ئێمە لە تۆرە کۆمەڵایەتیەکان
ریکلام

ی.سلایدەر

كەشوهەوا گۆڕانكاری بەسەردادێت و فێنك دەبێت

خەڵك- بەشی هەواڵ
كەشناسی عیراق ئاشكرای دەكات، كە لە ڕۆژی شەممەوە كەشوهەوا گۆڕانكاری بەسەردا دێت و پلەكانی گەرما بەتایبەت لە هەرێمی كوردستان دادەبەزن.

دەستەی كەشناسی و بوومەلەرزەزانی عیراق لە بەیاننامەیەكدا ئاماژەی بەوەكردووە، كە چوار ڕۆژی داهاتوو بەرزی و نزمی لە پلەكانی گەرما ڕوودەدات و كەشوهەوا بەرەو فێنكی دەڕوات.

ڕاشیگەیاندووە، سبەینێ‌ پێنج شەممە، ئاسمانی هەرێمی كوردستان ساماڵ دەبێت لەگەڵ بوونی هەندێك پەڵە هەور و پلەكانی گەرماش بە بەرزی وەك ئەمڕۆ چوار شەممە دەمێننەوە.

ئاماژەی بەوەشكردووە، كە لە ناوچەكانی ناوەڕاستی عیراق ئاسمان ساماڵ و گەرم دەبێت و لە ناوچەكانی باشوور ئاسمان ساماڵ دەبێت و پلەكانی گەرما بەرزدەبنەوە لەگەڵ بوونی كەمێك خۆڵبارین.

سەبارەت بە ڕۆژی هەینی، كەشناسی ڕوونی كردۆتەوە، لە ناوچەكانی هەرێم و ناوەڕاست و باشووری عیراق ئاسمان ساماڵ و گەرم دەبێت.

كەشناسی عیراق ئاشكراشی كردووە، ڕۆژی شەممە لە هەرێم و ناوچەكانی دیكەی عیراق كەشوهەوا گۆڕانكاری بەسەردا دێت و پلەكانی گەرما دادەبەزن و ڕۆژی یەك شەممەش بەهەمان شێوە دەبێت و بۆ چەند ڕۆژێك بەردەوام دەبێت.

پێشتر ساق عەتیە، شارەزای بواری كەشناسی عیراقی ڕایگەیاندبوو، كە سەرەتای هەفتەی داهاتوو شەپۆلێكی هەوای سارد و فێنك ڕوو لە عیراق و هەرێمی كوردستان دەكات و پلەكانی گەرما دادەبەزن، كە وەك وتویەتی، “ئەوە شتێكی چاوەڕوان نەكراو بووە”.

کوردستان

بەڤیدیۆ.. یەكەمین لێدوانی بەرهەم ساڵح دوای گەڕانەوەی بۆ نێو یەكێتی

خەڵك-بەشی هەواڵ

ئەمڕۆ بۆ یەكەمجار بەرهەم ساڵح سەرۆكی پێشووی هاوپەیمانی بۆ دیموكراسی‌و دادپەروەری لەگەڵ ژمارەیەك لە سەركردەكانی یەكێتی كۆبووەوە.

كۆسرەت رەسوڵ عەلی جێگری یەكەمی سكرتێری گشتی یەكێتی نیشتمانی كوردستان، وێڕای بەخێرهێنانی بەرهەم ساڵح بۆ نێو ریزەكانی یەكێتی نیشتمانی كوردستان، بە میدیای فەرمی حزبەكەی راگەیاند، ئەو رێكەوتنەی لەنێوان یەكێتی و هاوپەیمانی هەیە دژی هیچ لایەك نییەو دەمانەوێ نێو ماڵی كوردی رێكبخەینەوە.

وتیشی”دەمانەوێ لە هەڵبژاردنەكاندا بەرهەم ساڵح كار بكات بۆ ئەوەی دەنگی باش بەدەست بهێنین”.

لای خۆشییەوە بەرهەم ساڵح رایگەیاند، یەكێتی سەروەتێكی گەورەی نیشتمانییە، لە كاتی دامەزراندنییەوە كۆكەرەوەی كۆمەڵێك تێكۆشەرو خەڵكی دڵسۆز بووە بۆ ئەم نیشتمانە.

وتیشی”لەنێو سەركردایەتی یەكێتی كێشەمان هەبووە لەسەر جۆری حوكمڕانی، بەڵام ئەو كێشەو گرفتانە لەسەر كێشەی شەخسی نەبووە، بەڵكو لەسەر كێشەی نەتەوەكەمان بووە”.

بەردەوام بە لە خوێندنەوە

کوردستان

سەركردەیەكی هاوپەیمانی: رۆیشتنی بەرهەم ساڵح كاریگەریمان لەسەر دادەنێت

خەڵك-بەشی هەواڵ

ئەندامێكی ئەنجومەنی بەڕێوەبردنی هاوپەیمانی بۆ دیموكراسی‌و دادپەروەری رایدەگەیەنێت، رۆیشتنی بەرهەم ساڵح كاریگەری لەسەر هاوپەیمانی دروست دەكات.

دوێنێ بەرهەم ساڵح سەرۆكی پێشووی هاوپەیمانی بۆ دیموكراسی‌و دادپەروەری نامەی دەستلەكاركێشانەوەی ئاڕاستەی حزبەكەی كردو گەڕایەوە نێو یەكێتی نیشتمانی كوردستان.

عوسمان عەبدوڵڵا گوڵپی ئەندامی ئەنجومەنی بەڕێوەبردنی هاوپەیمانی بۆ دیموكراسی و دادپەروەری بە (خەڵك)ی راگەیاند، بەرهەم ساڵح كەسایەتییەكی كاریگەرەو ناتوانین بڵێین بە رۆیشتنی كاریگەری لەسەرمان نییە.

وتیشی”ئەوانەی درێژە بە هاوپەیمانی دەدەن كەسایەتی گرنگیان تێدایەو دەتوانن سەرۆكایەتی هێزێكی فراوان بكەن‌و ئەزمونی چەندین ساڵەی كاری رابردووی سیاسیان هەیە”.

ئاماژەی بۆ ئەوەش كرد، ئەو كەسانە لەنێو هێزەكانی رابردوویاندا، چەندین قەیرانی گرنگیان تێپەڕاندووە، لەبەرئەوە پێمان وایە دەتوانن ئەم قۆناغەش تێپەڕێنن‌و بێگومان كەسێك كە دەڵێت هاوپەیمانی بەردەوامە، پلان دادەنێت بۆ ئەوەی چۆن بەردەوام بێت.

ئاشكراشیكرد، چەندین هێزی سیاسی بە مانگ‌و ساڵیان تێپەڕاندووەو كەسی یەكەمیشیان نەبووە، ئێستا دامەزراوەكانی هاوپەیمانی كاری خۆیان دەكەن‌و بوونیان هەیە.

بەردەوام بە لە خوێندنەوە

جیهان

راپۆرتێكی ئەمریكایی: مەترسییەكانی ئێران گەیشتنە ئەوروپا

خەڵك- بەشی هەواڵ

راپۆرتێكی بەرەوڕوبوونەوەی تیرۆری وەزارەتی دەرەوەی ئەمریكا لە ساڵی 2017دا تیشكی خستووەتەسەر مەترسییەكانی ئێران كە سوریا و عێراق و یەمەن و بەحرێن و كوێتی تێپەڕاندووە و گەیشتووەتە وڵاتانی ئەوروپا.

بەپێی راپۆرتەكە، ئێران لە جیهاندا داڵدەدەری تیرۆرە و بەرپرسە لە چڕبوونەوەی ململانێكان و كاریگەری دروستكردن لەسەر بەرژەوەندییەكانی ئەمریكا لە سوریا، یەمەن، عێراق، بەحرێن، ئەفغانستان، لوبنان لە ڕێگای بەكارهێنانی كۆمەڵێك بریكاری وەك حزبوڵڵا، فەیلەقی قودسی سەر بە سوپای پاسداران و هەڕەشەكانی ئێران لە پشتیوانی تیرۆر لە رۆژهەڵاتی نێوەڕاستدا بە تەنها كورت نابێتەوە، بەڵكو بووەتە جیهانی.

ئاماژەی بەوەشكردووە، حزبوڵڵا بە تەنها لە 2012 هێرشی سەركەوتووی لە بولگاریادا كردووە و بەهۆیەوە شەش كەس كوژراون، هەروەها هەستاون بە جێبەجێكردنی پلانی جیاواز لە قوبرس و پێشخستنی خەزێنەی گەورەی چەك و چۆڵ لە كوێت و نێجیریا و پۆلیڤیا بە ناردنی تیرۆرستان بۆ پیرۆ و تایلەند.

هەروەها ئەڵمانیا بەرپرسێكی ئێرانی لە 30ی حوزەیرانی ئەمساڵ دەستگیركرد بە هۆی بوونی رۆڵی لە تەقینەوەیەك لەپاریس، لە بەلجیكا و فەڕەنساش كۆمەڵێك كەس بە هەمان تۆمەت دەستگیركران.

بەردەوام بە لە خوێندنەوە
ریکلام

کوردستان

دوایین