ئێمە لە تۆرە کۆمەڵایەتیەکان

جیهان

بەڤیدیۆ: راوێژكارێكی ماكرون هێرش دەكاتەسەر خۆپیشاندەران

خەڵك-بەشی هەواڵ

راوێژكارێكی نزیكی ئیمانوئێل ماكرون سەرۆك كۆماری فەڕەنسا یەكێك لە بەشداربووانی خۆپیشاندانەكانی سەرەتای مانگی ئایاری لە پاریس كوتەك كاری كرد.

تۆڕی سپوتنیك لە رۆژنامەی لوموندەوە بڵاویكردەوە، ئەلیكساندەر بنال راوێژكاری ماكرون لەگەڵ ئەوەی كە پۆلیس نییە، بەڵام كڵاوێكی تایبەتی لەسەر ناوەو هێرشی كردە گەنجێكی بەشدار بوو لە خۆپیشادانەكان.
لە تۆمارێكی ڤیدیۆیدا كە بڵاوكراوەتەوە، پیاوە كڵاوبەسەرەكە گەنجەكە دەخاتە سەر زەوی و چەندین جار لێی دەدا و دواتر بە خێرایی دوور دەكەوێتەوە.

پاتریك ئیستردو سەرۆكی نوسینگەی ماكرون دانی بەوە داناوە كە ئەو پیاوە كڵاوبەسەرە “بنال”ە و یەكێكە لەو كەسانەی لە كەمپینی بانگەشەی هەڵبژاردنەكانی ماكرون بەشدار بووە.
وتیشی، ماكرون دوای ئەم رووداوە بۆ ماوەی دوو هەفتە راوێژكارەكەی لە كارەكەی دوور خستوەتەوە، لەكاتێكدا بنال بەرپرسی دابینكردنی ئاسایشە لە بەرنامەكانی كۆشكی ئەلیزێ.

جیهان

پۆتين و ئەردۆغان و ڕۆحانی لە تاران كۆدەبنەوە

خەڵك- بەشی هەواڵ
وتەبێژی سەرۆكایەتی كۆماری توركیا ئاشكرای دەكات، كە هەرسێ‌ سەرۆكی ڕوسیا و توركیا و ئێران لە هەفتەی یەكەمی مانگی داهاتوو لە تاران كۆدەبنەوە.

ئیبراهیم كاڵن، وتەبێژی سەرۆكایەتی توركیا لە كۆنگرەیەكی ڕۆژنامەوانیدا لە ئەنكەرە ڕایگەیاند، كە پلانڕێژی كراوە بۆ دەستپێكردنی خولی سێیەمی گفتوگۆكانی ئەستانە لەنێوان توركیا و ئێران و ڕوسیا و تێیدا ڤلادیمیر پۆتین و حەسەن ڕۆحانی و ڕەجەب تەیب ئەردۆغان كۆدەبنەوە.

ڕاشیگەیاندووە، كە كۆبوونەوەكە لە هەفتەی یەكەمی مانگی ئەیلول لە تاران ئەنجام دەدرێت و وتیشی، “هەركاتێك دیاری كرا ڕایدەگەیەنین”.

ئاماژەی بەوەشكردووە، وڵاتەكەی گرنگی گەورە دەدات بە گفتوگۆكانی ئەستانە لەپێناو كۆتایی هێنان بە شەڕی سوریا بە ڕێگەی دبلۆماسی.

ئاشكراشی كردووە، لەو كۆبوونەوەی لوتكەیە هەڵسەنگاندن دەكرێت بۆ دۆخی ئیدلیب و ناوچەكانی دیكەی سوریا و دەشڵێت: “توركیا هەموو هەوڵی خۆی دەدات بۆئەوەی ئەوەی لە درعا و حەما و قنیترە ڕوویدا لە ئیدلیب دووبارە نەبێتەوە”.

دواین كۆبوونەوەی ئەو سێ‌ وڵاتە لە چارەكی یەكەمی مانگی نیسانی ڕابردوو لە ئەنكەرە ئەنجام درا.

بەردەوام بە لە خوێندنەوە

جیهان

كەم خەوی ئەگەری تووشبوون بە شێرپەنجە زیاد دەكات

خەڵك- تەندروستی
لێكۆلینەوە پزیشكیەكان ئاشكرای دەكەن ژمارەیەكی زۆر لەتازە پێگەیشتووان كاتی تەواو و پێویست ناخەون، كە ماوەكەی كەمترە لە 8 كاتژمێر لەشەو و ڕۆژێكدا، ئەمەش دەبێتە هۆی كەمبوونەوەی بەرگری لەش و ئەگەری تووشبوون بەشێرپەنجە زیاد دەكات.

ڕۆژنامەی (دەیلی مەیل)ی بەریتانی، لەزاری دكتۆر ماسیو ۆڵكەر، كە شارەزایی لەبواری خەوتن-دا هەیە، بڵاویكردۆتەوە، “كەم خەوی كاریگەرییەكی زۆری هەیە لەسەر شێوازی ژیان و دیاری كردنی ئەوەی لەئایندەدا تووشی لەبیرچوونەوە دەبیت یاخود بەپێچەوانەوە”.

دەشڵێت: “دووبارەبوونەوەی كەم خەوی بۆ ماوەی چەند شەوێك دەبێتە هۆی ناڕێكی لەڕێژەی شەكری ناو خوێن”.

بە وتەی ئەو پزیشكە، “ناڕێكی خەو كاریگەری زۆری هەیە لەسەر باری دەروونی وەك دڵەراوكێ‌ و خەمۆكی و هەندێك جار دەبێتە هۆی خۆكوشتن”.

ئاماژەی بەوەشكردووە، كەم خەوتن لەشەودا ئەگەری تووش بوون بەنەخۆشییەكانی دڵ زیاد دەكات و هۆكارێكە بۆ زیادبوونی نەخۆشی دەمارەكانی دڵ و مێشك.

بەردەوام بە لە خوێندنەوە

ئابوری

بەوێنە: دوای بانگەوازەكەی ئەردۆغان، سەرۆك شارەوانییەك زێڕی هاوسەرەكەی فرۆشت

خەڵك-بەشی هەواڵ

سەرۆكی شارەوانی یەكێك لە شارەكانی توركیا بە كردەیی وەڵامی بانگەوازەكەی ئەردۆغانی سەرۆك كۆماری توركیای دایەوەو زێڕی هاوسەرەكەی فرۆشت.

تۆڕی سپوتنیك بڵاویكردەوە، سەرۆكی شارەوانی شاری ریزە لە توركیا بەمەبەستی دابەزینی بەهای دراوی بیانی، زێڕی هاوسەرەكەی خۆی فرۆشت.

رەشاد قەساب سەرۆكی شارەوانی ریزە ئاماژەی بۆ ئەوە كرد، دوای بانگەوازەكەی رەجەب تەیب ئەدۆغان بۆ فرۆشتنی زێڕ، بەمەبەستی كەمكردنەوی بەهای زێڕ و دراو ئەم كارەی ئەنجام داوە.
زۆرێك لە هاووڵاتیانی توركیا پێشوازییان لە هەنگاوەكانی ئەم سەرۆك شارەوانییە كردووە و پێیان وایە، هاووڵاتیان و بەرپرسانی توركیا زۆر هاوهەڵوێستن.

بەردەوام بە لە خوێندنەوە
ریکلام

کوردستان

دوایین