ئێمە لە تۆرە کۆمەڵایەتیەکان
ریکلام

عێراق

ئەندامانی سڕكراوی كۆمسیۆن سكاڵا لەسەر چەند لایەنێك تۆمار دەكەن

خەڵك – بەشی هەواڵ

جێگری سەرۆكی كۆمسیۆنی سڕكراوی باڵای سەربەخۆی هەڵبژاردنەكانی عیراق دەڵێت “لەدوای تەواو بوونی پڕۆسەی جیاكردنەوەی دەنگەكان كە ڕەنگە ١٠-١٥ ڕۆژی تر كۆتایی پێبێت سكاڵای یاسایی لەسەر هەموو ئەو كەس و لایەنانە تۆماردەكەین كە بەناهەق تۆمەتی فرۆشتنی دەنگ یا ساختەكاریان دایە پاڵ ئەندامانی كۆمسیۆن”.

ڕزگار حەمە محێدین ، دەشڵێت” لایەنە دۆڕاوەكان هەوڵی زۆریان دا كە هەموو دەنگەكان بەدەست ئەژماربكرێنەوە ، كشانەوەی شەش لایەنەكەش لە جیاكردنەوەی دەنگەكان بەدەست لەبەر ئەو هۆكارە نەبوو كە باسی دەكەن بەڵكو لەبەر ئەوەیە ئەنجامەكان وەك خۆیەتی، دەنگی ئەوانیش هیچ زیادی نەكردووە.”

ناوبراو لەمیانەی گفتوگۆیەكدا لەگەڵ لە بەشی كوردی دەنگی ئەمریكا باسی لە دەسپێكردنی پڕۆسەی جیاكردنەوە و ئەژماركردنەوەی جارێكی تری دەنگەكان كرد و وتی” لەچەند ڕۆژی ڕابردوو ئەو دەنگانەی لەكەركوك بەدەست ئەژماركرانەوە خۆشبەختانە جیاوازی زۆری نەبوو لەگەڵ ئەوەی بە ئامێری ئەلكترۆنیەكە جیاكرابونەوە سەد لەسەد وەك خۆی بوون، تەنها ژمارەیەكی زۆر كەم نەبێت ئەویش بەهۆی ئەوەی ئەوانەی نەخوێندەواربوون یا تەندروستیان باش نەبوە دەستیان لەرزیوە مۆرەكە وەك خۆی دەرنەچووە لەجیاكردنەوەی دەستی دەنگەكان بەباشی خوێنراوەتەوە بەڵام ئامێرە ئەلیكترۆنیەكان نەیاخوێندۆتەوە ئەویش ڕێژەیەكی زۆر كەمبوو.”

جێگری سەرۆكی كۆمسیۆنی سڕكراوی باڵای سەربەخۆی هەڵبژاردنەكانی عیراق وتیشی” ئێستا بەبڕیارێكی پەرلەمان كۆمسیاران و هەموو بەڕێوەبەرە گشتیەكان سڕكراون بڕیارەكە نایاسایی بوو چونكە بێ بانگهێشتكردنی ئێمە بۆ لێپرسینەوە، لەكۆتا ڕۆژەكاندا ئێمەیان سڕكرد كە لەدەستوری عیراقیشدا شتی وانەهاتووە، ئێمە لەسەر تاقیكردنەوە و هەڵبژاردنی پەرلەمانی عیراق لە كۆمسیاران دەست بەكاربوین بەپێی یاسا و دەستور هەمیشە كارەكانی خۆمانمان كردووە ، بەڵام بەشێك لەلایەنە دۆڕاوەكان هەوڵی زۆریان دا كە بەشێوەیەكی نایاسایی هەموو دەنگەكان بەدەست ئەژماربكەینەوە لەكاتێكدا لەدواین هەمواری دەستور پێمان دەڵێ كە پڕۆسەی ئەژمار و جیاكردنەوەی دەنگەكان به ئەلیكترۆنی دەبێت، ئێمە وەك كۆمسیۆن نەمانتوانی دەستور پێشێل بكەین و بەپێی دەستور كارەكانمان كرد.”

دەربارەی داواكاری دوبارەكردنەوەی هەڵبژاردنەكان لە عیراق و هەڵوەشاندنەوەی ئەنجامەكانی هەڵبژاردن، جێگری سەرۆكی كۆمسیۆنی سڕكراوی باڵای سربەخۆی هەڵبژاردنەكانی عیراق دوپاتیكردەوە” نە هەڵبژاردن دووبار دەكرێتەوە نە ئەنجامەكانیش هەڵدەوەشێتەوە ، وتیشی” چونكە لە (٢٠%)ی سندوقەكانی دەنگدان بەدەست ئەژماركراونەتەوە بەڵام هیچ گۆڕانكاریەك لە ئەنجامەكان ڕوینەداوە لەكاتێكدا هەموو لایەنەكان بەكورد و عەرەب و توركمانەوە زۆرترین ڕەخنەیان لەو پارێزگایە (كەركوك) دەگرت.”

ڕزگار حەمە محێدین وتیشی” ئێستا ئەو لایەنە سیاسیانە كەوتونەتە گیانی ئەو دادوەرانەی دانراون بۆ ئەژماركردنەوەی دەنگەكان بەدەست، دەڵێن ئێمە ئەژماركردنەوەی هەموو دەنگەكانمان دەوێت، هەرچەندە لە (١٠ بۆ ١٥) ڕۆژی داهاتوو پڕۆسەی جیاكردنەوەی دەنگەكان بەدەست كۆتایی پێدێت، چونكە پارێزگاكانی تر سكاڵایان كەم لەسەرە، تەنها كەركوك نەبێت كەڕێژەی ئەو سندوقانەی سكاڵایان لەسەر بووە ژمارەیان زۆربووە ئەگەرنا ڕێژەی سندوقەكانی كە سكاڵای لەسەر بووە لەسلێمانی، هەولێر، دهۆك، ئەنبار ڕێژەیەكی زۆر كەمە بۆ نمونە لەسلێمانی (١٨٨) سندوقە لە هەولێر (٢٠٠) سندوقە، دوای ئەژماركردنەوەی دەنگەكان دادوەرەكانی دانراون ئەنجامەكان دەدەنە دادگا و بەبڕوای من دادگا ئەنجامەكانی هەڵبژاردن پەسەند دەكات.”

لەدوای ئەنجامدانی هەڵبژاردنە پەرلەمانییەكەی عیراق چەندین لایەنی سیاسی و تەنانەت،(د.سەعید كاكەیی) ئەندامی سڕكراوی ئەنجومەنی كۆمسیاران كۆمسیۆنیان تۆمەتباركرد بە ئەنجامدانی ساختەكاری، بە وتەی جێگری سەرۆكی كۆمسیۆنی باڵای سەربەخۆی هەڵبژاردنەكانی عیراق كۆمسیۆن لەدوای ئەژماركردنەوەی دەنگەكان بەدەست سكاڵای یاسایی تۆماردەكات ، لەو ڕوەوە وتی” ئێمە چاوەڕێین ئەژماركردنەوەی دەنگەكان بەدەست كۆتایی پبێت و ئەنجامی هەڵبژاردنەكان پەسەندبكرێت ئەوكات لەڕێگای یاساوە ئێمە سكاڵای خۆمان تۆماردەكەین لەسەر هەموو ئەو كەس و لایەنانەی، تەنانەت ئەو ئەندامەی پێشوتری ئەنجومەنی كۆمسیاران( سەعید كاكەیی) تۆماردەكەین كە بەناهەق تۆمەتیان دایە پاڵ كۆمسیۆن و هاوڕێیانی ئێمە لە كۆمسیۆن كە گوایە دەنگیان فرۆشتوە یا هەر تۆمەتێكی تر لەكاتێكدا ئێمە لە یەك بڕگە و خاڵیش لەیاسا هەمواركراوەكەی پەرلەمان و دەستوری عیراقی لاماننەداوە و بەپێی یاسا كارەكانمان كرد، بەڵام وەك دەزانرێت ، ئێمە فشارێكی زۆرمان لەسەر بوو هەم لەسەر ئەو لیژنانەی لەلایەن ئەنجومەنی وەزیرانەوە لەسەرمان پێكهێنران هەم ئەو یاسایانەی لەلایەن پەرلەمانەوە لەسەرمان دەركران كە لە (٨٦%)ی ئەوانەی لەناو پەرلەمان یاسایان لەسەر دەردەكرد ئەوانە بون دەرنەچوبونەوە لەهەڵبژاردنەكان.”

عێراق

کوڕەزایەکی خومەینی ھاوشێوەی باپیری لە نەجەف نیشتەجێ دەبێت

خەڵک-

میدیاکانی ئێران ئاماژە بەوە دەکەن، نەوەیەکی ئایەتوڵڵا خومەینی بە نیازە بێتە شاری نەجەف و بۆ ماوەی چەند ساڵێک ھاوشێوەی باپیرەی، لەو شارە بمێنێتەوە.

وەک ئەوەی میدیاکانی ئێران دەڵێن، بڕیارە عەلی خومەینی، نەوەی روحوڵڵا خومەینی ڕابەری شۆڕشی ئیسلامیی شوێنی نیشتەجێبوونی خۆی بۆ شاری نەجەف بگوازێتەوە و بۆ ماوەی چەند ساڵێک ھاوشێوەی باپیرەی لەو شارە نیشتەجێ ببێت.

عەلی خومەینی تەمەنی ٣٣ ساڵە و کوڕی ئەحمەد خومەینییە کە چەند ساڵێک پاش مردنی باوکی بەھۆکارێکی نادیار گیانی لەدەستداوە.

روحوڵڵا خومەینی کە لە حەفتانی سەدەی ڕابردوو لە ئێران ھەڵات، ڕووی لە شاری نەجەف کرد و بۆ ماوەی چەند ساڵێک لەو شارە مایەوە، دواتر لەسەر داوای ئێران، حکومەتی ئەوکاتی عیراق لە نەجەف دەریکرد و رۆشتە فەرەنسا و تا شوباتی ١٩٧٩ لەو وڵاتە مایەوە و دواتر گەڕایەوە ئێران.

بەردەوام بە لە خوێندنەوە

عێراق

“هەڵبژاردنی سەرۆك كۆمار دواخرا”
ژمارەی كاندیدەكانی سەرۆك كۆمار گەیشتە 30 كەس

خەڵك- بەشی هەواڵ
سەرۆكی پەرلەمانی عیراق ڕایدەگەیەنێت، ژمارەی كاندیدەكانی پۆستی سەرۆك كۆمار گەیشتە 30 كاندید و پەرلەمانتارێك-یش دەڵێت: “هەڵبژاردنی سەرۆك كۆمار دواخرا”.

محەمەد حەلبوسی، سەرۆكی پەرلەمانی عیراق لە كۆنگرەیەكی ڕۆنامەوانیدا لە نەجەف ڕایگەیاند، لە ئێستادا نزیكەی ناوی 30 كاندیدیان لایە بۆ پۆستی سەرۆك كۆماری عیراق و چاوەڕێی پڕۆسەی وردبینی كردنین لە دۆسیە كەسیەكانیان.

ڕاشیگەیاند، كە پابەندن بە هەڵبژاردنی سەرۆك كۆمار لە كاتی دەستوری و ئەگەر بە ڕێكەوتن پرسەكە یەكلایی نەكرێتەوە پەنا دەبەنە بەر دەنگدان.

سەبارەت بە پۆستی سەرۆك وەزیران حەلبوسی وتیشی، “ڕۆڵی كوتلە گەورەكە كۆتایی دێت بە دیاری كردنی ناوی كاندیدەكەی، بەلام پێویستە ڕێكەوتن هەبێت بۆ دیاری كردنی كەسێكی سیاسی ئیداری و پیشەیی لێهاتوو، كە توانای بەڕێوەبردنی ئەو دۆسیەیەی هەبێت و ئەگەر ڕێكەوتنیشی لەسەر نەكرا لە پەرلەمانەوە ڕێكەوتنی لەسەر دەكرێت”.

لای خۆشیەوە، عەلی سنێد، پەرلەمانتاری هاوپەیمانی نەسر، كە لەلایەن عەبادی-یەوە سەرۆكایەتی دەكرێت بە (شەفەق نیوز)ی ڕاگەیاند، نیمچە ڕێكەوتن كراوە لەسەر دواخستنی هەڵبژاردنی سەرۆك كۆماری عیراق بۆ دوای هەڵبژاردنی پەرلەمانی كوردستان، كە لە كۆتایی ئەم مانگە ئەنجام دەدرێت.

پێشتر سەرۆكایەتی پەرلەمانی عیراق ڕۆژی 25ی ئەم مانگەیان بۆ دەنگدان لەسەر كاندیدی سەرۆك كۆماری عیراق دیاری كرد و تا ئێستاش نزیكەی 8 كەس خۆیان بۆ ئەو پۆستە كاندید كردووە، كە زۆرینەیان كوردن و بریتین لە (بەرهەم ساڵح، فوئاد حسێن، سروە عەبدولواحید، سەلیم شوشكەیی، سەردار عەبدوڵا، لەتیف ڕەشید، عومەر بەرزنجی) و چەند كاندیدێكی عەرەب و ئەوەش ناكۆكی لەنێوان پارتی و یەكێتی دروست كردووە.

بەردەوام بە لە خوێندنەوە

عێراق

بەوێنە؛ جێگری سەرۆكی حزبێك خۆی بۆ سەرۆك كۆماری عیراق كاندید كرد

خەڵك- بەشی هەواڵ
جێگری سەرۆكی حزبی “بزوتنەوەی نەتەوەیی توركمانی” خۆ كاندید كردنی بۆ پۆستی سەرۆك كۆماری عیراق ڕاگەیاند.

عەباس بەیاتی، جێگری سەرۆكی بزوتنەوەی نەتەوەیی توركمانی لە لێدوانێكی ڕۆژنامەوانیدا ڕایگەیاند، كە ئێوارەی ڕۆژی یەك شەممە بەڵگەنامەكانی خۆكاندید كردنم بۆ پۆستی سەرۆك كۆمار پێشكەشی پەرلەمانی عیراق كردووە.

پێشتر سەرۆكایەتی پەرلەمانی عیراق ڕۆژی 25ی ئەم مانگەیان بۆ دەنگدان لەسەر كاندیدی سەرۆك كۆماری عیراق دیاری كرد و تا ئێستاش نزیكەی 10 كەس خۆیان بۆ ئەو پۆستە كاندید كردووە، كە زۆرینەیان كوردن و بریتین لە (بەرهەم ساڵح، فوئاد حسێن، سروە عەبدولواحید، سەلیم شوشكەیی، سەردار عەبدوڵا، لەتیف ڕەشید، عومەر بەرزنجی) و چەند كاندیدێكی عەرەب.

بەردەوام بە لە خوێندنەوە
ریکلام
ریکلام
ریکلام

کوردستان

دوایین