ئێمە لە تۆرە کۆمەڵایەتیەکان
ریکلام

ئابوری

ئاسیا سێڵ ئۆفەرێكی نوێ‌ دەداتە مامۆستایان

خەڵك – بەشی هەواڵ
لقی هەڵەبجەی یەكێتی مامۆستایانی كوردستان ڕایـدەگەیەنێت، ئاسیاسێڵ ئۆفەرێكی بۆ مامۆســتایان لە سنوری هەڵەبجە خستە بواری جێبەجێ‌ كردنەوە، بەجۆرێك مامۆستایان دەتــوانن سیمـكارتی فـری وەربگرن.

لقی هەڵەبجەی یەكێتی مامۆستایانی كوردستان لەئاگاداریەكدا، كە وێنەیەكی دەست (خەڵك) كەوتووە ڕایگەیاندووە، لە ئێستادا مامۆســـتایان دەتــــــوانن سیمــــكارتی فـری ئاسیاسێڵ وەربگرن و هەموو مامۆستــــایانی سنوری پارێزگاكەش دەتوانن سودمەندبن لەو ئۆفەرە.

ڕاشیگەیاندووە، لە ڕۆژی یەك شەممەوە واتە 15ی تەمموز لەكاتژمێر 30: ٤ خولەكی ئێوارەوە دەست بە ناونوسین دەكرێت و هەموو هەفتەیەك ڕۆژێك تەرخان ئەكرێت بۆ وەرگرتنی سیمكارت.

دەقی ئاگاداریەكە:
ئاگاداریەك بۆ مامۆستایانی خۆشەویستی سنووری لقی هەڵەبجەی (یەكێتی مامۆستایانی كوردستان) بەڕێزان… كۆمپانیای (ئاسیاسێڵ) بەهاوكاری لقی هەڵەبجەی (یەكێتی مامۆستایان) هەڵدەستێت بە فرۆشتن ودابەشكردنی سیمكارتی فری لە بارەگای لقی هەڵەبجە بۆ ئەو مامۆستایانەی ئارەزوومەندن كە سیمكارتی فری دەست بخەن و سیمكارتەكەش ئەم ئۆفەرانە لەخۆ ئەگرێت :-
۱- لە ئاسیا بۆ ئاسیا فریە.
۲- ۱۲۰ خولەك لە ئاسیا بۆ تۆڕەكانی دیكە.
۳- ۱یەك گێگا بایت ئەنتەرنێتی تێدایە بۆ ماوەی مانگێ .
٤- مانگانە بە (٦۰۰۰)دینار باڵانص واتە(۷۲٥۰)دینار ئۆفەرەكەت بۆ نوێ دەبێتەوە.
هەروەها هەر مامۆستایەك دەتوانێت دوو سیمكارت دەست بخات..
تێبینی / ۱- نرخی هەر سیمكارتێك سەرەتا تەنها ( ۱۲۰۰۰) دینارە
۲- ڕاستەوخۆ دوو ڕۆژ دوای وەرگرتنی كارا دەبێت.
۳- بەپێناسی نوێی یەكێتی مامۆستایان دەبێت یاخود پشتگیری لقی هەڵەبجە لەدوای معامەلاتی پێناسی نوێ.
٤- سەرجەم كارەكان و وەرگرتنی سیمەكە لەبینای لقی هەڵەبجە دەبێت لەلایەن ستافێكی كۆمپانیاوە..
٥- پێداویستیەكان
ٲ- تەسكەرە (هەویەی احوال مدنی شخصی)
ب- كارتی زانیاری
ج- پێناسی نوێی یەكێتی مامۆستایان
د- ئەگەر مامۆستا پێناسی نوێی پێ نەبوو ئەوا بە بڕێ (۱۰۰۰۰) دەهەزار دینار و یەك ڕەسم و چەند زانیاریەك معامەلاتی پێناسی بۆ ئەكرێت و ئەو كاتە بەپشتگیری لق ئەتوانێت سیمكارت وەرگرێت تا پێناسەكەی بۆ دێتەوە.

ئابوری

خشتەیەكی دیكەی دابەشكردنی مووچە بڵاوكرایەوە

خەڵك – بەشی هەواڵ
وەزارەتی دارایی و ئابوری حكومەتی هەرێمی كوردستان ڕایدەگەیەنێـت، لە ماوەی سێ ڕۆژی داهاتوودا سەرجەم خانەنشینان مووچە وەردەگرن، دەشڵێت: “ڕۆژی پێنج شەمە مووچەی خانەنشینی (شارستانی و پۆلیس و سەربازی) دابەشدەكرێت”.

بانكی كفری سەر بە وەزارەتی دارایی و ئابوری حكومەتی هەرێمی كوردستان خشتەیەكی مووچەی بڵاوكردۆتەوە، كە وێنەیەكی دەست (خەڵك) كەوتووە و تێیدا ڕایگەیاندووە، سبەی سێ شەممە 25/9/2018 مووچەی (خانەنشینی پێشمەرگە و خانەنشینی ئەیلول) دابەشدەكرێت.

ڕاشیگەیاندووە، ڕۆژی چوار شەممە 26/9/2015 مووچەی خانەنشینی كرێكاران شارستانی دابەشدەكرێت، ڕۆژی پێنج شەممە 27/9/2018 مووچەی خانەنشینی (شارستانی و پۆلیس و سەربازی) دابەشدەكرێت.

هاوكات سەرچاوەیەك لە گەنجینەی سلێمانی بە (خەڵك)ی ڕاگەیاند، لەم هەفتەیەدا مووچەی تەواوی فەرمانبەران و خانەنشینان دابەشدەكرێت و كۆتایی بە دابەشكردنی مووچە دێت.

بەردەوام بە لە خوێندنەوە

ئابوری

نرخی نەوت گەیشتە نزیكەی 81 دۆلار

خەڵك- بەشی هەواڵ
نرخی نەوت لە ماوەی چوار ساڵی ڕابردوودا بەرزترین نرخی تۆمار كرد و گەیشتە نزیكەی 81 دۆلار.

دوابەدوای بڕیارەكەی وڵاتانی ڕێكخراوی ئۆپیك بۆ زیادكردنی بڕی هەناردەی نەوت بە ڕێژەیەكی كەم سەرەڕای فشارەكانی دۆناڵد ترەمپ، سەرۆكی ئەمریكا بۆ زیادكردنی ڕێژەیەكی زۆری نەوت لە بازاڕەكان بۆ قەرەبوو كردنەوەی ڕاگرتنی نەوتی ئێران، كە بە بڕیاری ترەمپ لە مانگی 11ی ئەمساڵەوە جێبەجێ‌ دەكرێت تاوەكو نرخەكەی بەرزنەبێتەوە، بەڵام ئەمڕۆ نرخەكەی بەرزبووەوە.

بەپێی ڕاپۆرتێكی ماڵپەِی (فیكس نیوز تودەی) ئەمڕۆ دوو شەممە نرخی نەوت لە بازاڕەكانی جیهان بەرزبووەوە و ئەمەش بە بەرزترین ئاست دادەنرێت لە دوای نانگی 11ی ساڵی 2014-ەوە، كە نرخەكەی بۆ نزمترین ئاست شكا.

وەك ماڵپەڕەكە ڕاشیگەیاندووە، نرخی بەرمیلێك نەوتی برێنت گەیشتۆتە 80 دۆلار و 94 سەنت و بەوەش بڕی 2.05 دۆلار چۆتە سەر بەهاكەی بەراورد بە ڕۆژی هەینی ڕابردوو.

هاوكات نرخی نەوتی سووك (لایت سویت كرود) بە بڕی 1.52 دۆلار بۆ هەر بەرمیلێك زیادی كردووە و بۆ 72.30 دۆلار بەرزبۆتەوە.

ئەمە لەكاتێكدایە، كە لیژنەی هاوبەشی ئۆپیك و وڵاتانی بەرهەمهێنەری دەرەوەی ئەو ڕێكخراوە ڕایانگەیاند، كە دڵخۆشن بە ئایندەی بازاڕی نەوت و دروستكردنی هاوسەنگی لەنێوان خواست و خستنەڕوو.

لای خۆشیەوە، خالید فالح، وەزیری وزەی سعودیە، كە یەكەم وڵاتی بەرهەمهێنەری نەوت لە ئۆپیك ڕایگەیاندووە، كە وڵاتانی نەوتی لە “كاتی گونجاودا” هەنگاو دەنێن بۆ زیادكردنی بەرهەمی نەوت ئەوەش وەك وەڵامێك بۆ داواكەی ترەمپ لە ڕێكخراوی ئۆپیك بۆ زیادكردنی بڕی نەوتی خاو.

بەردەوام بە لە خوێندنەوە

ئابوری

بەهۆی كێشەیەكی هونەری دابەشكردنی نەوت ڕادەگیرێت

خەڵك – بەشی هەواڵ
لیژنەی دابەشكردنی سوتەمەنی لە پارێزگای هەڵەبجە ڕایدەگەیەنێت، بەهۆی بوونی كێشەیەكی تەكنیكیەوە، سبەینێ نەوت لەهەڵەبجە دابەش ناكرێت و ڕۆژی چوار شەممە دەست بەدابەشكردنی نەوت دەكرێتەوە.

لیژنەی دابەشكردنی سوتەمەنی لە پارێزگای هەڵەبجە لە ئاگادارییەكدا، كە وێنەیەكی دەست (خەلك) كەوتووە ڕایگەیاندووە، دابەشكردنی نەوت بۆ ئەو ماڵانەی تا ئێستا نەوتیان وەرنەگرتووە بەردەوامە، بەڵام تەنها سبەی دابەشناكرێت.

ئاماژە بۆ ئەوەشكراوە، سبەی سێ شەممە 25ی ئەیلول 2018 بەهۆی بوونی كێشەیەكی تەكنیكیەوە، نەوت لەهەڵەبجە دابەش ناكرێت و ڕۆژی چوار شەممە دەست دەكرێتەوە بەدابەشكردنی نەوت.

بەردەوام بە لە خوێندنەوە
ریکلام
ریکلام
ریکلام

کوردستان

دوایین