ئێمە لە تۆرە کۆمەڵایەتیەکان

ئابوری

تا ئێستا 100 هەزار كەس دوو موچە و سێ موچە لە هەرێم وەردەگرن

خەڵك – بەشی هەواڵ
بەپێی راپۆرتێكی رۆژنامەی باس تاكو ئێستا 100 هەزار كەس لە هەرێمی كوردستان دوو موچە و سێ‌ موچە وەردەگرن.

هیوا ئەفەندی ،سەرۆكی فەرمانگەی تەكنەلۆژیا و زانیاری لە ئەنجومەنی وەزیران بەرۆژنامەكەی راگەیاند زیاتر لە 100 هەزار دوو مووچەیی و سێ مووچەیی لە هەرێمی كوردستان هەیە، “دەتوانین بە چەند خولەكێك لیستی ئەو كەسانە ئامادە بكەین و بیدەینە دەستی حكوومەت، بڕیاری كۆتاییش كۆتاییش بۆ ئەو كەسانە لە دەستی حكوومەت دەبێت”.

جەختی كردەوە” ئەو 100 هەزار كەسە هێشتا مووچە وەردەگرن، دەبێت سەرۆكی حكوومەت بڕیاریان لەبارەوە بدات، كە بەشی زۆریان دوو مووچەیی یاسایین لەوانە وارسی شەهیدان، ئێمە دەزانین و داتای ئەو كەسانەمان لە لایە كە دوو مووچە و سێ مووچەییان هەیە، بەڵام چەندیان نایاسایین ئەوە پێویستی بە بڕیارێكی قانونی هەیە كە یاسازانەكان بیدەن”.

ئەو بەرپرسەی ئەنجومەنی وەزیران ئاشكرای دەكات لە ماوەی داهاتوودا ئەو 100 هەزار مووچەخۆرە دووبارانە یەكلایی دەكرێتەوە، لە قۆناخی دووەمی كاری بایۆمەتری كە بڕیاری لێدراوە، بەم نزیكانە بەكێك لە ئەركە سەرەكیەكان ئەوە دەبێت ئەو كەسانە ساف بكرێن و ساخ بكرێنەوە كە كێ نایاساییە و كێ یاساییە، ئەوەی نایاسایی بێت ئەنجامەكەی دەدرێتە دادگا”.

ئەمە لەكاتێكدایە حكومەتی هەرێمی كوردستان چەند ساڵێكە باسی چاكسازی دەكات و دەیان كۆڕبەندیان سازكردووە و چەندین پرۆژەیان پێشكەشكردووە، لە دواینیان پرۆژەیاسای چاكسازیی موچە و دەرماڵەیە، كە لە نێوان پەرلەمان و حكومەتدا پەكخرا.

هاوكاتیشە لەگەڵ ئەوەی حكومەتی هەرێم بە ناوی كەمكردنەوەی خەرجییەوە موچەی چاودێری كۆمەڵایەتی و بەشێك لە كەمئەندامانی بڕیوە، كە زۆرترینیان خەڵكی شایشتە و فەقیر و بێ كەس و كەمدەرامەتن و موچەكەشیان تەنها مانگانەی 150 هەزار دینار بوو.

ئابوری

چەند رۆژی داهاتوو فڕۆكەخانەی كەركوكی نێودەوڵەتی دەكرێتەوە

خەڵك- بەشی هەواڵ

پارێزگاری كەركوك بە وەكالەت رایگەیاند، كە وەفدێكی هونەری سەر بە وەزارەتی گواستنەوە و گەیاندنی عێراق سەردانی فڕۆكەخانەی كەركوكیان كردووە و رێكارەكانی دەستبەكاربوونی فڕۆكەخانەكە تەواوبووە.

راكان جبوری لە لێدوانی رۆژنامەنووسیدا كە چەند ماڵپەڕێكی عێراقی بڵاویانكردووەتەوە، ئاماژەی بەوەكردووە كە هەموو رێكارەكان تەواوبوون و بڕیارە لە چەند رۆژی داهاتوودا یەكەم فڕۆكە لەسەر فڕگە”مدرج”ی فڕۆكەخانە بنیشێتەوە و فڕۆكەخانەكەیش لەلایەن كۆمپانیایەكی فەرەنسییەوە بەڕێوەدەبرێت.

وتیشی “فڕۆكەخانەكە خزمەتی ملیۆن و نیوێك هاوڵاتی پارێزگای كەركوك و نزیكەی سێ‌ ملیۆن هاوڵاتی دیكە دەكات لە پارێزگاكانی سەڵاحەدین و نەینەوا و دیالە”.

تائێستا پێنج فڕۆكەخانەی نێودەوڵەتی لە شارەكانی “بەغداد، بەسرە، نەجەف، سلێمانی و هەولێر” هەن و بە كردنەوەی فڕۆكەخانەی كەركوكیش، عێراق دەبێتە خاوەنی شەش فڕۆكەخانە.

بەردەوام بە لە خوێندنەوە

ئابوری

٣١٧ ملیارەكەی بەغدا گەیشتە هەرێم

خەڵك – ئارام سەردار

سەرۆكی یەكێتی مامۆستایانی كوردستان رایگەیاند، وەزیری دارایی و ئابوری دڵنیای كردونەتەوە لەوەی پارەكەی بەغدا گەیشتۆتە بانكی ناوەندی بەغدا لەهەرێمی كوردستان و تەنها ماوە فەرمانی خەرج كردنی بدرێت.

ئەحمەد گەرمیانی سەرۆكی یەكێتی مامۆستایانی كوردستان بە(خەڵك)ی راگەیاند، كۆبونەوەیان لەگەڵ وەزیری دارایی و ئابوری كردووە بۆ گەیاندنی نیگەرانی و ناڕەزایی مامۆستایان، وەزیری دارایی دڵنیایی كردونەتەوە لەخشتەی دووەمی دابەشكردنی موچە یەكەم وەزارەت پەروەردە و دووەم وەزارەت خوێندنی باڵاو توێژینەوەی زانستی دەبێت، لەمانگی داهاتووش یەكەم وەزارەت پێشمەرگە و دووەم وەزارەتیش پەروەردە دەبێت بۆ دابەشكردنی موچە.

وتیشی “ئێمە نیگەرانی خۆمان وت سەبارەت بەئەگەری رەوانەنەكردنی پارەكەی بەغدا، بەڵام وەزیری دارایی پێی راگەیاندین كە بڕی ئەو پارەیەی بەغدا گەیشتۆتە هەرێم ئێستا لەبانكی ناوەندی بەغدایە لەهەرێم و چەند رۆژێكی تر بڕیاری خەرج كردنی دەدرێـت و راستەوخۆ دابەشكردنی موچە دەست پێدەكات”.

بەردەوام بە لە خوێندنەوە

ئابوری

حکومەتی ھەرێم شایستە داراییەکانی گۆڵف كيستۆنی بۆ مانگی نیسان خەرج کرد

خەڵک-

كومپانياى گۆڵف كيستۆن پترۆليۆم ڕایگەیاند، شایستە داراییەکانی کارکردنی مانگی نیسانیان لە کێڵگەی نەوتیی شێخان لە لایەن حکومەتی ھەرێمی کوردستانەوە بۆ خەرج کراوە.

كومپانياى گۆڵف كيستۆن پترۆليۆم ڕایگەیاند: ڕۆژی ٢٠١٨/٧/١٣، بڕی ٢٤.٢ ملیۆن دۆلاریان وەک شایستە داراییەکانی کارکردن لە کێڵگەی نەوتیی شێخان لە حکومەتی ھەرێمی کوردستانەوە پێگەشتووە.

ئەوەشی ڕاگەیاندووە: کۆمپانیاکەیان لە ساڵی ٢٠١٨ دا بڕی ٩١ ملیۆن دۆلاری لە کێڵگەی نەوتیی شێخان خستۆتە کار و بەنیازن لە ماوەی ١٢ تا ١٨ مانگی داھاتوو بڕی بەرھەمھێنان لەو کێڵگە نەوتییە بگەیەننە ٥٥ ھەزار بەرمیل نەوتی رۆژانە.

 

بەردەوام بە لە خوێندنەوە
ریکلام

کوردستان

دوایین