ئێمە لە تۆرە کۆمەڵایەتیەکان

کوردستان

گۆڕان ناوی سزادراوانی سیاسی حزبەكەی كۆدەكاتەوە

خەڵك- بەشی هەواڵ

باژێڕوانی سلێمانی بزوتنەوەی گۆڕان داوا لەو پێشمەرگە و فەرمانبەرانە دەكات كە لە دوو مانگی پێشوودا سزای سیاسی دراون بەڵگەكانیان بنێرن بۆ مەكۆكانی گۆڕان.

ئاسۆ مەحمود لە نوسینێكدا لە فەیسبوكی خۆی نوسیویەتی”لە دوای هەڵبژاردنی ۱۲ ی ئایارەوە، هەردو حیزبی دەسەڵات بەتایبەت یەكێتی كەوتونەتە سزادانی سیاسی و ئازاردانی هاوڵاتیان و پیشمەرگەو فەرمانبەران بە هۆی جیاوازی بیروڕای سیاسی یەوە، بۆیە سەرجەم ئەو كەسانە ئاگاداردەكەینەوە كەلە دو مانگی پێشودا سزای سیاسی دراون ودوچاری( نانبڕین، گواستنەوە، لێسەندنەوەی پلە، گرتن، ئەشكەنجەدان،فڕاندن، تەشهیرپێكردن و گێچەڵپێكردن)بون ، كەیسەكانیان لە ماوەی دە رۆژدا بە بەڵگە( ڤیدۆ، وێنە، نوسراو ، گێڕانەوە) پێشكەش بە مەكۆكانی بزوتنەوەی گۆڕان بكەن لە شاروشارۆچكە جیاوازەكان ، بەمەبەستی ئاراستەكردنی بۆ ( رێكخراوی نەتەوە یەكگرتوەكان ، نوێنەرایەتی وڵاتان ، ڕێكخراوە جیهانیەكانی مافی مرۆڤ) لە ڕێگەی ژوری دبلۆماسی بزوتنەوەی گۆڕان”.

هەر لە نوسینەكەدا ئەو بەرپرسەی گۆڕان باسی لەوەشكردووە، كە ئەوان ناوی ئەو بەرپرسانە دەدەنە نەتەوەیەكگرتووەكان كە سزای سیاسی فەرمانبەران و پێشمەرگەیانداوە لەسەر هەڵبژاردن” لە پێناو كۆتایهێنان بەم كردەوە فاشیانەیەی دەسەڵاتی كوردی و شەرمەزاركردن و ناوهێنانی هەمو ئەو بەرپرسانەی رۆڵی ڕاستەوخۆیان هەیە لە پێشێلكردنی ئازادی تاكەكەس و شكاندنی بەندەكانی جاڕنامەی مافی مرۆڤ”.

کوردستان

خەڵك؛ ژمارەی لیست و قەوارەكان بۆ هەڵبژاردنی پەرلەمان بڵاودەكاتەوە

خەڵك- بەشی هەواڵ
ئێوارەی ئەمڕۆ لە شاری هەولێر لە ڕێگەی تیروپشكەوە، كۆمسیۆنی باڵای سەربەخۆی هەڵبژاردن و ڕاپرسی هەرێم ژمارەی بە لیست و قەوارە بەشداربووەكانی هەڵبژاردنی پەرلەمانی كوردستان دا.

ئەمڕۆ دوو شەممە، لە كاتژمێر 6ی ئێوارە، كۆمسیۆنی باڵای سەربەخۆی هەڵبژاردن و ڕاپرسی هەرێم بە شێوەی ڕاستەوخۆ و لەبەردەم كەناڵەكانی ڕاگەیاندن لە شاری هەولێر، تیروپشكی بۆ ژمارەی لیست و قەوارە سیاسییەكانی بەشدار لە هەڵبژاردنی پەرلەمانی كوردستان كرد.

بڕیارە لە 30ی ئەیلولی ئەمساڵ هەڵبژاردن بۆ خولی پێنجەمی پەرلەمانی كوردستان ئەنجام بدرێت و 23 لیست و قەوارە و 6 كەسایەتی سەربەخۆ خۆیان كاندید كردووە بۆ 111 كورسی پەرلەمانی كوردستان، كە 11 كورسییان تایبەتە بە كۆتای كەمە نەتەوەییەكان.

بەردەوام بە لە خوێندنەوە

کوردستان

لەڕوداوەكەی ڕێگای سەنگاو-شۆرش ژنێكی بەتەمەن گیانی لەدەستدا

خەڵك – بەشی هەواڵ
بەڕێوەبەرایەتی پۆلیسی پارێزگای سلێمانی ڕایدەگەیەنێت، بەھۆی پێكدادانی دوو ئۆتۆمبێل لەسەر ڕێگای ناحیەی شۆڕش- سەنگاو، ژنێك گیانی لەدەستدا، دەشڵێت: “شۆفێری یەكەم بەپێی مادەی 24ی ھاتوچۆ لەئێستادا بەندە و لێكۆڵینەوەكان بەردەوامن”.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا، كە وێنەیەكی بۆ (خەڵك) ناردووە ڕایگەیاندووە، ئەمڕۆ دوو شەممە 16-7-2018 بەھۆی پێكدادانی دوو ئۆتۆمبێل لەسەر ڕێگای ناحیەی شۆڕش- سەنگاو، ژنێك گیانی لەدەستدا.

دەشڵێت: “لەئەنجامی پێكدادانی هەردوو ئۆتۆمبێل پیك اب دێر و پیك اب تاك، سەرنشینێكی ئۆتۆمبێلی دووەم گیانی لەدەستدا، كە ناوی (ش، ع، م) و لەدایكبوی ساڵی ١٩٥٥و پیشەی ژنی ماڵە و دانیشتوی قەزای كفریە”.

ڕاشیگەیاندووە، دوای ڕوداوەكە لەلایەن بنكەی پۆلیسی ناحیەی شۆڕشەوە پەڕاوی لێكۆڵینەوە بۆ ڕوداوەكە كرایەوە و شۆفێری یەكەم بەپێی مادەی 24ی ھاتوچۆ لەئێستادا بەندە و لێكۆڵینەوەكان بەردەوامن.

بەردەوام بە لە خوێندنەوە

کوردستان

مەلا بەختیار وەڵامی جەعفەر ئێمینكی دەداتەوە

خەڵك – بەشی هەواڵ
بەرپرسی دەستەی كارگێری مەكتەبی سیاسی یەكێتیی نیشتمانی كوردستان وەڵامی قسەكانی ئەندامێكی مەكتەبی سیاسی پارتی سەبارەت بە ساختەكاری لە هەڵبژاردن دەداتەوە و ڕایدەگەیەنێت، ئەوسا و ئێستاش پارتی چ بەڵگەیەكی لەسەر دزینی دەنگەكانیان‌ و گزی یەكێتی هەیە، با بیخەنەڕوو.

مەلا بەختیار، بەرپرسی دەستەی كارگێری مەكتەبی سیاسی یەكێتیی لە ڕوونكردنەوەیەكیدا، كە وێنەیەكی دەست (خەڵك) كەوتووە ڕایگەیاندووە، لە گۆڕینی بەرپرسی ئەنجومەنی سەركردایەتی پارتی لە سلێمانیدا، ئەدهەم بارزانی، كاكە عارف تەیفور، ئەركەكانی پێسپێردراوە، خوا لەگەڵ یەكەمیان بێ ‌‌و بەخێرهاتنی دووەمیشیان دەكەین.

دەشڵێت: “بۆ دەستبەكاربونی بەرپرسی تازە، جەعفەر ئیمنكی وتاری فەرمووە و لەمیانی قسەكانیدا، باسی بەندەی كردووە، گوایە، لەدوای ڕاگەیاندنی ئەنجامی هەڵبژاردنەكان، پێیڕاگەیاندبم، بێدەنگ نابن لەدزینی دەنگەكانیان”.

ڕاشیگەیاندووە، ئەوسا و ئێستاش پارتی چ بەڵگەیەكی لەسەر دزینی دەنگەكانیان‌ و گزی یەكێتی هەیە، با بفەرمون بیخەنەڕوو، لە ڕاگەیاندنیشدا، سەبارەت بە لێكۆڵینەوە لە سلێمانیدا، تەنانەت هاومەبەستی لایەنەكانی ئۆپۆزسیۆنیش بوون.

رونكردنەوەیەك لەسەر بۆچونێكی بەرێز (جەعفەر ئیمنكی)
لە گۆڕینی بەرێز بەرپرسی ئەنجومەنی سەركردایەتی پارتی لە سلێمانیدا، كاك ئەدهەم بارزانی، كاكە عارف تەیفور، ئەركەكانی پێسپێردراوە. خوا لەگەڵ یەكەمیان بێ ‌‌و بەخێرهاتنی دووەمیشیان دەكەین.
بۆ دەستبەكاربونی بەرپرسی تازە، بەرێز جەعفەر ئیمنكی وتاری فەرمووەو لەمیانی قسەكانیدا، باسی بەندەی كردووە، گوایە، لەدوای راگەیاندنی ئەنجامی هەڵبژاردنەكان، پێیڕاگەیاندبم، بێدەنگ نابن لەدزینی دەنگەكانیان.
ئەوساو ئێستاش پارتی چ بەڵگەیەكی لەسەر دزینی دەنگەكانیان‌و گزی یەكێتی هەیە، با بفەرمون بیخەنەڕوو. لە راگەیاندنیشدا، سەبارەت بە لێكۆڵینەوە لە سلێمانیدا، تەنانەت هاومەبەستی لایەنەكانی ئۆپۆزسیۆنیش بون. بەڵام سەبارەت بە خۆم، لاموایە ئەوەی بمناسێ‌، دەزانێ‌ یادەوەریم تیژەو شتم بیرناچێتەوە، كاكە جەعفەر دڵنیادەكەمەوە، ئێستا رەخنەكانی دەبیستم، ئەوكاتە رەنگە لەگەڵ هەڤاڵی دیكە قسەی كردبێ‌، بەڵام لەگەڵ بەندە، لەوبارەوە، دوورو نزیك قسەمان نەكردووە.

لەگەڵ رێزم بۆ كاكە ئیمنكی
مەلا بەختیار
16/7/2018

بەردەوام بە لە خوێندنەوە
ریکلام

کوردستان

دوایین