ئێمە لە تۆرە کۆمەڵایەتیەکان

کوردستان

لیژنەی ناساندنی جینۆسایدی ئێزدییەكان بڕیارێكی ئەنجومەنی ئاسایش تاووتوێ دەكات

خەڵك – بەشی هەواڵ

بەڕێوەبەرایەتی كاروباری شەهیدان و ئەنفالكراوان لە راگەیەندراوێكدا رایگەیاند “بۆ تاوتوێكردنی بڕیاری ٢٣٧٩ی ئەنجوومەنی ئاسایش لێژنەی باڵای ناساندنی جینۆسایدی كوردانی ئێزدی و پێكهاتە نەتەوایەتی و ئایینییەكانی دیكە كۆبۆ‌وە”.

بەڕێوەبەرایەتی كاروباری شەهیدان و ئەنفالكراوان روونیكردەوە “وەزیری كاروباری شەهیدان لەسەرەتای كۆبوونەوەكەدا ئاماژەیەكی بە كورتەیەك لەو دیدار و كۆبوونەوانە كرد كە لە ماوەی رابردوو ئەنجامی داون و ئەو داواكارییانەی كە كردوویەتی بە تایبەتی دامەزراندنی تاقیگەی DNA و هاوكاریی كردنی هەرێم بۆ بەدیكۆمێنت كردن و بە بەڵگەمەندكردن و هەروەك باس لە هەوڵی هەر دوو رێكخراوی ICMP و CEJA لەم باوارەدا كرا”.

راشیگەیاندووە “دواتر خاڵەكانی بەرنامەی كار خوێندرایەوە و خاڵ بە خاڵ قسەیان لەبارەیەوە كرا و بڕیاری پێویستی لەبارەیەوە درا. بۆ خاڵی یەكەم كە تایبەت بوو بە بڕیاری ٢٣٧٩ی ئەنجوومەنی ئاسایش كە تایبەت بوو بە پێكهێنانی تیمی تایبەت بە بەڵگەكردنی تاوانەكانی تیرۆریستی داعش بڕیار درا، لە ئەنجوومەنی وەزیران بخرێتە بەرنامەی كار و پێشوازی لەو بڕیارە بكرێت”.

ئاماژەی بەوەشكرد “هەر لە كۆبوونەوەكەدا لێژنە بڕیاری بەستنی كۆنفرانسێكی دا لە ماوەی داهاتوودا بە بەشداری شارەزایانی نێودەوڵەتی و ناوخۆ، هەروەها بە گرنگ زانرا پەیوەندی بەو تیمە نێودەوڵەتییە بكرێ كە بۆ جێبەجێكردنی بڕیاری ٢٣٧٩ی ئەنجوومەنی ئاسایش پێكهێنراوە و كارەكانی لێژنەی بۆ روون بكرێتەوە”.

باس لەوەشكراوە “لەگەڵ ئەوەی بە پێویست زانرا پەیوەندی بە لێژنەی نیشتمانی تایبەت بەو كەیسە كە لە عێراق پێكهاتووە تاكو لەگەڵ هەردووك لادا هەماهەنگی هەبێت بەڵام دوای رەزامەندی ئەنجوومەنی وەزیران. لە كۆتایی كۆبوونەوەكەدا لێژنەی باڵا بڕیاریدا بە شێوەیەكی فەرمی بەشداری لە یادی جینۆسایدی كوردانی ئێزدی بكات كە بڕیارە لە ٣/٨ بەڕێوە بچێت”.

ریکلام

کوردستان

خەڵك؛ ژمارەی لیست و قەوارەكان بۆ هەڵبژاردنی پەرلەمان بڵاودەكاتەوە

خەڵك- ئارام سەردار
ئێوارەی ئەمڕۆ لە شاری هەولێر لە ڕێگەی تیروپشكەوە، كۆمسیۆنی باڵای سەربەخۆی هەڵبژاردن و ڕاپرسی هەرێم ژمارەی بە لیست و قەوارە بەشداربووەكانی هەڵبژاردنی پەرلەمانی كوردستان دا.

ئەمڕۆ دوو شەممە، لە كاتژمێر 6ی ئێوارە، كۆمسیۆنی باڵای سەربەخۆی هەڵبژاردن و ڕاپرسی هەرێم بە شێوەی ڕاستەوخۆ و لەبەردەم كەناڵەكانی ڕاگەیاندن لە شاری هەولێر، تیروپشكی بۆ ژمارەی لیست و قەوارە سیاسییەكانی بەشدار لە هەڵبژاردنی پەرلەمانی كوردستان كرد.

د. ڕێزان حەمە ڕەشید، سەرۆکی كارگێری هەڵبژاردن رایگەیاند، بڕیارە لە ٣٠ی ئەیلولی ٢٠١٨ هەڵبژاردن ئەنجام بدرێت و
ئەمڕۆش تیرو پشك بۆ قەوارە و لیستەكان ئەنجامدرا، كە ژمارەیان 28 قەوارە و 3 هاوپەیمانێتیی بووە.

وتیشی، “تۆماری دەنگدەران پاککراوەتەوە و 256 هەزار ناوی دووبارە و مردوو لە لیستی تۆماری دەنگدەران هاتووەتە دەرەوە و داواش دەکەین لایەنە سیاسیەکان دەنگدەرانیان هان بدەن بۆ ئەوەی سەردانی بنکەکانی نوێکردنەوەی تۆماری دەنگدەران بکەن”.

سەرتاش تیروپشک بۆ لیست قەوارەکان کرا، كە 10 قەوارە و هەوپەیمانین كێبڕكێ لەسەر ١٠٠ کورسی پەرلەمان دەکەن، کە بەکورسی گشتی ناسراوە:

1ـ 183 بۆ پارتی دیموكراتی كوردستان
2ـ 105 یەكێتی نیشتمانی كوردستان
3ـ 164 قەوارەی ئازادی (حزبی شیوعی كوردستان)
4ـ 172 هاوپەیمانی بۆ دیموكراسی و دادپەروەری
5ـ 156 پارتی پارێزگارانی كوردستان
6ـ 127 هاوپەیمانی لیستی سەردەم
7ـ 194 كۆمەڵی ئیسلامی كوردستان
8ـ 119هاوپەیمانی بەرەو ئیصلاح
9ـ 148 بزووتنەوەی گۆڕان
10ـ 134 جولانەوەی نەوەی نوێ

بۆ قەوارە توركمانییەكان، 8 لیستی توركمانی كێبڕكێ لەسەر 5 كورسی دەكەن:
1ـ پارتی گەشەپێدانی توركمانی ژمارە 215
2ـ بزووتنەوەی بروسكەی توركمانی یەلدرم ژمارە 246
3ـ لیستی توركمانی هەولێر ژمارە 267
4ـ پارتی چاكسازی توركمانی ژمارە 258
5ـ لیستی توركمانی دیموكراتی ژمارە 2013
6ـ هاوپەیمانی توركمانی هەولێر ژمارە 239
7ـ لیستی میللەت ژمارە 224
8ـ لیستی بەرەی توركمانی عیراقی ژمارە 272

بۆ قەوارەكانی مەسیحییەكان، كە 5 قەوارەن كێبڕكێ لەسەر 5 كورسی پەرلەمان دەكەن:
1ـ مجلس شعبی كلدانی سریانی اشوری ژمارە 344
2ـ قائیمە رافیدەین ژمارە 306
3ـ لیستی دیموكراتی مەسیحی ژمارە 383
4ـ حزب ابنا نهرین ژمارە 317
5ـ هاوپەیمانی یەكێتی نەتەوەیی ژمارە 368

هاوکات بۆ کورسی ئەرمەنیش، کە یەک کورسیە 6 كەس كێبركێ دەكەن ئەوانیش:
1ـ نۆبار سیپان ژمارە 408
2ـ یروانێت نیسان ژمارە 489
3ـ ئارام بوزو ژمارە 452
4ـ مراد ماردروس واتان ژمارە 476
5ـ فاهیك كەمال سرانیان ژمارە 497
6ـ ادكار كاهوب بەترۆس ژمارە 423

بەردەوام بە لە خوێندنەوە

کوردستان

لەڕوداوەكەی ڕێگای سەنگاو-شۆرش ژنێكی بەتەمەن گیانی لەدەستدا

خەڵك – بەشی هەواڵ
بەڕێوەبەرایەتی پۆلیسی پارێزگای سلێمانی ڕایدەگەیەنێت، بەھۆی پێكدادانی دوو ئۆتۆمبێل لەسەر ڕێگای ناحیەی شۆڕش- سەنگاو، ژنێك گیانی لەدەستدا، دەشڵێت: “شۆفێری یەكەم بەپێی مادەی 24ی ھاتوچۆ لەئێستادا بەندە و لێكۆڵینەوەكان بەردەوامن”.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا، كە وێنەیەكی بۆ (خەڵك) ناردووە ڕایگەیاندووە، ئەمڕۆ دوو شەممە 16-7-2018 بەھۆی پێكدادانی دوو ئۆتۆمبێل لەسەر ڕێگای ناحیەی شۆڕش- سەنگاو، ژنێك گیانی لەدەستدا.

دەشڵێت: “لەئەنجامی پێكدادانی هەردوو ئۆتۆمبێل پیك اب دێر و پیك اب تاك، سەرنشینێكی ئۆتۆمبێلی دووەم گیانی لەدەستدا، كە ناوی (ش، ع، م) و لەدایكبوی ساڵی ١٩٥٥و پیشەی ژنی ماڵە و دانیشتوی قەزای كفریە”.

ڕاشیگەیاندووە، دوای ڕوداوەكە لەلایەن بنكەی پۆلیسی ناحیەی شۆڕشەوە پەڕاوی لێكۆڵینەوە بۆ ڕوداوەكە كرایەوە و شۆفێری یەكەم بەپێی مادەی 24ی ھاتوچۆ لەئێستادا بەندە و لێكۆڵینەوەكان بەردەوامن.

بەردەوام بە لە خوێندنەوە

کوردستان

مەلا بەختیار وەڵامی جەعفەر ئێمینكی دەداتەوە

خەڵك – بەشی هەواڵ
بەرپرسی دەستەی كارگێری مەكتەبی سیاسی یەكێتیی نیشتمانی كوردستان وەڵامی قسەكانی ئەندامێكی مەكتەبی سیاسی پارتی سەبارەت بە ساختەكاری لە هەڵبژاردن دەداتەوە و ڕایدەگەیەنێت، ئەوسا و ئێستاش پارتی چ بەڵگەیەكی لەسەر دزینی دەنگەكانیان‌ و گزی یەكێتی هەیە، با بیخەنەڕوو.

مەلا بەختیار، بەرپرسی دەستەی كارگێری مەكتەبی سیاسی یەكێتیی لە ڕوونكردنەوەیەكیدا، كە وێنەیەكی دەست (خەڵك) كەوتووە ڕایگەیاندووە، لە گۆڕینی بەرپرسی ئەنجومەنی سەركردایەتی پارتی لە سلێمانیدا، ئەدهەم بارزانی، كاكە عارف تەیفور، ئەركەكانی پێسپێردراوە، خوا لەگەڵ یەكەمیان بێ ‌‌و بەخێرهاتنی دووەمیشیان دەكەین.

دەشڵێت: “بۆ دەستبەكاربونی بەرپرسی تازە، جەعفەر ئیمنكی وتاری فەرمووە و لەمیانی قسەكانیدا، باسی بەندەی كردووە، گوایە، لەدوای ڕاگەیاندنی ئەنجامی هەڵبژاردنەكان، پێیڕاگەیاندبم، بێدەنگ نابن لەدزینی دەنگەكانیان”.

ڕاشیگەیاندووە، ئەوسا و ئێستاش پارتی چ بەڵگەیەكی لەسەر دزینی دەنگەكانیان‌ و گزی یەكێتی هەیە، با بفەرمون بیخەنەڕوو، لە ڕاگەیاندنیشدا، سەبارەت بە لێكۆڵینەوە لە سلێمانیدا، تەنانەت هاومەبەستی لایەنەكانی ئۆپۆزسیۆنیش بوون.

رونكردنەوەیەك لەسەر بۆچونێكی بەرێز (جەعفەر ئیمنكی)
لە گۆڕینی بەرێز بەرپرسی ئەنجومەنی سەركردایەتی پارتی لە سلێمانیدا، كاك ئەدهەم بارزانی، كاكە عارف تەیفور، ئەركەكانی پێسپێردراوە. خوا لەگەڵ یەكەمیان بێ ‌‌و بەخێرهاتنی دووەمیشیان دەكەین.
بۆ دەستبەكاربونی بەرپرسی تازە، بەرێز جەعفەر ئیمنكی وتاری فەرمووەو لەمیانی قسەكانیدا، باسی بەندەی كردووە، گوایە، لەدوای راگەیاندنی ئەنجامی هەڵبژاردنەكان، پێیڕاگەیاندبم، بێدەنگ نابن لەدزینی دەنگەكانیان.
ئەوساو ئێستاش پارتی چ بەڵگەیەكی لەسەر دزینی دەنگەكانیان‌و گزی یەكێتی هەیە، با بفەرمون بیخەنەڕوو. لە راگەیاندنیشدا، سەبارەت بە لێكۆڵینەوە لە سلێمانیدا، تەنانەت هاومەبەستی لایەنەكانی ئۆپۆزسیۆنیش بون. بەڵام سەبارەت بە خۆم، لاموایە ئەوەی بمناسێ‌، دەزانێ‌ یادەوەریم تیژەو شتم بیرناچێتەوە، كاكە جەعفەر دڵنیادەكەمەوە، ئێستا رەخنەكانی دەبیستم، ئەوكاتە رەنگە لەگەڵ هەڤاڵی دیكە قسەی كردبێ‌، بەڵام لەگەڵ بەندە، لەوبارەوە، دوورو نزیك قسەمان نەكردووە.

لەگەڵ رێزم بۆ كاكە ئیمنكی
مەلا بەختیار
16/7/2018

بەردەوام بە لە خوێندنەوە
ریکلام

کوردستان

دوایین