ئێمە لە تۆرە کۆمەڵایەتیەکان
ریکلام

وتار

بنەبڕکردنی تۆڵە سەندنەوە لە نێوان ئاشتەوایی و یاسادا

پارێزەر: لوقمان مصطفی صالح

هەڵبەتە دیاردەی تۆڵە سەندنەوە بەگشتی و كێشەی خوێن داری بەتایبەتی و حاڵەتەكانی دوژمنداری، لە زۆربەی وڵاتانی دواكەوتووی جێهان رەگ و ریشەی قووڵی داکوتاوەو بونی هەیە و تا ئێستاشی لەگەڵ بێت کەم تا زۆر بەردەوامی هەیە، كۆمەڵگەی ئێمەش بەدەر نی یە لەو کارەساتە قێزە وونە،ئەگەرچی دیاردەكە تاڕادەیەک ڕووی لە كەمی كردووە و ئێستا بووەتە حاڵەت، بەڵام كەم و زۆر هێشتا هەیە و بنەبڕ نەكراوە. زۆرێك لە خاوەنەكانی ئەو جۆرە كێشانە بە ئاشتەوایی کۆمەڵایەتی و عەشایریش واز ناهێنن و دوای سوڵحیش هەوڵی تۆڵەسەندنەوە دەدەن، ئەمەش بەهۆی ئەنجامی ڕۆتیناتی دادگاكانە خەڵك پەنا بۆ سوڵحی عەشایری و مەكتەبی كۆمەڵاتی لایەنە سیاسیەکان دەبەن.

یۆنانییەکان باوەڕیان وا بوو کە ئەرک و کاریگەریی سەروەریی یاسا، تەنیا ڕێگری لە گەندەڵیی حوکمڕانان نییە، بەڵکوو لە کونتڕۆڵی مەیلی مەترسیداری تۆڵەسەندنەوە لە لایەن خودی مرۆڤەکان خۆیانەوە سوودمەندە. بابەتی تۆڵەسەندنەوە، بە نیسبەت کۆمەڵگه‌ی ئێمە و کۆمەڵگە هاوشێوەکانییەوە، نامۆ نییە. کاتێک دەزگه‌ی دادوەری، توانای پاراستنی بێلایەنیی خۆی لەدەست دەدات، هاووڵاتیان باوەریان بەم دەزگه‌یه‌ نامێنێت و، لە ئامڕازی نایاساییی تۆڵەسەندنەوە بۆ مەبەستی گەییشتن بە مافی خۆیان کەڵک وەردەگرن، چونکە یاسا هێزی لێپرسینەوەی لە تاوانبار نییە، یان تاوانلێکراو باوەری بە دەزگه‌ی دادوەری نەماوە.

تۆڵەسەندنەوە لە سیستەمی نادادپەروەرانەدا گەشە دەکات و شیرازەی کۆمەڵگه‌ تێک دەدات. بۆیە تاكه‌ ڕێگە لە بەرگریکردن و نەهێشتنی زنجیرەی تۆڵەسەندنەوە، سەروەریی یاسایە و، لەم ڕێگەوە تاوان و سزا و بەرپرسیارێتیی شارستانی دیاری دەکرێت،دادگا‌ بەبێ ڕەچاوکردنی پێگەی سیاسی و کۆمەڵایەتی، تاوانبار سزا دەدات و دەبێتە هۆی گەڕانەوەی باوەری هاووڵاتیان بۆ دەزگا‌ی دادوەری و گەڕانەوەی ئاسایشی کۆمەڵایەتی بۆ کۆمەڵگه‌ و جێگیرکردنی سەروەریی یاسا. مه‌به‌ست له‌سه‌ربه‌خۆیی ده‌سه‌ڵاتی دادوه‌ری به‌ومانایه‌یه‌ كه‌ هیچ لایه‌نێكی‌ سیاسی یان كارگێڕی به‌شێوه‌یه‌كی راسته‌وخۆ یان ناڕاسته‌وحۆ بۆی نیه‌ ده‌ستوه‌ربداته‌ نێو كاروباری ده‌سه‌ڵاتی دادوه‌ری یا به‌ هه‌رشێوه‌یه‌ك كاریگه‌ری هه‌بێت و هیچ كه‌سێك یا ده‌زگایه‌ك له ‌ده‌زگاكانی ده‌سه‌ڵاتی جێبه‌جێكردن، هه‌تا ئه‌گه‌ر وه‌زیری داد بێت یان سه‌رۆكی ده‌سه‌ڵاتی جێبه‌جێكردن (حكومه‌ت) بێت نابێت ده‌ستوه‌ربداته‌ كاروباری دادگاكان یان فشار بخاته‌سه‌ر دادوه‌ره‌كان له‌كاتی حوكم و بڕیارداندا .

ئەوەی لەمڕۆدا سەروەریی دەزگای دادوەری دەخاتە مەترسییەوە، دەستێوەردانی دەسەڵاتی یاسادانان و جێبەجێکارە، بەتایبەت کاتێک یەکێک لە لایەنەکانی “کێشەکە”، لە بەرپرسانی سیاسی، یان پەیوەندار بەوانەوە بێت. لەم کاتەدا، ئەگەر دەزگا‌ی دادوەری و خودی دادوەر سەربەخۆ نەبێت، لە جیاتی کارکردن بە دەقی مادە یاسایەکان، داواکاریی لایەنی سیاسی، دەکاتە بنەمای دەرکردنی بڕیاری خۆی، دەرەنجام  سەروەریی یاسا. پێشێل دەکرێت.هەر لەبەرئەم هۆکارانە و بوونی ڕۆتینیاتی کاری دادگاکانە خاوەن کێشەکان متمانەیان بەدادگاکان نامێنێت و بە ناچاری پەنا بۆ تۆڵە سەندنەوە و یان سوڵحی عەشایەری دەبەن.

چونکە خاوەن کێشەکان باش دەزانن یاسا هەڵدەستێ بەچارەسەركردنی ئەو كێشە و گرفتانە ئەگەر ڕۆتینیان بهێڵێ،کورد گوتەنی هەتا مەقاش وەستابێ دەستی خۆیان ناسوتێنن، ئەوەشیان لەپێش چاوە هەر كەسێك هەڵبستێ بە كاری تۆڵەسەندنەوە لە بەرامبەر كێشەی خوێنداری، بەپێی یاسا بە تاوانبار دادەندرێ ، چونكە لە هەر كۆمەڵگەیەك، تەنیا كاری تۆڵەسەندنەوە هەبوو، دەبێتە كۆمەڵگەیەكی جەنگەڵی و یاسای دارستانی تیا جێبەجێ دەکرێت و یەكتر كوشتن دەبێتە کارێکی ئاسایی،لەم حاڵەتەشدا خەڵك ناتوانێ ژیانی ڕۆژانە بە ئارامی بەرێتە سەر،لە هەمان کاتیشدا یاسا توندە بەرانبەر بەو كەسانەی  كە هەڵدەستن بە كاری تۆڵەسەندنەوە و دوژمنداری، پێویستە كێشەكە لەدادگا چارەسەربكرێت، حكومەت خۆی مافی ئەو كەسە دەستێنێ و ئەوكات دوژمنداری دروست نابێ كە بەپێی یاسای سزادانی ژمارە (111)ـی ساڵی 1968 لە ماددەی 406 دەڵێت كاری تۆڵەسەندنەوە بە تاوان دادەندرێ و سزاكەشی قورسە، بۆیە پێویستە خەڵك بۆ سەندنەوەی مافەكەی پەنا بۆ یاسا بەرێ، نەوەك تۆڵەسەندنەوە، هەروەها ئەوە ڕاستە کەسوڵحی عەشایری بەشێكە لەچارەسەری كێشەكە،چونکە لە مێژا ووتراوە (الصلح سید الاحکام ) بەڵام یاسا دانی پێدانانێت ئەگەرپێچەوانەی یاسابێت ودژبێت لەگەڵ دەقەیاساییەکاندا،بۆیە دەبێت دادگا ئاگاداری ئەو ئاشتەواییەبێت،پاش تاووتۆی ووردی ئاشتەواییەکە ،ئینجا ڕەزامەندی لەسەر ئەدات.بەڵام لە ئەنجام دا هەردادگایە بەبڕیار کۆتایی بە کێشەکە دەهێنێت.

ریکلام

وتار

‎خوێندنی موزیک لە زانکۆکانی کوردستاندا، ‎خولانەوەیەکە بە دەوری بازنەیەکی بچوکدا

توانا حەمە

‎خوێندنی موزیک و گرنگی خوێندنی موزیک لە مێژە بایەخی پێدراوە، سەدان فەیلەسوف و بیرمەند لە مێژووی مرۆڤایەتیدا لە سەر موزیک و گرنگی خوێندنی موزیک دواون.
لە کۆماری (ئەفڵاتۆن)ەوە تا شۆپنهاوەر و نیتچە، ھیگڵ… ھتد سەرجەمیان بە بایەخەوە شیکاری بۆ پرۆسەی موزیک دروستکردن و کاریگەرییەکانی لە سەر لایەنی گەشەی ھزری مرۆڤ دەکەن. هەر بۆیە لە قۆناغە مێژووییەکان و گەشەسەندنی ھزری مرۆڤایەتی و دروست بوونی چەمکی زانکۆدا، خوێندنی موزیکیش دەبێتە بەشێکی گرنگ لە پرۆسەی خوێندن و تەواوی ژیاری فەرهەنگی و کۆمەڵایەتی لە گەشەسەندنی شارستانیەتی مرۆڤایەتیدا.
دواجار خوێندنی (موزیک)یش وەك بەشێكی گرنگ و كارا لە زۆرینەی زانکۆکانی دنیادا دێتە ناو پرۆسەی خوێندنی باڵاوە، بۆیە بە دیدیێكی باڵاوە، بایەخ بەخوێندنی موزیک لە کۆلێج و زانکۆکانی سەرانسەری جیهاندا دەدرێت.
تەنانەت ئەگەر زانکۆیەک ئەو کۆلێجەی تێدا نەبێت، پێویستە (موزیک لاب)ێک لە ڕووی چالاکی ھونەری و موزیکەوە جێی ئەو کۆلێجە بگرێتەوە، تا دواجار بۆشایی پرۆسەی موزیک و ھونەر لە ڕۆحی خوێندکاران و لە زانکۆکەیاندا دروست نەبێت، چونکە موزیک، ھونەر و ئەدەب ئەو لایەنە گرنگەن کە مرۆڤ ناتوانێت خۆی لێیان داببڕێت.
لێرەدا ئەوەی دەمەوێت لەسەری بدوێم، ئەو لایەنەیە، کە ساڵانێکی زۆرە لە کوردستاندا بەشی موزیک لە زانکۆی (سەڵاحەدین، سلێمانی) و لە هەندێک زانکۆی دیکەدا، بەشی ھونەری شێوەکاری، شانۆ و سینەما هەیە یان (بەشێکی بچوک) بۆ لایەنی چالاکی ھونەری تێیاندا دامەزراوە.
لەم زانکۆیانەدا پێویستە کەسانی پسپۆر و خاوەن بڕوانامە لەو بوارەدا کار بۆ گەشەپێدانی موزیک بکەن، بۆیە بە بڕوای من لە ئێستادا کاتی ئەوە هاتووە، کە خوێندنەوەیەکی ڕاستگۆیانە و هەڵسەنگاندنێکی لۆژیکیانە بۆ ئەو کۆلێجانەی زانکۆکانی کوردستان بکرێت، بە بڕوای من ئەو خوێندنەوەیە بە شێوەیەکی کردەی و لۆژیکیانە تاڕادەیەک ئاسانە، چونکە تەنها بە ووروژاندنی ئەم پرسیارە بچوکانە لەوە تێدەگەیت، کە ئایا زانکۆکانی کوردستان لە چ ئاستێکدان و توانیویانە چی بکەن!! ‎پرسیارەکان ئەمانەن: –
‎ئایا ئاستی خوێندنی موزیک لە کوردستان لە کوێی ئاستی زانکۆکانی ووڵاتانی جیهان و دراوسێدایە؟
– توانای پسپۆڕانی، لە کوێی ووڵاتانی زانکۆکانی دنیا و دراوسێدایە؟ – ئایا توانراوە موزیکی کوردی بگەیەننە کوێی نەخشە ڕێی موزیکی لە دنیابینی موزیکی ئەمڕۆژیدا؟
– ئایا زانکۆکان توانیویانە تا چ ئاستێک کاری مەزن بۆ موزیکی کوردی بکەن؟
– چەند کۆنفرانس و لێکۆلینەوەی زانستی بۆ یەک لای کردنەوەی چەندین پرسگەلی گرنگ و کێشەی موزیکی کوردی ئەنجامدراوە، کە جێی هەڵوەستەکردن بێت؟
– پسپۆڕانی زانکۆ چەند ووتاری زانستیان لە گۆڤارە موزیکیەکان دەربارەی بڵاوکردۆتەوە؟ تەنانەت بگرە لە گۆڤارە لۆکاڵییەکانیشدا؟
– ئایا ئاستی خوێندکارانی موزیک بەبەراورد بە زانکۆکانی وڵاتانی دراوسێ وەک ئێران و تورکیا چۆنە؟
– ئایا چەند کتێبی موزیکیان دەربارەی موزیک بڵاوکردۆتەوەو لەبەر دەستی خوێندکاراندایە؟
– ئەو میتۆدانە کە بەکاردێت ھی چ سەردەمێکن؟ چەند میتۆد بۆ فێربونی موزیکی کوردی دانراوە؟
– ئایا مامۆستاکان کۆرسبوکەکانیان لە چ ئاستێکدایە؟ ئایا چەند بەشداری کارا و هەماهەنگیان لە گەڵ زانکۆکانی دنیادا هەیە؟
– ژمارەی ئەو سیمینارانەی کە ڕێکی دەخەن ساڵانە دەگاتە چەند و لە چ ئاستێکدان؟ ‎
سەدان پرسیاری دیکە هەیە، کە دەتوانرێت بگەینە چەند وەڵامێک. بە بڕوای من دەبێت وەک توێژەرێک، کە ئاگاداری ڕەوشی موزیکم لە کوردستاندا و خۆم بە ئەزمونی پەیمانگا و زانکۆکانی کوردستاندا تێپەربووم، دەتوانم بڵێم: بە داخەوە وەڵامەکانی نەرێنییە و ھیچ وەڵامێکی دڵخۆشکەر دەست ناکەوێت، بۆ ئەو پرسیارانەی کە خرایەڕوو، تەنانەت بیریشی لێناکرێتەوە و، بە بەشێک لە خەیاڵ دەزانرێت.
هەر بۆیە بە بڕوای من ئەگەر بەم جۆرەی ئێستا بێت و بەبەراورد بە ئاستی خوێندنی موزیک تەنها پڕۆسەیەکی نەزۆکە و دواجار ھیچی لێ سەوز نابێت.
سەرئەنجام نا چالاکی کۆلیجەکان و کادرانی ئەم بوارە ئەم پاشاگەردانییە لێ دێتە گۆڕێ، کە ئێستا لە گۆڕەپانی موزیکی کوردیدا دەگوزەرێت، کە لێشاوی موزیکی بیانی و کۆپی و موزیکی (کیچ و بازاڕی) جێی موزیکی باڵای گرتۆتەوە، تەنانەت بەشێکی ئەکادیمیستەکان و پسپۆرانی زانکۆکان کار لەگەڵ ئەم لێشاوە (هەرزە ھونەر)یە دەکەن.
بۆیە ئەگەر بمانەوێ ئاستی موزیکی کوردی ھاوشێوەی گەلانی درواسێ ببوژێنینەوە، پێویستە زانکۆ و پەیمانگاکان ببوژێنینەوە، شکستی موزیکی ئەمڕۆ و قەیرانی نەبونی موزیک کوردی لە ئاستی باڵادا، سەرەتای قەیرانەکە سەرچاوەکەی بۆ زانکۆ و پەیمانگاکان دەگەڕێتەوە، چونکە نەیان توانییوە بەرهەمێکیان ھەبێت، کە بتوانرێت ڕوویەکی جوانی کلتوری ئەم نەتەوەیەی پێ بخەنەڕوو، کە ھۆکار گەلێکی دیکە هەن، ھیچ کابینەیەکی حکومەتە یەک لە دوای یەکەکانی ئەم هەرێمە کێشەی کلتور بەشی گرنگی ئەجێندای کابینەکان نەبوون، بگرە تەواوی چەمکی زانست و ھونەر و ڕۆشبیری بە وەزارەتی خوێندنی باڵاو پەروەردەشەوە جێی گرنگی و بایەخی ھیچ فراکسیۆنێک و حیزبێک نەبوو، کە کاریان تێدا بکات.
هەر بۆیە دەڵێم: خوێندنی موزیک لە کوردستان تەنها خولانەوەیە بە دەوری بازنەیەکی بچوکدا، نە جێی ئومێدە نە ئایندەشی دیارە.

بەردەوام بە لە خوێندنەوە

وتار

زەرورەتی گەڕانەوەی هاوسەنگی

سەرتیپ جەوهەر
بەپێی عورفی 13 ساڵی رابردوو، ئەو پۆستە بەركەوتەی كورد بووەو لەناو كوردیش بۆ یەكێتی نیشتیمانی كوردستان بووە، یەكێتیش كاندیدی خۆی دەستنیشانكردووە. جگە لەپارتی دیموكراتی كوردستان، كۆی لایەنە سیاسییەكانی كوردستان پشتیوانی لەكاندیدەكەی یەكێتی دەكەن، ئەمەش خاڵێكی بەهێزە بۆ كورد كە كاندیدێكی هەبێت زۆربەی لایەنە سیاسییەكان پشتیوانی لێبكەن.

لەپڕ ناردنی وەفدێكی تاكلایەنە بۆ بەغدا بۆ رازیكردنی لایەنە عیراقییەكان بە سوننەو شیعەوە لەپێناو وەرگرتنی پۆستی سەرۆكی كۆمار لەلایەن پارتیەوە، بارودۆخەكەی ئاڵۆزكرد. ئاماژەیەكی خراپیش بوو بۆ ئاڵۆزتركردنی بارودۆخی چەقبەستوی سیاسی لەكوردستان، كە ماوەی چوار ساڵە بەهۆی هەڵسوكەوتی سیاسی پارتییەوە ئاڵۆزبوەو بووە ئاسایی نابێتەوە.
داخستنی پەرلەمان و رێگریكردن لە سەرۆكی پەرلەمانی كوردستان و وەزیرەكانی گۆڕان لەلایەن پارتییەوە ئاڵۆزییەكی زۆری لەباری سیاسی و ئابوریی و حوكمڕانیی دروستكرد، دواتر هێنانەگۆڕێی ریفراندۆم و ئەو شكستەی بەهۆی ئەو پرۆژەوە بەر پرسی كورد كەوت، دیسان بەهۆی عینادی پارتی دیموكراتی كوردستانەوە بوو! ئێستاش لەوانەیە بەهۆی پێداگری پارتی لەسەر پۆستی سەرۆك كۆمار، ئاڵۆزییەكی دیكە بێتە پێش و دۆخی كوردستان ئاڵۆزتر بكات.
لە 2015 جگە لەپارتی دیموكراتی كوردستان، هەر چوار لایەنی (یەكێتی، گۆڕان، كۆمەڵ، یەكگرتوو) كۆك بوون لەسەر هەمواركردنی قانونی سەرۆكایەتی هەرێم و زنجیرەیەك گۆڕان لەباری قانونی و ئیداریی و ئابوری، بەتەنها پارتی رێگریی كردو سەرەنجام ئاڵۆزی داخستنی پەرلەمان و پەككەوتنی لایەكی حكومەتی بەدوایخۆیدا هێنا.
لە 2017 بۆ داپۆشینی شكستی سەربەخۆكردنی ئابوریی و شەفاف نەبونی فرۆشتن و گەڕانەوەی داهاتی نەوت و ئەو پرسانەی بەردەوام قسەی لێدەكرێت، پرۆژەی ریفراندۆمیان خستە رۆژەڤ و هەموو دونیا لێیان هاتە رجایێ‌، بەڵام هەر جێبەجێیان كرد، سەرەنجام بارودۆخی كوردستانی بۆ دەیان ساڵ گێڕایەوە دواوە.
ئێستاش لەپرسی سەرۆكایەتی كۆمار، هەموو لایەنەكانی كوردستان كۆكن لەسەر كاندیدەكەی یەكێتی نیشتیمانی كوردستان، بەتەنها پارتی دەیەوێت لەدەرەوەی كۆدەنگی نیشتیمانی كورد، بارودۆخێك بێنێتە پێشەوە كە پێشتر جێی مشتومڕ نەبووە.
ئەوەی چاوەڕێ دەكرێت دەنگەكانی یەكێتی لەم هەڵبژاردنە هەڵكشانێكی زۆر بەخۆیەوە ببینێت، ئەم هەڵكشانە بەڵگەی زەرورەتی هاوسەنگبونەوەی هێز لەكوردستان دەسەلمێنێت، چونكە لەماوەی چەند ساڵی رابردوو، بەهۆی هەژمونی پارتی دیموكراتی كوردستان بەسەر حوكمڕانی و بڕیار لەكوردستان، زیانێكی زۆر بەكۆی پرۆسەی سیاسی و ئابوری كوردستان كەوتووە، ئێستاش كاتی ئەوە هاتووە، ئەو بارودۆخە راستبكرێتەوەو ئیستێكی روون لەبەرامبەر دۆخەكەدا بكرێت، نابێ‌ بەهیچ شێوەیەك رێبدرێت تەنها حزبێك لەبری خەڵكی كوردستان بڕیاربدات و چارەنوس و موقەدەراتی ئەم میللەتە بخاتە بەر بەرژەوەندی شەخسی و حزبیی.
بەكورتی، نابێ‌ دڵخۆش بین بەو بارودۆخەی ئێستای كورد لەبەغدا، چ كاندیدەكەی یەكێتی یەكێتی نیشتیمانی كوردستان بەبێ‌ رێككەوتن لەگەڵ پارتی، چ كاندیدەكەی پارتی بەبێ‌ رێككەوتن لەگەڵ یەكێتی ببێتە سەرۆك كۆمار، لێكەوتەی زۆر خراپ لەسەر بارودۆخی دوای هەڵبژاردنی كوردستان دروستدەكات! پرسی پێكهێنانی حكومەتی نوێی هەرێم زۆر ئاڵۆز دەكات، چونكە ئەو جۆرە لێكتێگەیشتن و تەوافوقەی بەهۆی رێككەوتنی ستراتیژییەوە دروست بوو، نامێنێت.

بەردەوام بە لە خوێندنەوە

وتار

فەشەلی چارەسەرە یۆنانیەکەی هەرێم

هونەر تۆفیق
هەریەک لە یۆنان و هەرێمی کوردستان لەیەک کاتدا دووچاری قەیرانێکی قوڵی دارایی بوونەوە . هۆکاری قەیرانەکەی هەردوولایان تا ڕادەیەک هاوشێوەی یەکتربوو کە بریتی بوو لە خەرجیەکی زۆری حکومەت لە موچە و تەرخانکردنی بودجەی زەبەلاح بۆ خزمەتگوزاری وەهمی . هەردوولا پێویستیان بە دوو بڕیاری خێرا هەبوو بۆ چارەسەری قەیرانەکەیان . یەکەمیان پەیداکردنی قەرزێکی گەورە بوو بۆ ئەوەی سیستەمی دارایی پێ ڕێکبخەنەوە .
دووەمیان پاشەکەوتکردن لە موچەی فەرمانبەراندا . مۆدێلی پاشەکەوتی موچە لە هەرێم بە چاولێکەری بوو لە چارەسەرە یۆنانیەکە ، بەڵام بە شێوازێکی ناشیانە بەهۆی نەبوونی کۆنتۆی بانکی بۆ موچەخۆران کە بڕی ڕۆژانەی ڕاکێشانی پارەی موچەکان لە بانک ئۆتۆماتەکانەوە لە یۆنان دیاری کرابوو بۆئەوەی نەبێتە فشار بەسەر سەرمایەی سیستەمی بانکیەوە لەوڵاتدا .
لە کۆتایی ئابی ڕابردوودا سندوقی دارایی یەکێتی ئەوروپا ڕایگەیاند یۆنان لە تەنگانە داراییەکەی دەربازبووە . حکومەتی یۆنان سەرکەوتوانە بە بڕی ٢٤ ملیارد ئیۆرۆی قەرزی سندوقەکە توانی لەماوەی سێ ساڵدا چارەسەری قەیرانەکەی بکات .
بەپێ ی ئاشکراکردنی قەرزەکانی حکومەتی هەرێم لەهەمان ماوەی سێ ساڵدا بڕی ٢٥ ملیارد دۆلار کە نزیکە لە ٢٥ ملیارد ئیۆرۆکەی یۆنانەوە ، هەرێمی کوردستان قەرزی وەرگرتووە . بەڵام چارەسەری قەیرانەکە نەکراوە . ئەمەش بەڵگەی فەشەلی ئیدارەی سیاسەتی دارایی و چۆنیەتی چارەسەری قەیرانەکەیە . لەکاتێکدا بەبەراورد بە یۆنان و خەرجیەکانی ئەو وڵاتە ، هەرێمی کوردستان مەسرەفێکی ئەوەندە زەبەلاحی نیە ، کەچی بەو قەرزە گەورەیەشەوە نەیتوانی قەیرانەکە بنەبڕبکات . قەرزەکە بارە ئابووریەکەی سەخترکرد .
بەردەوام بە لە خوێندنەوە
ریکلام
ریکلام
ریکلام

کوردستان

دوایین