ئێمە لە تۆرە کۆمەڵایەتیەکان
ریکلام

ژینگە

هاوڵاتیان سەبارەت بە پێوەری ئاوی ماڵان ئاگادار دەكرێنەوە

خەڵك- بەشی هەواڵ

كۆمپانیای گرنگ كە تایبەتە بە خوێندنەوەی پێوەری ئاوی ماڵان لە سنوری سلێمانی، هاوڵاتیان ئاگادار دەكاتەوە كە تیمەكانیان لە سلێمانی دەستیان بە كاركردن كردووە و بەهیچ شێوەیەك پارە لە هاوڵاتیان وەرناگرن و هەر دەستە و گروپێكیش داوای پارەیان لە هاوڵاتیان كرد، پەیوەندییان بە ئەوانەوە نییە.

شكار رەزا، راوێژكاری كۆمپانیای گرنگ بە (خەڵك)ی راگەیاند، لە گەڕەكەكانی شێخ محێدین، گەرمیان، ئاوباریك و چەند گەڕەكێكی تر دەستیان بە كاركردن كردووە و پێوەری خوێندنەوەی ئاو بۆ هاوڵاتیان دادەنرێن و داواش لە هاوڵاتیان دەكات، كە هاوكاری تیمەكانیان بكەن.

وتیشی”تیمەكانمان جل و باجی تایبەتی لایەنی پەیوەنداریان هەیە و بەهیچ شێوەیەك پارە لە هاوڵاتیان وەرناگرن، بۆ ئەوەی هاوڵاتیان ئاگادار بن، چونكە لەوانەیە دەستە و گروپی ساختە بڵاوببنەوە و لە هەر حاڵەتێكدا كە گومانیان هەبوو دەتوانن ئاگادارمان بكەنەوە”.

سەبارەت بەوەی لە حاڵەتی كارنەكردنی پێوەرەكەدا هاوڵاتیان چی بكەن، ناوبراو وتی”ئەگەر پێوەرەكە كارنەكات، ئەو كۆمپانیای پێوەرەكانی بەستووە، بۆیان چاك دەكات، تا ساڵێك چاكدەكرێتەوە، بەمەرجێك هۆكاری خراپبوونی هاوڵاتییەكە خۆی نەبێت و بەهۆی كێشەیەكی میكانیكەوە خراپ بوبێت، پاشان ئەگەر خراپ بوو لەدوای ساڵێك هاوڵاتیان خۆیان چاكی دەكەنەوە”.

ژینگە

كەش‌و هەوای ئەمڕۆو سبەی شارەكانی هەرێمی كوردستان

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم كەش و هەوای ئەمڕۆ و سبەینێی بڵاوكردەوە.

بەپێی پێشبینییەكانی كەشناسی هەرێم، ئەمڕۆ چوار شەممە بەرزترین پلەی گەرما لە هەولێر 36 پلە و لە سلێمانی 35 پلە و لە دهۆك 35 پلەو لە كەركوكیش 38 پلە دەبێت.

هەر بەپێی پێشبینییەكانی كەشناسی، سبەینێ پێنج شەممە بەرزترین پلەی گەرما لە هەولێر 37 پلە و لە سلێمانی 36 پلەو لە دهۆك 36 پلەو لە كەركوكیش 39 پلە دەبێت.

بەردەوام بە لە خوێندنەوە

ژینگە

باران بارین دەستپێدەكات

خەڵك- بەشی هەواڵ
كەشناسێك دەڵێت، “ناوچە جیاجیاكانی عیراق لە سەرەتای هەفتەی داهاتووەوە، بارانبارین بەخۆوە دەبینن”.

سادق عەتیە، شارەزا لە بواری كەشناسی لە هەژماری تایبەتی خۆی لەسەر تۆڕی كۆمەڵایەتی (فەیسبوك) بڵاویكردۆتەوە، “پێشبینی بارانبارین لە سەرەتای هەفتەی داهاتووەوە لە ناوچەكەمان نزیك دەبێتەوە و چەند بەشێك لە وڵات نەك هەموو ناوچەكان دەگرێتەوە، وێڕای بارانبارین لە وڵاتەكانی تری خۆرهەڵاتی ناوەڕاست، لەوانە توركیا و باكووری سعودیە”.

بە وتەی سادق عەتیە، “هەورە بەرزەكان بەردەوام دەردەكەون، ئەوەش بەهۆی گۆڕینی ئاڕاستەی هەوا لە چینەكانی سەرەوە بەرەو ئاڕاستەی خۆرئاوا، ئەمەش شێداری ستونی لەگەڵ خۆی دێنێت، كە دەبنە مایەی دروستكردنی پەڵە هەورەكان لە ئاسمان وەك چۆن لەم چەند ڕۆژەدا بەدی كران”.

بەردەوام بە لە خوێندنەوە

ژینگە

بە وێنە و ڤیدیۆ؛ هۆكاری دەركەوتنی ڕوناكیەكەی ئاسمانی هەرێم ئاشكرا دەبێت

خەڵك- بەشی هەواڵ
لەسەر دەركەوتنی تۆپەڵە ئاگرینەكەی شەوی ڕابردوو، بەڕێوەبەرایەتی گشتی كەشناسی و بوومەلەرزەزانی هەرێمی كوردستان ڕوونكردنەوەیەك بڵاودەكاتەوە.

بەپێی ڕونكردنەوەیەكی بەڕێوەبەرایەتی گشتی كەشناسی و بوزمەلەرزەزانی هەرێمی كوردستان “دەركەوتنی ئەو تۆپەڵە ئاگرینە لەكاتێكدایە، كە سێ شەممە 25 ی ئەیلول لە كاتژمێر 3:56 دیاردەكە دەركەوتووە، لەئاسمانی شارەكانی سلێمانی و كەركوك و پارێزگای دیالە بینراوە”.

سەبارەت بە هۆكاریی دیاردەكە، بەڕێوەبەرایەتی گشتی كەشناسی و بوومەلەرزەزانی هەرێمی كوردستان دەڵێت: “ئەوەی ڕوویداوە بریتی بووە لەسوتانی بەردە نەیزەكێكی گەورە، ئەو بەردانە بەشی هەرەزۆریان لە خولگەی نێوان هەسارەی مەریخ و مشتەریدان و بەخێرایی زۆر دێنە ناو بەرگە هەوای زەوی، پاش ئەوەی زەوی بۆخۆی ڕاپێچیان دەكات، پلەی گەرمییان بەرزدەبێتەوە و خێراییان دەگاتە 80 كیلۆمەتر لە یەك چركەدا و لێخشان لەنێوان بەردەكە و بەرگە هەوای زەوی ڕوودەدات و پلەی گەرمی بەرز دەبێتەوە و دەسوتێت”.

هەر لە ڕونكردنەوەكەدا هاتووە، “دیاردەكە بەگشتی پێیدەڵێن، تۆپەڵە ئاگر، یان تۆپەڵی ئاگرینی، كە دەرئەنجامی سوتانی زۆر بەهێز و توندی ئەو بەردە نەیزەكانە نیشان دەدات”.

درەنگانی شەوی ڕابردوو، ڕووناكییەكی سەیر لەئاسمانی شارەكانی سلێمانی و كەركوك و پارێزگای دیالە بینرا، ئەمەش بۆ یەكەم جارە دیاردەی فەلەكی وەها لە ئاسمانی هەرێمی كوردستان دەربكەوێت.

بەردەوام بە لە خوێندنەوە
ریکلام
ریکلام
ریکلام

کوردستان

دوایین