ئێمە لە تۆرە کۆمەڵایەتیەکان

کوردستان

بۆ یەکەمجار ھاوپەیمانان بنکەکانی داعشیان لە دیالە بۆردومان کرد

خەڵک-

هێزەکانى هاوپەیمانان بۆ یەکەمجار لە پارێزگاى دیالە بنکەو بارەگاکانى داعشیان بۆردومانکردووە، ئەوەش لەکاتێکدایە بەرپرسانى پارێزگاکە دەڵێن، جوڵەی چەکدارانى داعش لە پارێزگاکەیان گەیشتۆتە ئاستێک، بەشەوان دێنە سەر جادە سەرەکییەکان و بازگە دادەنێن.

سەرچاوەیەکى ئەمنى بەرپرس لە پارێزگاى دیالە کە داوایکرد ناوى بڵاونەکرێتەوە، بە دەنگى ئەمەریکاى راگەیاندووە: “چەکدارانى داعش بەشەوان دێنە سەر جادەکان و بازگە دادەنێن، بە چەکى ئار پی جى و بیکەیسیش لە هێزە عێراقیەکان دەدەن، بۆ نمونە شەوى رابردوو ١٠ چەکدارى داعش لە دەریاچەى حەمرین پەڕیونەتەوە و لە نزیک جەلەولا بازگەیان داناوە.”

ھاوکات کەریم عەلى جێگرى پارێزگارى دیالە دەڵێت: “جوڵەی چەکدارانی داعش زۆر بووە، رۆژى سێشەممەی ڕابردووش هاوپەیمانان بنکەکانى داعشیان لە شاخەکانى نزیک ناحیەى سەعدیە بۆردومان کردووە.”

لەسەرەتاى دەستپێکردنى شەڕى داعشەوە تا راگەیاندنى کۆتایى هاتنى شەڕ دژى ئەو رێکخراوە، هێزەکانى هاوپەیمانان کەمترین چالاکییان لە پارێزگاى دیالە هەبووە.

سەبارەت بە هۆکارى هاتنە خەتى هاوپەیمانان و بۆردومانکردنى داعش لەو پارێزگایە، جێگرى پارێزگارى دیالە دەڵێت: “ئەمە یەکەم چالاکى هاوپەیمانانە دژى داعش لە دیالە، ئەگینا پێشتر یەک فیشەکیان دژى ئەو رێکخراوە نەتەقاندووە، لێدانەکەش بەڕێککەوتن بووە لەگەڵ حکومەتى عێراق.”

لە ماوەى مانگى رابردوەوە تائێستا، رێکخراوى داعش لەمیدیاکانى خۆیەوە، وێنەى چەکدارانى و چەندین چالاکى تایبەتى لە پارێزگاى دیالە بڵاوکردۆتەوە و ھەموو سەرچاوەکان ئاماژە بە دووبارە خۆ ڕێکخستنەوەی ڕێکخراوەکە دەکەن لەو ناوچەیە.

 

ریکلام

کوردستان

بومەلەرزەیەكی بەهێز سلێمانی هەژاند

زانياري زباتر

بەردەوام بە لە خوێندنەوە

عێراق

“مافی خانەنشینبوون لە پەرلەمانتاران سەندرایەوە”

خەڵك-بەشی هەواڵ

پەرلەمانتارێكی پێشووی ئەنجومەنی نوێنەرانی عێراق رایدەگەیەنێت، لە ئێستادا پەرلەمانتاران هیچ ئیمتیازێكیان لە حكومەت نییە، تەنانەت ئەوانەش مافی خۆیانە خانەنشین ببن.
لەدواساتەكانی تەمەنی خۆیدا پەرلەمانی عێراق یاسایەكی لەبەرژەوەندی خۆی تێپەڕاندو لای خۆشییەوە سەرۆك كۆماری عێراق واژووی لەسەر خانەنشینبوونی ئەو پەرلەمانتارانە كرد، بەڵام حەیدەر عەبادی سەرۆك وەزیرانی عێراق یاساكەی رەتكردەوە و لە ئێستادا پەرلەمانتارانی ئەم خولە ناتوانن خانەنشین ببن.

جەمال ئەحمەد ئەندامی پێشووی ئەنجومەنی نوێنەرانی عێراق بە (خەڵك)ی راگەیاند، ئەو یاسایە بەشێكە لە یاسا گشتییەكان‌و خانەنشینی‌و موچەی فەرمانبەران، ئەویش لە رێگای یاسای خۆی رۆیشتووەو خوێندنەوەی یەكەم‌و دووەمی بۆ كراوەو دواتر دەنگی لەسەر دراوەو هیچ ئیمتیازێكی زیاتر بۆ پەرلەمانتاران نییە‌و وەك فەرمانبەرانی دەوڵەت سەیر كراون‌و ئەویش پێویستی بە تەمەن هەیە كە 50 ساڵە.

وتیشی، خانەنشینی پەرلەمانتارانیش پێویستی بە بڕوانامە هەیەو ئەگەر بڕوانامەی ئامادەیی هەبێت موچەكەی كەمترە، بەڵام ئەو بابەتە لەچوارچێوەی خۆی گەورە كراوەو دەرچووە.

ئاشكراشیكرد، بەداخەوە حكومەتێك وایلێبێت فەیسبوك‌و تۆڕە كۆمەڵایەتییەكان بەڕێوەی ببات، كارەساتە، چونكە ئەو یاسایە لە رێگای پەرلەمانەوە رۆیشتووەو نزیكەی دوو ساڵی ویستووە تاكو پەسەند كراوە، ئێستاش كە باس دەكرێت نە پەرلەمان ماوە و نە پەرلەمانتار ئیمتیازی هەیە.

سەبارەت بە وەرگرتنی هەر جۆرە ئیمتیازاتێك، جەمال ئەحمەد رایگەیاند، نە مافی خانەنشین بوونمان هەیە، نە خانەنشینیشین.

سەبارەت بە چارەسەركردنی ئەو كێشەیە، ناوبراو رایگەیاند، ئەو كێشەیە دەچێتە خولی داهاتووی پەرلەمان و جارێكیتر ئەو یاسایە خوێندنەوەی یەكەم‌و دووەمی بۆ دەكرێت‌و هەر یاسایەك رەت بكرێتەوە بەو شێوەیە چارەسەر دەكرێت.

بەردەوام بە لە خوێندنەوە

کوردستان

(خەڵك) پارێزگاری نوێی هەڵەبجە ئاشكرا دەكات

خەڵك-بەشی هەواڵ

مەكتەبی سیاسی یەكێتی نیشتمانی كوردستان ئەندامێكی مەكتەبی راگەیاندنی حزبەكەی بۆ پارێزگاری هەڵەبجە دیاری كردووەو بەپێی زانیارییەكانیش تا ئێستا حكومەت كاری لەسەر جێگیركردنی نەكردووە.

سەرچاوەیەكی تایبەت لە یەكێتی نیشتمانی كوردستان كە نەیویست ناوی ئاشكرا بكرێت، بە (خەڵك)ی راگەیاند، مەكتەبی سیاسی نوسراوێكی بۆ دیاریكردنی ئازاد تۆفێق ئەندامی مەكتەبی راگەیاندنی ئەو حزبە دەركردووە كە ناوبراویان وەك پارێزگاری هەڵەبجە دەستنیشان كردووە.

بەپێی زانیارییەكانی (خەڵك)، نوسینگەی قوباد تاڵەبانی جێگری سەرۆكی حكومەتی هەرێم بەرپرسیاری ئەو بابەتەیە و تا ئێستاش كار لەسەر جێبەجێكردنی نەكراوە.

(خەڵك) چەند جارێك پەیوەندی بە نوسینگەی جێگری سەرۆكی حكومەتەوە كرد، بەڵام پەیوەندییەكەی بەردەست نەبوو.
هەر لەوبارەیەوە (خەڵك) پەیوەندی بە ئازاد تۆفیقەوە كرد، ناوبراو ئامادەنەبوو هیچ لێدوانێك لەوبارەیەوە بدات.

بەردەوام بە لە خوێندنەوە
ریکلام

کوردستان

دوایین