ئێمە لە تۆرە کۆمەڵایەتیەکان
ریکلام

ژینگە

(خەڵك) وردەكاری پێوەری ئاوی ماڵان بڵاودەكاتەوە

خەڵك- بەشی هەواڵ

راوێژكاری كۆمپانیای گرنگ بۆ خوێندنەوەی پێوەری ئاوی ماڵان رایگەیاند، كە دەبێت تا دوو مانگی تر هەموو هاوڵاتیان پێوەری ئاویان هەبێت و بەپێچەوانەوە سزای ماددی دەدرێن و پێوەرەكەیش لەسەر ستانداردی پێویستی هاوڵاتیان بە ئاو دانراوە.

شكار رەزا بۆ (خەڵك) ئاماژەی بەوەكرد، بەپێی رێنمایی وەزارەتی شارەوانی و گەشتوگوزار پێویستە هەموو ماڵێك پێوەری ئاوی هەبێت و هەر كەسێكیش سەرپێچی بكات، 200 هەزار سزا دەدرێت و پاشان بەپێی تێپەڕبوونی كات سزاكەی زیاتر دەبێت.

وتیشی”بەپێی پێوەرەكە ئاوی ماڵان بە مەتری سێجا دەپێورێت، بۆ نمونە ئەگەر هاوڵاتییەك مانگانە 10 هەزار دیناری بۆ بێتەوە، بەپێی ئەم پێوەرە نوێیەش پارەكە زیاد ناكات و لەوانەیە كەمتریش بێتەوە، بەمەرجێك ئەگەر هاوڵاتییەكە بەكارهێنانی ئاو كەمبكاتەوە و ئۆتۆمبیلی پێنەشوات”.

ناوبراو هەر لە قسەكانیدا ئەوەیشی خستەڕوو، ئەگەر ئاوە زیاد لە پێویستی بەكاربهێندرێت، ئەوا مانگانە پارەكەشی زۆر دەبێت، چونكە تەنها بەشی پێویستی بەشێوەیەكی ئاسایی دەدرێت بە هاوڵاتیان و پاشان وەك سزا هەژمار دەكرێت.

بەپێی دواین ئامارەكان رۆژانە نزیكەی 150 هەزار مەتری سێجا ئاو بەسەر ماڵانی شاری سلێمانیدا دابەش دەكرێت و بەشێكی گەڕەكانیش بە تەواوەتی ئاویان پێناگات، شارەزایانی بوارەكەیش تەئكید لەوەدەكەنەوە، كە پەیوەندی بە نەبوونی هۆشیاری هاوڵاتیانەوە هەیە.

ژینگە

كەش‌و هەوای ئەمڕۆو سبەی شارەكانی هەرێمی كوردستان

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم كەش و هەوای ئەمڕۆ و سبەینێی بڵاوكردەوە.

بەپێی پێشبینییەكانی كەشناسی هەرێم، ئەمڕۆ چوار شەممە بەرزترین پلەی گەرما لە هەولێر 36 پلە و لە سلێمانی 35 پلە و لە دهۆك 35 پلەو لە كەركوكیش 38 پلە دەبێت.

هەر بەپێی پێشبینییەكانی كەشناسی، سبەینێ پێنج شەممە بەرزترین پلەی گەرما لە هەولێر 37 پلە و لە سلێمانی 36 پلەو لە دهۆك 36 پلەو لە كەركوكیش 39 پلە دەبێت.

بەردەوام بە لە خوێندنەوە

ژینگە

باران بارین دەستپێدەكات

خەڵك- بەشی هەواڵ
كەشناسێك دەڵێت، “ناوچە جیاجیاكانی عیراق لە سەرەتای هەفتەی داهاتووەوە، بارانبارین بەخۆوە دەبینن”.

سادق عەتیە، شارەزا لە بواری كەشناسی لە هەژماری تایبەتی خۆی لەسەر تۆڕی كۆمەڵایەتی (فەیسبوك) بڵاویكردۆتەوە، “پێشبینی بارانبارین لە سەرەتای هەفتەی داهاتووەوە لە ناوچەكەمان نزیك دەبێتەوە و چەند بەشێك لە وڵات نەك هەموو ناوچەكان دەگرێتەوە، وێڕای بارانبارین لە وڵاتەكانی تری خۆرهەڵاتی ناوەڕاست، لەوانە توركیا و باكووری سعودیە”.

بە وتەی سادق عەتیە، “هەورە بەرزەكان بەردەوام دەردەكەون، ئەوەش بەهۆی گۆڕینی ئاڕاستەی هەوا لە چینەكانی سەرەوە بەرەو ئاڕاستەی خۆرئاوا، ئەمەش شێداری ستونی لەگەڵ خۆی دێنێت، كە دەبنە مایەی دروستكردنی پەڵە هەورەكان لە ئاسمان وەك چۆن لەم چەند ڕۆژەدا بەدی كران”.

بەردەوام بە لە خوێندنەوە

ژینگە

بە وێنە و ڤیدیۆ؛ هۆكاری دەركەوتنی ڕوناكیەكەی ئاسمانی هەرێم ئاشكرا دەبێت

خەڵك- بەشی هەواڵ
لەسەر دەركەوتنی تۆپەڵە ئاگرینەكەی شەوی ڕابردوو، بەڕێوەبەرایەتی گشتی كەشناسی و بوومەلەرزەزانی هەرێمی كوردستان ڕوونكردنەوەیەك بڵاودەكاتەوە.

بەپێی ڕونكردنەوەیەكی بەڕێوەبەرایەتی گشتی كەشناسی و بوزمەلەرزەزانی هەرێمی كوردستان “دەركەوتنی ئەو تۆپەڵە ئاگرینە لەكاتێكدایە، كە سێ شەممە 25 ی ئەیلول لە كاتژمێر 3:56 دیاردەكە دەركەوتووە، لەئاسمانی شارەكانی سلێمانی و كەركوك و پارێزگای دیالە بینراوە”.

سەبارەت بە هۆكاریی دیاردەكە، بەڕێوەبەرایەتی گشتی كەشناسی و بوومەلەرزەزانی هەرێمی كوردستان دەڵێت: “ئەوەی ڕوویداوە بریتی بووە لەسوتانی بەردە نەیزەكێكی گەورە، ئەو بەردانە بەشی هەرەزۆریان لە خولگەی نێوان هەسارەی مەریخ و مشتەریدان و بەخێرایی زۆر دێنە ناو بەرگە هەوای زەوی، پاش ئەوەی زەوی بۆخۆی ڕاپێچیان دەكات، پلەی گەرمییان بەرزدەبێتەوە و خێراییان دەگاتە 80 كیلۆمەتر لە یەك چركەدا و لێخشان لەنێوان بەردەكە و بەرگە هەوای زەوی ڕوودەدات و پلەی گەرمی بەرز دەبێتەوە و دەسوتێت”.

هەر لە ڕونكردنەوەكەدا هاتووە، “دیاردەكە بەگشتی پێیدەڵێن، تۆپەڵە ئاگر، یان تۆپەڵی ئاگرینی، كە دەرئەنجامی سوتانی زۆر بەهێز و توندی ئەو بەردە نەیزەكانە نیشان دەدات”.

درەنگانی شەوی ڕابردوو، ڕووناكییەكی سەیر لەئاسمانی شارەكانی سلێمانی و كەركوك و پارێزگای دیالە بینرا، ئەمەش بۆ یەكەم جارە دیاردەی فەلەكی وەها لە ئاسمانی هەرێمی كوردستان دەربكەوێت.

بەردەوام بە لە خوێندنەوە
ریکلام
ریکلام
ریکلام

کوردستان

دوایین