وەزارەتی پیشەسازی و بازرگانی ئێران پلانی وەزارەتەكە بۆ بەرهەمهێنانی هاوبەشی كەلوپەلی ناوماڵ لەگەڵ وڵاتانی دراوسێی ئێران و لەوانەش عێراق ڕادەگەیەنێت.
موحسین شوكرەڵڵاهی، بەڕێوەبەری بەشی پیشەسازی كەلوپەلی ناوماڵ لە وەزارەتی پیشەسازی و بازرگانی ئێران ڕایگەیاند:”پلانیان هەیە بۆ بەرهەمهێنانی هاوبەشی ئەم ئامێرانە لەگەڵ وڵاتانی دراوسێ لە باكور و باشوور و عێراق، بە ئامانجی هەناردەكردنی بۆ وڵاتانی تر”.
بە وتەی موحسین شوكرەلًَڵاهی:” ئێران لە ئێستادا 90%ی تەلەفزیۆنەكان لە ناوخۆدا بەرهەم دەهێنێت و هەناردەكردنی ئامێرەكانی ساردكەرەوەش بە ڕێژەی 82% زیادی كردووە، ساڵانە یەك ملیۆن و 800 هەزار تەلەفزیۆن لە ناوخۆدا بەرهەم دەهێنێت كە دەكاتە 90%ی پێداویستی ساڵانەی خۆی، هەروەها 4 كۆمپانیای ئێرانی ساڵانە 250 هەزار ئامێری ساردكەرەوەی ماڵ بەرهەم دەهێنێت”، ئاماژەی بە دەستكردن بە بەرهەمهێنانی ئامێری مایكرۆوەیڤیش كرد لەنێوخۆدا.
وەزارەتی پیشەسازی و بازرگانی ئێرانی دەڵێت”لە ئێستادا 600 كارگەی بەرهەمهێنانی كەرەستەی ناوماڵ لە ئێران كاردەكەن، هەروەها 27 هێڵی نوێ بۆ بەرهەمهێنانی كەرەستەی ناوماڵ لە قۆناغی خستنەبازاڕدان كە 4 هێڵی نوێ بۆ بەرهەمهێنانی ئامێری جل شۆردن، 3 هێڵی بەرهەمهێنانی ئامێری جل شۆردن قاپشۆڕ، و3 هێڵی نوێ بۆ بەرهەمهێنانی تەلەفزیۆن، لەخۆدەگرن”.
