ئێمە لە تۆرە کۆمەڵایەتیەکان

کوردستان

رۆژهەڵاتییەكان دەبنە قوربانی نەوتكێشەكانی باشوور

خەڵك – بەشی هەواڵ

ڕۆژهەڵاتی كوردستان بە هۆی هەڵاوردنی سیستماتیكی دەسەڵاتی ناوەندی، كەمترین ڕێگای شەمەندەفەر و ئاسمانی هەیە و تەنانەت ڕێگا و بانە ئاساییەكانیشی بە ڕێگاوبانی مەرگ نێویان دەركردووە. تەواوی كابینەكانی دەسەڵات لە ئێران چ لە سەردەمی بنەماخوازەكان و چ لە سەردەمی ڕێفۆڕمخوازەكاندا هۆكاری ئەو هەموو كارەساتەی هاتوچۆ بوون كە لە كوردستان ڕوو دەدەن بەوەی پڕۆژەی خزمەتگوزارییان بۆ كوردستان ئەنجام نەداوە.

ماڵپەڕی AVATODAY بڵاویكردەوە “بە پێی ئاماری ساڵی ڕابردوو، ١٩ نەوتكێش لە كۆی ١٨٧ نەوتكێش كە هەڵگری نەوتی باشوری كوردستان بۆ سوپای پاسدارانن، لە ڕێگاوبانەكانی كوردستان و شارە سنوورییەكانی ڕۆژهەڵاتی كوردستاندا وەرگەڕاون. هاتووچۆی ئەو نەوتكێشانە كە هیچ خێرێكی بۆ خەڵكی رۆژهەڵات نییە، یەكێك لە هۆكارە سەرەكییەكانی ئەو هەموو كارەساتی هاتوچۆیەیە كە لە شارەكانی ڕۆژهەڵات ڕوو دەدات”.

ماوەیەك بەر لە ئێستا جێگری كاروباری ئاوەدانكردنەوەی شاری سنە ڕایگەیاند “لە سێ مانگی رابردوودا، ٨١ كەس بە هۆی ڕووداوی هاتوچۆ لە شاری سنە گیانیان لە دەستداوە كە لە چاو ساڵی پێشوو ١٦ لەسەد زیادی كردووە”، ئەوە كارەساتی دوێنێ شەوی سنەش هاتە سەر ئەو ئامارە و رۆژهەڵاتی جارێكی دیكە ماتەمبار بووەوە.

بەپێی هەواڵی ماڵپەڕەكە “هەڵاواردن و ڕوانینی ئەمنیەتی بۆ سەر كوردستان وای كردووە ئەستەمترین چیاكانی كوردستان بە پارەی خودی خەڵك ڕێگەی قیر و خۆشیان بۆ بكێشرێت تا بە بیانووی پێشمەرگە بە سانایی هاتوچۆی ئەو شوێنانە بكەن، كەچی لە بەرامبەردا ڕۆژهەڵاتی كوردستانی خستووەتە نێو چوارچێوەی هەڵاواردنەوە و خزمەتگوزارییەكانی ناوچە كوردنشینەكان لە خراپترین ئاستی خۆیاندان”.

رونیشیكردووەتەوە “دروستكردنی دەیان بنكەی چەكداری لە ئاواییەكانی كوردستان بە پارەی خەڵكی ئەو ناوچانە كە بۆ نانی شەو ٣٠٠ كیلۆ بار لە پشتیان دەدەن، دەرخەری ئەو ڕاستییەن كە بەرپرسانی كۆماری ئیسلامی لە بنەڕەتدا ژیانی ئەو خەڵكەیان بۆ گرنگ نییە و ئەوەی بۆیان گرنگە پارێزراوبوونی تەواویەتی ئەرزی و نەمانی ئاسەواری خەڵكی كوردە”.

ئەمە لەحاڵێكدایە بەهۆی ئەو تانكەرانەوە چەندین رووداوی هاوشێوەی رووداوەكەی سنە لە رێگاوبانە جیاوازەكانی باشوری كوردستانیش روویان داوە و زیانی گیانی و ماڵییان لێكەوتووەتەوە.

هاوكات بەهۆی زۆری ژمارەی ئەو تانكەرانەوە زۆرێك لە رێگاكانی باشوری كوردستان مەترسيیان لەسەرە و هاووڵاتیان بە ترسەوە هاتووچۆیان پێدا دەكەن.

کوردستان

خەڵك؛ ژمارەی لیست و قەوارەكان بۆ هەڵبژاردنی پەرلەمان بڵاودەكاتەوە

خەڵك- بەشی هەواڵ
ئێوارەی ئەمڕۆ لە شاری هەولێر لە ڕێگەی تیروپشكەوە، كۆمسیۆنی باڵای سەربەخۆی هەڵبژاردن و ڕاپرسی هەرێم ژمارەی بە لیست و قەوارە بەشداربووەكانی هەڵبژاردنی پەرلەمانی كوردستان دا.

ئەمڕۆ دوو شەممە، لە كاتژمێر 6ی ئێوارە، كۆمسیۆنی باڵای سەربەخۆی هەڵبژاردن و ڕاپرسی هەرێم بە شێوەی ڕاستەوخۆ و لەبەردەم كەناڵەكانی ڕاگەیاندن لە شاری هەولێر، تیروپشكی بۆ ژمارەی لیست و قەوارە سیاسییەكانی بەشدار لە هەڵبژاردنی پەرلەمانی كوردستان كرد.

بڕیارە لە 30ی ئەیلولی ئەمساڵ هەڵبژاردن بۆ خولی پێنجەمی پەرلەمانی كوردستان ئەنجام بدرێت و 23 لیست و قەوارە و 6 كەسایەتی سەربەخۆ خۆیان كاندید كردووە بۆ 111 كورسی پەرلەمانی كوردستان، كە 11 كورسییان تایبەتە بە كۆتای كەمە نەتەوەییەكان.

بەردەوام بە لە خوێندنەوە

کوردستان

لەڕوداوەكەی ڕێگای سەنگاو-شۆرش ژنێكی بەتەمەن گیانی لەدەستدا

خەڵك – بەشی هەواڵ
بەڕێوەبەرایەتی پۆلیسی پارێزگای سلێمانی ڕایدەگەیەنێت، بەھۆی پێكدادانی دوو ئۆتۆمبێل لەسەر ڕێگای ناحیەی شۆڕش- سەنگاو، ژنێك گیانی لەدەستدا، دەشڵێت: “شۆفێری یەكەم بەپێی مادەی 24ی ھاتوچۆ لەئێستادا بەندە و لێكۆڵینەوەكان بەردەوامن”.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا، كە وێنەیەكی بۆ (خەڵك) ناردووە ڕایگەیاندووە، ئەمڕۆ دوو شەممە 16-7-2018 بەھۆی پێكدادانی دوو ئۆتۆمبێل لەسەر ڕێگای ناحیەی شۆڕش- سەنگاو، ژنێك گیانی لەدەستدا.

دەشڵێت: “لەئەنجامی پێكدادانی هەردوو ئۆتۆمبێل پیك اب دێر و پیك اب تاك، سەرنشینێكی ئۆتۆمبێلی دووەم گیانی لەدەستدا، كە ناوی (ش، ع، م) و لەدایكبوی ساڵی ١٩٥٥و پیشەی ژنی ماڵە و دانیشتوی قەزای كفریە”.

ڕاشیگەیاندووە، دوای ڕوداوەكە لەلایەن بنكەی پۆلیسی ناحیەی شۆڕشەوە پەڕاوی لێكۆڵینەوە بۆ ڕوداوەكە كرایەوە و شۆفێری یەكەم بەپێی مادەی 24ی ھاتوچۆ لەئێستادا بەندە و لێكۆڵینەوەكان بەردەوامن.

بەردەوام بە لە خوێندنەوە

کوردستان

مەلا بەختیار وەڵامی جەعفەر ئێمینكی دەداتەوە

خەڵك – بەشی هەواڵ
بەرپرسی دەستەی كارگێری مەكتەبی سیاسی یەكێتیی نیشتمانی كوردستان وەڵامی قسەكانی ئەندامێكی مەكتەبی سیاسی پارتی سەبارەت بە ساختەكاری لە هەڵبژاردن دەداتەوە و ڕایدەگەیەنێت، ئەوسا و ئێستاش پارتی چ بەڵگەیەكی لەسەر دزینی دەنگەكانیان‌ و گزی یەكێتی هەیە، با بیخەنەڕوو.

مەلا بەختیار، بەرپرسی دەستەی كارگێری مەكتەبی سیاسی یەكێتیی لە ڕوونكردنەوەیەكیدا، كە وێنەیەكی دەست (خەڵك) كەوتووە ڕایگەیاندووە، لە گۆڕینی بەرپرسی ئەنجومەنی سەركردایەتی پارتی لە سلێمانیدا، ئەدهەم بارزانی، كاكە عارف تەیفور، ئەركەكانی پێسپێردراوە، خوا لەگەڵ یەكەمیان بێ ‌‌و بەخێرهاتنی دووەمیشیان دەكەین.

دەشڵێت: “بۆ دەستبەكاربونی بەرپرسی تازە، جەعفەر ئیمنكی وتاری فەرمووە و لەمیانی قسەكانیدا، باسی بەندەی كردووە، گوایە، لەدوای ڕاگەیاندنی ئەنجامی هەڵبژاردنەكان، پێیڕاگەیاندبم، بێدەنگ نابن لەدزینی دەنگەكانیان”.

ڕاشیگەیاندووە، ئەوسا و ئێستاش پارتی چ بەڵگەیەكی لەسەر دزینی دەنگەكانیان‌ و گزی یەكێتی هەیە، با بفەرمون بیخەنەڕوو، لە ڕاگەیاندنیشدا، سەبارەت بە لێكۆڵینەوە لە سلێمانیدا، تەنانەت هاومەبەستی لایەنەكانی ئۆپۆزسیۆنیش بوون.

رونكردنەوەیەك لەسەر بۆچونێكی بەرێز (جەعفەر ئیمنكی)
لە گۆڕینی بەرێز بەرپرسی ئەنجومەنی سەركردایەتی پارتی لە سلێمانیدا، كاك ئەدهەم بارزانی، كاكە عارف تەیفور، ئەركەكانی پێسپێردراوە. خوا لەگەڵ یەكەمیان بێ ‌‌و بەخێرهاتنی دووەمیشیان دەكەین.
بۆ دەستبەكاربونی بەرپرسی تازە، بەرێز جەعفەر ئیمنكی وتاری فەرمووەو لەمیانی قسەكانیدا، باسی بەندەی كردووە، گوایە، لەدوای راگەیاندنی ئەنجامی هەڵبژاردنەكان، پێیڕاگەیاندبم، بێدەنگ نابن لەدزینی دەنگەكانیان.
ئەوساو ئێستاش پارتی چ بەڵگەیەكی لەسەر دزینی دەنگەكانیان‌و گزی یەكێتی هەیە، با بفەرمون بیخەنەڕوو. لە راگەیاندنیشدا، سەبارەت بە لێكۆڵینەوە لە سلێمانیدا، تەنانەت هاومەبەستی لایەنەكانی ئۆپۆزسیۆنیش بون. بەڵام سەبارەت بە خۆم، لاموایە ئەوەی بمناسێ‌، دەزانێ‌ یادەوەریم تیژەو شتم بیرناچێتەوە، كاكە جەعفەر دڵنیادەكەمەوە، ئێستا رەخنەكانی دەبیستم، ئەوكاتە رەنگە لەگەڵ هەڤاڵی دیكە قسەی كردبێ‌، بەڵام لەگەڵ بەندە، لەوبارەوە، دوورو نزیك قسەمان نەكردووە.

لەگەڵ رێزم بۆ كاكە ئیمنكی
مەلا بەختیار
16/7/2018

بەردەوام بە لە خوێندنەوە
ریکلام

کوردستان

دوایین