ئێمە لە تۆرە کۆمەڵایەتیەکان

کوردستان

سبەینێ‌ لە سلێمانی بەشێكی مووچەخۆران خۆپیشاندان دەكەن

سلێمانی ـ نزار جەزا

سبەی چوار شەممە گردبونەوەیەكی ناڕەزایەتی لە بەردەم نووسینگەی پەرلەمانی كوردستان لە سلێمانی لەلایەن كەمئەندامانەوە ئەنجام دەدرێت و داوا لەخاوەن هەڵوێستەكان دەكەن “بەشداری ئەو گردبونەوەیە بكەن، بۆئەوەی دەریبخەن كەمئەندامان بەتەنها نین”.

سامان حسێن، سكرتێری یەكێتی كەمئەندامانی كوردستان لەلێدوانێكی نوسراودا، كە وێنەیەكی بۆ (خەڵك) ناردووە، باسیلەوەكردووە، كەمئەندامان ژیانیان بۆتە بەشێك لە دۆزەخ و چاوەڕوانی مردنێكی لەسەرخۆن، چونكە سەدان ماڵ هەیە لەئەوپەڕی هەژاریدا ژیان بەسەردەبەن.

ئاماژەی بەوەشدا، چەندینجار خۆپیشاندان و چالاكی ناڕەزایەتییان هەبووە، بەڵام تەنها خۆیان بوون.

جەختلەوەشدەكاتەوە، داوا لە ڕێكخراو و چالاكوان و مرۆڤدۆست و خاوەن ویژدان و بەهەڵوێست و گروپە ناڕەزایەتییەكان دەكات، بەشداری گردبونەوەكەیان بكەن.

ئەوەش خراوەتەڕوو، لەبەردەم نوسینگەی سلێمانی پەرلەمانی كوردستان كاتژمێر 11 گردبونەوەیەك ئەنجام دەدەن، كە تێیدا كۆمەڵێك كەلوپەلی كەمئەندامی دەسوتێنن.

جەختیشی كردۆتەوە، ئەم هەڵوێستە دەریدەخات، كە كەمئەندامان بەتەنها نین و سەرجەم ڕێكخراو و دەستە و كەسایەتییە ناڕەزایەتییەكانیان لەگەڵدایە.

کوردستان

مەلا بەختیار وەڵامی جەعفەر ئێمینكی دەداتەوە

خەڵك – بەشی هەواڵ
بەرپرسی دەستەی كارگێری مەكتەبی سیاسی یەكێتیی نیشتمانی كوردستان وەڵامی قسەكانی ئەندامێكی مەكتەبی سیاسی پارتی سەبارەت بە ساختەكاری لە هەڵبژاردن دەداتەوە و ڕایدەگەیەنێت، ئەوسا و ئێستاش پارتی چ بەڵگەیەكی لەسەر دزینی دەنگەكانیان‌ و گزی یەكێتی هەیە، با بیخەنەڕوو.

مەلا بەختیار، بەرپرسی دەستەی كارگێری مەكتەبی سیاسی یەكێتیی لە ڕوونكردنەوەیەكیدا، كە وێنەیەكی دەست (خەڵك) كەوتووە ڕایگەیاندووە، لە گۆڕینی بەرپرسی ئەنجومەنی سەركردایەتی پارتی لە سلێمانیدا، ئەدهەم بارزانی، كاكە عارف تەیفور، ئەركەكانی پێسپێردراوە، خوا لەگەڵ یەكەمیان بێ ‌‌و بەخێرهاتنی دووەمیشیان دەكەین.

دەشڵێت: “بۆ دەستبەكاربونی بەرپرسی تازە، جەعفەر ئیمنكی وتاری فەرمووە و لەمیانی قسەكانیدا، باسی بەندەی كردووە، گوایە، لەدوای ڕاگەیاندنی ئەنجامی هەڵبژاردنەكان، پێیڕاگەیاندبم، بێدەنگ نابن لەدزینی دەنگەكانیان”.

ڕاشیگەیاندووە، ئەوسا و ئێستاش پارتی چ بەڵگەیەكی لەسەر دزینی دەنگەكانیان‌ و گزی یەكێتی هەیە، با بفەرمون بیخەنەڕوو، لە ڕاگەیاندنیشدا، سەبارەت بە لێكۆڵینەوە لە سلێمانیدا، تەنانەت هاومەبەستی لایەنەكانی ئۆپۆزسیۆنیش بوون.

رونكردنەوەیەك لەسەر بۆچونێكی بەرێز (جەعفەر ئیمنكی)
لە گۆڕینی بەرێز بەرپرسی ئەنجومەنی سەركردایەتی پارتی لە سلێمانیدا، كاك ئەدهەم بارزانی، كاكە عارف تەیفور، ئەركەكانی پێسپێردراوە. خوا لەگەڵ یەكەمیان بێ ‌‌و بەخێرهاتنی دووەمیشیان دەكەین.
بۆ دەستبەكاربونی بەرپرسی تازە، بەرێز جەعفەر ئیمنكی وتاری فەرمووەو لەمیانی قسەكانیدا، باسی بەندەی كردووە، گوایە، لەدوای راگەیاندنی ئەنجامی هەڵبژاردنەكان، پێیڕاگەیاندبم، بێدەنگ نابن لەدزینی دەنگەكانیان.
ئەوساو ئێستاش پارتی چ بەڵگەیەكی لەسەر دزینی دەنگەكانیان‌و گزی یەكێتی هەیە، با بفەرمون بیخەنەڕوو. لە راگەیاندنیشدا، سەبارەت بە لێكۆڵینەوە لە سلێمانیدا، تەنانەت هاومەبەستی لایەنەكانی ئۆپۆزسیۆنیش بون. بەڵام سەبارەت بە خۆم، لاموایە ئەوەی بمناسێ‌، دەزانێ‌ یادەوەریم تیژەو شتم بیرناچێتەوە، كاكە جەعفەر دڵنیادەكەمەوە، ئێستا رەخنەكانی دەبیستم، ئەوكاتە رەنگە لەگەڵ هەڤاڵی دیكە قسەی كردبێ‌، بەڵام لەگەڵ بەندە، لەوبارەوە، دوورو نزیك قسەمان نەكردووە.

لەگەڵ رێزم بۆ كاكە ئیمنكی
مەلا بەختیار
16/7/2018

بەردەوام بە لە خوێندنەوە

کوردستان

لەكاتی داگرتنی گەنم هاوڵاتییەك بوو بەژێر تراكتۆرەوە

خەڵك – بەشی هەواڵ
بەڕێوەبەرایەتی پۆلیسی پارێزگای سلێمانی ڕایدەگەیەنێت، بەهۆی شێلانی ئۆتۆمبێلەوە، كە سەرقاڵی گەنم داگرتن بووە، كەسێك گیانی لەدەستدا، دەشڵێت: “تۆمەتباری ڕوداوەكە بە پێی ماددەی 24ی هاتووچۆ ڕاگیراوە”.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا، كە وێنەیەكی بۆ (خەڵك) ناردووە، ڕایگەیاندووە، ئەمڕۆ دوو شەممە 16-7-2018 لەناحیەی پیرەمەگرون بەهۆی شێلانی ئۆتۆمبێلەوە هاوڵاتییەك گیانی لەدەستدا.

دەشڵێت: “ڕوداوەكە لە سایلۆی پیرەمەگرون بووە، هاوڵاتی (أ، س، ع) لەدایكبووی 1949، بەهۆی شلانیەوە لە لایەن ئۆتۆمبێلێكی جۆری تراكتۆرەوە، كە سەرقاڵی گەنم داگرتن بووە گیانی لەدەستدا”.

ڕاشیگەیاندووە، دوای گەیشتنی هێزەكانی پۆلیس تەرمی قوربانییەكە ڕەوانەی پزیشكی دادوەری لەشاری سلێمانی كرا.

ئاماژە بۆ ئەوەشكراوە، لەئێستاشدا لەلایەن بنكەی پۆلیسی پیرەمەگرونەوە پەڕاوی لێكۆڵینەوە بۆ ڕوداوەكە كراوەتەوە و تۆمەتباری ڕوداوەكەش بەپێی ماددەی 24ی هاتووچۆ و بەفەرمانی دادوەر ڕاگیراوە.

بەردەوام بە لە خوێندنەوە

کوردستان

ژماردنەوەی دەستی دەنگەكان لە پارێزگای دهۆك كۆتایی هات

خەڵك – بەشی هەواڵ
وتەبێژی كۆمیسیۆنی باڵای هەڵبژاردنەكانی عێراق ڕایدەگەیەنێت، پرۆسەی جیاكردنەوە و ئەژماركردنەوەی دەستی لە ناوەند و وێستگەكانی دەنگدان لە سنوری پارێزگای دهۆك كۆتایی هات و دەشڵێت: “لە پارێزگای سەڵاحەدین-یش سەرجەم ئەو سندوقانەی سكاڵایان لەسەر تۆماركراوە براونەتە هۆڵی پێشانگای نێودەوڵەتی بەغدا”.

لەیس جابر، وتەبێژی كۆمیسیۆنی باڵای هەڵبژاردنەكانی عێراق بە میدیاكانی ڕایگەیاندووە، ئەمڕۆ دوو شەممە 16ی تەمموز كۆتایی بە پڕۆسەی جیاكردنەوە و ئەژماركردنەوەی دەستی دەنگەكانی پارێزگای سەڵاحەدین هات و سەرجەم ئەو سندوقانەشی سكاڵایان لەسەرە براونەتە هۆڵی پێشانگای نێودەوڵەتی بەغدا و لەو هۆڵە پڕۆسەكە بەڕێوەچوە.

وتیشی، “هەر ئەمڕۆ پڕۆسەی جیاكردنەوە و ژماردنەوەی دەستی لە ناوەند و وێستگەكانی دەنگدان لە سنوری پارێزگای دهۆك كۆتایی هات، ئەوانەی سكاڵایان لەسەرە، لە لایەن دادوەرانەوە سەرپەرشتی تەواوی پڕۆسەكە كرا”.

بەپێی هەمواری سێیەمی یاسای هەڵبژاردنی ئەنجومەنی نوێنەرانی عێراق، كە رۆژی 6ی حوزەیران دەنگی لەسەردرا، ئەژماركردنەوەی دەستی بۆ (100%)ی دەنگەكانی سەرانسەری عێراق بەڕێوەدەچێت، بەڵام بەبڕیاری دەستەی دادوەرانی جێگرەوەی كۆمیسیۆن تەنها دەنگەكانی ئەو سندوقانە بەدەست جیادەكرێنەوە، كە سكاڵایان لەسەرە.

بەردەوام بە لە خوێندنەوە
ریکلام

کوردستان

دوایین