ئێمە لە تۆرە کۆمەڵایەتیەکان

عێراق

عەبادی باس لە ڕفاندنی دوو ژنە فلیپینییەكە دەكات

خەڵك- بەشی هەواڵ
سەرۆك وەزیرانی عیراق، باس لە ڕووداوی ڕفاندنی دوو ژنە فلیپینییەكە دەكات لەسەر ڕێگای بەغدا- كەركوك و ڕووداوەكە بە تاوانێكی ڕێكخراوە وەسف دەكات .

ئەمڕۆ سێ‌ شەممە، حەیدەر عەبادی، سەرۆك وەزیرانی عیراق لە كۆنفرانسی هەفتانەی خۆی،كە لە بەغدای پایتەخت سازدەكرێت، ڕاگەیاند، “ڕفاندنی ژنە كرێكارە بیانییەكان لە وڵاتدا، دەكەوێتە خانەی تاوانە ڕێكخراوەكان”.

هێزە ئەمنییەكان لە 8ی ئەم مانگدا توانیان ئەو دوو ژنە فلیپینییە ڕزگار بكەن، كە لە پارێزگای دیالە و لەسەر ڕێگەی بەغدا- كەركوك ڕفێنرابوون.

پێشتر سەرچاوە ئەمنییەكان ڕایانگەیاندبوو، ئەو دوو ژنە فلیپینییە بە ئۆتۆمبێلێكی كرێ‌ لە ڕێگەدابوون بەرەو پارێزگای هەولێر، بەڵام لە ڕێگە و لە پاش لەكاركەوتنی ئۆتۆمبێلەكەیان، لەلایەن چەند كەسێكی نەناسراوەوە، ڕفێنران.

عێراق

ژمارەی هێزە سەربازیەكان ئاشكرادەكات
بەرپرسێكی بەسرە بۆ (خەڵك): دۆخەكە بەرەو هێوربوونەوە دەچێت

خەڵك- بەشی هەواڵ
ئەندامێكی ئەنجومەنی پارێزگای بەسرە ئاماژە بە هێوربوونەوەی دۆخەكە دەكات لە پارێزگاكە و دەڵێت: “حكومەتی عیراق پارەیەكی زۆری بۆ بەسرە تەرخان كردووە و هیوایان وایە لەمەودوا پارێزگای بەسرە پشتگوێ‌ نەخرێت”.

ئەنوار ئەجودی، ئەندامی ئەنجومەنی پارێزگای بەسرە لە لێدوانێكی تایبەتدا بۆ (خەڵك) ڕایگەیاند، بەراورد بە ڕۆژانی ڕابردوو، دۆخی ئەمنی پارێزگای بەسرە بەرەو هێوربوونەوە دەچێت و هەوڵەكانیش بۆ باشتركردنی واقیعی پارێزگاكە و دانیشتوانی بەردەوامن.

ئەو ئەندامەی ئەنجومەنی پارێزگای بەسرە دەڵێت: “حكومەتی عیراق، بەڵێنیداوە 3 ترلیۆن و 500 ملیار دینار بۆ پارێزگای بەسرە دابین بكات و 10 هەزار هەلی كاریش بۆ دانیشتوانی پارێزگاكە فەراهەم بكات، كە دابەش دەكرێن بەسەر وەزارەتی نەوت و وەزارەتی گواستنەوە و وەزارەتەكانی تر”.

سەبارەت بە هاتنی هێزە سەربازییەكانیش بۆ پارێزگاكەیان، ئەنوار ئەجودی ڕایگەیاند، “6 فەوج لە هێزە ئامادەكان و 3 فەوج لە فیرقەی زەهەبی و چەند هێزێكی تر، كە ئێمە زانیاریمان لەبارەیەوە نییە، بەڵام لەگەڵ ئەوەشدا لەكاتی هاتووچۆمان لەنێو شارەكە، بوونێكی سەربازیی بەهێزمان بەدی نەكردووە”.

بە وتەی ئەندامەكەی ئەنجومەنی پارێزگای بەسرە، لەئێستادا دۆخەكە هێوربۆتەوە و هیوایان وایە، “هەوڵەكانی باشتركردنی واقعی پارێزگای بەسرە و دانیشتوانەكەی بەردەوامبن”، ئاماژەی بەو گفتوگۆیانەش كرد، كە ئەنجومەنی پارێزگای بەسرە لەگەڵ حكومەتی ناوەندی لەو ڕووەوە ئەنجامی دەدات و بۆ ئەو مەبەستەش باسی لە سەردانێكی ئەنجومەنی پارێزگاكە كرد بۆ بەغدا لەچەند ڕۆژی داهاتوو.

چەند ڕۆژێكە دانیشتوانی پارێزگای بەسرە، لەبەرانبەر خراپی ڕەوشی ئاو و كارەبا و خزمەتگوزارییەكانی تردا، خۆپیشاندانی ناڕەزایی بەرینیان سازكردووە، ئەمەش وای لە حكومەتی بەغدا كرد، لەبەر مەترسی دۆخەكە بكەوێتەخۆی و هێزی سەربازیی و ئەمنی زیاتر ڕەوانەی پارێزگاكە بكات.

بەردەوام بە لە خوێندنەوە

عێراق

عەبادی پەیامێكی سەبارەت بە خۆپیشاندانەكان بڵاوكردەوە

خەڵك- بەشی هەواڵ
سەرۆك وەزیرانی عیراق پەیامێك سەبارەت بە خۆپیشاندانەكان بڵاودەكاتەوە و ڕایدەگەیەنێت، كە ئەركی حكومەتە وەڵامی داواكاریەكانیان بداتەوە و داواش لە هێزە ئەمنییەكان دەكات پاڵپشتی پڕۆسەی ئاوەدانكردنەوە بكەن.

حەیدەر عەبادی، سەرۆك وەزیرانی عیراق لەمیانەی سەردانی بۆ بارەگای گشتی دەستەی حەشدی شەعبی ڕایگەیاند، كە ئەركی حكومەتە وەڵامی داواكاری ئەو خۆپیشاندەرانە بداتەوە، كە داواكارییەكانیان بە شێوەی ئاشتیانە دەگەیەنن و جیایان بكاتەوە لەخراپەكاران.

بەپێی بەیاننامەیەك، كە نووسینگەكەی بڵاویكردۆتەوە، عەبادی ڕایگەیاندووە، “ئەو شەڕەی دژی داعش كردومانە، كە شارەكانیان داگیركردین و هەڕەشەیان لە عیراق دەكرد، تەنها لەپێناوی دوورخستنەوەی زیان بووە لە گەلەكەمان و دابینكردنی ژیانێكی ئارام و خزمەتگوزاری بووە بۆ هەموو عیراقیەكان”.

جەختیشی كردەوە، كە مافی هاوڵاتیانە داوای مافەكانیان بكەن بۆ ژیانێكی باش و خزمەتگوزاری و پێویستیشە لەسەر حكومەت بۆیان دابین بكات و وەڵامدەرەوەی داواكارییەكانیان بێت، كە بەشێوەیەكی ئاشتیانە دەریدەبڕن.

عەبادی داواشی لە هێزە ئەمنییەكان كرد بەشداری بكەن لە هەڵمەتی ئاوەدانكردنەوە و بنیاتنانەوە و هەماهەنگی نێوان هێزە ئەمنیەكان و هاوڵاتیان بەردەوام بێت.

بەردەوام بە لە خوێندنەوە

عێراق

فەرمانبەرێكی ژن بە زیاتر لە نیو سەدە زیندانی سزا دەدرێت

خەڵك- بەشی هەواڵ
حەسەن حەمود عگێلی، پشكنەری گشتی لە وەزارەتی دادی عیراق ڕایدەگەیەنێت، دادگایەكی پسپۆڕ لە كەیسەكانی نەزاهە، كارمەندێكی تۆماری خانووبەرە بە زیاتر لە نیو سەدە زیندانی سزا دەدات، ئەمەش بەهۆی بەشداریكردنی لەگەڵ باندێكدا، كە فێڵییان لە بانكەكان كردووە و لێوەی 67 ملیار دینارییان دزیوە.

عگێلی لە لێدوانێكی ڕۆژنامەوانیدا ڕایگەیاندووە، 13 حوكمی زیندانی بۆ ماوەی جیاجیا لە دژی (و.ی.ك) دەرچووە، كە پێشتر لە پۆستی یاریدەدەری بەڕێوەبەردا بووە لە یەكێك لە فەرمانگەكانی تۆماری خانووبەرە لە بەغدا، كۆی گشتی ئەو ئەحكامانەش، كە تاوەكو ئێستا لە دژی ئەو فەرمانبەرە ژنە دەرچووە، (51 ساڵ) زیندانییە.

ئەو بەرپرسەی وەزارەتی دادی عیراق دەڵێت:”ئەو تاوانبارە، سەنەدی خانووبەرە و نوسراوی ساختەی دەركردووە و یاریی بە ڕووبەر و جۆری موڵكداریی خانووبەرەكانەوە كردووە، كە لەلایەن ئەندامانی باندەكەوە وەك زەمانەتی خانووبەرە بۆ وەرگرتنی قەرز لە بانكە حكومییەكان بەكاریان هێناوە، لەو ڕێگەیەشەوە (67) ملیار دیناریان دزیوە.

بە وتەی عگێلی، “ساختەكارییەكانی باندەكە گەیشۆتە وەزارەتی دارایی و لەو ژنە كارمەندە موڵكداریی ژمارەیەك لە خانووبەرەكانی بەشێوەیەكی ساختە گواستۆتەوە بۆ سەر ناوی هەندێك هاوڵاتی تر، ئەمەش لەلایەن تیمی نوسینگەی پشكنەری گشتی لەكاتی وردبینكردنەكانیاندا لە فەرمانگەی تۆماری خانووبەرە لە مەدائین، ئاشكراكراوە”.

بەردەوام بە لە خوێندنەوە
ریکلام

کوردستان

دوایین