دوانیوەڕۆی ئەمڕۆ بەهای دۆلار زیاتر بەرزبووەوە، لەكاتێكدا پارێزگاری بانكی ناوەندی بەڵێنی هەرزان كردنی نرخەكەی دەدات.
ڕەوەند میرزا، لە بازاڕی دۆلارەكەی سلێمانی بۆ (خەڵك) ڕایگەیاند، دوانیوەڕۆی ئەمڕۆ بەهای دۆلار زیاتر بەرزبۆتەوە و 100 دۆلار گەیشتە 144 هەزار دینار لەكاتێكدا بەیانییەكەی بە 143 هەزار دینار بوو.
سەبارەت بە نرخی تمەنی ئێرانی ڕاشیگەیاند، بەهای 100 دۆلار بە 5 ملیۆن و 100 هەزار تمەنە.
ئەمە لەكاتێكدایە، كە ئەمڕۆ چوار شەممە،عەلی عەللاق، پارێزگای بانكی ناوەندیی عێراق ڕایگەیاندووە، بانكەكەیان ڕۆژانە دۆلار دەخاتە بازاڕەوە و ڕێكاری زیاتر دەگرێتەبەر و بەهای دینار بەرامبەر دۆلار بەردەوام باشتر دەبێت، چونكە جگە لە بەهای فەرمی، هیچ بەهایەكی دیكە بۆ دۆلار نییە و هەر دۆلارێك 1320 دینارە.
