ئێمە لە تۆرە کۆمەڵایەتیەکان

کوردستان

هەپەگە دەربارەی پێكدانەكانیان لەگەڵ سوپای توركیا راگەیەندراوێكی بڵاوكردەوە

خەڵك – بەشی هەواڵ

هێزەكانی پاراستنی گەل هەپەگە دەربارەی چالاكی گەریلا و پێكدادانەكانیان لەگەڵ سوپای توركیا راگەیەندراوێكی بڵاوكردەوە.

دەقی راگەیەندراوەكە:
‘ یەژا ستار لە جولەمێرگ سوپای دوژمنی كردە ئامانج’

لە چوارچێوەی هەڵمەتی شۆڕشگێڕانەی شەهید پیرۆزوشەهید ئاگریدا گەریلاكانی یەژاستار لە ڕۆژی ١٠ی تەمووز/١٩ی پووشپەردا لە كاتژمێر ٩ی بەیاندیا، لەدژی بارەگایەكی سەربازی سوپای توركیا لە گیرێ-ی ناوچەی چەلێ-ی جولەمێرگ، چالاكییان ئەنجامدا. گورزێكی سەخت لە سەنگەر وحەشارگەكانی ناو بارەگاكە درا، بەلام ژمارەی كوژراوو بریندارانی هێزەكانی سوپای توركیا نەزانراوە.

هێزەكانمان لە چواڕچێوەی هەڵمەتی شۆڕشگێڕیدا ئێوارەی هەمان ڕۆژ لە كاتژمێر ١٨:٣٠ خولەكدا لەسەر گردی لێلیكان-ی هەرێمی برادۆست-ی باشووری كوردستان سوپای داگیركەری توركیا-یان كردە ئامانج. لەو چالاكییەدا سەربازێكی سوپای دوژمن كوژرا.

‘ لەشەمزینان ئۆپەراسیۆن’

لە ڕێكەوتی ٩ی تەمووز/١٨ی پووشپەڕ سوپای داگیركەری توركیا وێڕای جەندەرمەكانی گوندەكان لە هەرێمی نێوان ناوچەی ڕادیۆلۆگ-ی گەڤەروگوندی هاروون-ی ناوچەی شەمزینان، دەستیان بە ئۆپەراسیۆنی سەربازی كرد. ئۆپەراسیۆنەكە هەمان ڕۆژ بەبێ هیچ دەسكەوتێك كۆتایی پێهات.

‘ بۆردمانی فڕۆكە’

فڕۆكەجەنگییەكانی سوپای داگیركەری توركیا هەرێمەكانی پاراستنی مەدیای بۆردمان كرد. زانیاری ورد لەسەر ئەو بۆردمانانە ئاوەهایە:

فڕۆكە جەنگییەكان لە ١٠ی تەمووز/١٩ی پووشپەڕدا لە نێوان كاتژمێرەكانی ٨ بۆ ١٠ی ئێوارە دەورووبەری گوندی گیراوا، كورتەك، ئورتا ئالان، بۆلێ، گردی هیوا ودەورووبەری گوندی سیلێ-ی قەندیل، دۆڵی كۆنفەرانسێ و هەرێمی ئاواشین، ناوچەی چەمچۆ، كونیشكا وگوندی فیلیحا-ی هەرێمی زاپ، ناوچەی شەهید بریتان، گەلی ئاشوتێ وكێلەشین-ی هەرێمی خواكورك-یان بۆردمان كرد.

٩ی تەمووز/١٨ی پووشپەڕ لە كاتژمێر ١٩:٣٠ دۆڵی نێرگە و ئالانتوس-ی هەرێمی زاپ بۆردمان كرا.

ئەمە ماوەیەكە كە لە گوندەكانی هەرێمی كیرك-ی مەردیڤان-ی ناوچەی پولور-ی دێرسیم. كروپێك لە جەردەوانەانی دەوڵەتی توركیا بە جلی گەریلاوە دەگەڕن و زەخت لەگەل دەكەن و گەل ئازاردەدەن. دەبێت گەلی ئێمە ئاگادار پیلانەكانی دوژمن بن.”

کوردستان

لە پێنجوێن ئەندامێكی كۆمەڵەی مافی مرۆڤی كوردستان كوژرا

خەڵك- بەشی هەواڵ

لەشاری پێنجوێنی باشوری كوردستان ئەندامێكی كۆمەڵەی مافی مرۆڤی كوردستان كوژرا.

كۆمەڵەی مافی مرۆڤی كوردستان لە راگەیەندراوێكدا كە وێنەیەكی بۆ (خەڵك) نێردراوە، ئاشكرای كرد “ئیقباڵ مورادی، چالاكی ناسراوی كورد، باوكی بەندكراوی سیاسی كورد مەحكوم بە سێدارە ” زانیار مرادی ” و ئەندامی ڕێوەبەری كۆمەڵەی مافی مرۆڤی كوردستان KMMK لەشاری پێنجوێن لە باشوری كوردستان بووە ئامانجی كردەوەی تیرۆریستی و لە ئاكامدا گیانی لەدەست دا”.

كۆمەڵەی مافی مرۆڤی كوردستان راشیگەیاندووە “تەرمی بێگیانی ئیقباڵ مورادی لە دەوری كاتژمێر ۲۳:۳۰ سێ شەممە لە نزیك چەمی پێنجوێن ناسراوەتەوە. بە پێی شاهێدان تەرمی كاك ئیقباڵ جێگای حەوت فیشەكی پێوە بینراوە”.

ئیقباڵ مورادیان چالاكی سیاسی پێشوو، چالاكی بواری مافی مرۆڤ و ئەندامی بەڕێوەبەری كۆمەڵەی مافی مرۆڤی كوردستان، باوكی بەندكراوی سیاسی مەحكوم بە سێدارە ” زانیار مورادی” و مامی ” لوقمان مورادی ” بەندكراوی دیكەی مەحكوم بە سێدارە بوو كە لە تەمەنی لاویەتیەوە لە شۆڕشی حزبە سیاسیەیكانی كوردستان بەشدار بوو و ژیانی خۆی لەسەر خزمەت بە داهاتی گەلی كورد بەخت كرد.

بەپێی راگەیەندراوەكە “ئیقباڵ مورادی پێشتر لە ساڵی ۱۳۸۷ لە نزیك شاری پێنجوێن كرایە ئامانجی كردەوی تیرۆریستی و باش بریندار بون و گەیاندنی بۆ نەخۆشخانە لە مردن رزگاری بوو”.

كۆمەڵەی مافی مرۆڤی كوردستان، سەرخۆشی و پەژارەی خۆی لەسەر تیرۆر و گیان لەدەستدانی ئەم چالاكە ناسراوەی كورد بۆ بنەماڵە و كۆمەڵگای كوردستان رادەگەیەنێت.

كۆمەڵەی مافی مرۆڤی كوردستان تیرۆری ئەم ئەندامەی خۆی بە توندی ئیدانە دەكات و داوا لە حكومەتی هەرێمی كوردستان دەكات بە زوترین كات دەست و پەیوەندییەكانی ئەم تاوانە بدۆزێتەوە و لە دادگەیەكی بەرابەردا موحاكمە بكرێن.

بەردەوام بە لە خوێندنەوە

کوردستان

لە باشوری كوردستان گرووپێكی دیكەی چەكدار شەڕی لە دژی توركیا راگەیاند

خەڵك- بەشی هەواڵ
گروپێكی دیكەی چەكداری نزیك لە پەكەكە چووە مەیدانی جەنگ لە دژی سوپای توركیا لە باشوری كوردستان و بە گوتەی خۆیان باشوری كوردستان لە هێرشی توركیا دەپارێزن.

گرووپە چەكدارەكە وەك خۆیان دەڵێن سەر بە “پارتی ماركسیست لینینیست كۆمۆنیست، مەلەكەپە فەسك (MLKP- FESK)”ن و راگەیەندراوێكیان بڵاوكردووەتەوە.

بەپێی راگەیەندراوەكە، دیجلە ئاواز شەڕڤانی مەلەكەپە/كەی كەی ئۆ (MLKP/KKO ) ڕایگەیاندووە “وەك گەریلاكانی مەلەكەپە، لە دژی هێرشە داگیركەرییەكانی سووپای توركیا بۆ سەر باشووری كوردستان دەبنەوە. لەگەڵ هاوڕێكانماندا ئێمەش جێگەی خۆمان لە سەنگەرەكانی شەڕدا دەگرین”.

ئاشكراشیكرد “شوێنپێی شەهیدەكانمان لە زۆربەی ناوچە ئازادەكاندا هەیە. ئۆزگیور ڕێناس خوێنی خۆی تێدا ڕژاندووە. ڕۆزا ڕێناسیش گیانی خۆی تێدا فیدا كردووە. لەبەرئەوە ئێمە ناهێڵین سووپای داگیركەر و فاشیستی توركیا ناوچە ئازادەكان پیس و گڵاو بكات. ئێمە ناهێڵین هێزە داگیركەرەكان و نۆكەرەكانیان دەربازی ناو ئەو ناوچانە ببن كە بە خوێنی هەزاران شەهید ئازاد كراون”.

دیجلە ئاواز یەكێكی لە ئەندامەكانی گرووپە چەكدارەكە دەڵێـت “گەریلا ژنەكانی مەلەكەپە هەر وەك چۆن جێگەی خۆیان لەناو بەرخۆدانی خۆبەڕێوەبەریدا گرت و شۆڕشی ژنیان لە ڕۆژئاوا پاراست، ئاوەهاش بەشێكن لە پاراستنی هەرێمەكانی پاراستنی مەدیا”.

وتیشی “ئێمە ڕۆحی فیدایی ئارین و ساریا لە كۆبانێ و ئاڵای هاوڕێیان بەرچەم و ئەكین-ین كە لە ئەستەمبوڵ لە پاراستنی بارەگادا، یەكینەی گیانبەختكردوانیان ئافراند. ئەمڕۆش لە هەرێمەكانی پاراستنی مەدیا ئاڵای ئەو هەڤاڵانە بەرز دەكەینەوە. ئێمە هەر بستێكی خاكی هەرێمەكانی پاراستنی مەدیا، هەتا دواین دڵۆپی خوێنی خۆمان، هەتا دواین فیشەكی چەكەكانمان، دەپارێزین. ئێمە ناهێڵین شۆڕشی ژن لە ڕۆژئاوا و ناوچە ئازادەكانمان لەلایەن داگیركەرانی فاشیستەوە دەستیان بەسەردا بگیرێت. ئێمە ناهێڵین كە شۆڕشەكەمان شكست بهێنێت”.

لە ماوەی 27ی ساڵی رابردوودا لە ناوچە سنورییەكانی باشوری كوردستان لەگەڵ باكور و رۆژهەڵاتی كوردستان بەردەوام لە نێوان گرووپە چەكدارە جیاوازەكان و دەوڵەتانی ئێران و توركیادا شەڕ و ئاڵۆزی هەبووە.

بەهۆی ئەو شەڕ و ئاڵۆزییانەوە ناوچەیەكی زۆری سنوری باشوری كوردستان چۆڵكراوە و وێران بووە و خەڵكەكەی ئاوارەبوون، جیا لە كوژران و برینداربوونی سەدان هاووڵاتی.

بەردەوام بە لە خوێندنەوە

کوردستان

یەپەگە كوژرانی دوازدە سەرباز و چەكداری توركیای راگەیاند

خەڵك- بەشی هەواڵ
ناوەندی راگەیاندنی یەكینەكانی پاراستنی گەل (یەپەگە) كوژرانی دوازدە سەرباز و چەكداری سەر بە توركیاى لە شەڕ و پێكدادانەكانی ناوچەی عەفرین راگەیاند.

پەیەگە رایگەیاند “هێزەكانمان لە رۆژانی ١١ تاوەكو ١٥ی تەمووز لە عەفرین لە دژی سوپای توركیای داگیركەر و گروپە چەتەكانی، چالاكییان ئەنجامدا. لە چالاكییەكاندا ٩ سەرباز و ٣ چەتە كوژراون”.

راشیگەیاندووە “هێزەكانمان رۆژی ١١ی تەمووز لەسەر رێگای گوندی باسل لە ناوچەی شەرای عەفرین لە دژی ئۆتۆمبێلێكی سەربازیی سوپای توركیا چالاكییەكیان ئەنجامدا. لەو چالاكییەدا ٣ ئەفسەری سوپای توركیا و ٥ سەرباز كوژران”.

ئاماژەی بەوەشكردووە “هێزەكانمان رۆژی ١٣ی تەمووز لە دژی ئۆتۆمبێلێكی سەربازیی توركیا كە چەتەكانی فیرقەی حەمزەی تیادا بوو، چالاكییەكیان ئەنجامدا. ئەو چالاكییە لە نزیك گوندی كیمارێ ئەنجامدرا و لە ئەنجامدا سەربازێك و ٢ چەتە كوژران و سەربازێكی تریش بریندار بوو”.

ئەوەشی خستەڕوو “هێزەكانمان رۆژی ١٤ی تەمووز گورزیان لە ئۆتۆمبێلێكی سەربازی وەشاند، كە چەتەكانی گروپی بەسراویی تیدا بوو. لەو چالاكییەدا ٤ چەتە بە قورسی برینداربوون”.

دەشڵێت “هێزەكانمان رۆژی ١٥ی تەمووز بۆسەیەكیان لەسەر رێگای ئۆتۆمبێلێكی چەتەكانی فەیلەقی شام دانا، كە سەرچەتەیەك بە ناوی محەمەد ئەحمەد – ی تیادا بوو. چالاكییەكە لە نێوان ناوەندی شاری عەفرین و گوندی قتمە ئەنجامدرا. لە چالاكییەكەدا، كە بە قەناس ئەنجامدرا، ئەو سەرچەتەیە كرایە ئامانج و كوژرا”.

بەردەوام بە لە خوێندنەوە
ریکلام

کوردستان

دوایین