‌یوه‌ندی به‌ لیڤه‌رپوڵه‌وه‌ کرد، ئه‌ستێره‌ سویسریه‌که‌ به‌خێرایی و مه‌هاره‌ ناسراوه‌.

  • ئیلکای گۆندوگان (٢٦ ساڵ – مانچسته‌ر سیتی): ئه‌ستێره‌که‌ی گواردیۆلای پێده‌ڵێن، له‌ڕووی تاکتیکیه‌وه‌ ئه‌رکی قورسی له‌سه‌رشانه‌ و له‌ڕیزه‌کانی دۆرتمۆنده‌وه‌ په‌یوه‌ندی به‌ مان سیتیه‌وه‌ کردووه‌.
  • ڕیاز مه‌حریز (٢٧ ساڵ – مانچسته‌ر سیتی): یه‌کێکه‌ له‌باشترینه‌کان، له‌م هاوینه‌ به‌گرانبه‌هاترین بۆند له‌یانه‌ی لیسته‌ر سیتیه‌وه‌ گوازرایه‌وه‌ بۆ یانه‌ی مانچسته‌ر سیتی.
  • سادیۆ مانی (٢٦ ساڵ – لیڤه‌رپوڵ): پڵنگه‌که‌ی تێرانگا، یاخود پڵنگه‌ ڕه‌شه‌که‌ی سه‌نیگال، له‌ڕیزه‌کانی لیڤه‌رپوڵ یه‌کێکه‌ له‌باشترینه‌کان و پێشتر له‌یانه‌ی ساوزهامبتۆنه‌وه‌ په‌یوه‌ندی به‌ “ڕێدز”ه‌وه‌ کردووه‌.
  • موسا دیمبیلی (٣٠ ساڵ – تۆتنهام): ئه‌ستێره‌ به‌لجیکیه‌که‌ له‌پێکهاته‌ی تۆتنهام به‌رده‌وام سه‌ره‌کی نییه‌، به‌ڵام یه‌کێکه‌ له‌تاکتیکی ترین یاریزانه‌کانی پۆچیتینۆ، باوه‌ڕ ده‌که‌یت یان نا… دیمبیلی یه‌کێکه‌ له‌باشترین لێسه‌نه‌ره‌کان له‌ خولی ئینگلیزی دا.
  • نگۆلۆ کانتی (٢٦ساڵ – چێڵسی): باشترین یاریزانی جیهانه‌ له‌پێگه‌ی ناوه‌ندی به‌رگری، نازناوی مۆندیالی به‌درێسی فه‌ره‌نساوه‌ به‌ده‌ستهێناوه‌ و یه‌کێکه‌ له‌ کۆڵه‌که‌کانی پێکهاته‌ی “بلوزی له‌نده‌ن”.

  • پۆل پۆگبا (٢٥ ساڵ – مانچسته‌ر یونایتد): یه‌کێکه‌ له‌گرانبه‌هاترین یاریزانه‌کانی جیهان، نازناوی مۆندیالی به‌درێسی فه‌ره‌نساوه‌ به‌ده‌ستهێناوه‌ و له‌پێکهاته‌ی مانچسته‌ر یونایتدیش پارچه‌یه‌کی دانه‌بڕاوه‌.
  • مه‌سعود ئوزێل (٢٩ ساڵ – ئارسیناڵ): ئه‌ستێره‌ ئه‌ڵمانیه‌که‌ پێشتر له‌ ڕیاڵ مه‌دریده‌وه‌ په‌یوه‌ندی به‌ ئارسیناڵه‌وه‌ کردووه‌، حاڵی حازر یه‌کێکه‌ له‌هه‌ره‌ ناوداترین ئه‌ستێره‌کانی خولی ئینگلته‌را به‌گشتی.
  • موحه‌مه‌د سه‌لاح (٢٥ساڵ – لیڤه‌رپوڵ): یه‌کێکه‌ له‌هه‌ره‌ ناودارترین یاریزانه‌ موسوڵمانه‌کانی جیهان، به‌هۆی گۆڵه‌ زۆره‌کانیه‌وه‌ هانده‌رانی یانه‌ی لیڤه‌رپوڵ سرودێکی نوێیان داڕشت تیایدا ده‌ڵێن :” ئه‌گه‌ر سه‌ڵاح به‌رده‌وامبێت له‌گۆڵکردن، ئێمه‌ش ده‌بینه‌ موسوڵمان”.

بەردەوام بە لە خوێندنەوە
ریکلام

کوردستان

دوایین