شەپۆلێكی دیكەی تاوە باران هەرێم دەگرێتەوە


 

دوای دوو شەپۆلی لێزمە باران، كە زۆربەی ناوچەكانی هەرێمی كوردستانی لە مەترسی وشكەساڵی لە خەم ڕەخساند، ئەم هەفتەیەش شەپۆلێكی دیكەی تاوە باران ناوچەكانی هەرێم دەگرێتەوە و بەتەواوی مەترسی وشكەساڵی نامێنێت لەو ناوچانەی، كە تا ئێستا بارانی تەواویان لێ‌ نەباریوە.

ئاراس جەبار، شارەزای كەشناسی بۆ (خەڵك) ڕایگەیاند، سبەینێ‌ شەممە ئاسمانی ھەرێم بە زۆری ساماڵ و پەڵە ھەور ئەبێت، پلەکانی گەرما بەرێژەی ٤ تا ٥ پلەی سەدی بەراورد بە ئەمڕۆ بەرزدەبنەوە، خێرایی با لەسەرخۆ ئەبێت ١٠ – ١٥ کم/ كاتژمێر لە ئاڕاستەی باکوری ڕۆژھەڵاتەوە .

وتیشی، “دوو سبەی یەک شەممە ١٩-٣-٢٠٢٣ کەشی ھەرێمی کوردستان و ناوچەکە لەئەنجامی کاریگەری نزمە پاڵەپەستۆیەکی نوێ لە دەریای ناوەڕاستەوە ناسەقامگیر ئەبێتەوە و ھەورە تریشقە و تاوە باران لەناوچە جیاجیاکاندا دەستپێدەکاتەوە لەگەڵ زیادبوونی خێرایی با.

لای خۆشیەوە، محەمەد كەمال، شارەزای كەشناسی بۆ (خەڵك) ئاماژەی بەوەكرد، مەترسیەکانی وشکەساڵی و ئەگەرەکانی ڕوودانی بۆ ئەمساڵ 2022-2023 کۆتایی پێهات له ( گەرمیان ، هەڵەبجه ، دهۆک ، سلێمانی ، کەرکوك ، بەشێکی دەوروبەری هەولێر).

ئاشكراشی كرد، بەشێک لە ناوچەكانی پارێزگای هەولێر و ناوەندی هەولێر بڕێک بارانی تری پێویستە و پشت بەخوا لەڕۆژانی داهاتوودا لەو ناوچانەش بارانی پێویست دەبارێت و مەترسی وشكەساڵی کۆتایی پێدێ .

پێدانی پێشینە بە فەرمانبەران و خانەنشینان و هێزە ئەمنییەكان ڕاگەیەنرا
پێشت پێدانی پێشینە بە فەرمانبەران و خانەنشینان و هێزە ئەمنییەكان ڕاگەیەنرا
لە سلێمانی و هەڵەبجە 12 بوومەلەرزەی دیكە ڕوویاندا
دواتر لە سلێمانی و هەڵەبجە 12 بوومەلەرزەی دیكە ڕوویاندا
پەیوەندیدار