ئێمە لە تۆرە کۆمەڵایەتیەکان

کوردستان

چوار لایەنە ناڕازییەكە بەیاننامەیەك لەسەر ژماردنەوەی دەنگەكان بڵاودەكەنەوە

خەڵك – بەشی هەواڵ

چوار لایەنی ناڕازی، بزوتنەوەی گۆڕان، هاوپەیمانی بۆ دێموكراسی و دادپەروەری، یەكگرتووی ئیسلامی، كۆمەڵی ئیسلامی لە بەیاننامەیەكدا بایكۆتكردنی ژماردنەوەی دەستی دەنگەكانیان راگەیاند.

دەقی بەیاننامەكە:
راگەیەنراوی هاوبەشی چوار لایەنی سیاسی
سەبارەت بە پرۆسەی هەژماركردنەوەی دەستیی سندوقەكانی دەنگدان لە هەولێر
هاوڵاتیانی خۆشەویست .. دەنگدەرانی بەڕێز ..
دوای بەڕێوەچوونی پرۆسەی هەڵبژاردنی ئەنجومەنی نوێنەرانی عێراق لە (12/5/2018) و دەركەوتنی ئەنجامە ساختە و نادروستەكان، ئێمە بە بەڵگەی سەلمێنەر و یەكلاكەرەوە و، بەپێی پەیڕەو و رێكارە یاساییە كارپێكراوەكانی كۆمیسیۆن سكاڵامان تۆماركرد و تانەمان لەو ئەنجامانە دا, وە هەروەها كۆی پرۆسەكەمان رەتكردەوە.
وەك دەرەنجامی هەوڵا و فشارە یاساییەكانیشمان، یاسای هەمواری سێیەمی یاسای هەڵبژاردنی ئەنجومەنی نوێنەرانی عێراق لەلایەن خودی ئەنجومەنی نوێنەرانەوە دەرچوو و دواتر لەلایەن دادگای فیدرالیشەوە پەسەند كرا.
لێرەدا تێبینیەكانمان لەسەر پرۆسەی هەژماركردنەوەی دەنگەكان لە پارێزگای هەولێر دەخەینە بەر دەم رای گشتی و كۆمیسیۆن و لایەنە پەیوەندیدارەكان:
یەكەم: لە مادەی (1)ی هەمواری سێیەمی یاسای ژمارە (45)ی ساڵی (2013)ی ئەنجومەنی نوێنەران كە دادگای ئیتیحادیش پەسەندی كردووە، هاتووە: (كۆمیسیۆنی باڵای سەربەخۆی هەڵبژاردنەكان پابەند دەبێت بە دووبارە ژماردنەوەی دەستی ی دەنگەكان لە كۆی بنكەكانی دەنگدان لە سەرتاسەری عێراق بە هەموو وێستگەكانەوە). بەڵام ئەوەی كۆمیسیۆن دەیكات ژماردنەوەی دەنگەكانی ناو ژمارەیەكی كەمی سندوقەكانی دەنگدانە كە (215) سندوقە لە كۆی (3092) سندوق لە پارێزگای هەولێر، كە دەكاتە رێژەی (6.9%)ی سندوقەكانی دەنگدان نەك هەمووی. سەرەڕای ئەوەش بەشێك لەو سكاڵایانەی پێشكەشمان كردووە بە هەند وەرنەگیراون و دەنگەكانیان دووبارە ناژمێردرێتەوە.
دووەم: خودی كۆمیسیۆن بە ئەنجامدانی ئەم كارەی لە ژێر پرسیاردایە، چونكە تا ئێستا بە فەرمی وەڵامی هیچ سكاڵا و تانەیەكی ئێمەی نەداوەتەوەو، بنەمای شەراكەتی راستەقینەی پێشێل كردووەو، شەفاف نییە لە پێدانی زانیاری بە قەوارەكان و رێگری دەكات لە دەستخستنی بەڵگە بەتایبەتی بۆ راگەیاندنەكان.
سێیەم: وەك لە یاساكەدا هاتووەو دادگای فیدرالیش پەسەندی كردووە، پێویستە هاوتاكردن (مگابقە)ی پەنجەمۆری دەنگدەران بكرێ، بەڵام كۆمیسیۆن پێشێلی یاساكە دەكات بە جێبەجێ نەكردنی ئەم رێكارە.
لەبەر ئەوە ئێمە هەر چوار لایەنی سیاسی (بزووتنەوەی گۆڕان، كۆمەڵی ئیسلامی، هاوپەیمانی بۆ دیموكراسی و دادپەروەری، یەكگرتووی ئیسلامی)، داوا دەكەین كە كۆمیسیۆن سەرەتا بە فەرمی وەڵامی تانەو سكاڵاكانمان بداتەوەو، یاساكە وەك خۆی جێبەجێ بكات و دووبارە جیاكردنەوەو ژماردنەوەی دەنگی هەموو وێستگەكان بكات و، هاوتاكردنی پەنجەمۆرەكان بكات سەرەڕای بەراوردی باركۆدی فۆرمەكانی دەنگدان و باركۆدی ئامێری ناساندن.
ئێمە بڕیارمان دا بایكۆتی پرۆسەی جیاكردنەوەی دەستیی دەنگەكان بكەین تا جێبەجێ كردنی ئەم داواكاریانەمان.

12/7/2018

کوردستان

لە پێنجوێن ئەندامێكی كۆمەڵەی مافی مرۆڤی كوردستان كوژرا

خەڵك- بەشی هەواڵ

لەشاری پێنجوێنی باشوری كوردستان ئەندامێكی كۆمەڵەی مافی مرۆڤی كوردستان كوژرا.

كۆمەڵەی مافی مرۆڤی كوردستان لە راگەیەندراوێكدا كە وێنەیەكی بۆ (خەڵك) نێردراوە، ئاشكرای كرد “ئیقباڵ مورادی، چالاكی ناسراوی كورد، باوكی بەندكراوی سیاسی كورد مەحكوم بە سێدارە ” زانیار مرادی ” و ئەندامی ڕێوەبەری كۆمەڵەی مافی مرۆڤی كوردستان KMMK لەشاری پێنجوێن لە باشوری كوردستان بووە ئامانجی كردەوەی تیرۆریستی و لە ئاكامدا گیانی لەدەست دا”.

كۆمەڵەی مافی مرۆڤی كوردستان راشیگەیاندووە “تەرمی بێگیانی ئیقباڵ مورادی لە دەوری كاتژمێر ۲۳:۳۰ سێ شەممە لە نزیك چەمی پێنجوێن ناسراوەتەوە. بە پێی شاهێدان تەرمی كاك ئیقباڵ جێگای حەوت فیشەكی پێوە بینراوە”.

ئیقباڵ مورادیان چالاكی سیاسی پێشوو، چالاكی بواری مافی مرۆڤ و ئەندامی بەڕێوەبەری كۆمەڵەی مافی مرۆڤی كوردستان، باوكی بەندكراوی سیاسی مەحكوم بە سێدارە ” زانیار مورادی” و مامی ” لوقمان مورادی ” بەندكراوی دیكەی مەحكوم بە سێدارە بوو كە لە تەمەنی لاویەتیەوە لە شۆڕشی حزبە سیاسیەیكانی كوردستان بەشدار بوو و ژیانی خۆی لەسەر خزمەت بە داهاتی گەلی كورد بەخت كرد.

بەپێی راگەیەندراوەكە “ئیقباڵ مورادی پێشتر لە ساڵی ۱۳۸۷ لە نزیك شاری پێنجوێن كرایە ئامانجی كردەوی تیرۆریستی و باش بریندار بون و گەیاندنی بۆ نەخۆشخانە لە مردن رزگاری بوو”.

كۆمەڵەی مافی مرۆڤی كوردستان، سەرخۆشی و پەژارەی خۆی لەسەر تیرۆر و گیان لەدەستدانی ئەم چالاكە ناسراوەی كورد بۆ بنەماڵە و كۆمەڵگای كوردستان رادەگەیەنێت.

كۆمەڵەی مافی مرۆڤی كوردستان تیرۆری ئەم ئەندامەی خۆی بە توندی ئیدانە دەكات و داوا لە حكومەتی هەرێمی كوردستان دەكات بە زوترین كات دەست و پەیوەندییەكانی ئەم تاوانە بدۆزێتەوە و لە دادگەیەكی بەرابەردا موحاكمە بكرێن.

بەردەوام بە لە خوێندنەوە

کوردستان

لە باشوری كوردستان گرووپێكی دیكەی چەكدار شەڕی لە دژی توركیا راگەیاند

خەڵك- بەشی هەواڵ
گروپێكی دیكەی چەكداری نزیك لە پەكەكە چووە مەیدانی جەنگ لە دژی سوپای توركیا لە باشوری كوردستان و بە گوتەی خۆیان باشوری كوردستان لە هێرشی توركیا دەپارێزن.

گرووپە چەكدارەكە وەك خۆیان دەڵێن سەر بە “پارتی ماركسیست لینینیست كۆمۆنیست، مەلەكەپە فەسك (MLKP- FESK)”ن و راگەیەندراوێكیان بڵاوكردووەتەوە.

بەپێی راگەیەندراوەكە، دیجلە ئاواز شەڕڤانی مەلەكەپە/كەی كەی ئۆ (MLKP/KKO ) ڕایگەیاندووە “وەك گەریلاكانی مەلەكەپە، لە دژی هێرشە داگیركەرییەكانی سووپای توركیا بۆ سەر باشووری كوردستان دەبنەوە. لەگەڵ هاوڕێكانماندا ئێمەش جێگەی خۆمان لە سەنگەرەكانی شەڕدا دەگرین”.

ئاشكراشیكرد “شوێنپێی شەهیدەكانمان لە زۆربەی ناوچە ئازادەكاندا هەیە. ئۆزگیور ڕێناس خوێنی خۆی تێدا ڕژاندووە. ڕۆزا ڕێناسیش گیانی خۆی تێدا فیدا كردووە. لەبەرئەوە ئێمە ناهێڵین سووپای داگیركەر و فاشیستی توركیا ناوچە ئازادەكان پیس و گڵاو بكات. ئێمە ناهێڵین هێزە داگیركەرەكان و نۆكەرەكانیان دەربازی ناو ئەو ناوچانە ببن كە بە خوێنی هەزاران شەهید ئازاد كراون”.

دیجلە ئاواز یەكێكی لە ئەندامەكانی گرووپە چەكدارەكە دەڵێـت “گەریلا ژنەكانی مەلەكەپە هەر وەك چۆن جێگەی خۆیان لەناو بەرخۆدانی خۆبەڕێوەبەریدا گرت و شۆڕشی ژنیان لە ڕۆژئاوا پاراست، ئاوەهاش بەشێكن لە پاراستنی هەرێمەكانی پاراستنی مەدیا”.

وتیشی “ئێمە ڕۆحی فیدایی ئارین و ساریا لە كۆبانێ و ئاڵای هاوڕێیان بەرچەم و ئەكین-ین كە لە ئەستەمبوڵ لە پاراستنی بارەگادا، یەكینەی گیانبەختكردوانیان ئافراند. ئەمڕۆش لە هەرێمەكانی پاراستنی مەدیا ئاڵای ئەو هەڤاڵانە بەرز دەكەینەوە. ئێمە هەر بستێكی خاكی هەرێمەكانی پاراستنی مەدیا، هەتا دواین دڵۆپی خوێنی خۆمان، هەتا دواین فیشەكی چەكەكانمان، دەپارێزین. ئێمە ناهێڵین شۆڕشی ژن لە ڕۆژئاوا و ناوچە ئازادەكانمان لەلایەن داگیركەرانی فاشیستەوە دەستیان بەسەردا بگیرێت. ئێمە ناهێڵین كە شۆڕشەكەمان شكست بهێنێت”.

لە ماوەی 27ی ساڵی رابردوودا لە ناوچە سنورییەكانی باشوری كوردستان لەگەڵ باكور و رۆژهەڵاتی كوردستان بەردەوام لە نێوان گرووپە چەكدارە جیاوازەكان و دەوڵەتانی ئێران و توركیادا شەڕ و ئاڵۆزی هەبووە.

بەهۆی ئەو شەڕ و ئاڵۆزییانەوە ناوچەیەكی زۆری سنوری باشوری كوردستان چۆڵكراوە و وێران بووە و خەڵكەكەی ئاوارەبوون، جیا لە كوژران و برینداربوونی سەدان هاووڵاتی.

بەردەوام بە لە خوێندنەوە

کوردستان

یەپەگە كوژرانی دوازدە سەرباز و چەكداری توركیای راگەیاند

خەڵك- بەشی هەواڵ
ناوەندی راگەیاندنی یەكینەكانی پاراستنی گەل (یەپەگە) كوژرانی دوازدە سەرباز و چەكداری سەر بە توركیاى لە شەڕ و پێكدادانەكانی ناوچەی عەفرین راگەیاند.

پەیەگە رایگەیاند “هێزەكانمان لە رۆژانی ١١ تاوەكو ١٥ی تەمووز لە عەفرین لە دژی سوپای توركیای داگیركەر و گروپە چەتەكانی، چالاكییان ئەنجامدا. لە چالاكییەكاندا ٩ سەرباز و ٣ چەتە كوژراون”.

راشیگەیاندووە “هێزەكانمان رۆژی ١١ی تەمووز لەسەر رێگای گوندی باسل لە ناوچەی شەرای عەفرین لە دژی ئۆتۆمبێلێكی سەربازیی سوپای توركیا چالاكییەكیان ئەنجامدا. لەو چالاكییەدا ٣ ئەفسەری سوپای توركیا و ٥ سەرباز كوژران”.

ئاماژەی بەوەشكردووە “هێزەكانمان رۆژی ١٣ی تەمووز لە دژی ئۆتۆمبێلێكی سەربازیی توركیا كە چەتەكانی فیرقەی حەمزەی تیادا بوو، چالاكییەكیان ئەنجامدا. ئەو چالاكییە لە نزیك گوندی كیمارێ ئەنجامدرا و لە ئەنجامدا سەربازێك و ٢ چەتە كوژران و سەربازێكی تریش بریندار بوو”.

ئەوەشی خستەڕوو “هێزەكانمان رۆژی ١٤ی تەمووز گورزیان لە ئۆتۆمبێلێكی سەربازی وەشاند، كە چەتەكانی گروپی بەسراویی تیدا بوو. لەو چالاكییەدا ٤ چەتە بە قورسی برینداربوون”.

دەشڵێت “هێزەكانمان رۆژی ١٥ی تەمووز بۆسەیەكیان لەسەر رێگای ئۆتۆمبێلێكی چەتەكانی فەیلەقی شام دانا، كە سەرچەتەیەك بە ناوی محەمەد ئەحمەد – ی تیادا بوو. چالاكییەكە لە نێوان ناوەندی شاری عەفرین و گوندی قتمە ئەنجامدرا. لە چالاكییەكەدا، كە بە قەناس ئەنجامدرا، ئەو سەرچەتەیە كرایە ئامانج و كوژرا”.

بەردەوام بە لە خوێندنەوە
ریکلام

کوردستان

دوایین