بەڕێوەبەرایەتی هاتووچۆی هەولێر ڕایدەگەیەنێت، بەهۆی تیژڕۆیی و تەڕبوونی شەقامەكە بەئاوێكی زۆری بارانەوە، كۆنتڕۆڵی لەدەستدا و چۆتە سایدی بەرامبەر، كە بەرەو هەولێر و خۆی كێشا بەلانسەرێكی تایبەت، دەشڵێت: “شۆفێران كەشی باراناوی هی ئەوە نیە تیژڕۆیی تیادابكرێت”.
فازڵ حاجی، وتەبێژی بەڕێوەبەرایەتی هاتووچۆی هەولێر بڵاویكردەوە، كاتژمێر2ی پاش نیوەڕۆی ئەمڕۆ یەك شەممە 26ی 3ی 2023 لەسەر ڕێگای سەرەكی هەولێر- كەركوك،لەنزیك (دۆڵەبەكرە)،مۆستانگێك، كە لەهەولێر بەئاڕاستەی كەركوك دەچوو، بەهۆی تیژڕۆیی و تەڕبوونی شەقامەكە بەئاوێكی زۆری بارانەوە، كۆنتڕۆڵی لەدەستدا.
ڕاشیگەیاند، ئۆتۆمبێلەكە چووە سایدی بەرامبەر، كە بەرەو هەولێر و خۆی كێشا بەلانسەرێكی تایبەت، بەداخەوە لەدەرەنجامی ڕووداوەكە هەردوووك شوفێر و 4 سەرنشین بەسەختی برینداربوون و ئۆتۆمبێلە مۆستانگەكەش بەتەواوی هەڵوەشایەوە.
ئاماژەی بۆ ئەوەشكرد، كە بە تەنها هەڵوەشانەوەی ئوتومبێلەكە پێمان دەڵێت، كەخێراییەكە نەك لەگەڵ كەشی باراناوی، بەڵكو لەگەڵ كەشێكی ئاساییش گونجاو نەبووە، تكایە درەنگتر بگەین باشترە لەنەگەیشتن.
