ئێمە لە تۆرە کۆمەڵایەتیەکان
ریکلام

کوردستان

“ژمارەی قوربانیانی رووداوەكانی هاتووچۆ لە قوربانیانی شەڕی ئێران و عێراق زۆرترە”

خەڵك – بەشی هەواڵ

سكرتاریەتی كومیتەی ناوەندیی كۆمەڵەی شۆڕشگێڕی زەحمەتكێشانی كوردستانی ئێران رایگەیاند ” ڕێژەی قوربانیانی ڕووداویی رێگەوبان زۆرترە لە قوربانیانی شەڕی ماڵ وێرانكەری ئیران و عێراق و ئەمە لەحاڵێكدایە “.

سكرتاریەتی كومیتەی ناوەندیی كۆمەڵەی شۆڕشگێڕی زەحمەتكێشانی كوردستانی ئێران لە راگەیەندراوێكدا بەبۆنەی رووداوی هاتووچۆكەی سنەوە رایگەیاند “بە دانپێدانانی بەرپرسانی ناوەند و لایەنەكانی سەر بە ئامار، ڕێژەی قوربانیانی ڕووداویی رێگەوبان زۆرترە لە قوربانیانی شەڕی ماڵ وێرانكەری ئیران و عێراق و ئەمە لەحاڵێكدایە كە سەرچاوەی هەمووی ئەو ڕووداوانە ئەگەڕێتەوە بۆ سێ هۆكاری سەركی واتە ناستاندارد بوون و خراپی رێگەوبان، ناستاندارد بوون و ناگونجاویی ماشێنەكان و نەبوونی مەرجەكانی توند و تۆڵی و بەسەرچوونی تەمەنی كاركردنیان و گێرەو كێشەی ژیان و گوشارە رۆحی و ڕەوانی و جۆراوجۆرەكانی سەر لێخوڕانی ماشێنەكان و سەرچاوەی هەمووی ئەو نەهامەتیانە كۆماری ئیسلامیە”.

دەقی راگەیەندراوەكە:
خەڵكی خۆڕاگری كوردستان
بنەماڵەی قوربانیانی كارەساتی دڵتەزێنی شاری سنە
دەسەڵاتی كۆماری ئیسلامی بەدرێژایی تەمەنی خۆی بەهۆی ناكارامەیی و نالایەقییەوە ڕۆژ نیە هۆكاری كارەسات و ڕووداوی دلتەزێن لەبوارە جۆربەجۆرەكانی ژیانی كۆمەڵگای ئێران بە گشتیی و كوردستان بە تایبەت نەبێت.
بە دانپێدانانی بەرپرسانی ناوەند و لایەنەكانی سەر بە ئامار، ڕێژەی قوربانیانی ڕووداویی رێگەوبان زۆرترە لە قوربانیانی شەڕی ماڵ وێرانكەری ئیران و عێراق و ئەمە لەحاڵێكدایە كە سەرچاوەی هەمووی ئەو ڕووداوانە ئەگەڕێتەوە بۆ سێ هۆكاری سەركی واتە ناستاندارد بوون و خراپی رێگەوبان، ناستاندارد بوون و ناگونجاویی ماشێنەكان و نەبوونی مەرجەكانی توند و تۆڵی و بەسەرچوونی تەمەنی كاركردنیان و گێرەو كێشەی ژیان و گوشارە رۆحی و ڕەوانی و جۆراوجۆرەكانی سەر لێخوڕانی ماشێنەكان و سەرچاوەی هەمووی ئەو نەهامەتیانە كۆماری ئیسلامیە.
لەم ناوەدا كوردستان دۆخی تایبەتی هەیە و ئاستی ڕووداوی هاتوچووی زیاتر كردووە، لەلایەك ئاوەڵا هێشتنەوەی دەستی هێزە سەربازی و ئەمنییەتی و ئێنتزامیەكان بۆ تەقەكردن لە خەڵك و ماشینەكان كە سەرچاوەیەكی ئەو چەشنە رووداوانەیە و لە لایەكیترەوە خراوبوونی جادەكان و لەبەرچاونەگرتنی ئەمنیەتی خەڵك لە جادەكان بەردەوام قوربانی لێ دەكەوێتەوە.
ئەو ڕووداوانە چ بە ئەنقەست و چ بەهەڵكەوت كاریگەریی وێرانكەری بووە لە سەر ژیان و گوزەرانی خەڵك و تەنانەت تێكدانی ژینگە. لەهەموو شوێنێكی جیهاندا،ئەو تانكەرانەی كە مادەی ژەهراویی، یان سووتەمەنی و بەگشتیی مادەی مەترسیدارە، ئەگوازنەوە، نابێت لەو جادانەوە هاتووچۆ بكەن، كەشەوانە ڕۆژی خەڵكی ئاسایی هاتووچۆی تێدا ئەكەن. لەكوردستان ئەمە یەكەمجار نییە كەهاتووچۆی تانكەرەكانی نەوت، قوربانی لێئەكەوێتەوە.
لە بیرمان نەچۆتەوە كە ساڵانی پێشووتر تانكەری هەڵگری مەوادی سەمی و شیمیاییان چەند جار، ڕژاندە ناو سەدی سنە یان هەر بەدرێژایی ئەم ساڵانە شاهیدی ڕوودانی كارەساتی هاتوچوو یان وەرگەڕانی تانكەری نەوت و سووتەمەنیەكانی تر بووین كە راستەوخۆ كاریگەری رووخێنەریان بووە لە سەر كار و ژیان و گیانی خەڵك.
دوو ساڵ لەمەو پێش،خەڵكی شاری مەریوان بۆ نارەزایەتی دەربرین بەهاتووچۆی ئەم تانكەرانە لەجادەی مەریوان _سنە نارەزایەتییان دەربڕی،پێوسیتە كە خەڵكی كوردستان لەبەرانبەر ئەم ڕووداونە بێدەنگ نەبن و نارەزایەتی خۆیان دەربڕن.
وێڕای دەربڕێنی هاوخەمی و سەرەخۆشی لە جەماوەری خەڵكی كوردستان بە گشتی و خەڵكی شاری سنە و بنەماڵە و كەس و كاری قوربانیان بە تایبەتی، خۆمان بە شەریكی خەم و پەژارەیان ئەزانین و ڕا یئەگەێنین كە بەرپرسی راستەقینەی ئەو ڕووداوە كارەساتبار و ناخ هەژێنانە، كۆماری ئیسلامی و دام و دەسگا و دەست و پێوەندەكانین.

سكرتاریەتی كومیتەی ناوەندیی
كۆمەڵەی شۆڕشگێڕی زەحمەتكێشانی كوردستانی ئێران
٢٠ی پووشپەڕی ١٣٩٧
١١/٧/٢٠١٨

کوردستان

بە بەڵگە.. 13 رۆژ پێش گەڕانەوەی بەرهەم ساڵح بڕیاری كاندیدكردنی درابوو

خەڵك- بەشی هەواڵ

رۆژی 6ی ئەیلولی ئەمساڵ، وەزارەتی پەروەردەی حكومەتی هەرێمی كوردستان پشتگیری بۆ بەرهەم ساڵح نوسیووە بۆ پۆستی سەرۆك كۆمار، بەوەی بەشداری تاقیكردنەوەكانی ساڵی 1978-1979ی كردووە.

بەپێی نوسراوەكە بەرهەم ساڵح پێش گەڕانەوەی بۆ نێو یەكێتی لەگەڵ بەشێك لە سەركردەكانی یەكێتی رێككەوتووە بۆ كاندیدكردنی بۆ سەرۆك كۆماری عێراق.

رۆژی 19ی ئەم مانگە، یەكێتی نیشتیمانی كوردستان بەفەڕمی بەرهەم ساڵحی بۆ سەرۆك كۆماری كاندید كرد، دوای ئەوەی هەر ئەو ڕۆژە گەڕایەوە بۆ نێو یەكێتی.

 

بەردەوام بە لە خوێندنەوە

کوردستان

قوباد تاڵەبانی: گەندەڵی حكومەت و تەمبەڵی خەڵك هۆكاری لاوازی كەرتی تایبەتن

خەڵك- بەشی هەواڵ

قوباد تاڵەبانی جێگری سەرۆك وەزیرانی هەرێمی كوردستان لەگەڵ وەبەرهێنەر و بەڵێندەران و بازرگانانی سلێمانیدا كۆبووە و رەوشی كەرتی تایبەت و وەبەرهێنانیان تاوتوێكرد و تێیدا قوباد تاڵەبانی رایگەیاند، گەندەڵی لە نێو حكومەت و تەمبەڵی خەڵك وایكردووە، كەرتی تایبەت لاواز بێت.

لە كۆبونەوەكەدا قوباد تاڵەبانی باسی لە گرنگی كەرتی تایبەت كرد و داوای كرد كە دەبێت تەواوكەری حكومەت بن بۆ بەهێزكردنی ئابووری هەرێمی كوردستان.
ناوبراو، باسیشی لە رۆڵی كەرتی تایبەت كرد لەگەڵ حكومەت بۆ دابینكردنی هەلی كارو بووژانەوەی ئابووری كوردستان.

لەوبارەیەوە یاسین مەحمود رەشید، سەرۆكی یەكێتی وەبەرهێنەرانی كوردستان و یەكێك لە بەشداربوانی كۆبونەوەكە، بە (خەڵك)ی راگەیاند، قوباد تاڵەبانی لە لە باسی لەوەكردووە، هەندێك لە بەرپرسانی حكومەت حەزناكەن، دەوڵەمەند هەبێت و ئەوەشی بە پێچەوانەی بنەماكانی كەرتی تایبەتە.

مەلا یاسین، ئاماژەی بەوەشكرد، كە قوباد تاڵەبانی بە ئامادەبووانی وتووە “بوێرانە دەستم برد بۆ جومگە بنەڕەتییەكانی پارێزگای سلێمانی و زۆرینەی بەرێوەبەرەكانم گۆڕیوە و ئێستا خەڵكی شیاومان گۆڕیوە، هەر كەسێك بەناوی منەوە كێشەی دروستكرد، ئاگادارم بكەنەوە و سزای توند دەدرێت”.

قوباد تاڵەبانی داواشی لە بازرگان و وەبەرهێنەران كرد بۆچون و رەخنەكانیان بخەنەڕو و داوای پاڵپشتیشی لەو كەسانە كرد و بەڵێنی ئەوەشدا كە كەرتی تایبەت زیاتر دەكرێت. 60 هەزار هەلی كاریش رادەگەیەنن و كارگەكانی حكومەت دەدەن بە كەرتی تایبەت.

بەردەوام بە لە خوێندنەوە

کوردستان

“یەكێتی و بەرهەم ساڵح چانسی بردنەوەی پۆستی سەرۆك كۆماریان لە پارتی زۆرترە”

خەڵك- بەشی هەواڵ

بەپێی ڕاپۆرتێكی كەناڵی الجزیرە یەكێتی نیشتمانی كوردستان و كاندیدەكەی بەرهەم ساڵح چانسی بردنەوەی پۆستی سەرۆك كۆماریان زۆرترە لە لایەنەكانی دیكە بەتایبەت پارتی دیموكراتی كوردستان.

بەپێی ڕاپۆرتەكە، تاكو ئێستا بەرهەم ساڵح سەركردەی یەكێتی گەورەترین چانسی بردنەوەی هەیە بەهۆی توانای خۆی بۆ بەڕێوەبردنی پۆستەكە و بوونی پەیوەندییەكی بەرفراوان لەگەڵ هێزە سیاسییەكانی عێراق و قەبوڵكردنی، هەروەها بەرهەم ساڵح لەلایەنی نێودەوڵەتی و هەرێمیشەوە قەبوڵ دەكرێت.

هەرچەندە بەرهەم ساڵح ماوەیەك لە یەكێتی دووركەوتەوە لە ماوەی ڕابردوودا، بەڵام سەرلەنوێ گەڕایەوە بۆ ڕیزەكانی و بووە دیارترین ناوی پێشنیاركراو بۆ وەرگرتنی پۆستی سەرۆك كۆمار لە لایەنی دەستووری لای هێزە عێراقییەكان.

لەلایەكی دیكەوە یەكێتی نیشتمانی كوردستان پەیوەندییەكی مێژوویی لەگەڵ ئێران هەیە، كە سەركردەكانی لە سەردەمی شەڕی ئێران- عێراق لەوێ بوون، جیا لەوەی سلێمانی وەك یەكێك لە گەورەترین رووەكانی بازرگانی كاڵای ئێرانی لە عێراق دادەندرێت.

هەروەها ڕاپۆرتەكە ئاماژەی بە رۆڵی فراوانی هێزەكانی پێشمەرگەی سنوری سلێمانیش كردووە لە كشانەوە لە كەركوك لە دوای گەڕانەوەی هێزە عێراقییەكان لە شازدەی ئۆكتۆبەری 2017دا كە هەندێك بە “خیانەت”ی ناودەبەن.

بەردەوام بە لە خوێندنەوە
ریکلام
ریکلام
ریکلام

کوردستان

دوایین