ئێمە لە تۆرە کۆمەڵایەتیەکان

جیهانی

(قۆناغی کۆتایی) مۆرینیۆ کۆتایی بە گالاکتیکۆسی ڕیاڵ مەدرید دەهێنێت و چاوەڕێی وەڵامی کۆتاییە !

خەڵک سپۆرت

ئیدارەی یانەی مانچستەر یونایتدی ئینگلیزی هەوڵەکانی بۆ گواستنەوەی گاریس بەیل خێراکردووە و لەئێستادا چاوەڕوانی وەڵامی کۆتایی یاریزانەکە دەکەن.

ماڵپەڕی “مانچستەر ئیڤینینگ نیوز” لەزاری سەرچاوە ناوخۆییەکانی مانچستەر یونایتدەوە ئاشکرای کردووە، جوزێ مۆرینیۆ سەرسامە بەتواناکانی گاریس بەیل و سورە لەسەر گواستنەوەی، بۆ ئەو مەبەستەش ستافی گفتوگۆکاری “ڕێد دێڤڵز” چەند ڕۆژێکە لە ئیسپانیان و وەڵام و کاردانەوەی فلۆرنتینۆ پیرێز و ئیدارەی ڕیاڵ مەدریدیان بەلاوە پەسەند بووە.

بەپێی سەرچاوەکە، ئیدارەی یانەی شاهانە ئامادەیە دەستبەرداری “شەمەندۆفێرەکەی وێڵز” ببێت بە زیاتر لە (١٠٠ ملیۆن یورۆ) ئەوەش ئەو نرخەیە کە یونایتد ئامادەیە پێشکەشی بکات.

“مانچستەر ئیڤنینگ نیوز” نوسیویەتی: گفتوگۆکان بۆ گواستنەوەی بەیل گەیشتۆتە قۆناغەکانی کۆتایی، لەم قۆناغەدا ڕەزامەندی ڕیاڵ مەدرید بەدەستهێنراوە و چاوەڕوانی وەڵامی کۆتایی خودی یاریزانەکە دەکەن بە (بەڵێ) یان (نەخێر)، چونکە ناوبراو خەونی ئەوەیە وەرزێکی تریش لەگەڵ ڕیاڵ بەردەوام بێت بەو مەرجەی جولین لوپیتیگی بەڵێنی یارییکردن و چانسی بەردەوامیی پێبدات.

جیهانی

لوپێتیگی هه‌مان ژماره‌ی مۆرینیۆ و زێدانی تۆمار کرده‌وه‌ و ژماره‌ (١٣) واتا چوار له‌ پێنجی نازناوی “لالیگا”

خه‌ڵک سپۆرت

جولین لوپێتیگی ڕاهێنه‌ری یانه‌ی ڕیاڵ مه‌درید سه‌رجه‌م بۆچونه‌کانی پێچه‌وانه‌ کردۆته‌وه‌ و توانیویه‌تی سه‌ره‌تایه‌کی نمونه‌یی بۆ یانه‌ی شاهانه‌ مسۆگه‌ر بکات.

ڕۆژنامه‌ی “ئاس”ی ئیسپانی له‌ ڕاپۆرتێکدا ئاشکرای کردووه‌، له‌ڕووی داتا و ژماره‌کانه‌وه‌ یانه‌ی شاهانه‌ له‌م وه‌رزه‌دا زۆر سه‌رکه‌وتو بووه‌ و لوپێتگی توانیویه‌تی هه‌مان ده‌ستپێکی ئاگرینی (٢٠١٦/٢٠١٧)ی زینه‌دین زێدان و (٢٠١١/٢٠١٢)ی جوزێ مۆرینیۆ تۆمار بکات‌، له‌و دوو وه‌رزه‌دا “زیزۆ و مۆو” توانیان له‌سه‌ره‌تا پێنج جه‌وله‌ی “لالیگا” ١٣ خاڵ کۆبکه‌نه‌وه‌، له‌م وه‌رزه‌شدا لوپێتیگی به‌ بردنه‌وه‌ی له‌ ئیسپانیۆل هه‌مان ژماره‌ خاڵی چنیوه‌ته‌وه‌.

له‌ وه‌رزی (٢٠١٦/٢٠١٧) زێدان و له‌ وه‌رزی (٢٠١١/٢٠١٢) مۆرینیۆ توانیویانه‌ نازناوی خولی ناوخۆی ئیسپانیا به‌ (٩٣ به‌ ١٠٠ خاڵ) به‌ده‌ست بهێنن، هه‌روه‌ها ئه‌م ئه‌نجامانه‌ هاوشانی لوپێتگی باشترینه‌ له‌ماوه‌ی ٢٣ ساڵی ڕابردودا (له‌وکاته‌وه‌ سیستمی خاڵه‌کان گۆڕانکاری به‌سه‌ردا هاتووه‌).

چه‌ند ژماره‌ی تر؟

جگه‌ له‌ زێدان و مۆرینیۆ، شۆسته‌ری ئه‌ڵمانی له‌وه‌رزی (٢٠٠٧/٢٠٠٨) به‌هه‌مان شێوه‌ له‌کۆی پێنج هه‌فته‌ ١٣ خاڵی به‌ده‌ست هێناوه‌ و دواتریش نازناوی لالیگای چنیوه‌ته‌وه‌، به‌ڵام ته‌نها (٨٥ خاڵ)ی کۆکردۆته‌وه‌، هه‌روه‌ها ئه‌نچلۆتی له‌ وه‌رزی (٢٠١٣/٢٠١٤) هه‌مان داتای تۆمار کردووه‌ و به‌ (٨٧) خاڵه‌وه‌ پله‌ی سێیه‌می به‌ده‌ست هێناوه‌، به‌ڵام ئه‌وه‌ی به‌دی ده‌کرێت ئه‌و ڕاهێنه‌رانه‌ ئه‌نجامی کاره‌ساتباریشیان تۆمار کردووه‌ له‌ نمونه‌ی دۆڕاندن به‌ بارسا به‌ سێ بۆ چوار گۆڵ، یاخود شکستی ئه‌نچلۆتی و بینیتێز به‌رامبه‌ر ئه‌تله‌تیکۆ، تائێستا لوپێتیگی نه‌که‌تۆته‌ ئه‌و تاقیکردنه‌وه‌ گه‌وره‌یه‌ و واش ده‌رده‌که‌وێت توشی ڕووداوی هاوشێوه‌ نه‌بێت.

باشتر له‌ زێدان

وه‌رزی ڕابردوو له‌م ساتانه‌ی وه‌رزدا پێکهاته‌ی مه‌درید به‌سه‌رپه‌رشتی زێدان پێنج خاڵ که‌متریان به‌ده‌ست هێنابوو، به‌پێی ئه‌و ئه‌نجامانه‌ی له‌ وێنه‌کاندا ده‌رده‌که‌وێت، زێدان دوو بردنه‌وه‌ و دوو یه‌کسانبون و دۆڕاندنێکی تۆمار کردووه‌، به‌ڵام جولینی ئیسپانی توانیویه‌تی چوار بردنه‌وه‌ و یه‌ک یه‌کسانبون تۆمار بکات، که‌ ئه‌وه‌ش ده‌ریده‌خات ئه‌نجامه‌کانی ئه‌م وه‌رزه‌ له‌وه‌رزی رابردوو باشتره‌.

بەردەوام بە لە خوێندنەوە

جیهانی

(خوله‌کانی ئه‌وروپا) خشته‌ و کاتی یارییه‌کانی ئه‌مڕۆ (چوارشه‌ممه‌)

خه‌ڵک سپۆرت

ئه‌مڕۆ خوله‌ ناوخۆییه‌کانی ئه‌وروپا به‌رده‌وامی ده‌ده‌ن به‌ ململانێکانی وه‌رز و چه‌ندین یاریی به‌هێز ئه‌نجام ده‌درێن، گرنگترینیان ئه‌مانه‌ن:

خولی ئیسپانیا

ئه‌تله‌تیک بلباو – ڤیاڕیاڵ (٩:٠٠)

لیگانێس – به‌رشلۆنه‌ (٩:٠٠)

ڤالێنسیا – سێلتا ڤیگۆ (١١:٠٠)

سڤیلیه‌ – ڕیاڵ مه‌درید (١١:٠٠)

خولی ئیتاڵیا

ئودینێزی – لازیۆ (٨:٠٠)

ئاتالانتا – تۆرینۆ (١٠:٠٠)

یوڤانتۆس – بۆلۆنیا (١٠:٠٠)

ناپۆلی – پارما (١٠:٠٠)

ڕۆما – فرۆسینۆنی (١٠:٠٠)

جێنه‌وا – کیێڤۆ ڤیرۆنا (١٠:٠٠)

کالیه‌ری – سامپدۆریا (١٠:٠٠)

خولی ئه‌ڵمانیا

فۆرتونا دوسڵدۆرف – بایه‌رلیڤه‌رکوزن (٧:٣٠)

دۆرتمۆند – نۆرنبێرگ (٩:٣٠)

بوروسیا مونشنگلادباخ – ئینتراخت فرانکفۆرت (٩:٣٠)

ماینز – ڤۆلفسبۆرگ (٩:٣٠)

لایپزیگ – شتوتگارت (٩:٣٠)

خولی فه‌ره‌نسا

مارسیلیا – ستراسبۆرگ (٨:٠٠)

کان – مۆنیپیلێ (٨:٠٠)

بۆردۆ – لیل (٨:٠٠)

ئه‌میان – ستاد ڕین (٨:٠٠)

دیگۆن – لیۆن (٨:٠٠)

نیم ئۆڵۆمپیکۆ – گوینگامپ (٨:٠٠)

پاریس سانت جێرمان – ستاد ڕیمس (١٠:٠٠)

جامی ڕابیته‌ی یانه‌ ئینگلیزیه‌کان

ئارسیناڵ – برینتفۆرد (٩:٤٥)

وێستهام – ماکلیسفیڵد تاون (٩:٤٥)

نۆتینگهام فۆریست – ستۆک سیتی (٩:٤٥)

لیڤه‌رپوڵ – چێڵسی (٩:٤٥)

تۆتنهام – واتفۆرد (١٠:٠٠)

بەردەوام بە لە خوێندنەوە

جیهانی

“نینۆ ماراڤیا” چی به‌سه‌رهاتووه‌؟ ساڵی (٢٠ ملیۆن) وه‌رده‌گرێت و به‌ (٦٠) خوله‌ک شوتێک لێده‌دات !

خه‌ڵک سپۆرت

ئه‌لێکسیز سانچێز، ئه‌ستێره‌ی هه‌ڵبژارده‌ی چیللی و یانه‌ی مانچسته‌ر یونایتد له‌م وه‌رزه‌دا ئاستێکی لاوازی نیشانداوه‌ و پێده‌چێت پاڵپێوه‌نه‌ری بۆ پێشکه‌شکردنی ئاستی جارانی له‌ده‌ستدابێت.

ماوه‌یه‌کی زۆره‌ بێنه‌و به‌ره‌ی میدیاکانی ئینگلته‌را له‌سه‌ر جوزێ مۆرینیۆی ڕاهێنه‌ری یانه‌ی مانچسته‌ر یونایتد و پۆل پۆگبای فه‌ره‌نسی ئه‌ستێره‌ی پێکهاته‌که‌ به‌رده‌وامه‌، زۆرینه‌ی شکست و ئه‌نجامه‌ خراپه‌کان ده‌خرێته‌ سه‌ر شانی دووانه‌ی ناوبراو، به‌ڵام له‌ئێستادا ڕۆژنامه‌ی “ده‌یلی مه‌یڵ”ی به‌ریتانی درکی به‌ که‌مته‌رخه‌می هه‌ندێک له‌ یاریزانه‌کان کردووه‌ و پرسیار ده‌کات: “نینۆ ماراڤیا” چی به‌سه‌ر هاتووه‌؟

ڕۆژنامه‌که‌ نوسیویه‌تی: سانچێزی ناسراو به‌ “نینۆ ماراڤیا – منداڵه‌ سه‌رسامکه‌ره‌که‌” له‌پێشودا به‌درێسی به‌رشلۆنه‌ و ئارسیناڵه‌وه‌ یه‌کێک بووه‌ ‌له‌ کاریگه‌رترین یاریزانانی جیهان، یه‌کلاکه‌ره‌وه‌ بووه‌، ته‌نها به‌ جموجۆڵ و کۆڵنه‌دانی کاری له‌ ئه‌نجامه‌کان کردووه‌، به‌ڵام له‌زستانی ڕابردوه‌وه‌ واتا له‌و ساته‌وه‌ په‌یوه‌ندی به‌ یونایتده‌وه‌ کردووه‌ ناوی له‌نێو ناوان ون بووه‌.

ڕۆژنامه‌که‌ ئاماژه‌ی کردووه‌، سانچێز ماوه‌یه‌که‌ بۆ هه‌ڵبژارده‌ی چیللی یاریی ناکات و ماندوی ململانێ نێوده‌وڵه‌تیه‌کان و مۆندیال نه‌بووه‌‌، بۆنمونه‌: له‌ڕووبه‌ڕوبونه‌وه‌ی “چامپیۆنزلیگ” به‌رامبه‌ر یۆنگ بۆیز حه‌وانه‌وه‌ی پێدراوه‌، به‌ڵام کاتێک به‌رامبه‌ر وڵڤه‌رهامبتۆن یاریی کردووه‌ ئاستی به‌پێی پێویست نه‌بووه‌ و له‌ خوله‌کی (٦٠) به‌ یه‌ک شوته‌وه‌ به‌ مارتیال ئاڵوگۆڕی پێکراوه‌‌.

که‌س نکوڵی له‌تواناکانی ئه‌لێکسیز ناکات و وه‌ک پۆگبا ده‌ڵێت :” له‌هه‌ر ساتێکدا بێت تواناکانی ده‌ته‌قێنێته‌وه‌”، به‌ڵام به‌و ئاسته‌وه‌ پێگه‌ی مارتیال و ڕاشفۆردی گرتووه‌ و ئه‌وه‌ش جێگه‌ی پرسیاره‌؟!

پرسیاره‌که‌ ئه‌وه‌یه‌: یاریزانێک ساڵانه‌ موچه‌ی ٢٠ ملیۆن پاوه‌ند (٥٠٠ هه‌زار پاوه‌ندی هه‌فتانه‌) وه‌ربگرێت، هیچ کێشه‌ی ده‌رونی نه‌بێت، تۆماری لێدانه‌کانی له‌ (٣.٢٤)وه‌ ببێته‌ (١.٣٥)، ته‌نها سێ گۆڵی له‌ (١٦) یاریی تۆمار کردبێت، ئه‌و ڕێژه‌یه‌ش هاوتای ڕێژه‌کانی کریس سماڵینگی به‌رگریکار بێت، ئایا دابه‌زینی ئاستی جێگه‌ی پرسیار نییه‌؟

بەردەوام بە لە خوێندنەوە
ریکلام
ریکلام
ریکلام

کوردستان

دوایین