ئێمە لە تۆرە کۆمەڵایەتیەکان

ی.سلایدەر

خۆپیشاندەران لەبەسرە رێگای كێڵگە نەوتییەكان دادەخەن

خەڵك – بەشی هەواڵ

ئەمڕۆ پێنج شەممە خۆپیشاندان لە بەسرە دەستیپێكردەوە و چەند رێگایەكی سەرەكییان داخست.

بەپێی هەواڵی ئا ژانسەكانی عێراق، خۆپیشاندەران رێگای سەرەكی كێڵگەی نەوتی رومێڵە و دەروازەی شلامجەیان داخستووە.

خۆپیشاندەران كە داوای دابیكردنی هەلی كار و ئاو و كارەبا دەكەن رێگری دەكەن لە گەیشتنی كارمەندانی كۆمپانیا وەبەرهێنەرەكان.

دانیشتوانی قەزای شەتولعەرەبیش لە خۆرهەڵاتی پارێزگای بەسرە خۆپیشاندانیان سازكرد و رێگا سەرەكییەكانیان داخست.

کوردستان

لە باشوری كوردستان گرووپێكی دیكەی چەكدار شەڕی لە دژی توركیا راگەیاند

خەڵك- بەشی هەواڵ
گروپێكی دیكەی چەكداری نزیك لە پەكەكە چووە مەیدانی جەنگ لە دژی سوپای توركیا لە باشوری كوردستان و بە گوتەی خۆیان باشوری كوردستان لە هێرشی توركیا دەپارێزن.

گرووپە چەكدارەكە وەك خۆیان دەڵێن سەر بە “پارتی ماركسیست لینینیست كۆمۆنیست، مەلەكەپە فەسك (MLKP- FESK)”ن و راگەیەندراوێكیان بڵاوكردووەتەوە.

بەپێی راگەیەندراوەكە، دیجلە ئاواز شەڕڤانی مەلەكەپە/كەی كەی ئۆ (MLKP/KKO ) ڕایگەیاندووە “وەك گەریلاكانی مەلەكەپە، لە دژی هێرشە داگیركەرییەكانی سووپای توركیا بۆ سەر باشووری كوردستان دەبنەوە. لەگەڵ هاوڕێكانماندا ئێمەش جێگەی خۆمان لە سەنگەرەكانی شەڕدا دەگرین”.

ئاشكراشیكرد “شوێنپێی شەهیدەكانمان لە زۆربەی ناوچە ئازادەكاندا هەیە. ئۆزگیور ڕێناس خوێنی خۆی تێدا ڕژاندووە. ڕۆزا ڕێناسیش گیانی خۆی تێدا فیدا كردووە. لەبەرئەوە ئێمە ناهێڵین سووپای داگیركەر و فاشیستی توركیا ناوچە ئازادەكان پیس و گڵاو بكات. ئێمە ناهێڵین هێزە داگیركەرەكان و نۆكەرەكانیان دەربازی ناو ئەو ناوچانە ببن كە بە خوێنی هەزاران شەهید ئازاد كراون”.

دیجلە ئاواز یەكێكی لە ئەندامەكانی گرووپە چەكدارەكە دەڵێـت “گەریلا ژنەكانی مەلەكەپە هەر وەك چۆن جێگەی خۆیان لەناو بەرخۆدانی خۆبەڕێوەبەریدا گرت و شۆڕشی ژنیان لە ڕۆژئاوا پاراست، ئاوەهاش بەشێكن لە پاراستنی هەرێمەكانی پاراستنی مەدیا”.

وتیشی “ئێمە ڕۆحی فیدایی ئارین و ساریا لە كۆبانێ و ئاڵای هاوڕێیان بەرچەم و ئەكین-ین كە لە ئەستەمبوڵ لە پاراستنی بارەگادا، یەكینەی گیانبەختكردوانیان ئافراند. ئەمڕۆش لە هەرێمەكانی پاراستنی مەدیا ئاڵای ئەو هەڤاڵانە بەرز دەكەینەوە. ئێمە هەر بستێكی خاكی هەرێمەكانی پاراستنی مەدیا، هەتا دواین دڵۆپی خوێنی خۆمان، هەتا دواین فیشەكی چەكەكانمان، دەپارێزین. ئێمە ناهێڵین شۆڕشی ژن لە ڕۆژئاوا و ناوچە ئازادەكانمان لەلایەن داگیركەرانی فاشیستەوە دەستیان بەسەردا بگیرێت. ئێمە ناهێڵین كە شۆڕشەكەمان شكست بهێنێت”.

لە ماوەی 27ی ساڵی رابردوودا لە ناوچە سنورییەكانی باشوری كوردستان لەگەڵ باكور و رۆژهەڵاتی كوردستان بەردەوام لە نێوان گرووپە چەكدارە جیاوازەكان و دەوڵەتانی ئێران و توركیادا شەڕ و ئاڵۆزی هەبووە.

بەهۆی ئەو شەڕ و ئاڵۆزییانەوە ناوچەیەكی زۆری سنوری باشوری كوردستان چۆڵكراوە و وێران بووە و خەڵكەكەی ئاوارەبوون، جیا لە كوژران و برینداربوونی سەدان هاووڵاتی.

بەردەوام بە لە خوێندنەوە

کوردستان

یەپەگە كوژرانی دوازدە سەرباز و چەكداری توركیای راگەیاند

خەڵك- بەشی هەواڵ
ناوەندی راگەیاندنی یەكینەكانی پاراستنی گەل (یەپەگە) كوژرانی دوازدە سەرباز و چەكداری سەر بە توركیاى لە شەڕ و پێكدادانەكانی ناوچەی عەفرین راگەیاند.

پەیەگە رایگەیاند “هێزەكانمان لە رۆژانی ١١ تاوەكو ١٥ی تەمووز لە عەفرین لە دژی سوپای توركیای داگیركەر و گروپە چەتەكانی، چالاكییان ئەنجامدا. لە چالاكییەكاندا ٩ سەرباز و ٣ چەتە كوژراون”.

راشیگەیاندووە “هێزەكانمان رۆژی ١١ی تەمووز لەسەر رێگای گوندی باسل لە ناوچەی شەرای عەفرین لە دژی ئۆتۆمبێلێكی سەربازیی سوپای توركیا چالاكییەكیان ئەنجامدا. لەو چالاكییەدا ٣ ئەفسەری سوپای توركیا و ٥ سەرباز كوژران”.

ئاماژەی بەوەشكردووە “هێزەكانمان رۆژی ١٣ی تەمووز لە دژی ئۆتۆمبێلێكی سەربازیی توركیا كە چەتەكانی فیرقەی حەمزەی تیادا بوو، چالاكییەكیان ئەنجامدا. ئەو چالاكییە لە نزیك گوندی كیمارێ ئەنجامدرا و لە ئەنجامدا سەربازێك و ٢ چەتە كوژران و سەربازێكی تریش بریندار بوو”.

ئەوەشی خستەڕوو “هێزەكانمان رۆژی ١٤ی تەمووز گورزیان لە ئۆتۆمبێلێكی سەربازی وەشاند، كە چەتەكانی گروپی بەسراویی تیدا بوو. لەو چالاكییەدا ٤ چەتە بە قورسی برینداربوون”.

دەشڵێت “هێزەكانمان رۆژی ١٥ی تەمووز بۆسەیەكیان لەسەر رێگای ئۆتۆمبێلێكی چەتەكانی فەیلەقی شام دانا، كە سەرچەتەیەك بە ناوی محەمەد ئەحمەد – ی تیادا بوو. چالاكییەكە لە نێوان ناوەندی شاری عەفرین و گوندی قتمە ئەنجامدرا. لە چالاكییەكەدا، كە بە قەناس ئەنجامدرا، ئەو سەرچەتەیە كرایە ئامانج و كوژرا”.

بەردەوام بە لە خوێندنەوە

کوردستان

چوار گەریلای پژاك لەلایەن سوپای پاسدارانەوە كوژران

خەڵك- بەشی هەواڵ

فەرماندەیی یەكینەكانی پاراستنی رۆژهەڵاتی كوردستان (یەرەكە) باڵی سەربازی پژاك لە راگەیەندراوێكدا كوژرانی چوار گەریلای لەلایەن سوپای پاسدارانی كۆماری ئیسلامی ئێرانەوە راگەیاند.

فەرماندەیی یەكینەكانی پاراستنی رۆژهەڵاتی كوردستان رایگەیاند “رۆژی ١١ی تەمووزی ٢٠١٨ / ٢٠ی پووشپەڕ بەهۆی هەواڵدانی نۆكەرێكی دەوڵەتی ئێرانەوە، هێزەكانی رژێم لە گوندی دەرزیان لە شاری مەریوان بۆسەیەكیان لەسەر رێگای گەریلاكانیان داناوە و بەو هۆیەوە شەڕ لە نێوان گەریلاكانیان و هێزەكانی رژێمی ئێران روویداوە و لە ئەنجامدا گەریلایەكیان شەهیدبووە”.

راشیگەیاندووە “رۆژی ١٤ی تەمووزی ٢٠١٨ / ٢٣ی پووشپەڕ لە ئەیالەتی هەورامان لە شاری پاوەی ناوچەی چیای شاهۆ بەهۆی هەواڵدانی كەسێكی بەكرێگیراوەوە، رژێمی ئێران بە چەكی قورس هێرشی كردووەتە سەر سەنگەری هێزەكانیان”.

رونیشیكردەوە “هێرشەكەی رژێمی ئێران بۆ ماوەی ٦ كاتژمێر بەردەوام بووە و ٣ هەڤاڵیان تاوەكو دوایین فیشەك شەڕیان لە دژی هێزەكانی رژێمی ئێران كردووە و لە ئەنجامدا ئەو ٣ هەڤاڵەی یەرەكە شەهید بوون”.

بەردەوام بە لە خوێندنەوە
ریکلام

کوردستان

دوایین