ئێمە لە تۆرە کۆمەڵایەتیەکان
ریکلام

کوردستان

رۆژی یەكشەممە پەرلەمانی كوردستان كۆدەبێتەوە

خەڵك – بەشی هەواڵ
دەستەی سەرۆكایەتیی پەرلەمانی كوردستان ڕایدەگەیەنێـت، سەرەتای هەفتەی داهاتوو پەرلەمانی كوردستان دانیشتنی ژمارە (7)ی ئاساییی خولی بەهارە گرێ دەدات و گفتوگۆ لە بارەی چوار تەوەرەوە دەكات و خوێندنەوەی یەكەم-یش بۆ ژمارەیەك پرۆژ یاسا دەكات.

دەستەی سەرۆكایەتیی پەرلەمانی كوردستان بەرنامەی كاری دانیشتنی ژمارە (7)ی ئاساییی خولی بەهارەی بڵاوكردەوە، كە رۆژی یەكشەمە رێكەوتی 15-7-2018 لە كاتژمێر (11)ی پێشنــــیوەڕۆ ئەنجام دەدرێت و بە پێی بەرنامەكە خوێندنەوەی یەكەم بۆ ژماریەك پرۆژە یاسا دەكرێت.

بەرنامەی كار:
بەپێی حوكمەكانی بڕگە (1)ی ماددە (20) لە پەیڕەوی ناوخۆی پەرلەمانی كوردستان ـ عێراق، ژمارە (1)ی ساڵی 1992ی هەمواركراو، دەستەی سەرۆكایەتیی پەرلەمان بڕیاریدا كاتی دانیشتنی ژمارە (7)ی خولی بەهارەی ساڵی پێنجەم لە خولــی هەڵبژاردنی چوارەمی پەرلەمان، لە كاتژمێر (11)ی پێشنــــیوەڕۆی رۆژی یەكشەممە رێكەوتی 15/7/2018 بێت و بەرنامەی كاری دانیشتنەكە بەم شێوەیەیە:
یەكەم: خوێندنەوەی یەكەمی ئەم پڕۆژە یاسا و بڕیارانەی خوارەوە بەپێی ماددەی (71) لە پەیڕەوی ناوخۆی پەرلەمانی كوردستان ژمارە (1)ی ساڵی 1992 هەمواركراو:
1ـ پڕۆژە یاسای (دەزگای كۆنترۆلی جۆریی دڵنیایی لە هەرێمی كوردستان ـ عێراق).
2ـ پڕۆژە یاسای (پارێزگاریكردن لە هێما و پیرۆزییە نیشتمانی و نەتەوەییەكان).
3ـ پڕۆژە یاسـای (تعویچ متچرری الحروب فی كوردستان).
4ـ پڕۆژە یاسـای بەركاری ( قانون حمایە الشهود والخبرا‌‌و والمخبرین والمجنی علیهم رقم (58) لسنە 2017).
5ـ پڕۆژە یاسـای بەركاری ( استیراد وبیع المنتجات النفطیە رقم (9) لسنە 2006 ).
6ـ پڕۆژە یاسـای بەركاری ( قانون ضبط الاموال المهربە والممنوع تداولها فی الاسواق المحلیە رقم (18) لسنە 2008).
7ـ پڕۆژە بڕیاری (زیندووكردنی هەفتەی پێكەوەژیانی ئایینەكان لە هەرێمی كوردستان ـ عێراق).
دووەم: خوێندنەوەی راپۆرتی (شیكاری لەكاری ئیداری وكارگێڕی لە پەرلەمانی كوردستان) لەلایەن ئەندامی پەرلەمان بەڕێز (مدینە أیوب احمد/ بڕیاردەری لیژنەی كاروباری پەرلەمان).
سێیەم: گفتوگۆكردنی پرۆژە یاسای (هەمواری سێییەمی یاسای بەكرێدانی خانووبەرە ژمارە(87)ی ساڵی 1979ی هەمواركراو لە هەرێمی كوردستان ـ عێراق) ، بەپێی مادەكانی (72، 74و 75) لە پەیرەوی ناوخۆی پەرلەمانی كوردستان ژمارە (1) ساڵی 1992ی هەموركراو.
چوارەم: گفتوگۆكردنی (پەیرەوی ناوخۆی پەرلەمانی كوردستان) كە لەلایەن لیژنەی كاتی بۆ پێداچوونەوەی پەیڕەوی ناوخۆ ئامادەكراوە، بەپێی بڕیاری ژمارە (26)ی ساڵی 2014 و بڕگەی (8) لە ماددەی (پەنجا و شەشەم)ی یاسای هەڵبژاردنی پەرلەمانی كوردستان ژمارە (1)ی ساڵی 1992 هەمواركراو و پاڵپشت بە ماددەی (94)ی پەیڕەوی ناوخۆی پەرلەمانی كوردستان ژمارە (1)ی ساڵی 1992ی هەمواركراو.

کوردستان

بە بەڵگە.. 13 رۆژ پێش گەڕانەوەی بەرهەم ساڵح بڕیاری كاندیدكردنی درابوو

خەڵك- بەشی هەواڵ

رۆژی 6ی ئەیلولی ئەمساڵ، وەزارەتی پەروەردەی حكومەتی هەرێمی كوردستان پشتگیری بۆ بەرهەم ساڵح نوسیووە بۆ پۆستی سەرۆك كۆمار، بەوەی بەشداری تاقیكردنەوەكانی ساڵی 1978-1979ی كردووە.

بەپێی نوسراوەكە بەرهەم ساڵح پێش گەڕانەوەی بۆ نێو یەكێتی لەگەڵ بەشێك لە سەركردەكانی یەكێتی رێككەوتووە بۆ كاندیدكردنی بۆ سەرۆك كۆماری عێراق.

رۆژی 19ی ئەم مانگە، یەكێتی نیشتیمانی كوردستان بەفەڕمی بەرهەم ساڵحی بۆ سەرۆك كۆماری كاندید كرد، دوای ئەوەی هەر ئەو ڕۆژە گەڕایەوە بۆ نێو یەكێتی.

 

بەردەوام بە لە خوێندنەوە

کوردستان

قوباد تاڵەبانی: گەندەڵی حكومەت و تەمبەڵی خەڵك هۆكاری لاوازی كەرتی تایبەتن

خەڵك- بەشی هەواڵ

قوباد تاڵەبانی جێگری سەرۆك وەزیرانی هەرێمی كوردستان لەگەڵ وەبەرهێنەر و بەڵێندەران و بازرگانانی سلێمانیدا كۆبووە و رەوشی كەرتی تایبەت و وەبەرهێنانیان تاوتوێكرد و تێیدا قوباد تاڵەبانی رایگەیاند، گەندەڵی لە نێو حكومەت و تەمبەڵی خەڵك وایكردووە، كەرتی تایبەت لاواز بێت.

لە كۆبونەوەكەدا قوباد تاڵەبانی باسی لە گرنگی كەرتی تایبەت كرد و داوای كرد كە دەبێت تەواوكەری حكومەت بن بۆ بەهێزكردنی ئابووری هەرێمی كوردستان.
ناوبراو، باسیشی لە رۆڵی كەرتی تایبەت كرد لەگەڵ حكومەت بۆ دابینكردنی هەلی كارو بووژانەوەی ئابووری كوردستان.

لەوبارەیەوە یاسین مەحمود رەشید، سەرۆكی یەكێتی وەبەرهێنەرانی كوردستان و یەكێك لە بەشداربوانی كۆبونەوەكە، بە (خەڵك)ی راگەیاند، قوباد تاڵەبانی لە لە باسی لەوەكردووە، هەندێك لە بەرپرسانی حكومەت حەزناكەن، دەوڵەمەند هەبێت و ئەوەشی بە پێچەوانەی بنەماكانی كەرتی تایبەتە.

مەلا یاسین، ئاماژەی بەوەشكرد، كە قوباد تاڵەبانی بە ئامادەبووانی وتووە “بوێرانە دەستم برد بۆ جومگە بنەڕەتییەكانی پارێزگای سلێمانی و زۆرینەی بەرێوەبەرەكانم گۆڕیوە و ئێستا خەڵكی شیاومان گۆڕیوە، هەر كەسێك بەناوی منەوە كێشەی دروستكرد، ئاگادارم بكەنەوە و سزای توند دەدرێت”.

قوباد تاڵەبانی داواشی لە بازرگان و وەبەرهێنەران كرد بۆچون و رەخنەكانیان بخەنەڕو و داوای پاڵپشتیشی لەو كەسانە كرد و بەڵێنی ئەوەشدا كە كەرتی تایبەت زیاتر دەكرێت. 60 هەزار هەلی كاریش رادەگەیەنن و كارگەكانی حكومەت دەدەن بە كەرتی تایبەت.

بەردەوام بە لە خوێندنەوە

کوردستان

“یەكێتی و بەرهەم ساڵح چانسی بردنەوەی پۆستی سەرۆك كۆماریان لە پارتی زۆرترە”

خەڵك- بەشی هەواڵ

بەپێی ڕاپۆرتێكی كەناڵی الجزیرە یەكێتی نیشتمانی كوردستان و كاندیدەكەی بەرهەم ساڵح چانسی بردنەوەی پۆستی سەرۆك كۆماریان زۆرترە لە لایەنەكانی دیكە بەتایبەت پارتی دیموكراتی كوردستان.

بەپێی ڕاپۆرتەكە، تاكو ئێستا بەرهەم ساڵح سەركردەی یەكێتی گەورەترین چانسی بردنەوەی هەیە بەهۆی توانای خۆی بۆ بەڕێوەبردنی پۆستەكە و بوونی پەیوەندییەكی بەرفراوان لەگەڵ هێزە سیاسییەكانی عێراق و قەبوڵكردنی، هەروەها بەرهەم ساڵح لەلایەنی نێودەوڵەتی و هەرێمیشەوە قەبوڵ دەكرێت.

هەرچەندە بەرهەم ساڵح ماوەیەك لە یەكێتی دووركەوتەوە لە ماوەی ڕابردوودا، بەڵام سەرلەنوێ گەڕایەوە بۆ ڕیزەكانی و بووە دیارترین ناوی پێشنیاركراو بۆ وەرگرتنی پۆستی سەرۆك كۆمار لە لایەنی دەستووری لای هێزە عێراقییەكان.

لەلایەكی دیكەوە یەكێتی نیشتمانی كوردستان پەیوەندییەكی مێژوویی لەگەڵ ئێران هەیە، كە سەركردەكانی لە سەردەمی شەڕی ئێران- عێراق لەوێ بوون، جیا لەوەی سلێمانی وەك یەكێك لە گەورەترین رووەكانی بازرگانی كاڵای ئێرانی لە عێراق دادەندرێت.

هەروەها ڕاپۆرتەكە ئاماژەی بە رۆڵی فراوانی هێزەكانی پێشمەرگەی سنوری سلێمانیش كردووە لە كشانەوە لە كەركوك لە دوای گەڕانەوەی هێزە عێراقییەكان لە شازدەی ئۆكتۆبەری 2017دا كە هەندێك بە “خیانەت”ی ناودەبەن.

بەردەوام بە لە خوێندنەوە
ریکلام
ریکلام
ریکلام

کوردستان

دوایین